番茄師兄

营业中

休息中

#搞串個pantry我哋又同大家去試好嘢啦！話說我真係好鐘意💕啲可以自己揀餸再揀麵底嘅舖頭，就好似車仔麵咁。今次去試吓一間以番茄湯底🍅、牛肉聞名嘅餐廳啦！我哋今次叫咗芝See菇牛通粉加炒滑蛋($59)🍜、GG爆脆米線($62)。一聽個名真係唔太知道究竟有啲咩餸係入面🧐。不過除咗嗌呢啲預先set好嘅餐之外，下午菜餐仲可以選擇自選嘅！😜芝See菇牛通粉加炒滑蛋入面有，芝士🧀、蘑菇、騸牯免治牛肉🐮、滑蛋。所謂嘅騸牯牛即係被閹咗嘅公牛，因為少咗雄激素，所以脂肪分佈會比較平均🤩。食落口牛味唔係好重，主要都係湯嘅味道。個炒滑蛋反而比牛肉更出色，非常creamy。通粉配埋番茄湯底、芝士咁食，就有啲似漢堡包嘅味道😕。而GG爆脆米線，入面就有雞扒、炸雞皮卷🍗。炸雞皮卷幾好食，好香口、好脆💥，但係就同碗番茄湯米線唔係咁夾啦。炸雞皮卷似係單獨一個小食咁，唔係咁啱番茄湯嘅味🙂。大家如果鐘意番茄湯、牛肉，都可以嚟試吓，餐廳仲有款犇犇有禮，入面有牛面頰肉、坑腩、崩沙腩，完全滿足鐘意食牛嘅人😍。

這家其實我一直都很想要試試看他的蕃茄湯麵～但遲遲都沒有動力🙈居然我終於有動力去的時候是為了吃雞子🤣(果然我還是比較愛雞子😆)這個雞子漢堡暫時還不是真正推出的單品😬只是期間限定的😆還要留言抽獎才可以吃得到的😆(為了雞子漢堡台南我都可以特地去了～更何況只是留言抽獎😆當然也要試試看啦🤪)反正都去了當然要一次過把四個口味(沙嗲，瑞士汁，芫茜滑蛋(但我不吃芫茜所以去掉了🤣)，酸辣)的雞子料理都試試🤤(雖然我是一個人去🤣超飽)我個人最喜歡瑞士汁口味的😬✌🏻

我超喜歡蕃茄湯的，感覺食落去很開胃，又不會很清，平時食3哥同譚仔我大多數都是叫蕃茄湯的。有一日朋友推薦我黎食蕃茄師兄，深水埗呢間，我真係比較少去深水埗，之前去親都係去買電話卡，如果唔係都唔會去。個日比我fd叫左去，出面已經要排隊，等左15分鐘左右入得去，佢呢到基本上全部都係蕃茄湯，再睇下你想食咩餸再配搭，而我叫左牛肉同蛋，先講下個湯超級濃，比起譚仔3哥個啲濃好多，我好鍾意，我係成碗飲哂，牛肉唔太韌，岩岩好，個蛋超滑，同蕃茄湯食一流

之前去完灣仔分店食牛舌番茄湯麵後，一試難忘，所以今日特登黎回味下😚🍜滑一滑番茄湯上海麵 $54 🌕🌕🌕🌗🌑配料有滑牛同炒滑蛋，滑蛋生熟程度剛好，唔錯👍🏼滑牛比較薄同細塊，唔夠過癮，不過味道都唔錯，唔老亦都唔韌。上海麵好掛湯，啖啖麵都索到番茄湯嘅鮮甜味😍湯底都有粒粒嘅細番茄。不過比起灣仔分店，今次個湯底偏鹹，亦都冇咁濃，但味道都係屬於高水準嘅👍🏼🍜帶子牛郎番茄湯拉麵 $72 🌕🌕🌕🌕🌑帶子面頭見到有微微金黃色，應該有預先煎香👍🏼👍🏼不過味道就一般，而且得兩隻帶子，唔係幾夠侯🥹牛舌就好出色，肉質淋得黎好爽，而且好夾番茄湯😆雖然得幾塊，但每塊都好大，份量好夠👍🏼拉麵相對冇咁掛湯，但個麵幾彈牙😛不過我會鍾意上海麵多啲。總括黎講，個人認為灣仔分店質素較出色，不過今日嘅體驗同食物質素都算係水準之上😝

最近見到蕃茄師兄出咗新嘅小食，就係雞子🤣🤣本身打邊爐就好鍾意食，呢間鋪仲要出四隻口味，有酸辣、沙嗲、威士忌麻香瑞士汁同埋芫荽雞子炒滑蛋。其實全部都想試🥲但係一個人又食唔晒咁多，最後淨係試咗酸辣味。酸酸辣辣好開胃，仲要有埋芫荽😋雞子多汁同脹卜卜會有口爆嘅效果🤣一貝子，蜆份量都算多同埋大大隻、帶子都有兩大粒，不過覺得個湯有啲鹹。檸檬雪梨露，樽底勁多雪梨蓉同檸檬碎，好足料同埋都幾解渴，又唔會太甜。不過希望下次去會有四人枱，今次同朋友三個人去，都係兩張二人枱同埋中間有隔板隔住，變咗坐斜對面嘅人係聽唔到大家講咩😂

-🥢滑一滑-新鮮騸牯滑牛、炒滑蛋、日式拉麵 $54湯底好濃郁，酸酸甜甜咁，好開胃，鍾意蕃茄湯既你一定要黎❗❗❗牛肉是鮮牛肉，份量都唔少，而且又唔會太韌，但個重點都係蕃茄湯🤣滑蛋真係炒得好滑，蕃茄湯加蛋🤤🤤拉麵麵質適中🥰🥢腐皮墨魚蝦條、日式拉麵 $48一樣都係蕃茄湯😍😍墨魚蝦條完全唔粉，同平時打邊爐完全唔同，好彈牙，而且蝦條入面有D墨魚粒，粟米粒可以咬下，好食🤤🤤如果唔想跟麵，可以單點小食🤣🥢墨魚芝士小丸子 $28小丸子細細粒，入面係芝士餡，粟米粒🤤🤤同個腐皮墨魚蝦條差唔多味，所以可以唔洗2個都叫晒🤣🤣🥢檸檬雪梨露 跟餐$18酸酸甜甜咁，但比較淡，冇咩雪梨味🤣🤣🥢豆漿 跟餐$10正正常常，豆漿唔太甜🥰評分：味道：⭐️⭐️⭐️⭐️環境：⭐️⭐️⭐️⭐️整體：⭐️⭐️⭐️⭐️————————————————————————

作為蕃茄控的我已經食過番茄師兄好多次🤤🤤每次大概都有10人排隊，不過快就有得入座！我今次叫嘅係滑一滑🌟蕃茄湯底濃郁，我鍾意個番茄湯底比較杰身，仲有少量嘅蕃茄肉，掛湯能力一流！牛肉乃騸牿牛，牛味突出嫩滑，份量正常，配上超滑嘅滑蛋，好快就食完一碗，超滿足⭐️⭐️⭐️ 麵類有幾款唔同嘅選擇，例如米線，通粉，拉麵，烏冬，我每次都鍾情拉麵🤪🤪🤪拉麵唔會過淋好好食🤩跟餐飲品點了檸檬雪梨露，檸檬嘅酸嘅帶出咗雪梨嘅甜味，味道酸甜解渴，飲完非常潤喉滋潤🍋🍐

由於女友太多嘅關係，攪到前列腺有啲問題，就即刻諗到去呢間叫個騸牯牛肉麵$54補一補。呢度啲蕃茄湯貨真價實，絕不會係茄醬茄膏扮蕃茄湯，湯底有啲厚身，有啲料到，甜甜地，好容易飲哂。騸牯牛即係痷咗嘅牛，雖然唔多老嚟，但肉質真係滑啲，真係辛苦哂牛牛哥。日式拉麵都煮得唔錯，黏黏靭靭，恰到好處。場內有多個「良知」嘅大字，用心良苦。牆上仲貼埋其他餐廳嘅食物圖，互相幫助，夠哂大方。各位若真係操勞過度，就嚟攝取多啲蕃茄紅素啦，對身體好有益㗎。

我係番茄控，去左番茄師兄食好多次，勁好食。一至五下午茶去食會送飲品，幾抵食嫁。成日去食都幾多人嫁。落單係自己寫紙，裏面做野d姐姐都幾nice😆😆我最鍾意食黑魚番茄烏冬，烏冬係要加錢，但我每次都會加錢叫！黑魚係冇骨嫁，每次食都好方便，啖啖肉，唔怕咬到骨。個湯底好重番茄味，而且食得出湯底應該有落牛肉去煲，好濃味，每次我都會飲曬啲湯唔會浪費。之前食過一貝子，就係有帶子，又食過豬扒，每一個都幾好食。但係豬扒一時好食，有時去食會比較干肉，好睇運氣😆

位於深水埗基隆街嘅番茄師兄,可能位置方便,經常好多人排隊.呢間係專做蕃茄湯,雖然價錢都唔平,但做得非常出色,真係值得試下.今次就買回公司享用.我係蕃茄控,當然要揀佢嘅番茄湯底.滑ㄧ滑蕃茄濃湯拉麵:牛肉大大件,份量都唔少,新鮮牛肉嫩滑,牛味也好濃,咬落彈牙又唔會韌.炒蛋又嫩又滑又好多.仲有蛋汁,好好食.拉麵煮得啱啱好,非常爽口.番茄湯底係酸酸甜甜的,還有蕃茄蓉,番茄味好濃郁.唔係一pat pat,沒加味精,真材實料.配料仲有好多選擇.是一間值得推介的餐廳.

番茄師兄係一間主打牛骨番茄湯底的餐廳，再讓客人配上不同種類的配料和麵底。今日（星期四）於下午茶時段到達，不用等待就能入座。入座後選了配料「豚豚圓圓」即是香煎豬腩肉和香煎豬頸肉，搭上烏冬為麵底，價值$59，加了$6配飲品豆漿。「豚豚圓圓」牛骨番茄湯烏冬，牛骨番茄湯香甜帶上少少酸味，而且湯底濃郁，更易掛湯到麵條上，配料豬腩肉和豬頸肉肉質爽口，微微煎過後亦更添油香。豆漿用上玻璃樽裝載，豆味香，甜度也適中。總結1️⃣湯底香濃美味：自家熬製湯底濃郁香甜，令人感覺到湯底的足料，一啖接一啖，回味無窮。2️⃣配料味美量足： 配料經過挑選和處理，不會馬虎，而且數量也不算少。3️⃣餐廳價錢合理：以$64品嘗到一碗以自家湯頭的麵食再搭上飲品，下午茶時段甚至免費配飲品，CP值算是不錯。總括來說餐廳自家製湯底的確出色，番茄控更是必去一試，配料亦不差，兩者相輔相成，加上CP值不錯，的確係一個用餐的好選擇。

食過一次蕃茄師兄嘅火鍋團購之後一路念念不忘呀！成日都好想食佢嘅超濃超濃嘅茄湯💛💛💛💛果然嚟到堂食一樣咁正，住深水埗嘅街坊真有福，又平又抵食仲要正到暈！個茄湯厚度有令人諗起去日本食拉麵嘅feel，配烏冬係一流！簡單食個素啲嘅野菜都一樣好有咬口好夠味（留意唔係素食嚟架個湯係肉湯嚟），本身輕口味啲嘅我啱曬數。重口味嘅可以食牛肉牛腩甚至加芝士，慢慢溶落個湯到，更加creamy，食得好滿足樽檸檬都好特別，配蕃茄好夾呀

豬頸肉🐷本身煎到好香，再加埋肥瘦適中嘅🐖豬腩肉，烏冬亦都煙韌🦷彈牙，配合埋呢個番茄🍅湯底真係無適，湯底本身食得出係用新鮮蕃茄打爛而成，所以湯底狀態🫠偏杰，而且好濃番茄味，亦都唔係好覺有味精，終於明白點解咁多人鍾意食😋呢間小店，因為呢個湯底真係一試難忘，同埋飲到停唔到口。牛肉🥩本身亦都唔會韌，食得出係新鮮牛肉，我最欣賞佢嗰個炒滑蛋🍳，就算浸咗落湯底，佢嘅狀態都係啱啱好唔會Overcook。而兩款飲品都正常發揮，但係個包裝都幾特別，用咗玻璃樽🫙包裝好似整成一樽牛奶咁，幾有心思。

已經食過番茄師兄好多次，唔特別鍾意嘅蕃茄，但係就鍾意呢度嘅蕃茄湯底。同其他米線舖嘅蕃茄湯比較，嗰啲好似一味得個酸，但係呢度嘅蕃茄湯濃郁啲！今次叫咗個豚豚圓圓，本身以為豬腩肉同豬頸肉係會煎一煎，香口啲，但係原來係冇嘅，偏淋，唔算特別出色🙈

#confidante_foodblog深水埗覓食豚豚圓圓蕃茄濃湯麵 $59味道：🌟🌟🌟🌟回頭：🌟🌟🌟未食拉麵之前，我就試咗佢個湯底先，飲落去好似食緊成箱上蕃茄咁樣😍。佢個蕃茄湯底係偏甜，如果鍾意番茄偏甜嘅朋友仔就一定好鍾意呢一個湯底。我個人就比較鍾意偏酸嘅，不過都唔影響我對佢嘅鍾意程度～麵條方面，我就揀咗日式拉麵。啲麵條好彈牙，煮得啱啱好，加埋個湯底真係完美配搭🫀。小編之前一直都唔係幾鍾意食豬頸肉，但係呢一個係完全可以。就咁睇就知道，呢一個拉麵係有幾吸引！🍅犇犇有禮蕃茄濃湯 $79+樽仔豆漿 (跟餐)$10味道：🌟🌟🌟🌟回頭：🌟🌟🌟🌟我哥哥一邊食一邊係咁喺度讚啲牛好好食，好難得完全冇挑剔過！因為佢都屬於一個好嘴刁嘅人👄，冇諗過會連個湯底都飲晒。最勁嘅係就算飲晒成個湯底，完全都唔會覺得咸！可想言之，呢個湯底真係真材實料❤️‍🔥。相反，樽仔豆漿嘅味道就冇話好驚艷～服務態度 ：🌟🌟🌟環境：🌟🌟🌟番茄師兄 (深水埗)📍深水埗基隆街255號地舖📞 91650670#foodie#foodiehk#hkig#深水埗美食#拉麵#香港美食#食好西#吃貨#蕃茄師兄