生龍清湯腩 (已結業)

和媽媽在元朗買東西和拎月餅前，先去醫肚，我們以前經常幫襯的泰國餐廳關了，唯有找別的食，我們都喜歡吃牛腩，所以我建議到此一試。這邊樓上搭了棚，行過這邊都要小心些!我們原先入去是安排坐卡位，隔了一會隨後有3人入來，侍應要我們搬去搭去枱，圓櫈又油又污糟，換了2張給我，一張給我放袋，但我都是自己拿紙巾抹好了才敢坐。我們看了有套餐，比較抵吃，於是叫了兩個百變常餐，我要煎雙蛋拼豬扒配叉燒米粉，媽媽要什菌鹹牛肉炒蛋拼奶油豬配麵醬牛腩粒河粉，同飲熱杏霜。除了好油，食物質素一般，湯粉的湯太多，河粉和米粉的量都不知有無一個飯碗，叉燒很薄切又細件，牛腩粒好似五香肉丁般，我覺得麻麻~太陽蛋不錯，挺香; 豬扒超多油，十分腍(不太正常般)，很不健康，不會想再吃什菌鹹牛肉炒蛋不錯，以前吃鹹牛肉是超鹹，這個不覺得鹹; 奶油豬很香脆，倒是很美味!最差的話是杯熱杏霜，完全無味，差過飲水，只覺得太縮皮了吧! 沖一杯熱飲都可以這樣差，其實都無技巧，落粉加熱水和煉奶便成，真的不行!用餐感覺不太好，應該不會有下次

好奇怪，生龍淸湯腩，應該係專食牛腩！但之前食過幾次，次次都淡如水！真正清湯所以，以後唔食佢淸湯嘅食物！咖哩，正到出汁咖哩角，更加係無敵佢個咖哩，完全用洋蔥薯仔香料做汁，唔係用生粉埋個獻汁。

其實已經食完飯，但係行過生龍清湯腩，記得佢個咖喱角好好味。忍唔住入去叫返一客，嘩美味！唔好意思之下叫多一杯凍奶茶。估唔到杯凍奶茶一樣咁好味，埋單＄36呢咖喱味好到不得了我比一百分可以話係全香港最好味嘅咖喱角

小妹一向是愛咖喱之人，吃盡無數咖喱，都對此有一點的認識及要求。說到近期至愛的咖喱，一定是生龍清湯腩的巴基斯坦咖喱，小妹一吃難忘。 這裡雖然名為清湯腩，但實情什麽也有供應，小妹見到很多食客也點這個，而且又深愛咖喱，就姑且一試，誰知味道是這麽出色！今次點了咖喱牛腩飯($45)，包一杯飲品 (凍飲+$2)，這個咖喱的醬汁，甚有口感，充滿洋葱及其他香料，惹味撲鼻，這裡的獨特香料，是不容易在別處找到的，吃完香氣撓樑三日，牛肉大部份也很腍身（有一兩塊也很靭的），整體不錯，有咬勁。 這裡是必要返轉頭呢！

叫左個口水雞飯，成碟雞8成都系得脂肪同皮！由於我吾食得肥肉，無期望過口水雞會走肥走皮，但都吾好8成系肥同皮甘過份！於是我同員工講要求換第二碟但員工竟然回應我：呢啲雞翼位黎，系甘！你想換第二碟無甘肥甘我換碟雞骨比你囉！最後店員當然無換比我亦無再同店員要求換即使再換亦恐怕只會換雞骨比我只好淨系食幾啖白飯就結帳用餐過程十分不愉快！

生龍清湯腩又係一間開左好耐我未食過既餐廳，今日叫左個咖哩牛腩粉絲，我開頭估佢係咪上海果種落啲咖哩粉係湯，原來佢係清湯粉絲加咖哩牛腩，咁又幾好👍湯超清甜，飲唔到味精味道，應該用左好耐時間用牛餚製而成。咖哩牛腩叫左小辣都好辣，不過幾香濃咖哩，半肥瘦牛腩煮得鬆軟，連清湯粉絲清甜帶點惹味。

放工返元朗搵食, 見到這間無人排隊, 而且好多吉位, 就決定試試。通常兩口子見到招牌寫住清湯腩3個大字, 心裡就會產生一種潛在的期望, 覺得做清湯腩一定有番咁上下功架。但今次都頗為失望。牛腩河, 四十幾大元, 河粉太淋, 牛腩很少, 味道好一般, 湯也食不出層次來, 牛骨, 蘿蔔, 薑等味都嚐不出來。牛筋麵, 麵底同樣不爽彈, 筯炆得不入味, 三個字: 好普通! 魚肉釀尖椒, 這出奇地好吃! 魚肉做得爽彈, 而且足料。釀的功夫做得不錯, 煎得剛好, 呈金黃色。好好味!

因為晏啲約左朋友食甜品，輕食晚餐。個樓面姐姐好有禮貎咁拉客，就入左去一試。一入到黎發現唔夠冷氣，開大左風扇，好嘈吓........ 揀左百變常餐.麵醬牛腩粒河: 少少既牛腩粒，仲要係酸既，好難食。可能麵醬就係酸呱，但同牛腩真係好唔配。食左一啖都食唔落7.什菌咸牛肉炒蛋配奶豬半隻:炒蛋裏面有咸牛肉同菇，味道不錯，有蛋香。個奶豬都焗得脆同唔硬身，不錯凍奶茶: 叫斯里蘭卡香滑奶茶。個茶膽有別於一般茶餐廳，可能真係用左斯里蘭卡茶葉，飲完一啖個口就會留有少少苦澀味，仲有啲鞋口，真係唔識欣賞冷氣唔夠，一路食一路出汗。食得好辛苦

夜晚10點忽然好想食咖哩，就揀左呢間食，叫左個咖哩牛腩河外賣，賣相 咖哩有分辣度，食茄咖哩似巴基斯坦咖哩，唔系椰汁咖哩，咖哩味好香濃，薯仔夠（林）夠入味，但佢牛腩咬唔爛，我已經叫左半肥瘦，但佢肥還肥，瘦還瘦，搞到唔點食好，肥既食唔落口，瘦既咬唔開 最後都系咖哩勞河粉食，牛腩淨晒

放工後隨意搵到呢間標榜清湯腩的鋪頭，心想質數應不會太差吧，點知就咁中伏！叫了兩碗坑腩湯粉（$45），另每杯凍飲加$10。兩碗野一上枱，個心即刻離一離，碗裡的所謂坑腩，望上去都係舊舊肥膏，也有點肉的，但真的很少....再望一望餐牌，雖說圖片與實物總有差距，但也不用分別咁大呀？或者我真係見識少，唔識得欣賞樓下所說的「肥瘦相間」，在我眼內見到起碼「8肥2瘦」相間就差唔多！ 而且，我亦無法印證如樓下所講，湯底係用咩骨來煲，煲左幾耐，只知湯底味道正常，但絕對稱不上出色。付上$45得到一碗肥膏湯粉，再加一舊咬落都算淋，但事實上係好普通既蘿蔔。雖然唔算貴，但真心覺得搵笨，而且性價比極低！

綿綿細雨，天色灰暗，令到我想求其搵個地方食飽就算，點個阿媽今日突然對去邊度食好有主見，就跟左佢去食佢口中所講「好好食既牛脷麵」。哦，原來係生龍清湯腩，見得多但未試過，雖然落雨地濕，但餐廳內仍係乾淨企理，甚得我心。我阿媽二話不說要叫牛脷麵，至於我就試下招牌菜式 - 一級牛坑腩河。留意餐牌有抵食餐，不過店員提醒係雪藏貨，要食新鮮牛就要叫主餐牌。腩汁蘿蔔首先上場，色澤均一而且腩汁香氣十足。蘿蔔靚，無渣，味道清甜可口，配埋腩汁香而不膩。牛坑腩河隨即送到，份量絕不欺場。牛坑腩妙在肥瘦相間，入口軟滑。如果清湯腩炆煮時間短，牛肉未鬆軟；時間長，又會過爛無咬口。呢度既坑腩煮得十分合意，食到牛肉既纖維又容易咬開，脂肪牛筋牛肉相間，時而滑溜時而實在。河粉都唔錯，爽滑又夠多。味道更不在話下，清湯用上大量牛骨熬煮，加入豬骨雞殻及蔬菜等煮出厚厚既鮮甜味道，食完餘香蕩漾，返到屋企都仲係口腔不斷徘徊，得喇，下次再食過！

第一次光顧~發覺店名與内涵有少少差别~巴基斯坦咖喱牛腩飯個名好得意,所以試下,咖喱味香,重薑辣,多汁,牛腩好冧;蕃茄豬潤牛肉米粉好大個蕃茄,好多牛肉同豬潤,超足料;個湯最好味,真係飲唔到有味精,但好清甜!哩個真係唔錯!

今日去了元朗新開雪糕店買雪糕，吃完雪糕後唔夠呀，要吃下正餐啦,就去了附近生龍清湯腩,之前吃過覺得OK,這間不算好多客,店員安排我坐單人座位，我看下餐牌,我本來点手打魚蛋,店員在幫我落單不足5分鐘，就同我講魚蛋已經賣完，要改下其他,我改要雲呑河(33元),飲品要凍檸檬茶，這裡服務都OK,檸檬茶先來到,茶味都夠,明明話要少冰,仲係好多冰,甜味都夠，我覺得幾好飲，雲呑河又幾好味,雲呑皮好簿，蝦就細隻Ｄ,整體好味,環境都OK食物水準雲吞河,相比元朗一間老字號麵店，份量多Ｄ,雲吞有5隻呀，仲好好味，河粉好爽口，雲吞皮好薄,蝦就細隻Ｄ,都是好好味湯底,我覺得今次湯底唔錯呀,個湯不會太咸又冇好淡，十分適中檸檬茶，我覺得好飲，茶味好夠,甜味亦適中，冰就太多了服務我覺得都OK環境地方適中價錢35元番吃下次會再來

係元朗行完街唔知食乜好 跟住就走左去呢間度食啦我叫左個佢哋嘅招牌定唔知咩嘅咖喱牛肉飯叫咗中＼但一啲辣嘅感覺都冇 同埋賣相都唔係幾好 好似啲呠呠咁食完之後有啲濟 同埋都唔係話幾重咖喱味 普普通通啦 所以都唔會點推介比大家去食

生龍清湯腩其實有好多間分店…而元朗呢間就只係開左幾個月…之前係mk食過蕃茄豬潤牛肉湯飯…超好味…因為真係有蕃茄“跤”出黎既味道…唔係滾幾滾…又或是落茄膏就算…不過黎到呢間分店…齋叫湯飯就好唔抵咁…因為lunch menu實在好抵食…但似乎唔係間間分店都一樣係咁既menu....什菌多…咸牛肉少…但味道ok...脆豬就要趁熱食…好快唸…但練奶唔夠多…Lunch set當然係迷你d…但都好夠飽…今次豬潤比較老…有待改善…