田浦食肉

营业中

休息中

兩個人收工想食韓國料理，友人醒起之前網上推薦，所以楂車過去準備食好野。環境同一般韓國燒烤差唔多，前菜可以無限添加🥰，服務和食物都不錯，不過抽風系統需要改善🙈

啲肉燒得好香，同埋仲會有店員會喺隔籬幫你燒根本都唔使自己動手，個位置就喺石門地鐵站C出口出嚟晚市嘅時候可能要排一排隊，不過都幾快可以排到，啲醬油蟹冇咁驚艷，但係牛肉好香

聽左好耐終於有機會試田浦燒肉！首先前菜超豐富，款款都好好食😋我地叫左烤牛排骨set（烤牛排骨+牛五花肉+黃油炒飯）個牛一啲都唔韌，樣樣肉都好Juicy!! 最重要係有oppa幫你燒👦🏻Overall服務好、肉好食🤤

朋友挑選的餐廳 位置很好找 在石門站出口轉右就是職員很用心服務 一直在幫你燒 餐廳的裝修很有韓式風格我們這次試了豬五花肉 雞蛋羹 牛五花 牛仔骨肉 還有泡菜炒飯肉的調味很合適 跟在韓國食到的烤肉感覺很相似 也會跟韓國的餐廳一樣有很多配菜推薦！

做野既既關係，經過沙田，見到有間幾地道既韓國燒肉，好似幾正，決定入去試試。佢嘅烤牛排骨套餐真係出色。牛排骨烤得恰到好處，好鬼脆，而且帶有淡淡嘅炭燒香，每一淡都好鬼滿足。搭配佢哋嘅特製醬汁，更加提升咗牛排骨嘅風味，鐘意食牛仔骨既一定要試！另一款要試嘅就係佢哋嘅生醃醬油蟹，蟹肉鮮甜，夠爽，又彈牙，加埋微微的甜味同醬油嘅香氣，絕對係海鮮愛好者嘅最愛。雞蛋羹同小菜都簡單而特別，雞蛋羹好鬼滑嫩細膩，小菜又清爽開胃。田浦食肉嘅用餐環境舒適，服務態度親切，有韓仔幫你。

今日同個仔想落堂之後就打算係附近食啲野又心血來潮好想食韓國野所以揀左田蒲食肉食今次我地叫左烤牛排骨套餐、韓式煎餅同飯糰食首先黎既當然係4個前菜我最愛都係佢既泡菜辣味岩岩好不會過辣每次食韓國野我老公必定要食佢既煎餅佢地煎得好香口就咁食已經好好食再配合埋個醬完全一流而烤牛排骨套餐又係正餐廳啲燒烤有晒職員幫手燒唔洗自己落手勁正而我仔當然最愛就係佢既飯糰雖然佢簡簡單單入面加左紫菜同芝麻但真係小朋友最愛既野食唔怕佢地唔食飯🫢🫢

最近真係覺得自己食極韓國菜都食唔夠，尤其係超級鍾意食韓燒，於是今日去開沙田探朋友嘅時候，朋友就介紹我去呢間餐廳，佢話嗰個去過都話勁好食。一坐低就即刻叫咗個韓式煎餅，外皮煎得好香脆，厚薄到又剛剛好，真係勁好食。之後我見到佢餐牌原來有得食生醃醬油蟹，就即刻同朋友講我想試吓呢間嘅質素，點知真係冇失望，隻蟹好新鮮，完全冇腥味。最後到主打，就叫咗個烤豬肉套餐，佢有五花肉同豬頸肉，兩隻嘅肉質都好好味，啲肉完全冇鞋，而且燒一燒，即刻好香，完全滿足到我呢個食肉獸。

好耐冇食韓燒啦，今日同好耐冇見嘅同事過嚟石門gathering，點咗個烤豬肉套餐 (五花肉＋豬頸肉)，原來有專人幫手燒既，咁我唔客氣啦🥢，五花肉燒完之後肥瘦均勻，入口鮮嫩，外面香脆。至於豬頸肉燒完就比較爽口。用生菜包住再夾埋啲配菜一齊食真係好滿足呀。雞蛋羹由芝士、蘿蔔絲、粟米粒、蔥粒製作而成，個賣相真係幾吸引，入口蛋味濃郁，口感香滑，配白飯一流。水冷麵同事話食完熱辣辣嘅嘢梗係要食返個水冷麵降下溫，本身唔好水冷麵嘅我，試完一啖發覺又OK喎，覺得幾fresh，中和晒食燒肉嘅油膩感。

大量伴菜同埋高質燒肉 !這家燒肉店位於城市中心的一個安靜的街區,環境安逸舒適。店面裝潢簡約大方,透過大窗戶可以眺望外面的景色。店內提供多種高級燒肉選擇,包括韓牛、五花肉、牛舌等。肉質新鮮多汁,搭配店家自製的特製醬料,讓每一口都饕餮無比。服務人員非常專業和熱情,會耐心地為客人解釋每種肉的特性和適合的烹調方式。他們也會適時地為客人添加炭火,確保肉類一直保持最佳的烹煮狀態。

田浦食肉（沙田）❣️沙田都有正宗韓式烤肉啦😄田浦距離石門站2分鐘距離，十分方便。店內環境寬敞，坐得舒適。套餐都好抵食，唔夠食可以追加😄 最最最驚喜係烹飪過程由店員全程為你代勞，仲會有塊隔板，隔開油煙周圍彈，非常貼心👍🏼🌟烤牛排骨套餐🐮500g的原條牛排骨上，顏色已經好養眼，明顯雪花紋，脂肪分佈均勻，肉比例相對骨高。由大火燒到表面微微焦香，再起骨剪成肉粒，再慢火燒鎖緊肉汁。入口超級juicy，而且牛味濃郁，又冇腥味。值得一提有好多韓式經典小菜可以任意搭配進食，有泡菜、芽菜、波菜等等，仲要係無限量添加。🌟韓式煎餅🫓色澤金黃，好有份量。外層煎得香脆可口，內裏口感鬆軟，仲食到粒粒爽脆泡菜。帶有濃厚的泡菜香，但又不會蓋過本身的蛋香。🌟紫菜飯糰🍙與平時食開的飯糰有所不同。呢個紫菜飯團帶有芝麻香，有少少鹹香味。手握飯團口感實實的，不容易鬆散。入口米飯粒粒分明，加上紫菜帶有脆脆的口感。同烤肉一齊食真係好夾。❣️總括而言，性價比高，味道一流，感覺好似去咗韓國食咁。店員姐姐哥哥服務周到，絕對係值回票價。

今日探朋友去到石門，唔熟地頭周圍搵食之下見到韓式燒肉，作為食肉獸見到肉就想衝入去啦😚😚入面裝修都好有韓國風格，不禁令人有錯覺置身係韓國咁🙈先黎上左前菜，碟泡菜大大碟超正，唔會過份酸同辣，好開胃!🤩之後就係飲個大醬湯暖一暖胃先，一飲係韓國嘅味道! 無死咸，淡淡大豆香，非常舒服~😛肉方面叫左個烤牛排骨套餐，成條牛骨上，肉嘅份量都好足，有oppa幫手燒埋，唔怕自己燒得唔好😜，燒完仲好貼心咁放上牛骨面唔怕overcook，牛骨調味好好，甜甜地又充滿牛香，係韓式燒肉嘅極品呀~🥹最後叫左個水流麵過一過冷河，酸酸甜甜又夠凍，為呢一餐畫上完美句號。😋😋

之前喺其他區見過都想去。最近探朋友去開石門，佢推介試下呢度幾出名嘅牛排骨，差唔多每枱都會叫。各款韓式前菜包括泡菜、醃蘿蔔同豆芽菜，幾多元化，仲有唔同嘅韓式調味料。 牛排骨大大一整條，專人幫手燒，佢哋嘅手法純熟燒得啱啱好。 牛肉保持鮮嫩口感，牛肉香味撲鼻，再用生菜包住肉類食或者配埋生蒜片，都可以減少油膩感。 韓式煎餅熱辣辣，夠足料，加入咗各款海鮮，外層脆口，唔會太重麵粉感。飯糰加入咗芝麻同脆脆嘅紫菜，飽肚。

這家燒肉店十分出色。肉質鮮嫩多汁,香氣撲鼻,烤製恰到好處。店內環境寬敞優雅,服務人員熱情周到。價格略高,但絕對物超所值。無論是商務應酬還是家人聚會,這裡都是不錯的選擇。我強烈推薦大家來嘗試這裡的正宗日式燒肉,相信你一定會為之驚艷。

🌟雞蛋羹雞蛋羹非常綿密，蛋味濃郁，一啲都唔馬夫；佢上面鋪左啲蟹籽同芝士粟米，拉住絲食好邪惡😈·🌟大醬湯湯非常熱辣辣 望落去顏色吸引🤩 大醬湯鮮味而且超濃郁，配上韓國必備既辣粉，鹹鹹辣辣配埋白飯岩岩好👍·🌟烤豬肉套餐（五花肉+豬頸肉）韓國店員們幫手燒✌️ 佢哋燒到好靚，塊塊都金黃色，豬肉爽口，不會有豬腥味！夾住生菜食真係一流，解油膩😌 份量超足，2人食到飽飽～讚！·🌟水冷麵好中意呢間舖既水冷麵！韓燒當然唔少得食水冷麵，熱辣辣既燒肉配上冰涼水冷麵😋 係我最鍾意既食法😭 冰火交融既感覺🤩 水冷麵酸酸甜甜！好開胃又去油(⁎⁍̴̛ᴗ⁍̴̛⁎)·人均：$250+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑服務態度：🍑🍑🍑🍑回頭率：🍑🍑🍑🍑·📍田浦食肉沙田石門安群街1號京瑞廣場2期地下19A號舖🚇石門站C出口步行約3分鐘

今日試左呢間韓式烤肉前菜都有成10款眼花撩亂泡菜啱晒我胃口酸酸辣辣，夠晒開胃仲有酸蘿蔔同大豆芽呵呵好正啊！我哋點咗烤牛排骨套餐 $580/2人件牛大到你唔信足足500 gram 原條燒仲有人幫手一於翹埋雙手喺度等食👍🏻烤好之後啲肉又滑又嫩食唔停口👅D牛肉好香好有水準加埋牛肉大醬湯 $88好足料仲有金菇洋蔥泡菜同翠肉瓜👏🏻一大煲好好送飯😻食完呢餐大滿足田浦食肉 (沙田)沙田石門安群街1號京瑞廣場2期地下19A號舖