影片
庙街 未入夜但条街很静(冇游客)生记燕姐 嗌晒救命话好淡餐牌加咗价 质素冇进步 退步咗蚝饼 细$ 45 哎呀 …… 差预早煎定 少蚝 唔脆 油淋淋(蚝饼都系食兴记好 $40 蚝多即煎)窝蛋牛肉煲仔饭~$40牛肉腌味千梳打味 饭唔够大热 打旦唔熟倒什会炒面~ 上错咗河粉 材料质劣 河粉油淋淋
继续阅读
收工经开庙街，就自自然然谂起庙街煲仔饭。平日食开另外果几间较多人去既煲仔饭，反面会想试下第二间换下口味。虽然天气有d热，坐喺街边食都系有种唔可以取代既香港风味。一个人食好易揾位，滑鸡煲仔饭加蛋，好满足。滑鸡非常入味，不过斩骨斩得有D碎，所以成日咬到骨。但总体黎讲都比同一条街其他煲仔饭好食。不得不提佢个煲仔饭豉油系比同一条街其他果几间好食，系门面比较细间D，但野食黎讲都系生记最好食，而且唔会太over-rate左，啊姐服务好好，见我一条友食饭走过黎同我倾计。
继续阅读
带朋友去佐敦买海味，行咗两家海味店，买咗好多嘢，之后一齐去附近庙街逛街，顺便食晚餐，随意拣了一家菜馆，未入去，店员已话楼下无位，要上楼上，我们二人上咗二楼，坐低叫𩠌，叫了腊肠排骨煲仔饭45元、细炸蚝饼40元和椒丝腐乳通菜35元，净睇价钱，几平宜。上菜速度算快，腊肠排骨煲仔饭嚟到，焗两分钟后才开盖，饭好香，自己落豉油，豉油唔太咸，食落才发现排骨本身好咸，腊肠味道正常。至于炸蚝饼，含蚝量唔多，炸得好油腻，虽然蚝饼下面有张索油纸，但是蚝饼都系好油腻。椒丝腐乳通菜味道一般。腊肠排骨煲仔饭和蚝饼的份量均算正常，椒丝腐乳通菜份量偏少。整体而言，价钱平宜，味道稍差。
继续阅读
是日气温11度，最啱就系食🤩煲仔饭🤩，而落嚟佐敦就超多选择啦！本来一心谂住食最出名𠮶间四X，都预咗要挂排队排1个钟，沿途经过呢间生记，见到好多人食，连街外都有十几枱已经坐满，铺位入面有人刚刚走，二话不说即刻就坐，价钱平过出名𠮶间，不过选择就只有17款，但有我至爱白鳝，男朋友叫咗鲩鱼腩，另外一个细蚝饼同埋通菜，蚝饼先到，好脆口，蚝仔多，最正系个蚝饼酱，酸酸辣好开胃煲仔饭虽然份量唔大但够饱嘅鱼都好新鲜不过米饭略微湿咗啲通菜炒得好有镬气，好爽口，价钱平又好食，下次唔洗排长龙食X季啰
继续阅读
应该有十年未到过庙街食煲仔饭，今日心血来潮要来食返次！久违的庙街无以前咁热闹，煲仔饭菜馆都无以前咁旺，唔记得以前有食开边间，就随便揾一间入去。门口既叔叔不停招徕，我地就咁入左去，要上'楼上雅座'，婴儿车就放楼下，叔叔搞笑咁话「放心，唔会抄牌！」🤣我地叫左一个窝蛋牛肉，冬菇滑鸡，蚝饼，炸大肠。窝蛋牛肉饭d牛完全无味，只系用眼睇落似牛既肉冬菇滑鸡饭反而好香甜煲仔饭重点饭蕉太过火，黑哂食唔到蚝饼好似浸油咁炸大肠就好味好多久违的味道有点令人失望，但再隔一段时间我一定会再来，始终这是回忆的味道。
继续阅读