影片
食家推介
今日下午拎左假. 上左嘉顿山, 睇完日落落去深水埗揾食. 真系村姑. 千年唔黎一次原来呢度咁多野食. 原先想去食越南野, 但揾唔到. 见到路口有呢间小馆.朋友话好似之前唔多觉眼. 所以见价钱合理就入左黎.除左面食外, 佢好多台式小食. 今次叫左车仔面. 我的要组合系清汤+米线($25)另外要四个𩠌或以上送一杯$14或以下饮品.咁梗系要四𩠌啦. 我选的𩠌系每个$6包括有花枝丸, 鱼腐, 萝卜同埋生菜.黎到时一大碗, 上面有好多葱外, 重有一粒粒朋友话似炸左的黄豆. 全部𩠌都无雷不特止, 个萝卜重有少少"惊"喜睇落去平平无奇. 除左有萝卜味外.居然用黑椒腌制过, 黑椒味十分浓, 幸好唔算好辣... 食到最后先慢慢食个d"炸黄豆", 炸得十分之脆重极有口感.再加埋一罐乌龙茶... 呢个晚餐好满足.食完店员收碗时发现我的乌龙茶未饮完. 还提我里面重有. 重可以拎住一边行一边饮... 今次真系又食又拎
继续阅读
香港人要买高科技零件例必会到深水埗为首站， 原因无他货源多以及集中、 故此亦结集了周边无数的生存食店， 各有各做各色其色街坊风味、 地道文化的街坊食店就这样生存下去。。还记得痴心小面的第一档食店在香港区当时已经很想去尝试，但基于遥远的路程始终踌躇而迟迟未有踏上第一步， 今日近在眼前当然定必要试试、店舖位置其实都不难找, 大大只的四个舖号名称清晰可见~一纸走天涯一张点菜纸记上全店的食材， 自由配衬 传统香港特色的车仔面作风~当日就叫咗一个(痴心重庆小面)嘅汤底做主胆, 继而就叫咗两份𩠌、 (汤底)之份量明显比一贯街坊面店略略为少， 所以目测所见碗来的材料更能聚在中央、看上阵容像为多。。汤底浓重味道刚好带有少少麻辣香， 要来了少见的(百叶结和手撕鸡)做面𩠌、 先讲百叶结份量大致三至四件, 烹煮之稔道刚好不致松散、但食材其实(索味)非常， 烹煮后如没有加上适当知味道就可令到食材略为失色、 如果这方面也得以改善就更为理想~至于另外一款手撕鸡个人觉得做得亦都不俗， 手撕的肉质部分非常嫩滑、而且份量亦不算偏细， 至少选择上不会坊间的千篇一律、鱼蛋/牛丸/猪红等, 加多几款选择好过没有选择。其实要数香港地道特色(深水埗)又起能走了眼。。吃完一个热辣辣的面线后, 继续往高科技零件广场进发寻找今日的主要目的。☆作为一个食客在饭后评述,我只能称自己为一个食客评述员、 好味与否实属个人取向!
继续阅读
深水埗真系一个平民美食天堂 今次黎到#痴心小面 系#伤心酸辣粉 既frd 岩哂dor呢个酸辣控🤤 图一放满哂成张枱埋单都系$115 真系抵食夹大件 冷气够 仲有免费wifi😂 lunch set：一碗面+两款凉拌小菜+炖汤/饮品+甜品 $48 痴线$48咁多野真系好抵食！dor咁大食都食到饱😂#豆花小面 麻辣汤上有好多滑嫩既豆腐 加埋肉碎花生粒同麻辣汤出奇咁夹 辣辣地好惹味#痴心小面 呢个少少麻辣汤头既拌面 加上豌豆肉碎花生粒 比起豆花小面呢个辣好多 不过因为唔系浸住啲汤 面条比较爽口 唔食得辣可能要叫小辣#虫草花炖汤 您冇睇错 炖汤都系跟餐唔使加钱 入面仲有好多虫草花非常足料#凉拌小菜 每日唔同既 今日系凉拌彩丝同拍青瓜 特别钟意彩丝 有木耳 萝卜 豆干 青瓜 好清新#嫩滑秋葵 $19 突然health conscious 见到有秋葵咁特别就试下 原来蒜蓉黑醋腌秋葵都几好食 不过就唔系人人钟意秋葵既口感啦食到尾仲有超冰冻牛奶布丁帮您解辣 超抵食 下次会返黎试佢既凉拌面！
继续阅读
又系食宵夜时间。每次去深水埗经过见到呢间铺头都好想试下，今晚终于有机会去食唔知系咪我地夜晚十一点先入铺，侍应只系俾左张纸叫我地拣野食。好似食车仔面甘，你自己拣汤底拣面拣配料。因为铺头话叫四样材料就有一杯冷热既茶或咖啡送，所以同男朋友夹埋叫左四样材料。我著重既系汤底同埋面既质感，所以唔再特别写配料既味道喇。我自己好食得辣，我系拣左重庆汤底再加地道辣（唔好问我呢只叫咩辣，佢张纸写recommend呢个我就信左）。食落米线系ok晚唔系浸左好耐，但个汤底饮落系酸多过辣。或者应该甘讲，我唔系好感受到个辣味建议餐厅面系写番明确d既辣度（地道辣真系唔知原来系甘无辣味）不过下次真系唔会再试喇，始终深水埗本身都大把好野食
继续阅读
行过见到痴心小面有位座，餐牌又睇落唔错，就入去医肚其中有款豆花小面，想试又唔敢试，稳阵起见，拣左碗蒜椒汤面，配芥末木耳螺片蒜椒汤面的蒜茸和辣椒真系唔少还有肉碎、花生粒、粟米粒、蛋和菜食落几好食面少少硬身，几有饱肚感芥末木耳拌螺片木耳爽口，螺片易咬，但芥末味几重，食唔到一半被芥末味呛到食唔落，要放入汤面去一去味这间食物系ok但都要提一提服务真系唔太好事源饮品拣汽水，因为坐在雪柜隔离张枱𠮶店员随手丢枝饮筒过黎，枝饮筒在枱弹左几下，好似丢垃圾咁款，先再施施然在雪柜拎罐汽水出黎，无礼貌到爆。
继续阅读