申一棧京川滬料理 (已結業)

突然興起想食小籠包, 所以又走嚟食晚飯, 平晚真係任你點坐都得, 因為佢多數都唔會爆滿的, 2個人坐4人枱, 坐得舒舒服服, 人少d又冇咁嘈, 上菜又快, 唔錯~~ 蔥油拌海蜇好香蔥油味, 油係麻油, 但食落唔會覺得好油膩, d海蜇又好爽口彈牙, 好耐冇食過咁正的海蜇 鎮江餚肉夠哂冰凍, 再點埋d醋食, 咁先係最正~~ 四川羊肉餃超難食, 羶到死, 但叫咗唔食又好嘥, 要勁落醋去蓋過果陣羶味 揚州獅子頭有4舊, size適中, 肉質好林滑, 但唔算好油, 配埋d菜食就啱哂, 不過佢個汁就落得太多老抽, 搞到成碟餸黑漆漆, 賣相唔吸引~ 小籠包皮薄餡靚, 食極都唔夠, 越食越想食............ 芥香鴨片芥茉醬甜甜地, 有dd芥辣的辣味, 鴨片燒到好香, 皮好脆~ 砂鍋醃篤鮮其實係包羅萬有, 有鹹肉、腩肉、筍、小棠菜、百葉等等, 好夠味, 湯果d味勁似雲吞雞, 唔知係咪同一個湯底呢 雪菜蝦仁炒飯飯炒得好乾身, 再加埋雪菜同蝦仁, 清得嚟又有d味

唔知係咪第一城越開越多食肆, 搞到申一棧少咗好多生意, 所以要諗諗計搶番d生意, 呢期搞緊星期一至五全日免收加一, 所以我就趁呢個愚人節去食下, 睇下佢會唔會愚人先..................... 我地七點未夠去到, 但細枱已經坐滿6-7成, 大枱就反而冇人坐, 多數都係2-4人去食, 可能時間尚早, 但之前都係呢d時間去, 都係得幾枱人, 莫非免加一真係咁吸引?? 起碼吸引到我先.........haha~ 都唔係第一次食呢間, 但之前果d餐定死哂食乜餸, 就算平過散叫, 我地都未試過食套餐, 如今有所改善, 套餐入面的主菜是有得選擇的, 二人餐係8選3, 但頭盤冇得選, 佢會指定2樣比你, 另外每位有個雲吞雞湯+白飯+甜品, 2個人係夠食架~~ 不過個餐冇我地最鍾意食的小籠包, 所以我地另叫一籠4隻~~ 先上的當然係頭盤, 因為已經整定哂响度................ 醺魚頭一舊都OK, 甜甜地, 口感又可以, 仲暖暖地, 但食第二舊開始覺得硬, 可能醺得太勁, 醺到乾咗d~ 四喜烤麩如果有得選我係唔會選lor~~ 佢有木耳、花生、麵筋、雪耳, 凍凍地咁,

由開店到現在保持每月最少都食一次位於商場天台, 環境唔錯, 下午都可以用天然光, 不用開燈.有set lunch, 價錢由$30- $40不等, 份量亦ok.全日不收加一, 近來出了學生優惠$25 餐, 故lunch 有可能要等一陣先有位.係第一城除左飲茶之外, 少數可以坐多d 人一齊食的地方.

星期日晚仲考慮緊去邊度食, 但已經到咗食飯時間, 驚周圍都冇位, 上嚟博一博, 有位就食, 冇位就走, 好彩................啱啱仲有1張4人枱, 仲要响角落頭, 唔驚有人打擾, 正!!!食咗幾次, 冇理由次次都食一樣架, 今次叫d未試過的, 但小籠包一定唔可以唔encore囉~~~ 芥末鴨胸 鴨胸肉好嫩滑, 但果層肥膏肥到嚇死人, 所以淨係食肉, 去皮去肥膏................個芥子醬好好味, 甜甜地, 又唔辣, 點鴨胸超正 蒸銀絲卷真係做到一絲絲, 個包好軟, 可惜太早上, 因為個銀絲卷係用嚟送回鍋肉的, 結果等到銀絲卷凍哂先嚟回鍋肉, 好彩都仲軟, 下次真係要到咗個餸先叫銀絲卷................ 回鍋肉超辣, 可能我唔食得辣, 所以食佢時食到口水鼻涕一齊嚟, 好彩夾入銀絲卷後中和哂少少辣味, 除咗辣之外, 仲好油, 所以冇第二次 鮑魚絲冷麵都算多鮑魚絲, 但麻醬唔錯, 唔會太溜, d麵都好彈牙 小籠包依然保持皮薄多湯, d肉又唔會好肥, 所以食多2粒都唔覺濟 唔記得叫咩名??有幾舊鹹肉, 幾舊排骨, 幾棵菜, 有d筍等等,

對上一次幫襯, 已經係半年前lu~~ 今日我舊曆生日, 要出街慶祝!!! 不過放咗工好攰, 唔想行咁遠, 見咁耐冇嚟食, 所以上嚟回味一下..........平日人流非常之少, 而且未夠七點, 好多人都仲未收工, 只得三、四枱客人, 對我嚟講梗係非常好啦~~ 一來冇咁嘈, 二來好似專人服待, 三來上菜速度都快d~~ 一出電梯, 已經有個待應哥哥企定响門口, 預備開門比我地, 因為果度係平台, 夜媽媽, 2個大人, 唔通上嚟玩滑梯咩?? 梗係嚟食飯啦~~ 入到去被安排坐在最近牆邊, 電視機底, 待應哥哥細心問我地想面對面坐, 定係泊住坐(咁樣可以睇電視), 我地話想睇電視, 所以佢幫我地執好個位..........同時待姐姐問我地係咪飲茶, 然後幫我地斟茶, 果然好服務~~ 諗食乜的時間, 差不多有3個係必點, 就係鎮江餚肉、鎮江骰仔骨、灌湯小籠包, 其餘只係睇下餓唔餓而選...............由於人少的關係, 果然, 唔駛5分鐘已經上菜, 因為係冷盤, 所以好快, 但之後d餸都陸續上, 最遲就係即叫即包即蒸的小蘢包..............成餐飯由上菜到結帳, 慢慢品質,

酸辣湯酸到癲D粉皮又杰又重味，似係齋食花生醬咁囉擔擔麵完全唔得炒年糕無味既小籠包生煎包都勉強入到口咁啦炸銀絲卷都OK 但係細條到爆，2條等如平時既1條不過服務同衛生我都俾佢合格0既

人很多, 但上菜很快!叫了2人套餐, 有:涼菜2個, 包括茄子、鎮江餚肉, 主菜為黃金蝦, 京蔥牛肉, 蕃茄炒菠菜每道菜都很精緻, 二人餐就是這樣吧...吃下都覺得不怎麼飽, 如果沒有飯就一定唔飽好在有求必應, 反應快, 行動快, 要茶有茶~最難食的竟然係甜品, 可能係本人不好杏仁味, 所以就一啖就夠喇

應承了他平日多點留在家中吃飯，堅持了幾天，那幾天下班後都是簡單地弄些菜呀肉呀再加「寶康達」的老火湯。嘿，就趁星期五及六「放放假」吧！嗯，第一城內的食肆不少，可是大都是「貴多不貴精」之貨色，除覺得吉野家是「最好吃最合心最平民」之外，就是平台花園上的《申一棧》了…舖位的前身為一間泰菜館，我倆搬來後本想一試，可惜沒多久便結業了，然後極速地由現時的《申一棧》補上…開業至今，我倆至少來吃過三數次晚飯，這裡的好處是不用等位之餘（每次到來必有位子），食物、環境及服務均不錯呢。可是也許今天是週末的關係，到來時已八九成滿了…點過食物後便邊看電視邊等待食物的「來臨」：手拍青瓜，其實是想為這頓晚飯增添多點「蔬果類」食物而點的吧，本身已很愛青瓜那種爽爽甜甜的清新味道，加上了蒜蓉及醋作調味後更是不錯呢…灌湯小籠包，是每次到來必點之物。我們相信是「即叫即蒸」的，亦相信是店子自家包的，可是我倆卻對「即叫即包」這點則存有懷疑呢（總覺得是預先大量包妥的）…樣子看來大小不一，不太美觀，可是吃起來味道不賴，內裡還充滿了湯汁呢！（充當「佈景手」的他手震了，而且我又對錯焦…）榣柱蛋白炒飯，飯炒得一粒粒的，油份比較少，感覺不太油

星期六晚未夠七點, 已經有好幾枱客食緊, 到七點半左右, 已經見有人開始要等位, 呢度坐得幾舒適, 就算2個人都比你坐4人枱, 而且枱與枱之間唔會好似d酒樓咁迫.............由於第一次嚟食, 樣樣都想試, 2個人竟然叫咗9樣嘢(連湯及甜品)............最終當然食唔哂要打包啦~~ 鎮江骰仔骨 -> 好多粒, 好好味, 一啖一粒啱啱好, 而且有d又有軟骨, d汁好好味, 唔會太甜或太酸, d肉又唔肥, 咬落又好爽, 唔驚瘦得濟太鞋........... 灌湯小籠包 -> 1籠有4粒, 但如果唔夠可以1粒1粒咁加, d皮超薄, 一夾起個頂頂, 係可以見到入面d湯有幾多, 但又唔會穿底, 一啖落口, d湯都湧入個口度, d肉又唔鞋口, 正呀!!!!! 宋嫂魚羹 -> 原本叫咗1窩, 但個經理建議我地叫1位用就夠, 因為我地仲有好多其他有湯汁的餸......... 個魚羹唔算太特別, 個杰度ok, 唔會好豆粉芡果隻, 有d魚肉, 筍絲等等材料, 完全冇腥味, 可以一試........... 油豆腐粉絲 -> 味道略為濃咗少少, 色水亦太深

由開張到宜家,我哋lunch都幫襯咗好幾次...之前天氣熱冇咁多人食...今日全FULL!入座發現咁多人,都已經擔心上菜慢, LUNCH HOUR只得一個鍾....12:45落單..點知一等1:05都未有嘢上...就連我地叫個豆漿同前菜都未上...叫佢地快啲..又冇去跟..前後叫咗兩次...最後要走出去同個著藍色的講,先去跟單...結果1:15PM先嚟哂.著藍色的 (似係高級的) 態度唔錯...可惜的係著白衫戴眼鏡的男人...我地PUSH佢,佢一係唔應..一係佢叫個著藍色的去睇!!!仲要話宜家上緊LOR...最尾叫埋單..我地搵緊$找數..佢竟然唔耐煩"鵝"咗幾句...唔等我地俾$就走開咗...其實FOOD係OK,可惜上菜慢,同埋有啲咁的伙計, 我地已經決定唔會再幫襯喇....

新開係第一城平台的申一棧京川滬料理, 比我想像中好味, 有d街坊可能覺得比較難搵, 但我朋友住24座, 就非常之方便, 大樓門口對面電梯按R字, 一出電梯就見到大大個申一棧字, 有位老老高高似係經理的人, 已好醒目開門比我地, 問我地幾多位, 4人叫左以下食物 - 有驚喜推介食品 :東坡肉 : 真係好正, 好入味, 同冇想像中咁肥, 價錢又唔貴. 好細心一舊分四份. 每人食少少, 可食多幾款.豆沙窩餅 : 好脆身，皮薄豆沙多, 新鮮整, 唔似有d上海鋪, 好硬好厚拼盤 : 拼盤內我比較鍾意係燻魚同鴨胸, 由其鴨胸跟個汁應該係自家製的, 好好味.OK的 : 小籠包、糖醋魚及蕃茄炒菜 : OK的, 好味的美中不足 : 雲吞雞個湯咸左少少整體黎講係好味的. 價錢都好合理的, 4個人$300幾蚊落樓, 食得超飽,

鎮江餚肉D肉冷凍曬...切得好整齊~有肥有瘦...肥的滑嘟嘟...瘦的鬆化..有著淡淡的SALTY 感...杭州東坡肉小小窩的只有4舊...好濃的汁...只係簡簡單單的...鎮江骰仔骨的的骰骰的...一口骨...幾好口感...酸酸地...好送飯~喜歡連埋少少骨...咬舊肉出黎的感覺...呵呵...咬感後的滋味...金銀旦時菜好多的金銀旦...大大粒煎蒜頭...砂窩雲吞雞1/4隻雞...得6粒雲吞...湯有D油膩...加了林林的棠菜...雞湯陽春麵幾彈牙~ 爽口的~ 平時黎下午茶都係SAME SIZE~湯幾清雞!油豆腐粉絲豆腐滲入曬湯...一咬...BI 番D汁出黎~呵呵~粉絲滑滑彈彈...豆沙窩餅佢一早就上左菜...放左成餐飯...都KEEP 左微暖...不過就冇咁脆了...但都好味...唔太甜...侍應們都好用心的做工...見佢地都好忙...不過都好快手...店設左係天台...別樹一格...出面仲有幾張露天的台仔... 可能秋天時先會多D人坐喇~店的水準跟沙田店不相讓~期待會有多D TICK TICK餐...咁就抵食D喇~不過碟碟都細細咁...如果多人食...佢會點呢???

首先介紹首碟"醉拿手", 這碟上次光顧送贈,不會因送,而品質變差; 出面我也吃過,有些店酒及豬手也不夠味,而且很爽口,但一些不喜洒的人,或許不喜此小食. (我們吃咗–些才拍照!) "手拍青瓜"- 很爽口,青瓜並不太細粒,很有口感;我們吃了之後,附近一檯,見我們吃得滋味,也同樣叫此碟. "招牌炒飯"--很好味. "京式賽螃蟹" -- 如喜歡淡味,便 ok, 不然便覺得太素. "宋嫂魚羮"--很好飲,既不太濃,又不太淡, 拾道好處. "灌湯小籠包 ( 4 隻 ) -- 雖然樣子不太靚,但用筷子從頂夾起也沒穿, 唯一缺點其一的小籠包有小缺口.