發發快餐 (已結業)

第一份食評一定要寫呢間...又平又好食既"飯堂"叫得飯堂, 就梗係成日食啦~早幾日就照舊來個免牛飯, 水準依然~沙嗲牛肉麵當然係推介之一要彈既係坐得唔舒服同冇得叫佢送外賣呢D舊式快餐店真係買少見少希望佢長做長有啦

住左系友愛咁耐，經過過間野門前唔知幾多十次，但一直都冇入去食既意向。今日晚餐見佢幾平，入去試下。一入到去，好古舊的快餐店，宜家香港已經買少見少。環境絕對唔稱得上舒適，但勝在夠傳統風格。點左煎蛋免牛飯，好耐冇食過...甚至好耐冇見過D餐廳有得賣。包埋野飲都只系$19，大大碟。好傳統既味道。見格離個靚仔食果碟牛扒腸飯都唔錯，只消$20。雖然相比起格離都城，食物質素唔稱得上好好食，但勝在抵食大碟而且多左份懷舊風味。而且都城閒閒地都講緊$30-$40，兩者其實冇得比。宜家咁既物價$19一餐食得飽既，真系少之又少。咁既價錢離講的確系好好食。

昨天慕名而去，最終失望而回，唉!洋蔥豬扒飯：沒有洋蔥味，祇有咸咸的鼓油味，豬扒不是即做，暖暖的；忌廉湯稀稀的沒味道。沙嗲牛肉麵：沙嗲味幾濃，但湯就暖暖的，不夠熱。值得一讚是價錢比外面便宜，如果不求味道，祇求飽肚，可以幫襯。

小學孭住書包已經黎幫襯, 食到中學.到左今日三字頭, 決定同"兆麟之友"故地重遊.我係11:00 ARMARM趕得切.但兆麟之友未到,我於是問收銀姐姐早餐係咪11:00完,佢好NICE咁話"其實無咩所謂, 你12:00黎都有" 之後個廚房哥哥剪完我隻蛋後, 我話唔該, 佢話"YOU ARE WELCOME!" 食物質素, 仲係保持得好好, 沙嗲牛肉麵係一絕,小女仔食過好多間沙嗲牛肉麵, 呢間堪稱第一奶茶好滑見番老闆.好開心. 咁耐唔見, 無變過.依然係好有人情咪.唔怪得佢O係友愛村隔離台咁arm又係黎故地重遊..開老闆開聚舊會咁.希望呢d小本經營快餐店會迄立不倒.我會繼續支持!

黎發發食野都已經好多次，不過對上一次都係一年前。$19蚊既茶餐，我既配搭係沙嗲牛肉通，炸魚薯條加熱奶茶。水準冇變，都係岩我口味XD沙嗲牛依舊夠"林"，通粉係彈牙架，好味。炸魚薯條，全香港黎計，哩間排第一。發發用粗薯條，炸出黎係香脆架。熱奶茶又係我最愛有時食完一個餐覺得唔夠，會叫多個下午茶餐，都係沙嗲牛肉通加熱奶茶$15

眼見個個對"發發"讚不停,都忍不住要讚讚佢,一間陪伴長大的快餐,雖然人大了多了選擇後少了幫親,但久不久都有心引去品嚐下,佢有幾大件夾抵食唔使講啦,最吸引係佢個洋蔥汁好多餐廳都做唔到,如果外賣加＄１．５個忌廉湯仲可以TAKE A WAY,不過其實佢既早餐也不錯,記得兒時放假和哥哥一起到"發發",品嚐早餐"C"～牛扖前雙蛋加多士（牛扖一定要點茄汁）已很快樂了,一間快餐店要經營廿幾年仲有它吸引之處,話時話記得以前"發發"個個都是金毛的哥哥.

今日又去發發order左個西多居然係即叫即炸炸完後外脆內軟....正!最重要係平!$9咋!

呢度d野食真係好平一個腿蛋飯12蚊咋我樓下起碼double畀d雜誌煲下既話可以同紅磡時新比下要彈既話就係收銀呀姐d態度一般不過呢d地方係咁架啦唔通要5星級服務咩

呢間野,由細食到大佢真係抵到爆...堂食唔飲凍野,都係$17仲有白湯一大兜佢ke沙爹牛麵、免牛飯都好得免牛飯個汁同d白飯夾得剛剛好汁又多,唔會食到尾要乾哽我姐姐仲話日日食都冇問題...=_='沖蔥汁都好好味,配雞扒一流~~~哈哈哈,,,如果真係要數缺點就係佢d野食冇乜蔬菜...唔夠健康~~哈,但快餐......都係咁上下ka啦~~況且$17又平又好味又飽實在唔可能要求太多~~

由細食到90年要移民﹐其中一樣最唔捨得的就是發發!佢既免嘔反同埋呢個洋蔥扒反﹐如果你呢生人都未食過﹐必定係一個重大既損失。我由HK Island 出發去屯門都係為左食佢個快餐﹐真係好好未=)

由細食到90年要移民﹐其中一樣最唔捨得的就是發發!佢既免嘔反同埋呢個洋蔥扒反﹐如果你呢生人都未食過﹐必定係一個重大既損失。我由HK Island 出發去屯門都係為左食佢個快餐﹐真係好好未=)

呢間野舊得來，ｄ野食水準真係ｋｅｅｐ住１０年如一日架，最正係佢都有新野出．．．．例如佢既腸仔五香肉丁奄列飯．．．．．有創意又好食。

好好味啊!都講唔出點解咁好味!不過好小見汁多過飯ge餐廳ga!!d洋蔥汁最正~不過呢...d雞扒同牛肉唔是好得..唔好食><

成日睇開飯網搵野食，今次見到友愛既傳奇"發發"忍唔住要寫下野!作為小弟第一個食評，相信揀由細食到大既"發發"係最好不過!上個禮拜返屯門同老媽子食晚飯，上午去探下久未重逢既最愛，煎蛋免牛飯。大大既煎雙蛋，攪到我一坐底立即忍唔住要"督"穿佢，鮮黃的蛋汁隨即從蛋黃"必"出黎，加上滿到就快"瀉"出黎既免牛汁，果個感覺滿足到呢~一面食飯一面又忙著要飲佢個足料忌廉湯，呢餐飯真係唔講得笑!花左九牛二虎之力終於攪掂我呢個快餐，食得晒真係包保你唔可以郁得快.P.S. 我都係覺得"發發"最出色既係早餐既煎牛扒~

姚東師傅第一百個食評遲遲都未能寫出, 無他天時地利人和都配合唔到, 師傅我又唔想寫d冇紀念價值野咪唯有等下囉! 其實原先約好食家"乜都放入窿"去Dap度食晚飯, 但咁約左日佢臨時唔得閒, 唯有改期啦; 又諗住同女友去盛八試下啦, 點知冇book, 佢地要我八點前交, 咁咪冇試到, 終於比我呢度搵左間好野試呀……………尋日度睇完食評, 心思思決定去呢度試下先! 去到呢個門口就已經有一種說不出喜悅, 因為一望入去就有一種好舊式快餐店感覺, 細細間仲有d顏色配撘真係十幾廿年前快餐店感覺, 入到去睇下牆上面貼左有d咩食, 之後就出去收銀度落單, 再去野食, 連餐具都要自己呀, 全自助! 睇左一陣發現好多野食同埋好鬼抵食, 於是乎決定叫個煎蛋免治牛肉飯, 腸仔牛扒飯配洋蔥汁再加多一個炸薯條! 兩個飯都有忌廉湯同埋餐飲, 一杯要左可樂, 另一杯要凍檸荼!先講個忌廉湯都幾大碟, 有粟米架, 不過就咸左少少, 都冇飲晒就已經要食煎蛋免治牛肉飯喇; 免治牛肉汁係淋晒個飯上面, 好多汁好吸引, 而個蛋煎得好靚, 蛋黃冇穿水汪汪咁, 可以整穿佢連飯食又得, 成隻食都得, 好好味好正呀; 腸仔牛扒飯配洋蔥汁又