影片
以上资料只供参考，请与餐厅确认详情
一连几日大鱼大肉，食粥清淡一下，揾咗几间油尖旺一带的粥店，都系9点前关门！同时唔知系咪依家物价太贵，食碗粥都几十蚊，真系肉赤。最后揾到黎生记！新地都算系旺角老字号粥店，以前个位比较开扬，但搬咗舖之后，喺上海街，夜晚生意就比较淡静。不过佢一至日都开，而且营业到23:30，今时今日喺唔忧做嘅香港，呢点真系好难得。夜晚嚟到得三两台人，我觉得自己黎得合适！因为呢啲良心小店，真系需要帮衬！餐牌上大部份的粥品都不超过$25蚊，真系良心价。当然生滚粥就贵少少！点了鱼片艇仔粥、皮蛋碎牛粥、虾米肠和一个炒面。粥底好绵密，唔会好稀，料都好足，食完唔会觉得只系饮水咁，真系几好食！肠粉和炒面都正常发挥，送粥系最佳配搭！食食吓粥，仲有可爱的小猫店长过嚟陪食，好温驯好可爱，好想同人玩！埋单86蚊，食到饱饱！呢间小店值得帮衬！
继续阅读
隐世小粥店，现在很多粥店因为成本问题，都是以冰鲜的做材料，很久没在小粥店吃过有虾味的虾肠，这店的虾肠很不错。另外也叫了生滚牛肉粥，很足料，会再帮衬！支持！支持！
继续阅读
呢排食咗好多油腻野，今日特登去食粥清一清肠胃。呢间系一间小舖，座位唔系特别多，但好幸运等左一阵，好快都有位啦。叫咗碗鱼腩粥，鱼腩好新鲜又大旧。粥煲到好绵，口感好舒服。另外，作为一个鸡蛋控，我叫咗个鸡蛋肠粉。佢系即刻新鲜制作的，所以要等一段时间。本身是10分期待的，但食落口就不太特别，鸡蛋唔够香，有啲失望。但整体是满意的，尽量都想多啲帮衬小铺☺️
继续阅读
是咁的 今天经过油麻地 谂起想食粥 立即谂起老字号生记～櫈都未坐暖即刻落左碗鱼腩粥 因为卖净一碗😎再叫左碗牛腩河鱼腩大旧爽滑 好少舖头俾足料牛腩就正正常常～间唔中想食清淡d黎呢度食碗粥都唔错 😎
继续阅读
实在太耐冇去生记食粥了，个人都系钟意喺旺角呢间食多过上环！本身自己都系唔钟意食粥，自从朋友介绍过，就爱上了你间粥店嘅鱼腩肉丸粥！啲材料都比较多，记得鱼腩一大片都有成四五件，连埋啲葱花一齐食真系好好味！而手打肉丸都有五六粒，味道唔似出面个d清一色咁胶，食得出系自家打嘅肉丸！粥底都好满意！其实系生记令我钟意左食粥，记住啲鱼腩卖完就冇㗎啦！我通常都会系八点前就会去到，迟咗就冇得食噜！
继续阅读
您可能会有兴趣的...