生生餐廳

营业中

休息中

我同班同事今日又再來呢間社企餐廳吃午餐,我叫左未試過嘅焗紐倫堡腸尖通粉,另加左8蚊升級去美祿恐龍.尖通粉焗得好香口,上面仲加埋芝士粉.一個字,掂!有d同事未嚟過就試咗厚切豬扒加焗甜薯同廚師推介geh羊扒配黃薑飯,佢地都認為唔錯.塊豬扒成1cm厚,好過大x樂好多.總結來講食物好吃,地方又夠大,唔駛等位,可以加入飯堂list入面.今次唔升級要埋雪糕窩夫,留待下一次來先叫.第一次食評,多謝收看

晏奏落雨諗住近近地食個lunch 上到去叫左冬陰公湯海鮮豬頸肉米線食 依個簡直係人生一個錯誤！ 果豬頸肉好「un」有陣怪味咁 啲蝦同青口唔新鮮 米線勁少 真係狗都唔想食 重要收你$88 蚊⋯⋯

意外地能夠黎到餐廳食午餐，一入到餐廳已經不覺得走進一個社企餐廳，裝修美觀，相當整潔。更意想不到就係食物，質素相當高，而牛扒更是值得一讚，相當嫩滑！👍🏼😋😋

第一次到呢間社企餐廳，真係好後悔………，太遲嚟！食品味道賣相一流之餘，餐廳的經營，由理念到實踐，都係一班有心人的無私投入。食完一餐完美午餐後，口腹之慾滿足之餘，心靈更是舒暢無比！值得推介！

原本約咗朋友喺MK，點之朋友加班，改去灣仔，而朋友就介紹咗喜匯的一間社企餐廳New Life。在樓下看餐單，價格都不算太吸引，但也無阻去一試呢間社企餐廳。 大蝦沙律，沙律菜、長豆角配上一隻蝦，再用上沙律醋，比用沙律醬更清香、更健康。材料新鮮，大蝦爽口彈牙，稍微煎香，夠晒味。周打魚湯配香草面包，湯的材料絕無偷工減料，濃濃的忌廉香味。更正的是香草面包，又香又軟，比很多餐廳的餐包來的更有誠意。紅咖哩燴牛肋骨，不得不讚這道菜，牛肋骨炆得好腍，很容易切，不用費上九手二虎之力，而且配上紅咖哩汁，出奇地match。配菜上除了薯仔、青瓜、泰國矮瓜、蕃茄，仲有荔枝，加強了味道上的層次。不過這店的上菜時間就比較慢，單沙律已等了二十分鐘，而且服務員的態度不是太好，雖然是社企，但也有必要改善一下。

工作之後，來吃個飽，這裏晚餐實在ok大蝦沙律比較普通，蝦大小一般，食落爽口，都幾鮮甜，沙律菜及鮮幼長豆角都鮮嫩翠綠，食完開胃主菜西班牙燒豬，豬皮燒得脆，油脂已爆出，肉質鮮嫩，件件厚身多肉，皮薄餡正

今次同老公來食晚餐😊我們點了一個「西班牙燒乳豬」晚餐再加「卡邦尼意大利麵」。餐湯係周打蜆湯夠質感，香草麵包夠軟身，頭盆大蝦沙律好清新。老公就最滿意個西班牙燒乳豬，皮夠脆又啖啖肉，味道鹹鹹地，1/4份量就剛好😋 值得推介👍🏼

今日lunch time同事帶我地去呢間新開嘅餐廳食晏！入口喺交加街！午餐價錢介乎$68至$128，另收加一！包餐湯、麵包、沙律、主食、甜品同飲品！雖然每樣野嘅份量唔係好多，但加加埋埋都食到好飽下！我叫左個焗葡國雞飯，味道不俗 葡汁幾香 椰汁味幾濃 雞肉都好多 唔會太腍 當然唔係新鮮雞 但唔會太重雪味 ！甜品係牛奶奶凍，好香奶味，夠滑又唔太甜！餐包微暖 點餐湯食幾好。環境乾淨光猛，都幾舒服！總括喺灣仔黎講都算性價比高嘅餐廳！

我和同事每星期都會搵新野食，早兩日就試左呢間新社企餐廳。先講環境，當日坐响窗邊位置，地方寬敞舒適，服務員態度都唔錯。頭盤有香草麵包、沙律菜加餐湯。麵包有淡淡香草味又夠鬆軟，餐湯夠「杰」有椰菜花，唔鹹好味😋我和另一個同事都選了葡汁焗牛脷飯。睇吓下面張相就知道賣相吸引😆 3大塊牛脷，不但夠軟，味道仲係水平以上。還有如果你係大胃王就啱哂，飯嘅份量足夠我平日食兩餐😅 好彩同事幫我食左一半，我先唔使做嘥野王😌如果有迷你版就啱哂我，價錢可以唔變（因為唔想浪費）希望餐廳考慮一下😁女人雖然話飽但都係會加$試埋個雪糕窩夫，味道雖然不是超出色，但朱古力雪糕加暖暖又鬆軟的窩夫，真係大滿足（同事話好似食左個自助餐一樣咁滿足）😆😆😆

西班牙乳豬肶 好精彩皮薄鬆化 啲肉好juicy 又滑一定要嚟試試 社企的誠意睇到個價錢心諗都是一般café咁啦 點知…說不出的感動 厨師製作好用心 食物係超水準 絕非嗰啲大集團行貨質素

真心喜歡、性價比很高。一個價錢包左餐湯頭盤主菜甜品同餐飲！ 爽！真係香草包、天然不做作的味道、熱香沙律菜，不得了、有紅菜頭粒，而且仲用柚子蜜浸過！（不過唔係次次有）主菜試過三款1、海鮮喇沙湯米線$68⋯⋯ok la 我唔係好識分辨「喇沙」類食品嘅優劣、只覺得要有嘅味道佢都有、餸夠食2、柚子忌廉龍脷柳$88⋯⋯正、這個配答清香、魚量不少、意份還加了不少配料炮製，我邊食邊欣賞3、香煎厚豬扒配黃薑飯⋯⋯這個很到家，厚切豬煎得好味、日間吃點薑對身體也好啊。這個份量很大...我大概不用吃下午茶了最後提提甜品（如圖，有幾粒、我吃淨一粒）就是開心尾點吧、整體印象甚好

行開春園街發現開了間社企餐廳，仲要搭電梯上一層。好奇地兼以為做善事上去食個晚餐。餐廳還在試業中無乜人，才二三枱客。點了個晚餐西班牙燒乳豬。頭盤是煎大蝦沙律，雖然只有一隻大蝦但很有蝦味，個沙律醬油是醋油，有股淡淡香草味，不是外面市場的香草醋油，后來問廚房知道是自家攪作。湯是周打魚湯，份量有點小。但料很足，食落是鮮忌廉做，不是大路鑵頭貨。主菜西班牙燒乳豬，皮脆肉熱多汁。雖然唔明什麼是西班牙風味，但單論烤豬，味道比名廚不煌多讓，尤其乳豬汁，用了黃桃果肉，酸甜可口，配上新鮮出爐燒烤。我可以再食多一份。整個晩餐連加一才240元，不是便宜，但加上廚房心機味道就物有所值。唯一擔心餐廳現在還在試業中，當人流開始旺起來時，不知還能否有此水準。