生昌潮州海鮮酒家

食左魷魚筒,,蟹,,滷水拼盤,,冰鎮菠蘿' 蠔餅,仲有糖醋面魷魚筒我好中意食,好好食,好有味,,差d想叫多碟tim蟹都唔差,但冇乜驚喜~普普通通滷水拼盤都幾好食,好入味,但鵝腸比較差糖醋面ok,我第1次食,感覺幾得意~下次去都應該會再叫,蠔餅我就覺得麻麻地,但都入得口,希望只係今次失手啦冰鎮菠蘿真係好差.,好彩叫左細...又唔甜,又唔凍,仲要冇去芯~哇,,真係勁差但好彩其實食物救番,我仍然會再去但一定唔會叫冰鎮菠蘿....!!…查看更多

之前已來過一次食鹽焗烏頭, 覺得好正 所以今次再黎. 今次有少少失望啦, 鹽焗烏頭都無上次咁好食, 乾左D, 上次果條好好油水~ 其他野, 蠔仔粥, 炸蟹丸, 鵝片, 都好正好好味! 整體上都係好滿意的. 但好想鬧一鬧果個 "冰鎮菠蘿' ! 上次都已經想叫, 但佢話賣晒, 所以我地全部人都以為會係好正, 所以咁快賣晒. 今次叫左, $48, 真係"冰 + 菠蘿" Only, D 菠蘿只係就咁切開, 連中間條硬既心都無去, d 皮就更加無去, 咁我明白保留 d 皮可能係風味, 特色~ 但保留中間個硬心係咪都係風味呢? Well......我地全部人要咬走晒 D 硬心, lur 返出黎, 先再繼續食D 菠蘿肉, 個菠蘿上面甜, 下面唔甜 (我唔知邊面上邊面下, 總之得一邊甜) , 結論係我地覺得呢個菠蘿完全唔值 $48. 下次會試下其他甜品~ …查看更多

平靚正潮洲菜背景平時經過顯徑都見到附近有條街好多野食於是今日一家特登去食行哂成條街見呢間又大又多人於是入去試下入面既座位有分冇冷氣(室外) 同有冷氣(室內)唔知點解室外常滿, 室內卻唔滿, 於是我地入左室內環境&衛生&服務無論室外室內都算乾淨企理,睇佢抹檯抹兩次都好放心,侍應態度亦友善。不過因為佢d送係一輪輪煮, 所以有時要等耐d味道例牌鹵水鵝, 好滑好香, 送飯一流!例牌煎蠔餅, 好大份, 好香, 炸既程度適中, 蠔亦唔太腥!炒蟶子, 好大碟, 好新鮮好多汁, 好有鑊氣, 有大排檔風味!椒絲腐乳炒生菜 (hello 冇圖) 都係好大碟, 食得出好香豬油味, 冇得彈。價錢4個送先至$250幾, 抵啦!…查看更多

因為爸爸住在大圍, 所以每次大多數也來吃雖然這一帶也很多小抄試過兩, 三間也不太好所以每次晚飯也來吃爸爸每次也叫鹽焗烏頭我每次一定叫炸蟹丸, 好趣卜卜, 好好味老公每次也叫三寶 - 有花生. 酸菜d 食物真係好有鑊氣呢 d 真係要大排檔先食倒十分不錯…查看更多

I didn't agreed.....cuz I just be there about 2 weeks ago!And we 3 peoples had order 鹽燒烏頭,.......招牌貨90分未試過一定要試你魚滑到出油!蠔仔粥,....ok la50分聖子,.......要讚,肉大過殼咁濟,仲夫大碟90分玫瑰露中蝦, aunti食到黏黏嘴80分菜......不用評.....收貨"司陰".......新鮮仲好乾淨,各人口味...I give 80分Main point 你價錢......三百鬆d.....想点?最慘得3個人....真想試埋凍蟹.......百鬆d有三隻喎!may be 1) different of week day and weekend 2) had change the cooker during these 2 weeks! …查看更多

酒娘乳汁喂蘇蝦：仲話得獎菜，打開錫紙，唔熱0既. 唔熱0既情度唔只打開錫紙見唔到有煙，仲係見到0的汁呈0者喱狀，根本就係d油凝固左. 叫佢整熱，佢答：幫你炒下佢啦 ..... 但呢味菜明明係用錫紙包住焗0架喎，自己未焗夠就送上檯俾人，仲跟進成咁! 得獎菜都唔好好做，即係拆自己照牌喇。明明半年前都仲，好地地，因乜自甘墮落？！沙爹牛肉炒芥蘭：基本上，只食芥蘭，因d牛肉韌到食唔到，個獻仲好鹹。濃湯響螺雞煲翅：翅0既份量縮晒水，半年前叫一窩6個人食，人人都分到2-3碗，每碗1-2塊翅，今次8個人，但1人得1小塊，細到得半隻湯匙咁大，只有大量豬手骨。個湯非常非常油，搞乜！ 已經唔係夜去，係七點幾頭圍用膳喇! 難道驚住之後會唔夠分？滷水鵝片： 墊底d豆腐又實又嚡. 但冇滷水味。蟹棗、鹽燒烏頭、蠔餅、蠔仔粥：普通，一般潮州菜館質素，唔使特別去呢間食。服務：坐樓上，叫天不應，叫地不聞。好彩見到有伙計上黎傳菜，都唔使開心，佢會克盡己任，上完菜即閃。要加茶攞碗攞筷子，自己啦。 不過小心跣親。…查看更多

朋友推薦，說是他的「至愛」食府之一。由大圍火車站出發，走了好一陣子，才到達我們的目標。七點多，人已經很多。幸好爭取到坐在室內，不然，在炎熱的天氣下坐在室外都幾辛苦。我們二個人叫了四個餸：鹽燒烏頭：魚味鮮甜。春菜：朋友話可能係芥蘭既朋友，浸在肥豬肉湯中，卻一點也不肥膩。蟹棗：有點像飲宴時吃的炸蟹魽。金銀條（甜品）：蕃薯和竽頭都是我的至愛。看上去有點像鹹點，其實是葱放在糖漿中。在叫餸時一併落單，所以吃的時候已經涼了，不過味道依然很好。份量很足，我們鄰座叫了沙拉骨或是西檸雞，都是大大碟。…查看更多

因為係假期, 所以勁多人. 不過好彩等左半粒鐘倒就有位. 坐低左之後仲好快有人來執檯同寫野, 唔使好似上次咁叫極都無人o黎~!今次3個人, 叫左i) 鹽焗烏頭 - 好味! , 雖然係凍魚, 但魚味夠肉夠滑. 又唔會太喊. 不過今次條魚好似細過之前...唔知係咪又貴左呢.....(ii) 豉椒炒蟶子 - 每次黎到必叫. 不過今次冇咁好味. 配料比較少(iii) 椒絲腐乳通菜 - 第一次叫呢個菜. 唔係好得, d腐乳味超唔夠! 成個菜都好淡.另外叫左2支青島($15@), 2個飯.埋單$240...總括而言, 今次d菜真係差左啦.希望真係因為多人先至咁啦. 我之前去過好多次都覺得好抵食, 因為真係好味. 但係今次要俾返低分少少. 下次會再去, 俾多次機會佢~…查看更多

難得一班舊同事約到出黎食餐飯朋友話去生昌......我就第1次食4個人......3男1女食左：蠔仔粥<<<<<唔錯......幾好食.....又大窩......鹵水中拼盤<<<<<都好大下......有豆腐、鵝肉、牙菜、肥腩、大腸、鵝腸、生腸、百幾蚊不過我覺得都幾抵食酒娘乳汁焗蝦(好似係咁呀個名)<<<<食落似清酒味.....入邊有d配料.....D料似泰式豬頸肉咁.....100蚊3隻既凍cab......我唔多食既......但朋友食話ok抄左碟蜆<<<<<<我就覺得馬馬啦加埋d汽水beer每位140已經好飽啦.....…查看更多

唔知道真正潮州菜係點, 不過食過生昌之後,我暫時當佢就係潮州菜表表姐啦!由新開張至今, 都超過10年.有時候諗唔到食乜, 我地都會行過去食.就算而加搬走了, 都買外賣, 真係誇~今晚唔想煮飯, 是旦買了幾款做晚餐:- 鹽焗烏頭>> 每次必叫, 連男朋友唔食魚都食半條喎. 鮮魚味, 再有少少咸咸甘甘的面豉味, 仲有檸檬味, 食晒 蒸花蟹>> 仲平過起街市買, 點醋吃, 好鮮味 蒸龍蝦>> 阿媽得閒冇野做喎, 想試試龍蝦點醋係點. 啖啖肉, 都可以既~ 炒面線>> 我都係喜歡炒小菜多d今次點既菜麻麻.........好想食蟹棗丸, 下次一定要叫!…查看更多

老實講,,,泥生昌食飯GA次數真係多到數唔倒因有親人系大圍住,,,一大班人多數都係去生昌,,,再唔係就去嘉豪不過一大班就要早少少攞定位,,,一到七八點就等位等超耐好,,,廢話小講,,,講野食先炸蟹棗係指定動作,,,泥生昌實叫不過真係要襯熱食,,,凍左食會冇哂果種彈牙感另外雞煲翅都食左咁多次第一次叫真係好足料,,,又夠濃,,,又膠,,,仲有勁香胡椒味講真差唔多300蚊倒差唔多LA,,,仲要煲咁多個鐘BO仲有呀佢d炒河粉都好好食架,,,不過要早d叫,,,九點幾就賣哂,,,…查看更多

1. 雞湯翅$288 ~ 足夠我們7人分享,翅內不只大鍋雞肉還有很多豬腳,很夠膠,翅亦不欺場.2. 香煎潮州蠔餅 ~ 非常一般, 口感非常差,粉超多,炸得過燶.3. 滷水鵝片 ~ 友人說墊底的豆腐很差,因為很嚡口喎,不過我在街市見潮州豆腐就是這樣的.4. 蠔仔粥 ~ 好似有點方魚在內,蠔仔都算大size5. 羊腩煲 ~ 很有羊肉羶香,馬蹄又夠多,不過太咸了.6. 冰鎮波籮 ~ 原個大菠蘿切去頭尾，插入冰盆中，即成.…查看更多

成條街最旺係生昌，逼滿左等位既客人，好在黎早少少有位。呢度d野大碟，所以四個人要三餸加飯和粥已經好飽。潮州煮倉魚 ($98)：倉魚肉嫩而皮煎得香脆，配菜有豬頸肉和咸菜，個汁好香。家鄉阿媽煮春菜 ($48)：春菜和豬肉煮得淰身入味。例牌鵝件豆腐底 ($65)：鵝肉香滑，略為肥左d，卥水豆腐好味。次次黎都係食烏頭，覺得麻麻地 , 今晚試下煮倉魚原來好味好多。…查看更多

原本今日肥媽約了兩個好友飯聚於生昌，我姑姐及表姐到訪，於是加入同往，大約晚上八時抵達，發覺以坐無虛設，更大把人在等檯。才醒起今日為星期日，應事先留位。失敗....由於太多人等檯，要成四十幾分鐘先有位。未坐低前，朋友以留定兩條烏頭，兩個波籮，坐低之後再加了一個雞湯翅、滷水拼盤中，上湯浸蜆，同豉椒炒聖子。還有肥媽要試的沙拉醬焗豬軟骨。想試凍蟹已沽清，無緣一試。首先烏頭上場，魚身仍見不錯，少了點黃油，不俗雞湯翅緊隨上場，猶於首次試食，信心未足，所以只叫了一客，六人分享，每人都有兩小碗，雞味不濃，但有螺頭味，味精也多了點，有豬腳骨同煲，但無乜膠質感覺，所以同深水的金豪比，我較欣賞後者，更加有雞味更撲實。跟著來的是浸蜆，同聖子，不過不失，份量倒不少，再接踵而來的是沙拉醬烤焗豬軟骨，肥媽的意見是唔點沙律醬比較酸，相當開胃，點醬則更美味不俗。波籮排在最後登場，用冰鎮著，寧舍清涼，加上天氣回暖，啖之更加舒暢，朋友再外賣一客烏頭同波籮回家與家人分享，佢話上次都外賣過，放入雪櫃，翌日傭人將魚翻叮，魚質變得粗，不知所謂，今次再試，不翻叮，看看效果如何，我覺得，讓它自行解凍，效果應該不錯。扮晒專家。埋單時九佰五十元不到，不計外賣，只八佰元左右平均每人佰二蚊，可以喇。最後一題，除了凍食和波籮之外，其它食物都是和暖，可以理解的是因為太忙人手短缺，但對食味不無影響，還是揀平日來訪較穩妥。…查看更多

臨別依依, 和教會組員到此吃飯.其實已是第二次來, 但上次灳不見得好食, 所以不記錄了.過了半年後再來, 竟然比上次還差, 相都沒有興趣影,9個人叫了十三樣菜, 失望的居多.只講幾樣.蠔餅煎得太多粉, 皮韌得筷子也夾不開, 口感非常差.很久未試過蠔餅竟然會食唔晒.薑葱焗蠔, 用的是很大的筒蠔, 但大而無當, 完全不入味, 做這個應該是要用小的蠔來做才對.豉油王墨魚, 吃第一口有些驚喜, 但就不想再吃了, 有點腥味.炸鮮尤....竟然看到的是墨魚???還是一隻隻的,吃入口又是韌的.又吃不完.唯一一樣大家清得最快的, 是鹽焗烏頭.其他都沒什麼特別, 以後不會再去.…查看更多