生記粉麵

营业中

休息中

喺大河道嘅生記粉麵前身係路德圍嘅粉麵店。以前真係好多人會排隊食，今日見店面人流正常，不用排隊。而咁岩經過呢間店就想食番以前好出名嘅魚肉春卷。味道其實大致維持到，魚肉春卷、牛丸都好味，而且牛丸咬開都好juicy，但而家湯底較咸左一啲。友人叫嘅春卷同牛筋麵都ok，但牛筋只有2小口，稍微不夠。不過魚肉春卷的確大縮水左，比以前細了大約1/3，感覺同食落就唔夠滿足了。另外，紫菜就算5蚊變7蚊都好合理，始終疫情後成本應該都上漲了，但係由紫菜鋪滿碗面到夾起得番一啖..下次唔加就ok了。價錢我地兩碗加埋就80蚊，係底食嘅都!只係欠左滿足感，食完再過路德圍食下小食。

荃灣生記粉麵，大家都唔陌生， 之前我都試過post過一次😂今次帶埋朋友仔去食，一個要咗牛展米線， 另一個要做鹹菜豬腸米線🤣 不如我哋兩個都會必加春卷❤️上到嚟啲餸都好多， 牛展都算幾林， 都有較香口嘅味道， 而且肥瘦均勻👍🏼豬腸商家做得好好， 佢會將豬腸內嘅肥膏全部刮乾淨， 保持衛生， 如果鍾意食肥膏嘅你應該就唔啱啦， 我自己就鍾意食瘦啲，所以都算幾衛生，煲得幾林，好入味 👍🏼基本上入嚟都會叫春卷， 冇記錯呢度嘅春卷係自己做嘅， 有啲魚肉味， 少咗一種防腐劑味， 都幾天然😂平時啲店員問你要大中小辣， 今次佢淨係問我哋加唔加辣，我哋仲以為係原本有辣味嘅基礎上再加大辣， 所以我哋講咗唔加， 後尾先發現俾佢fake咗😂不過好彩本身米線都有輕微嘅酸辣味， 所以個湯底睇落比較清， 不過都係有味道嘅， 只係唔夠辣啫🤣🤣🤣呢間都係令我會返轉頭嘅舖， 荃灣經過都可以試下， 記住千祈唔好食普通清湯粉麵😏要食酸辣~

荃灣有柯打，順便到生記隊返碗面、生記即係以前雄記、以孖潤腸春卷馳名、仲記得舊鋪光榮結業時候出現蛇餅人龍，可惜質素大不如前，個人食咗三條孖潤腸春卷，俾足三次機會、口感過實、沒有魚肉香、啪條春卷落口就好似上咗架破冰船去南北極一樣凍冰冰，睇到呢度可能大家都會覺得浸湯咪得囉，但係如果浸湯的話表皮便會淋哂, 仲記得舊鋪時候個人奧運紀錄係八條，食完真係變咗東成西就嘅梁朝偉「笑」所謂自製墨魚丸、貢丸大小一樣、泰國人化妝通病「厚粉」、「活生生一個黑人頓時塊面變咗Michael Jackson 白面人」、講到咁白，大家都知道好唔好食啦其實佢真係有自製嘅，就係腐乳通菜嘅自家調製腐乳醬汁，顏色「黃咁咁」、好似小朋友熱氣嗰督黃色童子尿一樣、配合大量嘅糖，真係敬而遠之唯一好處係碗雲南米線熱辣辣、呢度加分，豬肚絲略嫌刀工過於幼細、完全食唔到豬肚味，唔知道會唔會「快到手切損手呢？」路經懷緬一下係可以嘅，特登去的話喂可能會失望而回

見網上好多人介紹佢地既魚肉春卷，但原先個間執咗之後就冇得食。今次竟然改咗個名重新開過，質素仲要冇變，一於就試下佢係米真係甘好食🏃🏻‍♀️☑️鹹菜麻辣肚絲米線 $39 + 春卷 $12佢地有好多粉麵都有配春卷，但超鍾意食米線既我就梗係簡酸辣米線，原先米線既組合係唔包春卷，但冇理由唔試埋佢地既春卷既😆叫咗小辣見個湯底好清甘，再加咗佢地既蒜蓉辣椒，辣得幾過癮🌶酸味都夠酸，所以湯底我已經滿意😋肚絲都冇臭味，個人認為豬肚整得唔夠味或者洗得唔夠乾淨會有浸味，但哩到唔會👍🏻口感爽口唔會太腍。春卷大大舊，個人認為好食過南記，魚肉冇甘實。

再訪生記，今次吃了牛展米線，牛展做得很稔滑，稔得來又有嚼口很不錯，湯底有少少酸辣好惹味，當然加了他們著名的魚肉春卷。魚肉春卷墨魚丸米粉，魚肉春卷結實彈牙，不愧是這裏的名物，好食又便宜，他們的墨魚丸也不錯結實彈牙。腐乳通菜 菜煮得比較林，沒有爽脆的感覺。

超彈牙魚蛋牛丸👍🏻搬咗去大河道，改埋名後第一次嚟！都算大一碗。有三粒魚蛋三粒牛丸。都仲係同以前一樣咁嘅味道！啲丸好彈牙，牛丸仲好香濃有油有汁！魚蛋係白魚蛋，就少少偏咸咗啲。同埋佢地嘅圈圈魚肉春卷大家真係要試！好食過x港仔x記多多聲！

轉名前既雄記由細細個就幫襯...之前佢地光榮結業...有10萬個不捨...轉名後既生記...第一次幫襯...食到之前既味道...好感恩~麻辣肚絲一直都係我既最愛~今次加腩肉~酸辣度岩岩好~肚絲同腩肉好夠味~湯頭同以前係同一個味道~hubby叫左春卷牛丸米...春卷同以往一樣都係咁出色~又吸湯~!牛丸就爽口油菜咁多年都係一樣...細細碟...如果可以多D就好喇~!

朋友説荃灣開了間粉麵店，是昔日榮休的雄記粉麵延續，叫我一同去試下，看看跟以前有冇大不同。位於大河道的「生記粉麵」門面簡潔，鋪面不太大但非常整潔，餐牌有著昔日的情懷，似曾相識。鹹菜麻辣肚絲米線非常惹味，肚絲切得幼幼的，湯底麻辣唔會太鹹，米線質感也ok。加了一條魚肉春卷，好像比之前細條但係味道一樣，魚肉結實彈牙，還是非常好吃。魚肉春卷牛筋河粉 牛筋做得很稔滑入味，湯底好味，整體不錯。叫了一個奶茶試下，合格。

今日放假出去荃灣買嘢，順便於荃灣食埋午餐。生記未轉名前 (雄記) 都曾經有幫襯過。家人叫咗魚肉春卷加牛筋米粉，魚肉春卷好香，牛筋亦富有口感。我叫咗牛丸四寶米粉，牛丸彈口美味，魚皮餃肉味香濃，魚蛋及墨魚丸都OK。而米粉的口感亦同樣滿意。另外叫咗腐乳通菜，份量及味道OK，通菜都算新鮮。同家人叫咗一支豆漿，而並非店舖自制，感覺就稍為甜咗小小。生記轉名後再營業，繼續提供優質高性價比的粉麵，而且店員的服務亦良好。會繼續支持！

今日喺OpenRice度見到有人推介呢一間餐廳，非常之老字號嘅粉麵店！所以今日就同埋屋企人一齊過咗嚟呢度食嘢！一去到嘅時候就俾佢呢一個貢丸腩肉米線吸引住，大大碗嘅米線$56 ，都算係幾抵食！而且我好鍾意呢一度嘅湯底！同埋呢一度嘅腩肉好好食！再加埋少少炸醬喺上面，令到成個湯都有辣辣哋嘅味道！越食越滋味！

還記得大概20年前左右，婆婆住荃灣，不時都會去探佢，成日有機會食到呢條春卷，嗰陣仲係叫雄記，覺得好好味，好香口，從未食過咁好食嘅春卷人大左，得閒都會幫襯，直到之前光榮結業，以為再冇機會食到。到最近又開返，但名改了做生記，今日出荃灣換身分證，決意再去探一探呢條春卷我由大窩口行過去，快步10分鐘左右。一間小店，一入去，裝修好簡單，店員我認到一兩個，是以前雄記的人，熟悉感返哂黎，餐牌也是「雄記式」叫左春卷牛𦟌米線，中辣$51，也沒理幾錢，只關心味道是否依舊。米線黎到，嘩…一模一樣，食慾大振，啲芫荽酸菜、腐皮、辣椒，即刻飲啖湯，又酸又辣，係呢個味道了，起勢咁食，唔理得咁多，我著左件風褸，好熱，冷氣冇乜咬一口春卷，同以前相比，差少少，以前嘅春卷皮更實身，更香口，但依家嘅略淋身，味道還可以。牛𦟌水準依舊，舊舊都通通透透，又淋唔食得太辣，建議叫小辣或唔辣，因為都幾辣的叫左罐可樂$8，但不能解辣的想解辣可叫豆漿配菜冬菜任加，我食雲南米線唔會加的，如食普通粉麵例如春卷牛肚河咁，我就會加同埋佢地自家製辣醬都唔可以錯過，今日我就冇加總體而言，好味，仲係以前水準，春卷少少唔同，唔肯定仲係咪自家製，但值得試下，

改名重開 著名孖潤腸春卷重出江湖 生記粉麵 (前雄記)推薦： 🍉🍉🍉🍉🍉 (5/5)            味道： 🍉🍉🍉🍉🍉(5/5) 價錢： 🍉🍉🍉 (3/5)      打卡： 🍉🍉🍉🍉 (4/5) 位置： 🍉🍉🍉🍉 (4/5)            回訪： 🍉🍉🍉🍉🍉 (4/5)荃灣嘅雄記之前執嘅時候已經覺得好可惜，所以知道會改名重開真係好激動！mark埋calendar 捕住去食！啱啱開番個陣試過去食，點知放工7點去到已經勁多人，仲要截埋龍😩唯有過多排先食，前排再去，已經唔洗排隊可以直接入去食！ 春卷大腸米線 (小辣) $51 🍉🍉🍉🍉🍉招牌春卷淨係外觀都已經勁吸引，厚過Angelina Jolie雙唇💋 同以前嘅味道差唔多，外層酥脆，內餡綿滑，終於食得番真係好開心😭 大腸係剪開一片片，所以會望到處理得好乾淨👍🏻雖然外皮望落深色同好似有啲柴皮，但係食落其實都好彈牙，好滑，完全唔似食橡筋，而且醃得好入味😍招牌鹹酸菜依然都係咁出色，鹹度適中，有少少甜味之餘仲會有微微菜味😍呢樣真係好出色，有好多米線舖嘅鹹酸菜都係鹹到腎虧，呢間同南記嘅鹹酸菜都唔會，係我非常喜歡嘅鹹酸菜味道🤤🤤春卷

生記粉麵嘅前身係雄記粉麵，喺米線關注組紅極一時🥰，當時👦🏻👧🏻已經拜訪過一次。今次👦🏻👧🏻決定Encore！因為佢地嘅魚肉春卷真係超好味😍。🌟酸辣米線🍜 腩肉 魚肉春卷 // 牛展 大腸 酸辣湯底比起坊間其他米線店更清澈香甜，並附上少量酸菜、芫荽🌿。👦🏻👧🏻都叫咗BB辣，湯底嘅咸、酸、辣味都平衡得好好。餸菜方面，👧🏻就緊係最欣賞佢地嘅魚肉春卷，炸成牛脷酥👅咁，腐皮外層比較光亮同挺身。魚肉彈牙，魚腥味🐟亦比坊間嘅少，其香氣冠絕香港其他魚肉春卷😊。至於腩肉🐷，有幾件係用上五花腩，其餘就用上偏瘦嘅肉，整體都醃得入味又唔韌。至於牛展🐮同大腸發揮都不錯，可惜冇咩深刻印象。始終都係最推介魚肉春卷👅。

事隔兩年，終於捨得去搵魚春卷😃雄記粉麵終於回來，改名為 生記粉麵🍜跟兩年前一樣，照舊食最愛的春卷牛筋米，外賣加$1都係$35😁😁 雖然係外賣，但個湯熱到燙腳。不用分湯，返到屋企仲出緊煙，熱辣辣🤤🤤🤤 真係無得彈👍🏻👍🏻牛筋又軟又稔，咬落去滿滿的膠質張住個口🙊 膠原蛋白補充🈵️🈵️😊😊 魚春卷厚實有咬口。同以前一D分別都無😋

🇭🇰 生記粉麵 ·春卷四寶$42 l 貢丸腩肉米線$56呢間係我之前見到ig有人推介話係荃灣老字號 見佢個春卷好似好吸引咁 所以就決定買外賣返去食 果然好正🤤🤤雖然佢價錢比較貴 但係佢啲料真係幾多 佢個春卷四寶係真係每樣嘢都有兩粒😍佢個春卷魚味真係好出 而且係超彈牙 口感好好😋之後佢個魚蛋同埋墨丸都係好彈牙 而且魚味好重🐟之後佢個貢丸腩肉米線係有少少炸醬 辣辣地咁既 腩肉同貢丸口感都好好 整體都唔錯 係可以翻兜既粉麵😎·📍荃灣大河道53號地下B號舖·#rbyeat #rby好去處#rby港式#rby荃灣