番茄18 (SAVANNAH Place)

营业中

休息中

放假嚟食個晏晝，開咗好一段時間都未試過，見得閒就行過去食下😆·✨招牌瑞士雞髀、蕃茄湯米線 $55見呢間食番茄出名就試咗個番茄🍅米線，正常茶記水準啦，係嗰種屬於偏稀嘅湯，個人認為ok ge，街坊就嚟食下，但住得遠嘅就唔洗專程嚟食個種😆個雞髀🍗都算大隻，味道唔會太鹹，幾正嘅·蛋多士不是我的·📍番茄18將軍澳澳南海岸至善街3號SAVANNAH Place 地下G05號舖··👇🏻#eatbetter將軍澳 #eatbetter港式

同朋友行完街好想食米線，竟然俾我地搵到呢間鋪米線小店，性價比高！ 裡面的裝修好懷舊，好有六七十年代感覺豐有香港特色好地道。一看餐牌就對花膠雞湯米線心心眼性價比很高因為湯底非常好味，真是用花膠同雞去煲個湯底，所以湯底好濃郁好香，還有2大塊花膠又滑又足滿骨膠原，而雞髀肉都好嫩食前再吸收下湯汁精華，真的好值得一試。蠔仔肉碎泡飯湯底都也很夠味道，蠔仔也不吝嗇給很多。咖喱牛腩飯辣味適中，牛腩炆得夠淋又不會乾，咖喱汁不停拌飯吃。招牌瑞士雞翼（3隻），瑞士汁真的很出色，味道甜甜地好好吃，一人一隻大家也覺得不夠喉啊！手拍青瓜連不是很吃得辣的朋友也試吃了，每件青瓜都沾滿醬汁所以麻得好過引。華田脆脆配合埋脆脆一起飲好香華田味好夾綠椰冰有濃濃的椰香配搭綠豆蓉好像吃糖水，又香又好飲性價比高的米線小店，下次再來食其他米線！

將軍澳好友帶咗我到一個比較新嘅屋苑樓下，叫番茄18嘅茶餐廳食好嘢，佢哋下午茶到6:30，仲有時間叫咗個蔥花炒蛋三文治，熱騰騰厚身蔥花炒蛋治唔使10分鐘就上檯，真係快、靚、正👍🏼用多隻蛋快炒，蛋滑兼重蛋香，配上多蔥，諗返起都口水流，鐘意食蔥嘅朋友，必食呀喂💟朋友介紹要食佢哋嘅花膠雞湯米線（$69），花膠好似我塊面咁大，厚厚林林吸收哂雞湯味，雞亦不失雞味，好食👍🏼潮州蠔仔肉碎泡飯（$55），蠔仔數量多，肉碎半肥半瘦加上冬菇絲、芹菜粒、冬菜粒口感非常豐富，係食到一半後開始有D鹹🍲以上D餐都有杯熱飲，凍飲加$3，特色飲品加$10，我同朋友都加$10，分別要咗紅豆咖啡，及華田脆脆，兩杯都各有特色👍🏼侍應哥哥話佢哋嘅番茄濃湯都好出名，我同朋友share咗一份，不過口味每人不同，我就嫌個番茄湯底比較甜，我會俾個🆗

今日又黎將軍澳搵食😅😅😅聽講呢間主打番茄米線的餐廳番茄味十分濃郁，未行到門口，已經聞到好香的番茄味，啱哂最愛番茄的我😍😍😍餐廳以懷舊鋪頭裝修，你會見到上海理髮店，平安電視修理，黃金大押，發達麻雀館，充斥着7，80年代的味道🤓🤓豬潤番茄麻辣湯米線/叉燒蕃茄麻辣湯米線🍜呢個番茄湯底應該係世界第一，係我食過最好味的番茄湯米線，佢係好濃的番茄湯，再加一粒粒的蕃茄肉，好似食左幾個番茄咁😋😋😋豬潤好新鮮，冇腥味👍🏻叉燒就好嫩滑，好有咬口👍🏻仲有好香滑的牛乳炒蛋👍🏻perfect!!滿分💯大汗豬扒🐷塊豬扒大過你塊面，厚切得黎又唔會好鞋身，入面係好嫩同鬆化，十分juicy😋😋係超水準之作👏🏻👏🏻👏🏻瑞士雞翼🍗佢隻雞翼係好入味好淋身，阿婆都食到🤓食完1隻，成個口腔都係濃濃的瑞士汁雞翼味👍🏻👍🏻👍🏻菠蘿冰🍍用新鮮菠蘿整，完全唔係出面個d罐頭菠蘿味，佢係好fresh，加埋佢地秘製菠蘿汁，簡直無敵💯💯💯奶油多🍞🧈佢係厚切的奶油多，d奶多到唔洗錢咁咁，好邪惡但好好味😋😋😋麻辣肚絲麻辣辣得好過癮，加埋陣陣蒜香味，食得好滋味👍🏻估唔到佢連麻辣野都做到咁出色，超出我預期👏🏻整體服務態度好殷勤，仲會介紹佢地有咩必食，除

將軍澳真係有好多唔同類型嘅食肆，今日想來一個親民之選，右面係茶餐廳，左邊係米線店，選了「番茄🍅18」，很好。店舖裝飾好有懷舊感覺，牆壁上可以看到大押、賓館、飯店... 等裝飾，很有趣。招牌午餐 $50 選擇了蕃茄濃湯豬潤通粉、配牛乳炒蛋、牛油厚多士。蕃茄濃湯值得一讚，濃濃的湯 微酸帶甜又有好多蕃茄肉，非常美味。牛乳炒蛋好滑，多士夠香脆又多牛油，不愧係招牌午餐。招牌胡椒豬肚雞湯米線$58湯底有雞的香味又有胡椒的香辣和酸菜的惹味，一碗的份量頗多，豬肚煮得夠林，雞件很滑溜入味，再配上支竹白果等配料，非常可口，值得一讃。餐茶叫了奶茶 濃香順滑有茶味，很好的食物，有禮的店員，下次一定再來試下其他食物。

今日跑完步有點餓，嚟到將軍澳海旁的番茄18餐廳，叫了份精選18套餐，叫左了麻辣番茄湯豬潤通心粉，牛乳炒蛋配多士，飲品就加了錢轉特飲，要了華田脆脆。可惜是麻辣番茄湯比較杰身，有點太濃稠了配上通粉感覺很膩，而且豬潤處理不太好，有點兒腥味。反而多士很好，多士很脆，配上牛乳炒蛋相當相配，牛乳炒蛋味道也是正常的，不過不失。飲品不錯，華田脆脆幾好飲，華田味夠濃唔會太淡，亦都唔太甜。再配上華田脆脆粒，雙重享受。

同老公係將軍澳踩完單車好肚餓經過呢間蕃茄18，見佢裝修好特別，走懷舊風，而我好鍾意食蕃茄湯既野 所以入去試吓。點知坐低睇完餐牌就變心😂見到花膠（等於骨膠原）呢兩個字已經對眼發光，同時我又好想食辣野，於是我地就叫左花膠雞米線$69麻辣招牌18湯米線$62（建議真食得辣朋友叫大辣）雖然對我來講就唔夠辣 但個湯 d麻香 香噴噴🤤而且我想講碗米線勁大碗有墨魚丸、腩肉同手撕雞 仲有花生酸菜芽菜肉碎 真係好多料我好鍾意佢個墨魚丸好香 唔會食到好粉口感平時麻辣小食見得多 「大汗」系列比較小見所以我哋仲加咗$20一份「大汗豬扒」好鍾意面頭嗰啲辣椒碎 好惹味 豬扒夠酥脆 又唔乾身 食呢個小食好滿至於花膠雞湯米線，d花膠超長 食到尾發現佢有成5-6舊😱 仲要每舊都好大size$69蚊碗米線 竟然有咁多舊大花膠 下次想再返嚟試吓蕃茄麻辣湯底米線 同藥膳系列都想冬天試！

茶餐廳的裝修有舊香港的影子，裝修下了一番功夫，燈光明亮，座位夠大夠舒適。⭐️招牌木碎花生多士$25多士上面鋪滿了木碎花生，下面塗了煉奶花生醬，咬一口非常香脆惹味。⭐️菠蘿油$13新鮮出爐的菠蘿油外脆內綿密，夾著一片厚厚的牛油，很可口。⭐️蔥花鹹牛肉炒蛋治$28超厚的蛋治，加入蔥花鹹牛肉爲蛋治增加口感和風味，吃起來蛋治很香滑，有水準。⭐️上湯白菜豬肉餃子$35白菜豬肉餃子頗飽滿，一共有八隻，算抵食。⭐️熱檸水▫️點咁多先$120，多士和蛋治好高質！

🍅番茄湯米線配香煎雞扒+叉燒番茄湯好濃好香，仲有埋炒滑蛋! 叉燒亦都好入味，好林唔會硬，最好食係雞扒，煎完出黎即食好香，配米線一流🍗招牌瑞士雞脾黎呢到一定要試瑞士雞脾，瑞士汁勁香，雞脾肉質鮮嫩，食唔停口，好滿足😌仲帶少少酒香，一定會再encore🍜花膠雞湯米線花膠同雞好足料，雞好新鮮，食得出唔係雪藏冰鮮既雞，又健康👍🏻🥤紅豆冰紅豆冰好有奶香，岩曬我呢啲中意食甜嘢既人，紅豆亦比得唔少，食完隻招牌瑞士雞脾再飲返杯紅豆冰真係好爽🥰

🤎番茄18🤎今日繼續係澳南既餐廳分享，琴晚去左係Savannah隔離嘅蕃茄18食飯，唔知幾時可以食曬成個澳南呢🤣。今次係我第一次到訪蕃茄18，佢入邊嘅裝修好特別，好多特色牆，例如相入邊嘅黃金大押，有舊香港嘅感覺🇭🇰雖然係茶餐廳feel，不過我諗都可唔可以影幾張相的🙊🤍招牌蕃茄湯通粉配鮮牛肉 $43叫左佢嘅招牌湯底，首先佢個通粉我略嫌有少少太硬，但overall好好食，個湯好濃郁，有蕃茄，唔係就咁用茄膏溝水，我同朋友都差唔多飲曬成個湯底。有冇人同我一樣，鐘意食蕃茄湯、蕃茄汁，但唔鐘意生蕃茄同蕃茄仔🤣 🍅📍 番茄18 (將軍澳)將軍澳澳南海岸至善街3號SAVANNAH Place 地下G05號舖

同朋友行完將軍澳海皮之後話想食啲嘢咁啱見到呢一間餐廳 見到佢啲裝修偏向懷舊風味 而且佢叫蕃茄18而我朋友係勁鍾意食蕃茄所以就入去食啦瑞士雞髀我見到佢個Menu寫住係推薦 就叫咗一隻嚟食 隻雞髀都幾大份 肉質嫩滑 而且佢整得十分之入味西多士炸到金黃色 喺茶餐廳必要嘅一個嘢食芝士肉醬熱狗唔好睇小個熱狗好似好細個咁 食落都幾full嫁 成個熱狗都焗過 食落都幾脆身 而且肉醬同埋芝士嘅比例都啱啱好麻辣雙色餃子（白菜豬肉同粟米豬肉水餃）識落嘅感覺有啲似紅油抄手咁 麻香味濃 食落好開胃 蕃茄豬潤米線佢個湯底有濃濃嘅蕃茄味 但飲落去又唔會太酸 而且個米線好索蕃茄湯 如果係鍾意蕃茄嘅可以試吓呢一個面 豬膶食落爽口而且冇乜腥味 藥膳雞湯米線個湯底藥膳味都幾濃 雞肉肉質鮮嫩 而且隻雞仲索左湯嘅精華 食完嘅感覺好似好進補咁 唔錯

今日早放，於是約左朋友去食下午茶，跟住喺將軍澳見一間非常有特色嘅餐廳，我俾佢吸引咗，就入左入啦。裏面的環境非常之懷舊，喚醒返當年香港嘅街道特色，佈置得非常之靚！跟住我哋打開餐牌，有好多唔同嘅小食，麵啊，特飲啊。店員嘅服務態度好好，幫我哋準備晒啲餐具，亦都細心介紹餐廳有啲乜嘢推薦推介嘅餐飲。事不宜遲啦，馬上order 美食。蕃茄湯底配叉燒滑蛋通粉好食指數：10/10頭先個蕃茄湯底係真材實料，蕃茄粒粒十足，非常之香濃，叉燒亦都非常之香，一啲都唔「鞋」，滑蛋更加唔使講，非常之香滑，蕃茄粒，滑蛋配叉燒，加啖通粉湯，好有滿足感！花生木碎煉奶多士好食指數：10/10鎮店推介，邪惡好味之選。花生碎同埋威化碎滿滿，配上煉奶簡直一流，新鮮熱辣，非常推薦大家去食！蔥花蛋治好食指數：10/10就咁睇圖片，就已經知道隻蛋非常之厚，仲要加埋牛奶炒落去，加埋一啲蔥花，完全將香滑帶到另一個層次！菠蘿牛油包好食指數：9/10牛油既融化度啱啱好，菠蘿包咬落去亦都非常之鬆軟熱辣辣！焗芝士肉醬熱狗好食指數：9/10鍾意食熱狗嘅你千祈唔好錯過呢一款，個包係非常之鬆脆，加上熱辣辣嘅芝士溶同茄香肉醬，非常一流！麻辣雙色餃子好食指

啱啱搬黎tko冇耐，收工近近地睇下樓下有咩食，都有好幾間餐廳，最後因為想開胃啲，就㨂左呢間🍅番茄18 試試佢😆一入去，好光猛，啲枱凳都好整齊乾淨👍🏻係呢個疫情下，令人安心唔少😄裝修都好懷舊，有唔同既場景：八十年代戲院🎬當舖、單車維修店，打卡able🤣🤣本身以為整係得番茄味既食物，但仔細睇餐牌，有麻辣米線，花膠雞湯飯，胡椒豬肚雞，瑞士雞翼😋最後同朋友決定share試曬佢地既招牌😍麻辣番茄湯米線，配墨魚頭同肥牛，超香👍🏻番茄🍅勁濃郁，起沙，唔係齋湯稀稀個種😎我就試左個花膠雞湯飯，塊花膠好似手咁大！仲要係有幾塊！勁正呀😚啲雞都好滑👌🏻👌🏻最後仲試左個瑞士雞翼🤩名不虛傳，如果鍾意甜甜個種豉油，你一定like👍🏻👍🏻野飲就試左紅豆綠豆冰😆第一次見雙色豆🤣🤣都幾多渣，唔死甜🥰菠蘿🍍冰好甜，可能係用鳯梨🤩🤩超多料，正！好開心佢開係屋企樓下，仲有好多米線🍜湯飯想試😋冇味精、足料之選👏🏻👏🏻

今天幫襯了一間香港懷舊風味十足的餐廳。一入去全部佈置都古色古香。充滿60，70年代的情懷。坐下便拿餐牌點餐，一於試下d招牌菜，胡椒豬肚雞湯米線，裡面有雞，豬肚，腐竹，芹菜，白果等，胡椒味重，雞湯味濃，重點要讚雞件依然保持滑感，這個難得。豬肚處理也好，一樣很滑，不老。相當不錯。湯帶點芹菜香，將味道提升。我食食吓，先發現有白果。充溢著傳統味道。見到餐牌的招牌瑞士雞脾很吸引，所以就叫嚟試下。講真一上台，覺得賣相不吸引，心裡即時打折扣。但試過一啖，又覺得唔錯，幾好味。甜甜地鼓油汁咁，聽講70年代好多人都鍾意食瑞士汁食物，今次就試下啦！。而且我一向怕雞皮肥，所以，就去皮，點知發現雞皮底下全無肥膏，而且雞肉也保持滑漏。至於飲品，我就緊係要試懷舊菠蘿冰同華田脆脆。市面上的菠蘿冰只有糖水，但呢間鋪採用新鮮菠蘿，嗒落都幾好味，而且帶點咸味，整杯飲品味道都好夾。正。我仲要一提，佢杯冰d菠蘿佔成大半杯，絕對真材實料。底食呀！性價比相當高。華田脆脆，上面用華田做成薄脆，增加口感，脆脆地都幾得意㗎。而且，華田味濃。我唔知道你地有無發現有些餐廳d華田粉少，冲出嚟，完全無華田味，得水味。呢間絕對唔會。呢個飲品俾個讚

將軍澳近年真係不斷大大地發展，隔一排無黎又會變左好多，今日我又四圍覓食喇🤭🤭番茄18🍅遠眼門面無特別，咪又係茶餐廳一間。點知內有乾坤😳 好多懷舊的招牌裝潢好特別下午茶時間就當然要食下午茶啦⋯⋯番茄湯底配墨魚頭 + 牛乳炒蛋 濃濃的茄湯，一飲再飲墨魚頭爽、炒蛋滑滑、米線軟硬適中左：綠椰冰 右：新鮮波羅冰綠椰冰真係好少地方有得飲，呢間個甜度又調教得剛剛好，真係必試之選新鮮波羅的波羅冷當然唔會差啦麻辣雙色餃 (白菜豬肉餃+粟米豬肉餃)餃子正常，最最最出色係佢個麻辣汁，真係說不出口的好食瑞士雞翼 好入味呀難怪佢自己話 ： 瑞士稱霸 跟 瑞士雞翼的 粟米雜果沙律🥗唔會太多薯仔，I like it 吉列豬扒 配 薯角炸得唔夠鬆脆，味道亦一般招牌木碎花生多士嘩...嘩...嘩...真係邪惡到不得了滿滿得花生碎下面仲有沾滿了煉奶+花生醬，每食一啖都漿住個口的感覺真係好正好食到停唔到口總結：街坊價錢，食到高質食物，店員服務態度非常好