影片
招牌菜
放假入锦绣朋友家晚上BBQ,下午入到去未开始前先就去踩下单车游览下人工湖,玩完一轮消耗大,肚仔饿要揾加油站,又唔可以太饱唔系夜晚食唔落,行过商场见有间舖个名几得意,叫"痴饮痴食",望下先,好多野食,有哂至爱既鱼旦,烧卖,鱼翅,鸡旦仔,格仔饼,车仔面,串烧,肠粉,珍珠奶茶等等,唔理咁多,打紧鼓,扫场先,........一边食一边睇下野,见好多阿太奏住细路黎食,仲有宾宾又多,好彩佢地系住客,买完回家食,而我地可以坐底在门外的小枱慢慢叹.不经不觉试哂上面提过的食物,(有D失去理智)真系唔差,好过旺角的小食舖,因问咗靓女老板,汤底,酱汁等等全部系佢自家制, 鱼肉翅更系佢自己亲手做,所以配料多到不得了, 另一特别要食,超厚格仔饼,佢用咗WAFFLE机做,见D客人要多乜多物,佢就照查好多,正正......锦绣居民真系幸福,有此一间落足心机又唔公式化既小食店.唔记得讲最重要一样, 价钱一D都唔会因独市而收贵了, 真好...
继续阅读