生隆餅家 (已搬遷) 新店位置

小妹最鐘意食麵包，但係講到包嘅最愛就係光酥餅😍既然有個黃色招牌，梗係要幫襯下👍🏻除咗光酥餅，外賣仔老公仲買左白糖糕黃糖糕手，兩樣都好味，發得好鬆軟😌本來想食埋砵仔糕，但放工去買已經冇晒！所以轉戰燒餅，食左紅豆味同花生味，兩個都好足料，絕對唔會皮厚冇料👍🏻👍🏻👍🏻

終於嚟咗依間非常之出名嘅傳統小店，之前知道依間野好出名做中式傳統小食，去到之後見到有好多好多嘢食都係未見過嘅😂好多好特別嘅嘢食咩蓮蓉酥嗰啲全部都未食過，不過今次我買左，糯米糍，蛋散，砵仔糕，煎餅，皮蛋酥全部嘅價錢都非常之合理，糯米糍冇記錯嘅話係$10.三，粒，煎餅都好多嘢口味可以揀，平時食個豆沙味所以今次都係叫咗豆沙味依d小店真係買少見少，要好好珍惜佢哋煎餅細細個，好煙銀，入面嘅豆沙係甜度適中，全家人都話好好食另外叫咗花生糯米糍，本身都係花生愛好者，呢個皮薄多料，唔會太多粉，好好食仲食埋個砵仔糕，一啲都唔甜，不過個人認為粉感比較重皮蛋酥好足料，拎個氣炸鍋整返熱佢更加好食總括嚟講，小店價錢便宜種類繁多我會再買光顧，好食！

以前一提起砵仔糕，芝麻卷，定必會諗起深水埗坤記，不過時至今日，呢間店今生今世應該都唔會再幫襯喇，好彩同樣喺深水埗，另一間良心小店都有呢類懷舊中式糕餅賣，而且價錢仲平啲，質素仲高啲添🤗。生隆餅家有超過二十年歷史，由黃先生一家經營，前舖後工場，每日源源不絕供應砵仔糕，芝麻卷，糯米糍，白糖糕，雞屎藤茶果，紅薑皮蛋酥，南乳酥，老婆餅，馬仔，米通，牛耳，蛋散，蝦子花生等傳統小吃。我試過幾款，全部都真材實料，好好味，其中最鍾意芝麻糕，大大件只賣五蚊，芝麻味濃郁又唔太甜 ，好正👍；另外，糯米糍十蚊三個，又係超級抵，紅豆味皮薄餡多，好食到唔停得口🤤，花生味香甜有咬口，都十分唔錯。傳統老店表態唔做黑警生意，實在需要好大嘅勇氣，因為隨時會得失多年老主顧，不過好幾次過到去，都喜見生意滔滔不絕，賣嘢阿姐收錢收到冇停手😆，顧客除咗上咗年紀嘅叔叔嬸嬸外，估唔到都有唔少後生仔女，可見有麝自然香，有好嘅質素，自然會有人支持。

其實嘉頓山張相唔係同一日影嘅🤭只不過我地去掃街嗰日 我喺深水埗搵唔到地標 所以就搵咗一張我哋之前行上嘉頓山嘅相黎做cover介紹下深水埗既小黃店💛我地係咁岩要去深水埗 搵搵下野食 見到好多小食店都好想食 就變咗掃街😂😂·花生糯米糍 $10 (3粒)估佢唔到有貼訴求既舊式小黃店💛佢個花生糯米糍真係超好食 係爆多餡佢入面D花生啊 椰絲 芝麻全部都炒得好香 調味好好 個皮又薄渦 食落好好食 強烈推介😋不過我哋仲試左既燒餅就一般啲啦啦 個餡料都多嘅 但係嗰調味偏甜 所以推介大家去食佢個糯米糍多啲 真係好正🤤🤤📍生隆餅家 (深水埗北河街68號地下)

今日掃黃之旅，深水埗生隆餅家，去到超多人排隊買糕點🤣結果買佐紅豆砵仔糕同白糖糕，佢散裝都係5蚊一塊，仲要冇好多味揀😂返到屋企試食，出奇地唔甜😱😱😱紅豆砵仔糕又好多豆，好少餅家會做到咁好😎下次會試其他😝

邊個話食傳統糕餅係老餅?現場所見,好多年青人幫襯呢!店面雖小,但供應數十款手工製傳統糕餅不一定要有米芝蓮加持,一樣可以人氣滿滿呢~由傳統雞蛋糕到發糕,紅豆糕,小吃都可以在這裡買得到白糖糕,芝麻糕,紅豆糕,椰汁糕,砵仔糕都係$5一件~連傳統懷舊既''菲林卷''即芝麻卷都有呢~一盒兩條都只賣$12~另外仲有各式懷舊零食,花占餅,牛奶餅,水泡餅,講得出個名都覺得自己好老....了尚未計蝦子花生,花生脆米通,旦散,牛耳,棋子餅...杏仁餅炒米餅....阿姐態度好好,就算好迫好多人,都會問清楚你想要那一款,好快幫你包好我地買左2件紅豆糕試下,顏色偏黃,應該用上黃糖做底,紅豆仍然呈粒狀,不會煮到化蓉紅豆香甜,糕身札實,味道不太甜,下次試埋其他款式~生隆餅家 San Lung 深水埗北河街68號地下

傳統老餅店～仲要係有良知嘅，唔係唔食呀？😆因為食過，覺得好味，所以更加要寫食評支持小店😘～原來佢近北河街街市，而且轉個彎就係蕃茄師兄、蘇媽蘇媽同泰基隆，一次過可以滿足幾個願望 XD入正題，講食物～好欣賞佢d 砵仔糕，細細件好煙韌☺️ 另外，皮蛋酥大大個，只係$10 ，皮蛋靚，味道好～(以前媽咪幫襯八仙餅家，要$15，不過質素下降，依家有代替品了😍)睇吓～皮蛋酥入面仲有少少紅薑，正🥰白糖糕😍😍😍食過，唔會有酸味，係必食系列（以前食過坤記白糖糕，勁酸，唔明點解佢咁出名🤢）糯米糍有花生同紅豆口味，$10 有三粒，餡料多👍🏻店舖雖然細，但款式多～🥰下次再幫襯，試多d 唔同食物🥰～

深水埗，一個人口密度非常之高嘅地區，相信唔陌生嘅係可以買電子產品。今次係想發掘下有咩好嘢食。記得黎親都係買打機或電腦嘢，係呢區搵嘢食算係好少何。係北河街呢間傳統唐餅鋪，人流係無停過，個個都係咁買。1998年開業，原來已經係第二代繼續經營緊。好多都想食，但又怕買得太多。我都無好好係傳統餅鋪睇嘢食，今次都真係花多眼亂啦。呢邊係糕類，真係睇見都留口水。係度企左陣，見到幫襯嘅係咩年紀嘅人都有，好似我咁特登黎都唔少。咁就買左百幾元，夠哂呢個長假期慢慢食。買左個糯米糍，有花生豆沙，超足料。一咬落去，啲料跌出黎。好香口，有椰絲，口感一流。我仲買左馬仔，大蛋糕，杏仁餅等，蓮蓉摩囉酥自己未食過又買黎食，帶返啲俾同事食先。我會再黎買其他嘅。

今日食左3間小店， 生隆餅店係最後一站。滿足晒由主菜去到甜品既慾望。 我從小陪媽媽買餸都會經過生隆餅店， 但多數都係家姐買砵仔糕同糯米糍， 我自己好少幫襯。 但到而家結左婚， 就難得帶老公1齊去搵食。我最愛都係糯米糍，糯米皮軟棉棉，紅豆餡又唔會過甜， 3粒我自己食左2粒， 證明我好捧場啦。 個花生糯米糍係媽媽最愛， 唯有割愛。冇試到， 下次再試。砵仔糕就唔係我本人最愛， 老公鍾意食。 但我個人就麻麻地， 唔算多豆但唔係太甜。總結係encore 糯米磁

今日黎深水埗睇電腦,順便黎左個深水埗半日遊行下行下見到個招牌係賣餅ge就越行越前行左去買餅舖頭細細間咁麻雀雖小但五臟俱全,有好多種唐餅同糕點買有砵仔糕芝麻糕燒餅......價錢又平最後我揀左個芝麻糕配椰汁糕店員非常友善,樂於幫我入啲糕點入環保袋但拎到返屋企就開飯啦,所以放左入雪櫃第二朝拎返出黎無翻熱就咁食,真係好驚喜,無硬左或者乾左ge口感,食落好煙韌,芝麻糕重芝麻味,椰汁糕椰香滿滿,紅豆量多,軟硬適中超讚!

生隆餅家，陪住筆者長大，從不覺得稀奇，但今日經過，發現了一抹黃，便刮目相看，從沒想過他會選擇在這混亂的時代堅持，不平而鳴。賣的是傳統糕餅，帶給人的卻是一口的甜，一絲的暖，還有一身的傲骨。每件糕點才5蚊，大大件，又足料，没有喧囂，樸實無華，每一口都是材料的原味，不增不減。他市井，卻没有偽善...我敬他，不是因為他老，而係因為他真的好#足本食評，請參閱ig，thx!#古早味？！#康復香港，時代投疫#為公義我哋一致#拒絕白色恐怖#不要自我設限#無需自我審查

傳統中式餅家🥠 好多款式選擇，花多眼亂！買賀年糕點就更岩！今次揀左以下3款👍🏻豆沙角🥟 外皮夠軟唔厚！餡量適中，入面啲豆沙夠綿又香👍🏻花生糯米糍🥜 無論拎上手定食落口都超級超級軟熟！不過就比較易散開～ 食嗰陣要小心啲跌左啲餡～ 皮係薄，餡係多！正👍🏻👍🏻正宗潮州砵仔糕🥧一啖一個唔過份😆 我自己就鐘意啡色多啲~後記：呢啲傳統餅店已經買少見少... 價錢便宜、品質又高！要多多支持呀！！！

超超超old school的傳統店鋪，本身想食砵仔糕，但係😭😭😭😭中午已經賣哂，唯有買其他食啦！我買左黃糖糕、白糖糕、紅豆餅，特別要提紅豆餅，d紅豆多到有密集恐懼症😂 好足料！另外蛋卷同鳳凰卷都好抵買，$20包咋！

I can walk Hong Kong for hours and hours to taste our unique cultural identity✨Old school delights Put Chai Ko (literally”little bowl cake”) presented in warm little bowls is one of the iconic Hong Kong desserts🥄 Seeing the vendor loosens the Red Bean Steamed Rice Cake, jabs a couple of skewers in to get it like popsicle is my local street snack concept!特意去深水埗找這家黃色唐餅店🥮人潮非常多，簡直是水洩不通，在北河街街市小小的窄巷中造成交通擠塞😂傳統賀年糕點就買新鮮本土製造的🏮我很愛各式各類的糕點，有沒有咖啡店可以把唐餅文化活化再fusion？☕️☕️☕️推薦給想解糕點饞如我的你。

呢幾個月可以話係我人生最無野做既日子 都係香港最bad既時間但係呢種最tough既時候我地最能夠睇到身邊既好人好事-成日去深水埗 呢排好中宜去生隆買野食 中式糕點呢樣野呢真係買少見少 如果你附近有一間 一定要多d幫襯-呢到既中式糕點應有盡有 你諗到既呢到都會搵到而我最愛燒餅 呢到既燒餅有四種口味有原味 紅豆 奶皇 蓮蓉 紅豆同蓮蓉味都好好味 唔中宜太甜味既話可以食原味好香芝麻 正 記得拎返屋企整返熱佢 咁就最yummy laaaa總結 支持黃店 人人有責!