生龍清湯腩 (已結業)

生龙既咖哩牛腩饭一向都系爸爸至爱，所以得闲都会陪佢食😆今次去就试左个秘制安格斯牛腩饭，因为见佢个晚餐都好平，只系46蚊仲要包野饮同甜品😆个安格斯牛腩啲汁都几好食，攞黎送饭一流，但系啲牛就好老，唔入味，我食左几旧就冇食，要用爸爸啲咖哩汁捞饭☹️…查看更多

今晚简简单单食晚饭,闯咗入嚟呢间食店。既然佢标榜出名清汤腩同巴基斯坦咖哩，好快就order晒两样。清汤腩肥瘦有致仲好入味。虽然要$45，不过值！至于个咖哩就更有惊喜，呢个咖哩并非一般茶记咖哩，啲香味有啲特别，佢话用30多种天然香料，唔知系咪巴基斯坦咖哩所以辣啲（本人唔食得太辣不过顶得顺），食得出系心机嘢。啲白饭都唔马虎，软硬适中，配呢个咖哩一流。如果喜欢仲可以转饭做薄饼。睇睇餐牌，仲有好多选择，而且有啲都几特别。会再嚟…查看更多

又到星期六，瞓醒已10时多，唔想等位，所以拣了生龙，我想喺呢一区只有此舖不用轮候，原因好简单，消费者都系好精明。我哋点左3个早餐，简简单单，火煺通粉，是用坑纹通粉，但是汤只有咸味，红肠公仔面不过不失，牛腩粒公仔面，牛腩粒够入味唔韧，面质够爽，但是个汤又出事，都系太咸，奶茶一般，茶味唔够香浓。…查看更多

是日同屋企人系生龙食晚饭，佢晚市都几扺，五六十蚊一个套餐，有小菜、白饭同饮品，而且款式都唔少我地3个人就叫左两个套餐，分别系西柠煎软鸡、沙嗲海虾粉丝煲同一碟蒜蓉炒西洋菜。西洋菜几有咬口，用蒜蓉炒好香。西柠煎软鸡既鸡肉好滑，外皮脆卜卜，柠檬汁调较得岩岩好，酸酸甜甜好开胃。沙嗲海虾粉丝煲就好惹味，沙嗲味啱啱好唔会过咸，而且海虾肉质几弹牙，成煲有10只虾，都算俾得几多下， 最正系个粉丝，索晒啲沙嗲汁，烟烟韧韧好开胃，整体唔错👍🏻…查看更多

经常起蓝田打趸，最近都周不时黎呢度食小菜，因为小菜比附近果几间感觉无咁油同重味精。今日想清清地就叫左碗云吞河（$31)，另加鱼蛋。 云吞都几多，有成五粒，虾肉爽口弹牙。不过个味精真系好重，粒粒落足调味料，连带个汤都感觉味精颇盛，不知是否加了腩汁的关系🤔。鱼蛋其实ok，入味够弹口，如果整体口味唔好咁重，又或是搭番条菜会更佳。另外叫左个苦瓜燘排骨（$56),跟饭同野饮，呢个几好食。个汁甜甜地，食落苦瓜无咁苦，排骨亦好淋够味，如果少啲油就更好。…查看更多