田記魚蛋牛腩專門店 (塘尾道)

营业中

休息中

🐳餐廳光線充足，乾淨衛生。🐳招牌牛腩魚蛋河💰41招牌真的是招牌，牛腩部位非常適中，有肥有瘦，好入味，好淋，份量也不少。魚蛋有兩粒，大大粒，也非常彈牙。 🐳五香牛筋河💰35又大又肥的牛筋，非常淋，又很好味，應該煮了很久，真心值得推介👍👍👍價錢也十分可觀！🐳油菜芥蘭💰10鮮綠色芥蘭，完全沒有根，爽脆可口！🐳黑豆漿💰6黑豆不算太濃，微香，甜滑🐳白豆漿💰6鮮豆漿，有淡淡豆香味，冰凍最佳

🥳🦋今日係節日前夕🎄同朋友唔想迫啲大集團嘅餐廳就簡簡單單 食餐碗麵啦💝 呢度坐得幾舒服喎又有大電視 感覺💗 員工都好friendly ❣️點餐之後好快就有得食牛坑腩同埋魚蛋嘅 我就點咗個魚蛋拼水餃河粉呀再加紫菜 魚蛋好彈牙 新鮮 水餃亦都好清富有木耳豬肉咁樣 個餡料豐富 再加埋紫菜 都幾飽配埋我最愛嘅凍檸茶🍹就一流啦 🦋另外朋友點咗個牛崩沙腩撈麵🍜🍴係佢哋嘅招牌菜 都話佢哋又用幼麵做嘅撈麵真係🍴 好正 崩沙腩有 六至七片 真係啖啖肉呀 夠曬大碗夠曬飽呀加六蚊可以加個配菜我就雙拼咗牛丸同埋蘿蔔 🦋我真係要讚一讚 佢哋呢度嘅蘿蔔好新鮮冇渣好清甜 你埋個湯真係好清新 我點咗個蠔油菜心🥗好林 感覺健康🍴🥢 而家 咖啡☕ 都係冬天 啲叫嘅 感覺呢度服務周到價錢非常親民接地經再加上喺地舖嚟地鐵站唔遠💝 真係可以一試

今日放工諗住簡單食碗魚蛋粉就返屋企瞓覺💤 見呢間餐廳價錢唔係咁貴 冇諗過會係咁好食 咁有驚喜😋 崩沙牛腩河粉牛腩半肥瘦 而且份量幾多 入口都好軟腍🐮 而且牛味好重 河粉唔會煮得過林 亦都唔會碎濕濕👍🏻 隔離仲有個調味架 可以加自家製辣椒油添 都非常惹味㗎魚三寶粗麵比起牛腩 魚三寶更加有驚喜 入面有魚蛋 魚片頭 魚皮餃🐟 本身對丸類冇太大期望 但係魚蛋 魚片頭都非常彈牙 而且調味唔會太鹹😻 而我最鍾意嘅係魚皮餃 炸魚皮賣相係金黃色嘅 同外面街買嘅唔同 而且每舊都好脆卜卜🥰 油菜我哋嗌咗腩汁生菜🥬 店員話汁係冇得分開上嘅 不過好彩腩汁唔算太鹹 只係有少少味做調味豆漿冇諗過豆漿都有兩款可以選擇 分別係白豆漿同埋黑豆漿 不過兩款都係街買到嘅所以唔特別介紹啦😂呢間魚蛋比起一啲連鎖店嘅好食 真係值得推介

好想食牛腩河，上網搵一搵就嚟咗呢間食吓。入到去環境都幾乾淨光猛，我由於係非凡忙時段，店舖人流唔多，所以好自由咁享受一張圓枱🤪今日同朋友點左招牌 👍崩沙牛腩河+😍牛三寶河（牛腩，牛肚，牛筋） 要加底要左紫菜🤩一嚟到睇個樣已經豐富，每款餸嘅數量都唔少。牛煮得好軟好入味，牛筋都一咬就斷，好味到一口接一口🤩湯底恰當又好清甜，唔會蓋過牛肉鮮味 ☺️咁好味嘅湯底，除左飲埋佢，仲可以點份炸魚皮吸埋佢😍依間炸魚皮真係好白好脆，我就選擇點埋湯底，😍嘩，好食到不得了！

陪friend來到荔枝角雷生春堂，發現咗對面嘅『田記魚蛋魚腩專門店』，好似之前有人向我推介過，咁就試吓囉。『牛三寶河粉』就有牛腩，牛肚，牛筋，牛腩，由於牛筋平時少食，因此特登加錢畀5份，牛筋係我鍾意食品，呢度D牛筋軟硬度適中，食落有Q彈感覺。『崩沙牛腩河粉』以46蚊的價錢來講，都算畀得多崩沙腩，肉味香濃好咬口，連同滑瀝瀝的河粉相得益彰，冇得頂吖，白蘿卜炆得好腍又冇渣，直情想加多幾件，下次先喇，真係畀多幾蚊就可以嘅。『魚皮』香脆又量多，實在預想不到；『芥蘭』够腍容易入口啱我心水。

今日同阿媽去太子行街之後佢肚餓想搵野食我就帶左佢去呢間高質牛腩粉麵店等佢見識下除左招牌牛腩，仲有好多選擇，魚蛋雲吞水餃等崩沙腩飯崩沙腩肥瘦均衡唔會太肥食落太膩都唔會太瘦唔夠香口店家做到岩岩好，佩服咬落肉質軟淋肉味好濃加上腩汁撈飯食係超滿足淨魚三寶有魚蛋，魚片頭，魚皮餃三款都好新鮮，魚味好重證明係店家即日製造好有誠意雲吞河有成足足5粒！好豐富，阿媽好開心笑到見牙唔見眼雲吞非常足料蝦肉爽口彈牙，口感好好河粉煙韌掛湯，同雲吞係絕配

肚餓搵食，路過見到咁多街坊食，於是決定入去食飽牛腩河先😊 原來招牌除咗牛腩，仲有魚蛋！都要試吓先：🎈牛三寶河 $46牛腩小肥，肉質鮮嫩入味🉐 牛肚、牛筋都好入味，牛筋唔會太軟腍，有啲咬口。🎈招牌牛腩魚蛋河 $41牛腩唔錯，魚蛋都幾特別，唔係爽口彈牙個隻，而係軟腍得嚟，有啲爽脆口感🤩🎈淨魚三寶 $34魚蛋好食，忍唔住叫多份魚三寶小食🤣 發現魚片頭都好吸湯，又香口呀💕🎈淨鮮蝦雲吞 $30粒粒雲吞都有1/2隻鮮蝦肉做餡㗎😍正呀！

坊間食牛腩麵嘅小店有好多，不過呢間<田記魚蛋牛腩專門店>食過之後，個人覺得真心好食又抵食，值得推薦！<崩沙牛腩撈幼麵 $46 (轉撈麵加$6)>崩沙牛腩麵份量好多，熱辣辣大大碗甘上枱，每一件牛腩都係厚切，牛腩肉質好有質感，帶點點油脂，所以完全吾會覺得乾瘦。牛腩入口重牛肉味道，夠腍夠嫩，配埋爽彈滑身幼麵，絕對抵食又好食。牛腩件件都好大件，食完好滿足！！<牛三寶撈粗麵 $46 (轉撈麵加$6)>牛三寶包括有牛腩、牛肚及牛筋。招牌牛腩同樣非常嫩同腍，炆得好入味，脂肪相對地冇崩沙牛腩咁多，不過水準依然高，同樣好好食。另外要推薦一下佢哋嘅牛肚同牛筋，牛肚用上高質金錢肚，又腍又滑。牛筋炆得軟身，而且腩汁味道濃郁，非常好食。粗麵質地爽滑彈牙，值得推薦！！～<淨食鮮蝦雲吞 $30>鮮蝦雲吞每一隻都非常大粒，外皮好滑，而且入面嘅餡料份量相當多，有大大隻鮮蝦喺入面，仲加埋少少肉碎，每一啖咬落去都有鮮蝦餛飩湯爆汁出嚟，非常好食，抵讚！！食麵仲可以加六蚊要埋凍飲，我哋叫左凍奶茶少冰，奶茶都幾大杯，茶味夠濃，味道不錯。整體來講，小店環境雖然唔係好大

豬手飯配紫菜湯$45豬手有三件，豬皮清理得好乾淨，完全冇毛😂豬手厚肉，炆得好淋好入味👍🏻呢個飯仲可以配埋紫菜湯，紫菜爽脆，飲埋碗湯暖笠笠❤️崩沙牛腩湯米線崩沙牛腩真係牛味好香😘而且肥瘦相間，係牛肉版嘅半肥瘦叉燒🤣真係食得出個種鬆化嘅味道🥰鳳城水餃🥟淨食$30鳳城水餃件件都好大粒，而且都算幾多餡料，味道唔錯菜心 $10🥬黑豆漿凍檸茶環境方面，呢間算係旺角區比較乾淨嘅粉面店😂餐廳好光猛，地下同埋座位都好乾淨👍🏻而且筷子都冇嗰啲陳年污跡😂老實講粉面店都唔會要求太多，呢間乾乾淨淨嘢食都OK，小編已經比滿分佢🤣💯如果經過嘅都可以試吓👍🏻🧡

旺角 都真係好多嘢食選擇多,行個 雷生春 飲完涼茶附近有一間食魚蛋粉嘅走去試下啦見佢平平哋咁樣入面有有位坐 食咗佢個牛三寶 米粉 一次過滿足曬三個願望呀有牛腩牛筋同牛柏葉 份量都好多所以見到好多拍喺出面嘅的士司機會走入嚟傾下計食個麵咁 地方嘅關係都真係幾方便 地鐵站下五分鐘就到仲要係可以泊車嘅位置 另外我朋友食咗一個豬手粗麵加埋香菜真係好好味好爽口彈牙 另外健康嘅我哋梗係加十蚊有碟油菜啦我就食咗個蠔油菜心分量多好好味凍檸茶少甜做到喎 有水準 呢度簡簡單單食碗麵幾十蚊又飽肚 款式又多 價錢仲好親民呀所以我都幾鍾意你呢度食

呢度食牛腩同魚蛋粉係最出名,係太子站行過黎大約5分鐘附近就係雷生春地標,最出名係就係牛腩3寶,牛筋,牛腩,牛肚古法滷製,入味而嫩,牛腩肥美帶筋脂位,又肥又甘香,煮到好入味好軟淋,無渣牛肚爽口彈牙,唔會太過濃,保留口感,牛筋入味而有韌性,粗身厚身可配粉或麵,總之份量就係好大碗,加十蚊有油菜,抵食夾大碗選配河粉,我係無食午餐先食得曬咁大碗,見到隔離好多人都食唔曬牛三寶唔錯,值得一試消費$46田記魚蛋牛腩專門店 (塘尾道) 太子塘尾道201號華安樓地舖

見到呢間牛腩河好多人推介所以專登出嚟旺角試吓我哋叫咗一碗崩沙腩飯同埋一個普通嘅牛腩米崩沙腩的確係幾好食 夠肥 唔韌佢嘅腩汁用嚟撈飯亦都好味仲有蘿蔔都甜至於普通嘅牛腩米都ok對比之下呢就冇崩沙腩嗰碗咁肥但口感亦都冇咁淋所以二揀一嘅話呢我都會揀返崩沙腩另外除咗牛腩 我地仲叫咗一碗淨牛丸好驚喜喎 我覺得個牛丸更加出色😂好好食牛丸係好多汁 同好香牛味可惜 呢到有一個問題係我好鍾意食辣嘅但呢度啲辣椒油係唔夠辣 唔香 而且有燶味🙈

-路過見到田記魚蛋牛腩專門店咁岩肚餓就去食下餐廳幾大 位置多 唔會迫Menu 款式多 就算揀雙拼都唔貴*招牌魚蛋河粉見佢話自己係魚蛋專門店 所以嗌左用左白魚蛋 口感都幾彈牙 魚片係厚切 同樣彈牙*豬手配魚皮餃粗麵豬手大大個 都有好多肉 唔會得舊骨魚皮餃嘅魚肉唔會散開 又有嚼口 真係同鄉下既幾似*油菜要另加9蚊*淨金牌牛腩店員推介食金牌牛腩 咁就可以同朋友share淨牛腩既份量都幾多 下面有蘿蔔墊住所以蘿蔔吸收晒牛腩汁 又稔 唔錯牛腩肉香濃 肥瘦均勻 唔係乾身 又易咬估唔到而家仲有高質高CP 值既潮州粉麵連凍檸茶同利賓納都好飲 值得回頭 👍

-田記魚蛋牛腩專門店🥢上星期同朋友係太子搵野食果陣咁岩見到潮式粉麵店見佢價錢唔貴 又多人食 就入黎試下 先繼續行去旺角血拼🙈餐廳環境都闊落 光猛 乾淨 企理的都坐得幾舒服 見佢餐牌都幾多選擇就每樣都嗌少少黎試下！🥢淨金牌牛腩（$90）食完就會明點會係金牌✨✨✨每一件牛腩既肥瘦平均 牛香味濃 口感唔會硬柴柴 都幾軟稔 蘿蔔超入味！🥢豬手配魚皮餃粗麵（$39）豬手整得好入口 魚皮餃嘅肉質唔會散口感係比較結實有嚼口 係我中意既果款！重點係啲面係冇鹼水味👍👍🥢招牌魚蛋河粉（$28）呢個真係出乎意料嘅好味！簡簡單單嘅魚蛋 魚片 非常爽口彈牙冇嘢可以挑剔✨✨🥢油菜（+$9）整體黎講 冇諗過鋪面平平無奇入面就內有乾坤！食完就會明白點解佢個名係叫做魚蛋牛腩專門店 真心必食✨✨✨✨✨

雖然聽唔小人講田記既魚蛋比牛腩好食，但個人黎講真係對魚蛋無咩太大既興趣，反而作為一個同牛有仇既人，梗係要食返牛先得，而田記既崩沙腩只係43蚊，係43蚊呀，我出去食個碟頭飯都無咁平啦，最緊要佢除左平之外，仲要好有質素，真係無食錯呀！除左叫左牛腩之外，雲吞都好好食，大粒，爽口彈牙！專登叫左一碗淨雲吞食！牛腩河粉| $33崩沙腩河粉|$43淨雲吞|$28炸魚皮就香脆可口！炸魚皮|$18比較可惜今日去到，啲菜已經賣哂無得食！餐廳評分，價值便宜，街坊之選。味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐