異國情 (已結業)

本應同媽媽開開心心咁去食飯既...諗左好耐都唔知去邊好... 諗過沙x王, 花x餐\廳... 但都好似成日都食..結果就去左e間野...葡式.. 好似好好味咁....去下啦1.) 一上度去.. 冇人帶位....算...2.) 全場好似冇人咁... 7:30啦.. 都算..3.) 蒜茸包.... 薄到呢........ >.< ... 算..4.) 個湯碗.... 崩裂既.. 好dangerous姐.5.) 田螺... 好明顯唔新鮮啦... 隻碟係咁轉.. 好啦..咁我hold住佢\啦..又熱到傻... microwave出黎既6.) 主菜... 都唔熱既... 邊有著仔係凍架.唔係沙律呀....7.) 件牛排完全唔好味... 唉... 8.) 我地仲叫左個頭盤.. 我食完個主菜佢\都未出到黎..9.) 頭盤...finally食到d熱野... 不過就油得很....10.)好啦.. 最後有杯野飲啦... moca.. 完全係即沖個仲.... d粉仲要係杯邊... 唉... 飲左2下.. 放棄.....冇下次... 一定一定冇...

尋日同男友去食晚飯, 見到呢間食葡國野, 好似好特別同少有咁, 就去試下呢間一入到去, 格局麻麻, 裝修好似好求其咁, 最估唔到係間餐廳竟然播收音機, 真係勁似屋村個d茶餐廳囉牆上貼上用手寫既餐牌, 勁茶餐廳feel入去時大約八點, 咁既鐘數星期日都係得兩台人, 都心知不妙, 不過既然入左去就試下啦侍應俾左兩杯水, 我見到都唔想飲, 隻膠杯舊舊的, 見到都唔開胃之後叫左兩個餐, 水準真係似屋村個d茶餐廳, 雖然唔難食, 但唔叫好食, 大家樂仲好味過佢本來想同男友好好享受一下食飯既時間, 食到咁, 我地都無乜心機, 求其填飽個肚就算我同男友都一致認為唔會有下次!

食煙嘅人會好鐘意, 因為全店嘅人都食煙, 只有我同朋友係唔食!!!! 離晒譜!!!! 店員唔會理會!!! 唔會理我地嘅投訴!! 唔會理佢地食煙!!! 人人都係老馮食, 因為有豉油碟,衰在叫左野食先發現d人食煙, if not 一早走左!!野又唔好食, 好彩食下午茶, 廿幾蚊, 唔係蝕好多!!難食+煙=永遠無下次!!!! 最憎有人食煙嘅地方!!!已去信"控煙辦"投訴

異國情Love Secret銅鑼灣紀利佐治街1號金百利7樓3號店3427-9032全香港餐廳食店已經禁煙，但竟然有人違法囉!! 有一次同朋友去食，一上度去已經聞到煙味，同店主講，佢話午飯時段後會有D偷雞，可以比客人喺度食飯後煙，掛唔得知都幾多人去食呢間餐廳啦! 我呢D唔係煙民咪死得囉! 吸埋吸埋D二手煙，再去食!?絕對沒有下一次如果你哋係執行人員，請得閒望下啦!

吼!唔掂也.2手煙..野食麻麻.價錢就抵既地方大但唔舒服

係留下俾拒D單張吸引到﹐諗住吾會差得去邊。上到去﹐小貓三四隻﹐心知不妙。一道菜差過一道。羅宋湯無味﹐田螺酸酸地﹐鵝肝似豬潤﹐豆豉噤細﹐牛扒似牛腩﹐一pat pat﹐個汁酸酸地﹐好似過左期﹐不知所謂。無心做生意﹐不如接左去。吾好累人累物﹐正一垃圾﹗最差就係個火山雪糕﹐好大浸濃味﹐連雪糕都可以做到噤難食﹐稱之為史上最強﹐佩服佩服﹗﹗大家切勿亂試﹗﹗

SUNDAY 本想同爸爸媽媽到花園餐廳食晚飯﹐但見人多又唔想等,見手上的單張寫著7/F有葡國菜於是上去試下。一入到去﹐在星期日7:30PM的黃金時段﹐餐廳內只有小貓三四隻的食客﹐開始心知不妙~同那菲籍WAITRESS不能溝通體到個餐牌後有D被騙的感覺:- 1個主菜都$60起﹐重要加$15轉餐!!但單張上並無寫明WO..覺得個負責人無心經營:- 單張上的字非想潦+求其﹐體到炆都估唔到係寫咩- 水+餐飲全用水候水調製...好大斟味!!接受唔到!!我杯凍HORLICK已經夠稀﹐重滿佈水候水味﹐於是成杯無飲。- 店裡竟播收音機...而家稍為有情調的餐廳全都播音樂架啦﹐令我諗起D大排檔lor...食物無驚喜+貴羅宋湯: 稀如水﹐好不用心制作- 焦葉廬魚$65:無焦葉成份﹐只有1塊大錫紙包著條魚gum lor.. 無話好食﹐亦無話難食... 等左超耐先來﹐我爸媽都食到尾了-豬扒SET DINNER $48: 好普通﹐D 飯好污糟﹐好多黑點-三色焗飯$48 ﹐呢個比較上最好了﹐不過份量少不會再來﹐好失望﹐好唔抵﹐浪費了周日和爸媽食餐好的好時光...一肚氣...最嬲都係飲水候水

同男友搵食既時候，睇下金百利有ｄ咩新餐廳未食過，見到哩間既店名好似好有情調，點不知上到去只係一間普通既餐廳，食葡國野，但唔係太似哩．有一個不太懂廣東話既女人接待，裡面只係有一個waitress，一個收銀員，一個廚師．開放式廚房令你想快快離開現場，ｄ油煙佈滿我地既衫褲，唉！我地叫左兩個set dinner：－羅宋湯：無鹹味，有些少辣，一般．蒜蓉包：脆得滯，好難咬．１．咖哩龍利柳配薄餅：咖哩汁不太辣，薯仔已變茸，搽在薄餅上一切食，好味，但薄餅有少少濃．２．金菇牛肉卷配雞扒意粉：份量太少，味道都唔錯．飲品：檸檬西洋菜蜜＆青檸梳打，味道有點兒怪怪的．

今日同幾個同學去銅鑼灣金百利商場7樓的「異國情餐廳」食午飯，環境都算可以，跟住好快有個非中國藉既waitress幫我地落單，語言溝通方面有少少問題，不過可以接受。然後我地幾個同學係度傾計，傾左好耐d野食都未黎，原來漏左單，吹左佢兩次佢先至逐碟逐碟慢慢上我差唔多食完我個主菜，我同學個d先至送到。雖然佢地既豬扒飽幾好味，但我個羅宋湯長通粉好難食，配菜又鹹到飛起，收三十幾蚊一個餐，非常搵笨。我同學叫左鴨胸烏冬，烏冬發水好脹，鴨胸好肥，肥到似鴨pat pat。最勞氣既係我地食飯既時候，隔離位既兩女一男係度食煙相信大家都知依家所有餐廳都唔畀食煙，呢幾個人擺明犯法，本來我唔想干預佢地食煙既「自由」，不過佢地食完一支又一支，我地幾個真係忍唔到，就同夥計講有人食煙，個夥計竟然扮聽唔到，唔理我地，呢d服務態度真係離譜！無奈繼續忍，希望佢地肯停，但佢地仍未停手，d煙係咁攻埋黎，影響我地食飯，於是我就好大聲叫其中一位小姐講﹕「小姐，呢度唔畀食煙架喎。」佢好似唔係好滿意，就同我講﹕「我地平時係度都係咁食。」我就講﹕「依家法例係唔畀係度食煙。」佢唔耐煩就答﹕「咁你同呢度既老闆講啦！」我好嬲同佢講﹕「我唔理老闆係

年三十中午行完年宵，走過來金百利。沒有特別心水，看着手上眾多單張，一時間下不定主意，想了一陣，結果選了葡食。記得這間舖以前是紅山，格局依舊，但是出乎意料，招呼的不是少男少女，而是兩位中年男侍應。當見到其中一位一手執着兩杯水過來時，又真的有些少茶記的感覺。話雖如此，除了上菜方面有點忙亂之外，他們的服務態度和效率都不錯。這裏午市選擇不算少，不過既然是來吃葡式食品，就要了「葡Feel砵酒牛脷飯」($38)及特餐「蕃茄牛腩餐肉長通粉配豬扒豬仔包」($33)。牛脷飯不過不失，不論是那個濃汁或是那幾片牛脷都普普通通，反而豬仔包頗脆口，豬扒亦鬆軟，幾有水準。至於通粉則輸在聲稱是「特式羅宋湯」但相當稀的湯底。對我倆來說，這裏的食物質素可算合格，但是此地競爭激烈，其價錢又不算吸引，要生存還需努力。

見到好似好多lunch set選擇, 又唔係特別貴, 就揀左佢...入到去發現好有茶餐廳feel...我地3個人叫左3個set lunch~先黎湯, 我碗羅宋湯好稀, 又唔夠酸, 好似無乜味咁... 朋友碗白湯都唔好得好多, 佢話得個"傑"字... 不過D蒜蓉包就好脆, 幾好味~主菜大蝦牛扒, 印尼炒飯同咖喱牛脷飯都唔錯ge~ 不過又唔係特別好食lor... 真係似茶餐廳貨色~應該唔會再去第二次... 真係去返茶餐廳好過, 平D~

唔係見到佢樓下個靚靚demo都唔會上去食, 簡真同一般屋村茶餐廳無分別.差不多100元set dinner俾d垃圾我地:-1. 咖哩海鮮+印度薄餅:- 無食過咁厚的印度薄餅. 咖哩仲衰過街邊食魚旦個d咖哩, 入面d海鮮唔好提.2. 大蝦牛扒伴鵝肝:- 牛扒好咸,咸到食唔到. 隻蝦唔生鮮.鵝肝好似一元咁大,超級下價貨.墊底的薯蓉睇見都唔想食.3. 餐飲:- 一杯所謂的紅酒, 加入汔水和雜果rubbish!!! 食餐最好味係杯柑桔蜜.服務生當你透明, 埋單俾錢就最快手.差不多200元2個人居然食唔飽,食得唔開心,真係第一次.如果有負數,我地會俾負分的!!!!!!!!!!!!!!!!!!!!!!!!!!

本來諗住試吓諗住平平地冇所謂.咁佢地個menu寫話"改餐"要+$15鈫.凍飲就+$2."改餐"嘅隔離寫咗係+餐湯,garlic bread.咁我就散叫咗一個焗飯+一杯凍飲.點知埋單個時除咗個焗飯要比錢之外仲要比多$17!!!!!我都冇話要"改餐"!!! 估唔到杯嘢飲咁Q貴!! 真係好嬲!!!佢個menu真係寫得唔清唔楚.感覺好似比人呃.杯嘢又難飲.埋單個時我話明以後唔會再去.service又唔係特別好.野食又一般.I strongly recommend you not to go there!!!!!食mcdonalds 好過!!!!!!plus ppl smoking everywhere..唔係煙民就唔好去!!!

同個好耐無見0既friend食飯,平平地就試0下呢間啦...... 叫左兩份大蝦牛扒餐(約$8x),另加兩隻焗蠔焗蠔味道ok,唔太乾亦唔太咸大蝦牛扒餐0既味道都不過不失,幾十蚊個set都唔會有太大期望呢度唔會有人催你走,算幾好坐,係平平地hea0下傾計0既好地方

依個係補番8月時既食評。食左個tea set，係雞扒沙拉。一般好食，餐飲凍檸茶好甜。四周圍都有人食煙，環境不太好。仲要收加一，應該唔會有下次。