留港

营业中

休息中

隨住香港人北上消費，都呼籲港人不忘留港消費，同時支持本地飲食。茶餐廳是香港飲食文化不可缺少的一部份，呢間餐廳有茶餐廳的影子但加入創新的元素，不論裝修、餐具或食物賣相都有講究。日式鰻魚旋風蛋蓋飯 ($82)日式鰻魚搭配滑嫩的雞蛋，充分展現了日式料理的精髓。鰻魚與蛋與飯的三重結合，美味可口，讓人一口接一口。跟餐椒鹽炸燒賣 (跟餐+$24)一共8粒炸燒賣，外皮酥脆，有椒鹽的外層，外脆內軟，口感十分出色。叉燒極尚黑豚炒滑蛋飯 ($72)叉燒的肉質肥瘦相間，與炒蛋的滑嫩程度恰到好處，是一個非常完美的融合。與白飯一齊食，更加增添了風味。跟餐招牌焗汁炸雞 (跟餐+$22)炸雞外層酥脆，裡面保留了肉汁，味道適中不會過咸，單食也非常喜歡。熱檸水大大杯清爽可口，適合用來消滯解膩。即磨咖啡則香氣四溢，是餐後的完美選擇，讓人精神焕發。跟餐+$18有一碗中式糖水。

我朋友話碗仔翅大碗好味，於是我買外賣試吓，點知$42+ $2 外賣， 一共$44 蚊。 碗野細得過份，個碗只有6.5 cm 高 11 cm 直徑。 當然啲碗仔翅唔會有6.5 cm高，係更少。 做生意唔應該咁唔老實，試試旦旦有個細碗就用。 堂食同外賣可以差咁遠。今次啲碗仔翅仲稀寥寥，冇脆片。 經過今次比人當傻仔，我以後都唔去幫襯。本來以為ok 可以當飯堂。

近期我哋去咗一家叫「留港」嘅餐廳，真係一個唔錯嘅選擇！今次我哋點咗幾樣嘢，等我同大家分享下我嘅感受。首先，日式咖喱招牌炸雞滑蛋蓋飯，呢道菜真係好正！炸雞外脆內嫩，咖喱醬嘅味道香濃，搭配上滑蛋，真係一口咬落去，所有味道都混合得剛剛好，令人回味無窮。其次，經典厚玉子蛋三文治，玉子蛋好厚實，口感滑順，配搭嘅麵包新鮮松軟，食落去非常舒適。每一口都好享受，絕對係三文治嘅一絕！再者，秘製滷水雞翼，味道非常入味，滷水醬料香料味十足，雞翼肉質鮮嫩，啖啖肉都好有口感，絕對係下酒好選擇。最後，白桃蘋果梳打，清新嘅飲品，啱啱好可以解膩，白桃味道自然，飲落去非常爽口，非常適合配搭重口味嘅菜式。留港呢間餐廳無論係食物質素定係服務態度都好出色，絕對值得一試！如果你鍾意日式食物或者想試下新嘢，記得來呢度食一餐！

住元朗很多美食，不時瓹窿瓹罅找找新意，這天發現朗屏家中附近多了一間「留港」餐廳，裝潢感覺清新悠閒，一於實行留港消費！叉醬極尚黑豚炒滑蛋蓋飯的黑豚肉質鮮嫩，搭配香濃叉醬，每一口都充滿濃郁的醬香。炒滑蛋的口感柔滑，與豚肉的豐富口感形成完美對比。而我加錢改成椰菜花蒟蒻米，不僅健康，還增添清新的口感。午餐加20多元，便可增配小食。我點了招牌爆汁炸雞，炸雞的外皮經過精心調製，炸至金黃酥脆，咬下去時能感受到一層脆皮的香氣。內部的雞肉鮮嫩多汁，讓人忍不住一口接一口。飲品加錢升級至熱帶新鮮水果沙冰！這是一個清爽的選擇，十分清甜！整體而言，叉醬極尚黑豚炒滑蛋蓋飯是一道充滿風味的美食，配上椰菜花蒟蒻米，是一頓絕佳組合。而且份量充足，特別是加20多元便有一份招牌爆汁炸雞，可以二人分享作輕食午餐！留港 (元朗)地址：元朗宏業南街22號地下5號舖

朋友每週都會帶小朋友去學畫畫，剛好畫室附近新開了一間餐廳，這次朋友約我一起去試試，來回畫室接送也方便，餐廳的裝潢簡潔以淺綠色與米黃配搭，讓人感到舒適和放鬆。我們點了幾道菜式，日式咖喱招牌炸雞炒滑蛋蓋飯，日式咖喱香濃而不辣，炸雞外脆內嫩，配上滑蛋好味道。跟餐可以加錢點一小份炸薯格香脆可口。韓式汁豚肉炒讚岐烏冬，豚肉選了腩肉片，烏冬麵條滑溜有彈性。招牌爆汁炸雞同樣令人驚喜，兩件炸雞外酥內嫩很香口。柑橘樂園，帶有淡淡的柑橘清氣，甜度適中。自家製蜜餞檸檬梳打，帶甜不酸清爽解渴。另外點了椒鹽炸燒賣，炸燒賣外皮炸到香脆，內餡飽滿，店家很貼心附上秘製辣椒油這樣更是增添了一份獨特風味。自家研製的芝士手打墨多士，加了些黑醋汁，芝士濃郁，再配上千島醬口感豐。

今次我哋去咗朗屏嘅留港Cafe食飯，真係一個唔可以錯過嘅好地方！餐廳環境靚到爆，坐得好舒服，仲近西鐵站，真係方便到唔得了，鼓勵大家留港消費！🤣🤣叉燒極尚黑豚炒滑蛋蓋飯份量真係超級足夠！炒蛋滑溜，配埋黑豚肉，味道濃郁，叉燒嘅香味亦都好入味，飯底仲有啲焦香，食到真係好開心！秘製南乳豬手飯豬手軟嫩，南乳味道獨特，轉咗椰菜花蒟蒻米，健康又唔會覺得油膩，真係好有心思！除咗主菜，我哋仲加咗幾款小食足料碗仔翅料多到嚇人，湯底濃郁，食落去一啖接一啖，真係好滿足！滷水雞翼味道香口，滷得啱啱好，雞翼肉質嫩滑，食到手都唔停！招牌爆汁炸雞炸得金黃酥脆，咬落去啖啖都係汁，真係一試成主顧！忌廉蟹肉薯餅呢個小食真係超級推介！薯餅外脆內滑，裡面嘅忌廉蟹肉充滿蟹肉嘅鮮味，咬落去真係好幸福，蟹肉同忌廉嘅香濃味道完美結合，食過一次真係難以忘懷！特別推薦佢哋嘅港式奶茶，茶底好濃郁，飲落去順滑到不得了，簡直係完美嘅搭配，飲完真係令人心情大好！整體來講，留港Cafe真係抵食又好味，環境又靚，份量又足，真係一個好選擇，大家一定要試下呀！

路過呢邊做野順便食d野，見到呢間餐廳環境都唔錯，乾淨企理，於是就試試啦！我同朋友分別叫左秘製鹵水雞翼配自家製鹵肉飯同埋招牌自家沙嗲PRIME牛頸脊撈麵！鹵水雞翼好入味，個鹵肉醬煮得幾香，餸飯一流！ 另外沙嗲PRIME牛頸脊撈麵都幾正，香濃沙嗲撈埋公仔麵，味道超濃郁，而且個牛頸脊質素都幾高另外可以用優惠價加配小食，我地叫左惹味炸薯格同足料碗仔翅！薯格即叫即炸，碗仔翅真係勁多料！椒鹽手打潮州白魚蛋幾特別，惹味又彈牙！整體質素都唔錯

新開一段日子，住係附近，當然要俾個機會試一試，見menu 野食同圖片都吸引。飯多，但一滴汁都冇，要減肥清淡既朋友就岩哂。好彩我係外賣，自己都仲可以落d 煲仔飯豉油，先冇咁dry。改個名好d"黑豚"，又可以收貴d。所謂自家沙嗲，都係冇撈淡既茶記沙嗲牛汁，食唔出自家既特別之處。撈面就預左佢個麵都會糊哂。prime 牛頸脊都係一般。MYHOME自家製蜜餞檸檬特飲 ($14)-普通柑桔梳打味道奶茶（$3)-茶餐廳比較好飲總括而言，茶記碟頭飯質素行西餐廳路線。另外有一次見到餐廳剛開門，有位員工/負責人開門入鋪，再將門口來貨搬入餐廳，全程口擔香煙，入到餐廳室內都繼續咬住煙，呢個衛生同食物質素與價錢，都唔會有下一次。