生生市場 (永德大廈)

营业中

休息中

生醃八爪魚(70hkd)屬於小辣，份量都唔少，真係成兜淨八爪魚🐙唔會夾埋勁多蔥/菜嚟hea你，唔腥，好有咬口，作為前菜或者拎黎拌飯都好夾👍🏻韓式炒魚糕(40hkd)可能因為魚餅比較薄身，醬油嘅甜味完全炒哂入魚餅裏面，煙韌有咬口🥰烤牛肉紫菜飯捲(53hkd)多配料嘅比例明顯比飯多好多😍用料好足，蔬菜🥬好爽脆，令成件事都好fresh，味道較清淡，有時番工趕時間都幾適合😚韓式辣炒豬肉拌飯(65hkd)辣豬肉屬於小至中辣🥵但都係一瞬即逝嗰種辣，豬肉量都幾多🐽食到底都仲可以做到啖啖都係餸😂拌飯醬絕對係靈魂，必須要全部落哂魚餅串湯(20hkd)湯🥣都幾好飲，清而不淡，食完濃味野飲埋好舒服😗#foodiblum韓式

朋友介紹office附近有間韓式外賣店，由幾位韓國媽咪主理，提供多款每日新鮮製作嘅正宗韓式料理，拌飯、飯卷、湯麵、蛋捲、炸雞樣樣有齊，唔使出街都可以感受到韓式家庭風味菜🤤私心推介呢度嘅飯卷，款式好多，除咗有常見嘅豬牛雞同芝士之外仲有吞拿魚/炒魚仔/豆腐/火腿等！牛肉烤得夠香口又唔會嚡，火腿鹹香味突出，配上紅蘿蔔、青瓜絲、醃蘿蔔等經典韓式小食，口感豐富，層次分明～ 飯粒軟糯可口，唔會一夾就散開，整體性價比好高！主食有必點嘅烤牛肉拌飯，配菜同飯會分開裝，十分貼心，配料同飯卷大致相同，估唔到仲有隻雞蛋🤣 飯粒粒分明，搭配惹味醬汁，食得津津有味～ 炒粉絲比想像中多，麻油香味突出，粉絲濕潤度適中，加埋冬菇、菠菜、木耳、紅蘿蔔、洋蔥等，新鮮又健康！主菜配上外脆內嫩嘅無骨炸雞，啖啖肉，正呀😜

🇰🇷銅鑼灣韓式料理小食外賣店 — 生生市場 呢一間位於銅鑼灣鵝頸橋附近嘅韓式料理小食外賣店，喺元朗都有分店。店舖環境細細，但係就五臟俱全有各種韓式嘅凍肉，以及各種韓式前菜、小食、煎餅、湯鍋、飯卷等美食，今日放工嘅時候就買咗嚟試吓～🦑生醃魷魚($70)🐙生醃八爪魚($70)魷魚同八爪魚都好彈牙，味道微辣，比起平時超級市場買嘅新鮮啲，同埋大隻啲！呢兩款都可以用嚟撈飯同埋韓式粉絲一齊食！🐥半份甜辣無骨炸雞 ($48)有半份同一份可以選擇，叫半份嘅份量都有六至八舊，炸得金黃色，外層鋪滿了甜辣醬汁。咬下去口感酥脆都可以過吓炸雞嘅口癮😆而且就咁當午餐食都好夠飽！韓式炒粉絲($48)粉絲吸收了醬油嘅香味，配料仲有洋蔥、紅蘿蔔、木耳，粉絲煮得啱啱好，保持左適度嘅彈性如果喺銅鑼灣或者元朗返工嘅朋友都不妨可以買來當午餐或者放工買返屋企食都係一個唔錯嘅選擇～

♡ 韓式外賣專門店｜生生市場 ♡-最近喺銅鑼灣、灣仔附近發現一間性價比好高嘅韓國餐廳～ 呢間餐廳除咗食外賣嘅韓國餐仲會賣海鮮同肉類等等～店入面嘅服務員態度好好 有正宗韓國人主理👍- ♡ 芝士紫菜飯卷 ♡ $48呢款飯卷真係好特別！飯卷包裹住紫菜同芝士，口感鬆軟，入口即化。芝士嘅香濃味道同紫菜嘅鮮味完美結合。-♡ 蜜糖牛油無骨炸雞🍗 ♡ $88呢款炸雞真係好吸引同好好食！🫶無骨炸雞肉質嫩滑多汁，外層淋上蜜糖牛油醬汁，甜而不膩。每一口都有蜜糖嘅香甜同雞肉嘅鮮美，口感酥脆。-♡ 辣炒年糕 ♡ $45年糕煮得彈牙，配上辣椒同其他配料。每一口都帶來辣椒嘅刺激感同年糕嘅嚼勁，令人胃口大開🥰-♡ 人蔘雞湯（半隻）♡ $68呢碗人蔘雞湯真係滋補又暖胃！雞湯濃郁鮮甜，人蔘嘅香氣彌漫其中。飲落去，溫暖滋補。湯汁滋味豐富，雞肉鮮嫩。❥#⇢店鋪資料：生生市場 (永德大廈) (灣仔)灣仔堅拿道西15號永德大廈地下G13號舖## 🔍尋找同區美食📍➾ #礦泥黃X灣仔-#hkig #hk #hkfoodie #hkgirl #foodie #hkfood #foodstagram #foodblogger #

呢間生生市場係由幾位韓國藉媽媽開，主打快靚正韓式外賣，八成食材由韓國引入，好有韓國家庭菜式嘅正宗風味🌟泡菜煎餅 $48成個煎餅剪開左一塊塊疊係外賣盒，但返到去食都仲係好乾身，冇濕晒黐住，泡菜味好濃，啱晒食辣嘅大家🌟烤牛肉紫菜飯卷 $53牛肉足料，加上甘筍青瓜絲同腐皮，食落有肉汁又有配菜嘅清甜🌟韓式炒粉絲 $48炒粉絲嗰調味唔會太重味，反而用芝麻同蔬菜突出香味🌟生醃八爪魚 (細) $70韓式八爪魚比我哋常見日式嗰隻辣少少好惹味，有得揀大份同細份，細份做開胃菜已經好滿足🌟韓國提子汁 $7🌟韓國梨汁 $7

之前係網上聽過呢間生生市場嘅名之後一路想試吓，老闆會經常到韓國搜羅韓牛同其他急凍肉類、海產，另外呢度仲會供應一系列韓式菜餚，好似燉湯、飯卷、煎餅、麵、拌飯等經典韓國菜做外賣。今次叫咗幾款主食，每樣份量都幾足。凍肉櫃仲有好吸引嘅韓牛、其他產地嘅凍肉、海產，仲竟然有個熟成櫃😎😎下次都想嚟買返幾款返屋企煎吓牛扒🥩或者打邊爐／燒肉🥓韓式牛肋排湯（配飯）好大碗😍牛肋排份量多，牛味濃而且炆得腍之餘仲有啲筋位，牛味濃亦食到油脂香😗😗湯頭飲到好清嘅牛骨湯味之餘亦飲到胡椒香。另外仲有好清甜無渣嘅白蘿蔔。配飯食暖胃飽肚。泡菜豬肉湯（配飯）夠酸夠辣，辣度都唔低🌶️但好快散，會令人想keep住食。泡菜份量多又爽口，仲有唔少豆腐。豬肉係層層相間嘅五花肉粒，如果份量多啲就更好🙌🏻韓式炒粉絲配料頗足，有唔少洋蔥🧅同大蒜令食落更惹味。調味剛好，唔會太油膩，輕輕鬆鬆可以清咗一大兜😛涼拌菠菜（小）小菜有分小/大size，除咗大路嘅醃菜之外，呢度竟然仲有醃明太子、八爪魚🐙、醬油蟹🦀、魚腸等，選擇超多👏🏻菠菜味道想像得到但都ok。人均消費：$80推介指數（10分為滿分）：7.5分

今日帶左小朋友出去銅鑼灣玩，臨走買左外賣番屋企開餐見到呢間韓式外賣店好企理，又多選擇，一於試下烤豬肉便當$73便當好豐富有前菜、小食同主食一格格小食佈置有心思，小朋友見到好開心烤豬肉有少少辣要小心食用蛋捲，炸雞每樣一粒可以試下過口癮烤牛肉拌飯$65烤牛肉甜甜地拌飯食一流，打開下層仲暗藏荷包蛋，有驚喜吞拿魚紫菜飯捲$53女仔細食lunch 之選，吞拿魚飯捲好mouthful 味道清淡健康，低卡又健康雜菜煎雞捲$55雞捲少少乾，少甜小朋友好鐘意

❣︎ 本身經過打算買凍肉見有韓式料理就順便買黎試下😆主要做外賣🥡所有食物都有包裝好 乾乾淨淨份量多價錢大眾化 可以一次過買凍肉同熟食都幾唔錯👍🏻♡⋯⋯食評⋯⋯♡ ☻ 4.3/5 🐮烤牛肉拌飯 $65飯同餸會分隔開 材料豐富應有盡有仲有附送醬汁去拌飯同出去堂食味道冇乜分別😙👍🏻🐷辣豬肉紫菜飯捲 $50配料唔小 飯捲帶芝麻油香一層層的辣豬肉咬落幾有口感🔥韓式炒粉絲 $48粉絲彈牙爽口調味剛剛好 正呀😋🥕甜酸潰蘿蔔 小$30食韓國菜必食之一已經切好哂一片片一夾起就食得喇🥰🥬新鮮辣泡菜 中$58原來中係等於兩盒細性價比超高味道適中 抵食✨

尖沙咀有韓國街就大家都知，估唔到銅鑼灣都開左間賣韓式食品，假如係好似我咁鍾意食韓式前菜嘅朋友，就更加唔可以錯過呢度有賣唔同款式嘅自家製泡菜同韓式小食琳瑯滿目，放哂喺雪櫃任君選擇🤓涼拌波菜（小）炒海帶絲（小）韓式炒魚糕（小）原味辣泡菜（小今次叫左幾款前菜，價錢好抵雖然只係細size但份量一D都唔少每款都幾有水準，拌飯食就最啱啦🍚韓式牛肋排湯牛肋排大大件，仲有三至四舊咁多好香肉味，如果再腍D就perfect 😆～～～～～～～～～～～～～～～～～～～大肚腩指數: 🌕🌕🌕🌑 🌑

生生市場 📍灣仔堅拿道西15號永德大廈地下G13號舖韓國人主理地道韓式料理🇰🇷🥢收工唔知食乜好～見到鵝頸橋街市附近有間韓式小食😙一於叫外賣試試一口氣叫左兩款主食～兩款小食～一款前菜味道真係唔錯👏🏻海鮮煎餅同原味無骨炸雞即叫即製夠哂新鮮熱辣🔥好味推介😌韓式炒粉絲好足料～而且埋單$250🩷好抵食啊👏🏻等候外賣期間不斷有人來光顧～如果想食飯捲真係到早點來🍙好快賣哂🤪。烤牛肉紫菜飯捲 $53。韓式炒粉絲 $48。海鮮煎餅 $58。原味無骨炸雞 $42。韓式炒魚糕 $40。韓國提子汁 $7

呢間外賣店有炸雞 小吃 紫菜飯捲 麵 拌飯等而雪櫃仲放咗唔少韓式飲品同前菜✨涼拌蒜心(💰$30)✨韓式炒粉絲(💰$48)✨雜菜雞蛋捲(💰$55)✨韓式烤雞拌飯(💰$65)✨辣豬肉紫菜飯捲(💰$50)每樣嘢食嘅份量都唔少 幾足料粉絲幾香麻油味 有菠菜 菇 木耳 紅蘿蔔等雞蛋捲有紫菜 蘿蔔 大葱等 如果有醬配就好拌飯啲餸菜同醬汁係另外有個兜裝住 食之前就可以自己撈勻晒先食嘅飯捲包得幾實 唔會一夾就散

突然想食韓國野尤其係豆腐海鮮湯最後決定買外賣見到好多人去買紫菜包飯不過淨番嘅口味唔啱就無要到了*豆腐海鮮湯*見到顏色真係有啲嚇親 好紅而且第一啖有啲搶喉但飲多啖就發現原來係錯覺料多而且都幾大碗性價比以地段計算高*人蔘雞湯*半隻平時出面啲餐廳好多時都得全隻呢度可以半隻非常好所以忍唔住叫左湯質偏杰身入面有啲糯米雞已經熬到骨都化嘅地步 正*魚糕串*湯底類似關東煮但比關東煮湯底濃郁魚糕結實非常有飽足感平時當小食都係唔錯嘅選擇*原味無骨炸雞*為左唔會焗淋啲炸雞已經剪開左盒蓋透氣打開香噴噴仲要成12舊咁多基本上淨食炸雞都飽曬咁滯粒粒都juicy juicy除左熟食佢地都有賣生肉1++韓牛超吸引—————————————————————▤ 原味無骨炸雞 大 $72▤ 人蔘雞湯 $68▤ 韓式海鮮豆腐湯 $68▤ 魚糕串湯 $20▤ 涼拌菠菜 $25

鍾意韓國嘢食就唔好錯過😆分別係銅鑼灣同元朗都有銅鑼灣仲有好多凍肉賣😎買返啲返屋企煮餐好 整體價錢公道，份量十足而且包裝得幾好👍🏻唔會好易溜欣賞😎𝗪𝗛𝗔𝗧 𝗪𝗘 𝗢𝗥𝗗𝗘𝗥雜菜煎蛋捲 55韓式火腿紫茶飯捲 42韓式蜆肉大醬湯 68烤牛肉拌飯 65ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🍱餐廳：生生市場🏫地址：1️⃣灣仔堅拿道西15號永德大廈地下G13號舖2️⃣元朗教育路2-6號捷榮樓地下C號舖