影片
以上资料只供参考，请与餐厅确认详情
平时行过见到都好多客，今日经过有位就试下啦，首先落单时有位都几有份量既女店员态度好似好唔耐烦，叫佢比杯水唔瞅唔睬都唔知佢听唔听到😂叫咗一个春卷鱼蛋河$37，春卷系唔错既、鱼蛋都好味.. 但个河粉一夹就断 又唔滑😮💨唔掂仲叫咗一个酸菜大肠米线$43，个大肠甜到一个点，煮到又鞋又un，唔掂.. 食咗都浪费个胃😮💨😮💨失望，同个女店员表达下啦，佢一句.. 「卤水系咁架㖞 第一次食？」态度好正🤣🤣$80就试到一间餐厅，唔驶成日心郁郁想去试，抵比🤭
继续阅读
生记粉面嘅大肠米线简直一绝，佢嘅大肠全部清晒里面嘅肥膏好干净，食起上嚟罪恶感减少，大肠好食酸菜更好食，粒粒酸菜咬落去爽脆，又酸又甜非常开胃。佢最出名嘅当然系肉春卷，每次食米线我都会额外叫一条，仲有佢嘅蒜蓉辣椒酱真系冇得顶，加埋落呢个大肠酸辣米线简直系完美组合，以前喺路德围嘅雄记都帮衬咗好多年，后来佢结业，新闻都有报道，可想而知雄记当时系几咁出名，好彩大约一至两年后生记起大河道开返，味道保持返以前一模一样，听讲系以前嘅员工重开，所以先保留到原本嘅味道，我觉得仲好食过以前。
继续阅读
以前系路德围系雄记粉面的常客每次去一定叫佢的鱼肉春卷牛筋面加通菜😋👍🏻仲有佢哋嘅蒜蓉辣酱又系食过翻寻味绝对令人挂住的味道自从雄记无在系路德围我同老公就食唔返呢个味！！！！！啱啱呢个星期四..无意中俾我哋误打误撞揾到呢间生记！望入去个餐牌同雄记一模一样，连员工都系熟口熟面..即刻入去试下照旧嗌返春卷牛筋面加碟通菜..😍🥰系呢只味啦！心人面实在感动！个腐乳通菜的腐乳酱系绝对正，好好味😋通菜都好新鲜好靓！钟意食腐乳通菜的真系要试下！鱼肉春卷如以前雄记一样，口感正之余，个面好香！加埋啲蒜蓉辣酱，真系无得弹😋牛筋够腍够入味，啲面质都系有质素的！好多人食小锅米线𠮶啲，下次又等我试下先！
继续阅读
学生时期已经系路德围雄记粉面嘅常客，𠮶阵款式冇咁多，次次都系食春卷河加紫菜，到出嚟做嘢，结咗婚，做埋人哋父母，都周时返去荃湾帮衬，雄记嘅结业令我非常伤心，好彩仲有生记！鱼肉春卷嘅还原度接近100%，近年爱上咗食大肠酸辣米线，会加多条春卷，𠮶啲酸菜好好味，配埋佢哋特制嘅蒜蓉辣椒酱，真系冇得顶。小店一间，环境服务都算ok几好，唯一唔太方便嘅系佢冇八达通或电子支付，因为而家真系好少带现金出街，希望以后可以有。
继续阅读
觉得失望，今次系第二次帮衬，平日午餐时间，同同事一同入座，坐低后，因为越嚟越多人，就被再次俾调位，都冇问题。调咗喺门口收银处隔离张枱，食嘢嘅时候不断俾人撞，同埋门口收银女人态度欠佳，叫人入座嘅态度有啲似喝狗，收银女人唔知点解不断大大力开闩个柜桶成廿次，成餐饭食得好唔舒服，好唔安乐，同埋震耳欲聋。粉面正常，米线酸辣汤底正常OK，出名系炸虾卷但觉得好粉，墨鱼丸系几好食。地方尚算卫生，枱面有梅菜配料，份量都足够。不过，短期内都唔会再去食，因为本身荃湾几多米线嘅选择，免得食个lunch都要受气。
继续阅读