影片
以上资料只供参考，请与餐厅确认详情
极少写食评，但今次黄店都支持唔落，黑心店家🖤之前食过几次，食物OK，态度一向麻麻地。但是今次外卖之后，下次唔会再帮衬1. 外卖一碗面，等候时间超过50分钟- 明白繁忙时间需要等候，但是如果等如此长时间，应该落单时讲清楚- 有几枱堂食顾客比我迟下单，但是他们食完离开餐厅，我的外卖还未准备好。追了单几次，都是叫我们在门外等候，明显不是厨房做不及所以等50分钟，而是安排不当2. 食材不足，偷工减料 - 之前食过醉鸡外卖是完整一盒。今日好明显是因为太多顾客，食材准备不足，所以减走半盒- 这是刚打开，未开始食，明显拿走了三至四件鸡，占份量一半，劲离谱🤯- 堂食无法减太多，唯有从外卖偷工减料。尤其外卖是看不到鸡件。回到家打开才发现少了一半，伤心到喊💔唔止「好食是良心」，正常份量是基本良心吧？
继续阅读
有充裕时间先好去食楼面、执枱、收钱、包外卖得一个人做 做野非常之慢 好似唔忧做咁 态度极差仲要晒时间听职员系到闹交 又唔执台唔落单最后两枱都等唔到走左唔会再帮衬！晒时间！
继续阅读
唔系第一次写呢间舖头嘅食评，之前食过好多次，呢度嘅菜肉云吞真系好好食。因为比较远，疫情之下，都好少特登去食，对上一次帮衬已经系两年前。今次因为做嘢，所以去到附近，咁就梗系把机会再去食，点知得来嘅就系失望。佢嘅汤底唔算有太大分别，但系菜肉云吞嘅菜肉比例好似有咗啲改变，菜少咗肉多咗，而最大问题系就出咗去食材上面，我唔知佢拣咗边部份嘅肉，但系有阵肉骚味，所以成个云吞已经唔得。因为之前帮衬过好多次都好好味，我下年一月会在去做嘢，到时我会俾多次机会佢。
继续阅读
【#西环揾食 】#畅和面家经常街过依间店，好想试猪润面，但次次都因为唔同原因冇去。之前终于去咗，铺面真系唔大，中午12点开门，我系第二台客，不过之后就系咁入😄猪润都系食唔到，老板话未准备好🤔 改叫 #大肠面 ，跟餐要埋 #冻柠茶 同 #花雕醉鸡翼 ，$47。鸡翼一般，未入到味，可能时间唔久，但汁闻到浓郁酒香。冻柠茶有惊喜，够浓唔淡口，都饮到茶香。大肠面都有最少六件肠，食到几香卤水味，有大有细质感几好。面都够弹牙，汤系云吞面汤，够清唔会过咸，整体唔错👍有唔少客都系叫套餐，一来可能系冻饮唔洗加钱，二来佢都有唔少选择，当中包括我另外至爱醉鸡🤣推介指数：7/10 畅和面家西环石塘咀山道35号兆禧阁D舖
继续阅读
黄店。平日两点黎到，细细间铺都坐满人。午市套餐一个面加一个小食连野饮，普通云吞面𠮶啲就$44，鸡面就$60。相对黎讲，可能拣鸡会抵啲，因为佢份量都唔少，一只鸡髀加三四旧鸡胸左右。叫左沙姜鸡，鸡算系正常水准。当然未至于好好食但系绝对ok，遇上边日想食鸡可以encore。小食系酸辣云耳，几钟意上面有啲腌嘅辣椒，几开胃。粗面几好，有粗面应有嘅弹牙，第一次食嘅时候都几惊喜。整体黎讲，系中上水准。价钱以呢啲面黎讲稍贵。
继续阅读