田中日本料理

行开元朗，见到呢间「田中」日式料理，门面简约但好有日本小店Feel，忍唔住入去试吓佢嘅鱼生系列！一入到去，环境干净企理，坐得舒服，服务员态度亲切，落单用code落又会推介特色菜。整体感觉好Chill，适合同朋友轻松食个饭。三文鱼刺身 $85依碟三文鱼刺身真系不得了！每片都系厚切大片，色泽橙红鲜艳，脂肪纹理分布得均匀，望落已经好吸引。入口啖啖都系嫩滑嘅口感，油脂香浓但唔腻，鲜甜味喺口腔爆发，简直系三文鱼控嘅天堂！份量够多，食完好满足，质素完全值回票价，强烈推荐！ 三文鱼腩碎饭 $72（带子、北寄贝、赤虾、紫菜，配面豉汤）：呢个饭可以拣多饭定少饭（我拣咗正常），饭底系寿司饭，酸酸甜甜好开胃。主角三文鱼腩碎油脂丰富，入口即化，配上大大只嘅带子，爽口弹牙；北寄贝味道鲜美，略为脆口；赤虾真系超大只，肉质结实又鲜甜，咬落去满口虾香！紫菜好新鲜，点缀得好好，攞嚟包住啲饭同埋三文鱼碎一流。仲有碗热辣辣嘅面豉汤，味道浓郁，饮落暖胃又解腻，成个组合完美！鱼生饭 $98（三文鱼、带子、北寄贝、赤虾、八爪鱼）鱼生饭同样用寿司饭做底，酸甜味同鱼生好夹。三文鱼依然新鲜，切得厚实，入口软滑鲜甜；赤虾同样超大只，甜度爆灯；带子同北寄贝表现稳定，鲜味十足；八爪鱼普通，口感爽脆但味道相对中规中矩。整体嚟讲，依碗鱼生饭食材丰富，每款鱼生都好有质素，份量够多，食完好有满足感！田中嘅鱼生质素真系无得弹，特别系三文鱼同带子，淡淡肉！寿司饭同配搭嘅鱼生都好有心思，份量足，价钱抵食，绝对系元朗日式料理嘅隐世好店！如果你系鱼生迷，嚟元朗记得Mark低田中！…查看更多

今晚同朋友去咗不设时限嘅田中食日本嘢几个朋友由7点开始食由于见到冇人等位，仍有其他吉枱，所以大家放心倾下计，继续坐喺度倾偈至大概8:45，其间开始见到2位侍应生做出一啲不满我们坐得耐唔走的赶客行为，例如大力拍埋隔离枱空櫈丶对客黑面行为凶客走。如果想我埋单走，其实可以善意提醒我们，我们会离开的，不需要这样对客人。唔怪之得多左咁多人去北上消费，香港餐饮业比喱D店铺做衰晒喱间简直不知所谓，不会再帮衬，费事受气⋯⋯落嚟食饭都想同朋友轻松下，倾计食饭，点知搅成咁…查看更多

田中喺元朗好出名，但系我第一次食，虽然都知道佢系做平民街坊寿司，但系见到好多好评都忍唔住期待一下，结果真系令人太失望，佢唔系普通咁简单，佢系完全冇味，寿司饭无味，啲刺身完全唔新鲜，食咗个口好似食左水咁，零鲜味⋯⋯叫咗两个卷物即刻走，再嗌唔到野食落去⋯⋯⋯⋯⋯咁难食既水寿司，冲击好大…查看更多

田中寿司系我食咗好多年嘅寿司舖，每次去元朗行山之后，如果想食日本菜，一定系拣田中寿司最初食佢嘅时候，系俾佢超长嘅三文鱼寿司所吸引住，佢啲鳗鱼寿司都系非常之长嘅 。仲有佢三文鱼刺身系非常之厚切，好啱钟意食刺身嘅人嚟支持吓。今次嚟到我试吓佢嘅新菜式拉面非常之多海鲜每样都有一件，可以试吓唔同海鲜都系一种几新鲜嘅感觉蕃茄汤底十分之浓厚，可惜拉面略嫌煮得过腍，没有干身咁好食元朗嘅小店已经买少见少，呢一间唔知仲可以食多几多次呢？…查看更多

作为一个元朗大嘅地胆，呢间日本野真系唔可以唔介绍！厚切要以呢间店作标准，冇咁厚真系唔好过自己系厚切。🦌🐿️ིོ三文鱼刺身六片$85由细食到大，厚度都系一样🥺成只手指咁粗，每一啖都好满足。本身想食三文鱼腩，但生意太好，8点半食都已经卖晒。好彩就咁三文鱼都一样好癫ིོ三文鱼寿司两件$32寿司一样份量好足，鱼生长度仲长过我只手🤣ིོ甜虾刺身5只$58除返开先11蚊只，每只都大大旧，连虾头位置都唔腥。ིོ蓝鳍吞拿鱼腩3片138食到去呢到已经饱饱地🤣吞拿鱼油脂超劲又劲入口即融。ིོ蓝鳍吞拿鱼赤身3片$88食落肉地较实，自己钟意上面个款多啲ིོ特色刺身拼盘$168呢款都几癫，咁嘅价有埋海胆食。仲有3款刺身（三文鱼、北寄贝、八爪鱼）本身见到海胆个样咁冇色水劲惊腥，点知食落又几绵同唔腥，系差左冇咁甜。但咁平，唔腥已赢。ིོ海胆火山卷$36本身谂住填下肚叫，但绝对唔洗，因为食鱼生都食饱🤣呢款冇咩特别，之前食过佢地嘅反卷就唔错ིོ赤贝寿司$189蚊件抵到烂，食落好爽口系差唔够鲜甜。带子寿司$36带子都几厚身，食落几甜，值得叫下。ིོ蜜柑鲷寿司$18呢个好食，喜出望外，蜜柑味留好耐。ིོ柚子真鲷寿司$10唔知系咪佢比错，黎左个烧左嘅，唔好食。呢间啲烧物同鳗鱼都好食🙌🏻…查看更多