影片
营业时间
今日营业
11:45 - 21:15
星期一至日
11:45 - 21:15
*截单时间 20:45
以上资料只供参考，请与餐厅确认详情
基本上每个礼拜都会嚟几次，但近来转的餐单实在太失望了，以往所有嘅选择大部份都冇晒，仲要逼我哋食一只唔好食嘅乌冬，以往有米粉同埋拉面或者系公仔面，就算以往可以加钱牛丸都冇埋，鸡扒冇埋，牛腩冇埋，已经不是我们熟悉的蕃茄师兄了，而且新的菜单，那只乌冬，硬得出奇，可以讲系难食。同行人的芝士焗饭亦都冇埋，转咗一啲古灵精怪嘅汉堡餐，其实呢一间餐厅咁样转呢个餐单法，佢嘅核心价值经已冇咗，佢嘅出色就系一个蕃茄汤底，而家转到不伦不类，已经不是以往的蕃茄师兄，这样的菜单，估计不会再去了。
继续阅读
一直系番茄师兄熟客，蕃茄汤乌冬系世一，最钟意加炒蛋咁食。但今日去发觉转左餐牌，由散叫变左做套餐。因为佢个蕃茄汤加炒蛋都好饱肚，之前单点一个乌冬就已经好饱，变左做套餐其实真心食唔晒。其实我都明转套餐系想加价，我宁可你直接加价，好过逼我要埋唔想要既野。另外新餐牌少左好多𩠌菜，骟牯牛冇左，鸡扒冇左，牛脸颊又冇左，其实而家个list真系唔系好好拣得落手，最后拣左鸡胸，但出黎个样好似人地即食鸡胸咁，隔离枱都话似即食鸡胸翻热，同埋d香料就咁睇好似发霉咁，卖相真系唔得。一直都都好支持番茄师兄既理念同食物，希望老板可以做番以前既水准
继续阅读
失望透顶🤥转咗menu之后大失去原本嘅番茄特色好失望，转左Menu之后得返蛋包饭同埋蕃茄乌冬可以拣。原本食蕃茄师兄最出名就系要食佢嘅蕃茄汤底+配搭唔同嘅𩠌+面底（米线/米粉/公仔面等等）。而家如果想食蕃茄汤底，返乌冬或者椰菜花饭可以拣，个椰菜花饭好少同蕃茄汤底完全唔夹。真系唔明点解要转menu, 一心系中环嚟到食lunch真系好失望💔转左Menu之后价钱都贵咗一个餐要$96。 希望老板可以出返之前个Menu等食客有多啲选择🙏🏻🙏🏻
继续阅读
谂著食蕃茄面，但原来蕃茄师兄依家冇番茄面，食左个鸡胸蛋包饭，鸡胸几好食，味道可以，但个汁同饭都唔热，感觉好似预制菜。餐牌只有饭和乌冬（但今日中午1点乌冬都已沽清），没有面，觉得有点失望。
继续阅读
平时好多机会黎湾仔，原来系内街开左蕃茄师兄都唔知添。今日同个朋友黎食，睇下水准keep唔keep 到先。叫左个牛脸颊加滑蛋米粉，68再加5蚊，算系甘。牛脸颊有4大块，食落非常腍，再加上少许牛根，口感一流。味道系比较清淡，主要食牛本身既肉味。但其实完全唔洗担心唔够味，因为汤底够，加埋一齐吃刚刚好。滑蛋5蚊黎讲好抵食，值得叫。最重要既系佢个汤底，非常浓郁既蕃茄味，质感比较厚实，似每一啖都吃紧蕃茄容甘样，好正。另外都试左佢既豆浆，甜度唔高感觉好健康！整体黎讲好好味，一定再黎。
继续阅读