生煎包點心專門店

营业中

休息中

上星期夜晚九點幾同朋友們打完波.經過見未食過想試下,一入去冇人理你,見到都當透明,咁咪自己搵位坐,自己搵位時終於有人問我地幾位,我話三位,佢又唔應你喇喎,唔知問黎做乜架呢??? 係咪只係口痕問下就算???真係好疑惑!!!佢唔睬我地咪自己坐低囉,坐左成五分鐘都係冇人理喎,見到又掂行掂過直情變左透明人,未食已經火起,起錨閃人!!!今時今日咁o既服務態度,唔理你D野好唔好食,我為乜要白白受氣!!! 眼見地方不大,檯櫈擺得好密好迫,我地三個大男人坐落去郁都冇得郁!!!仲有見到D碗筷都好殘舊同污糟,似洗唔乾淨!!!一定唔會再有意欲去試!!!

一雞死，一雞鳴。走了「點好食」，來個「生煎包」。以生煎包做招牌，當然要加多幾分心機。不過用煲仔上，還加上荵墊底，你可能認為特別，我就覺得有點整色整水。論點心本身，以叉燒為餡的生煎包，確帶來一點新鮮感，味道不錯又不油膩。當然煎得焦一些更好。籠仔馬拉糕頗鬆軟，但略嫌偏甜及濕。鳳爪排骨飯亦不過不失。鮮蝦豆苗餃就相對上較差，餡多但濕濕的影響好感。以食物水準來看，此店可說不差。不過是日幾混亂：雖有派飛輪候的安排，但是不少人自己揾位；廚房又好似準備不足，檯檯都要等食，我就等了15分鐘有多才有點心送上，應作改善。