生發小吃店的食记– 香港上水的粤菜 (广东)小食店

今日下午我們喺上水諗著轉車去另一個地方做嘢先，經過新樂街見到呢間「生發小吃店」有好多人喺度排隊買嚟食，兼且有幾個座位可以坐，所以我們都走去買埋嚟食吓！我們買咗咖哩魚蛋、魚肉燒賣同腸粉，咖哩魚蛋相當爽口彈牙，而且有魚肉嘅鮮味，最好係無乜腥嘅味道，咖哩汁嘅味道非常香辣濃郁，所以令到魚蛋更加惹味！魚肉燒賣就不過不失！而腸粉嘅質感就非常煙煙韌韌，再配埋啲甜醬一齊食，真係好正呀！食完呢幾樣覺得有啲唔係好夠，所以我們再買咗秘製鷄翼同蘿蔔牛雜，鷄翼嘅肉質好嫩滑，秘製嘅醬汁唔會過鹹！蘿蔔都幾清甜！至於牛雜就好爽滑彈牙，而且相當入味！