生和料理鐵板燒 (已結業)

而家放假好多时都会番大陆觅食, 见openrice有coupon (一至四每位$128), 就嚟试试因为系星期一的关系, 人客唔多, 一去到就有位嘞, 本来谂住坐"铁板烧"位坐, 不过男友话会好大油烟, 所以就拣咗卡位坐, 冇得睇师傅'表演'添 可以拣的菜式都系大路的任点款, 都算多嘢拣, 不过menu头几页𠮶啲和牛呀, 长脚蟹等'贵'嘢, 就不在'任食'之列~叫咗好多嘢食, 每样试啲, 以下几款比较深印象的:鱼生 - 还可以啦, 只系海胆每一只可叫一次, 仲以为有一板啦, 点知得一'件', 一啖就冇咗, 孤寒咗啲啰银雪鱼 - 无论盐烧同酱烧的都好好味, 赞烧蚝 - 有芝士同埋蒜蓉两种, 各有特色, 不过始终都系蒜蓉啱味啲. 要order就要趁早, 因为要等好耐先有芦笋牛肉卷 - 冇芦笋, 得几条炒过的葱, 啲肥牛有八成为'肥'冇肉的, 唔掂炒露荀 - 呢个炒得好味, 不过每次份量好少, order咗两似先够芝士银雪鱼卷/三文鱼卷 - 无论叫咩卷, 结果啲'饀'都系一样: 杂豆加鱼肉粒, 啲酱都系酸酸哋啲, 咩芝士都冇, 唔对版鹅肝蒸蛋 - 呢个好味呀, 必吃自选糕点 - 个menu有好多嘢拣, 但系实际系好多都冇的, 叫我哋去个甜品柜拣, 满心欢喜走埋去, 结果系大失所望, 得三样唔知系咩ge蛋糕, 勉强拣咗两件, 一件疑似tiramisu的还可以, 白色𠮶件就好似洗碗的海绵咁, 好嚡, 冇味炸雪糕 - 外脆内软, 外热内冻, 几得意, 面加咗少少朱古力酱, 都几好味今次用咗openrice度print出嚟的coupon, 唔知系咪因为我无用彩print, 侍应话张"复印"的coupon可以用, 不过一人要用一张(张coupon明明写住每次用一张, 唔系每人用一张ga???), 好彩入去之前问咗先, 咁我哋咪去附近影印多张啰, 个侍应仲话下次用要用'原件'(原稿)㖞.....…查看更多

地方大, 坐得舒服! 不过速度慢, 叫杯可乐要10分钟先有... 我自己走去针仲快..刺生, 生豪任食, 味道不错! 生豪黎得好慢, 最好一早叫定! …查看更多

上星期行完老书城打算从游旧地食下铁板烧buffet ( 大源 ) , 点知去到楼下才知道已经换咗新老细 , 据楼下接待靓女讲 , 公司四月份换咗新老板 , 连舖头都改咗名为生和料理铁板烧 . 就系咁 , 当时本人跟朋友打算去另一间心水餐厅开饭 , 点知o个位接待不断系咁 sell , 仲话家下做紧推广 , 任食晚餐 Buffet食 $150 送 $50 蚊现金代用卷下次用 , 吸客增人流㖞 :). 跟朋友谂咗一阵 , 又见有D开始肚饿又唔想周围走 , 就决定试下由新人事新作风下有咩唔同 , 点知系失望 ! 首先 , 上到二楼等咗成5分钟都无知客带位 , 唯有同朋友直入餐厅打算揾服务员带位 , 但亦无人理我哋 , 最后要由经理安排卡座俾我哋 , 感觉非常混乱 . 坐低后打算先叫两支老青岛一路饮一路谂下今晚嘅战略 , 点知等咗差不多20分才送一支过来 ( 中途催咗3次 ) , 仲系唔够冻o架 , 唉 ! 最激气系由落单叫嘢食到第一样食物上台足足等咗30分钟 , 你话有咩唔对新管理失望 :(. 至于食物味道及新鲜只可以算是仅仅合格 , 唯一推介系鹅肝炖蛋较为特别 , 手工精细 , 味道鲜甜蛋白内有鹅肝粒 . 下次不会再来 !…查看更多