生原創(蛋包飯)

营业中

休息中

其實我幫襯呢間野都已經有一段時間架啦, 每次響元朗諗住食日本野, 都會黎呢到。 因為同區嘅所謂日本料理全部都只係大堆頭製作, 而且質素仲好參差, 反而呢到我都食左成年, 佢地都KEEP到個水準, 確實值得一讚!今次約埋朋友黎, 一行4人都食左好多野下。天氣咁凍, 就叫左個牛肉豆腐鍋, 明太子蛋卷(未映相已經食晒), 海膽蛋包飯(加左$18做流心蛋, 滑好多香口好多!!!), 仲有我每次都要食嘅串燒牛舌同埋芝士無骨雞翼, 之後仲叫左個炒雜菜。串燒牛舌厚薄啱啱好, 加埋本身嘅油脂, 香口好味!牛肉豆腐鍋份量好足料!有好豐富嘅雜菜底, 仲有D水晶粉, 吸左個甜湯底好好味!同行朋友覺得甜左少少, 但我就好鍾意蛋包飯加左流心蛋個效果真係好唔同, 雖然會等耐D,但絕對值得, 而且無響其他舖頭見過芝士雞翼, 食左咁多次都仲係覺得好食, 店員話我知個芝士醬係佢地秘製過, 唔係普逍芝士, 唔怪知個味咁特別啦!店內擺設好得意, 有心思除左食物質素穩定, 佢地嘅服務都唔錯, 有禮貌, 茶水好足, 抵讚!

  今日與朋友《元朗農墟嘉年華之漁米之香》活動後，往生原創(蛋包飯) 食lunch，小弟點了鰻魚蛋包飯，另外order了無骨芝士雞翼，什菜炒牛肉、雞軟骨和凍咖啡，食物質素不錯，店子裝飾全是蛋，好得意(lunch原本送沙律但我們三人都不食沙律，唯有退回!) ，無骨芝士雞翼好重芝士味、什菜炒牛肉好大碟和雞軟骨好香口，今餐每人$144，食得飽飽不錯，如果舖子賣埋雞蛋仔和燉蛋就好正，感謝朋友推介。

由入坐開始已經失望, 整間餐廳都沒人,但係就偏偏安排我和太太坐在路邊位置,根本放不下食物.服務已經不好了, 食物的質素亦和價錢不相符.波菜帶子蛋包飯,沒波菜味,除了紫菜味就是咸了,帶子整個飯只有細細一兩片牛舌蛋包飯, 牛舌沒味道, 整個飯除了咸還是咸串燒牛舌, 牛舌的質素不錯,但是也是太咸芝士無骨雞亦,是唯一可以的整頓晚飯滿心歡喜的來,萬分失望的回.可一不可再~

事原係因為同事係UTUBE見到一個日本師傅即做流心蛋包飯, 見到之後覺得好震撼!!一直都想試, 之後竟然睇雜誌發現香港都有,一定要去不過試完有少少失望, 其實唔差既。首先一定要ORDER既時候, 要講清楚係 要"流心蛋" (要加錢, 同埋店小二係唔會提你, 我地都爭D叫錯左普通蛋包飯)飯到既時候店員會劏開個蛋,D蛋流出黎(講真我覺得幾impressive)味道一般, 不過我地order 左兩個其中一個開既時侯我見到有水(可能係d蛋溝唔勻)around $100/流心蛋包飯

睇電視都有介紹過呢間野 就黎近我既 姐係元朗呢間啦係外面睇 吾係好大間 都吾多人 可能太邊位喇。。係街尾到。我就同家姐入去試啦 幾中意啲服務 可能少人既關係 睇下餐牌 蛋包飯要50蚊以上 還可以啦 試新野點都要俾架喇叫左鰻魚蛋包飯同芝士無骨雞翼 以為吾夠飽 就再叫魚柳蛋包飯 今次加埋流心蛋xd一黎就係鰻魚蛋包飯 加咖哩汁 汁都幾多下 賣相吾錯 食埋個雞翼 覺得芝士吾夠多。之後黎個魚柳飯 加埋流心蛋 呢個正啊 雖然隻蛋係飯既上面 相對有流心蛋既好味啲。魚柳都幾脆 叫多杯雜果賓治 真係飽到。。P.s中意食半熟蛋既人就要試喇。因為我就幾中意 所以大致上都讚好 我都會再去既

每隔兩個月，我跟E先生都總要到元朗去進行特別任務，既然一場來到，就因利乘便順道在元朗區找間合心意的餐廳吃個午餐。生原創 (蛋包飯) 早在年多前已略有所聞，是清風街頗為有名的長龍店之一，一直想找機會嚐試這蛋包飯專門店，可是卻一直未有成行；這次上網找餐廳時，竟發現生原創 (蛋包飯) 原來在元朗開了分店，於是當刻就決定到訪而不另作他選了。餐廳地點不難找，當車輛駛入大街一眼就看到那突出的＂蛋＂包飯招牌了，加上門面裝潢頗具特色，在舊店林立的街道上頗為突出，而街後就有咪錶位，泊好車後行個街口就到了，很方便。餐廳以一貫日式餐廳裝潢，深啡色為主調，面積不大，大約有三十多個座位，雖然檯椅放得頗密，而今天只有半滿，因而不覺擠迫，環境尚算舒適。這一角是吧檯位置，不難看出餐廳在佈置 / 裝飾上花了不少心思，很有日式食店的風格，滿有特色。還有這一道不得不提的雞蛋牆，用一隻隻雞蛋吊飾來裝飾牆壁，而且每隻雞蛋上都印有不同的表情圖案，既可愛、又特別，同時切合蛋包飯專門店的主題，一舉兩得。我們一看餐牌，午市定食共有十一款選擇，價錢由$60-$158，以蛋包飯為主，轉流心蛋需加$18，醬汁可選配茄汁、咖喱汁或白汁，午市定

本來對呢個餐廳抱有好大期望，因為記得電視台曾經介紹過，又有蘇師傅推介。於是今晚同一位女仔朋友一心嚟捧場，我地坐低一打開個餐牌，嘩，其實都幾貴，但既然一場嚟到，點都試下啦! 我地叫了一客墨汁海鮮蛋包飯$158，一客海膽蛋包飯$138，另加$18轉流心蛋，及一客芝士無骨雞翼$68。個流心蛋要加$18真係一啲都唔值，整體個蛋包飯冇咩特別，份量細，我地係女仔都覺得唔夠飽，完全唔值咁既價錢，仲有個雞翼係冇味既，炸到好油，仲話呢個係人氣食品推介結論﹕呢間餐廳對於我黎講係失望、冇下次!

呢間之前睇雜誌有報導過但係天后太遠一直無緣一會到朋友帶我黎食先知原來開到入黎元朗 happy 終於有機會試下每款基本上都七八十 有d特別d要百幾 值唔值真係見人見智朋友推薦了一個原塊黑豚蛋包飯我選了咖哩汁 日本既咖哩汁一向不錯 應該無死〜〜原塊黑豚原來係吉列豬扒 賣相不錯豬扒炸得好鬆軟 唔會好油 而且內裡既肉依然好嫩 唔會乾掙掙到個飯 蛋煎得好軟熟 而入面既飯係有味飯 熱辣辣 配合得剛剛好而個咖哩相對就無咁出色我覺得有d稀 但味道依然唔錯 畢竟日式咖哩好難整得難食成個飯都幾大分 男仔食都完全夠飽女仔就應該會食淨我唔食太多肉 俾緊兩件豬扒朋友都食唔晒因為食到後面真係有d漏不過下次黎要試下佢個白汁先得：）

係元朗新開了—段時間，某天星期六晚經过，可能已9点，都不用等位！店內裝修很可愛，有唔同蛋样的面部形態，燈飾用上蛋形燈罩！很得意！我哋点咗鰻魚蛋包飯，豆腐蛋包飯同燒物三文魚頭！蛋包飯可选茄汁，白汁及咖喱计！我覺得咖喱汁好味D！但就冇加$轉流心蛋！其实蛋已很嫩滑，包住D飯好好味，燒三文魚頭燒得很香口，很乾身！但價錢唔便宜，如有海鲜餡料都要过百元！有曰午飯時間经过，好似都冇set lunch 供應！

前排經過教育路見到一間門面好吸引叫蛋包飯嘅食店, 一睇就知唔係d寂寂無名嘅小店, 今晚特意嚟試下。晚上九點幾, 無需等位但客人唔算少。果然, 天后亦有呢間蛋包飯, 而且有幾個電視節目介紹過。全店木枱木櫈, 大路日本餐廳裝潢, 但佈置有點玩味, 用咗打蛋形籐製燈飾, 同埋牆上用蛋紀念品砌成好大個蛋字, 凸顯蛋這個主題。座位分佈亦唔會有好迫感覺。重點當然睇下有咩招牌菜/ 推介先啦, 見到牆上貼出嚟嘅相介紹, 下! 一個蛋包飯要$158? $198? 比預期中貴, 我預算係一百蚊左右, 而我認為佢呢個價錢已經可以係一間中檔意大利餐廳食個好味嘅意大利飯喇。不過入到嚟唔理點都要試下, 其實餐牌上其他蛋包飯有部份都唔過一百蚊。最後我點咗菠菜帶子蛋包飯、和風牛舌蛋包飯同埋芝士無骨雞翼。配蛋包飯嘅汁仲有三個選擇, 咖哩汁、茄汁或白汁。我選咗咖哩汁, 我覺得會比較穩陣, 同埋可以試下夠唔夠傳統日式。店員問加唔加18蚊轉流心蛋, 一來我覺得貴, 二來我想試咗regular先, 所以無轉流心蛋。飲品方面, 呢度竟然無茶膽, 即係無奶茶檸茶供應, 今日好想飲凍檸茶, 唯有飲凍檸水啦!餐牌註明蛋包飯製作需時約十

相信大家都食過鰻魚飯!但你想食最差既就一定要黎呢到！佢地既鰻魚飯一上枱就有驚喜﹐原來係用類似監獄式既不銹鋼盆黎裝住。樣衰都算喇！味道奇差！鰻魚得幾粒(佢地將鰻魚切粒上)﹐重有骨的！太可怕喇！最衰冇影張相比大家睇！

經過元朗教育路見到間專門食蛋包飯餐廳，好吸引，門外又見好多電視報紙介紹過，同男朋友即刻想試下，等左一陣位，入到去餐廳佈置好特別、全部周圍好雞蛋的擺設，好有心思，我們選了秘汁鰻魚蛋包飯，侍應推介轉流心蛋，就試下，還有自家制手握芝士牛餅，醉巴辣凍蟹，頼尿蝦，因為小妹都好喜歡食海鮮的，好期待，首先牛餅先來，咬開中間有好香濃芝士加上牛肉更香口，主角蛋包飯到了，侍應還即席用刀切開蛋，嘩！好滑的流心蛋喎，好香蛋又滑，雖然要另加$18，值得！另外海鮮又新鮮，用酒蒸熟後，點個酸辣汁好野味啊😲😲😲元朗一間好有質素的餐廳，下次再來食先hehee

元朗的食店真是很多, 但大部份都是小型店鋪, 食飽就要結帳。並巧去元朗而喜歡新嘗試的我又去試一試這間開業幾個月的新店。 有貼題的裝飾，這店除了蛋包飯外還有炸物、沙律、燒物及刺身等食物, 見到餐牌有這麼多選擇真是樣樣都想試, 雖然是午餐時間但客人亦不少, 服務員的招呼也不錯, 最重要是可以慢慢享受這頓美味的午餐。蛋皮包著熱辣辣的飯，還有咖哩汁、茄汁和白汁選擇。炸物芝士無骨雞翼（推介之一）和炸薯餅炸得脆之餘且沒有多餘的油，沙律蟹柳海蜇沙律即叫即做，刺身厚肉美味，燒物三文魚頭燒得香囗亦很美味。

和朋友到這間蛋包飯吃午餐，點了咖哩鰻魚蛋包飯，芝士無骨雞翼，燒三文魚頭，刺身和炸薯餅。蛋包飯內的鰻魚炒飯有濃香的鰻魚味，加上蛋味十足和食落滑口的蛋皮，味道很不錯。必食的雞翼，雖是油炸物，但一點也不油，仲炸到剛剛好，剛熟並一點也沒燶，真的必食。燒三文魚頭燒得香口和很乾身，沒有油＂冧冧＂，好味道。

蛋包飯是我喜愛的食物之一，這店是公仔箱食家以及風水大師推薦的，我未嚐過，所以今次經過就入去見識下。要了和風牛舌蛋包飯，沒有加錢轉流心蛋，但薄薄的蛋皮包著對米飯，而頭塗上茄汁，賣相是幾靚仔的。用刀破開，蛋和飯有點各自為政的感覺，米飯口感亦未見理想，只是靠牛舌挽回點分數。店員說這裡沒有茶膽的，所以沒有奶茶檸茶供應，這樣自然也不敢叫咖啡，是但一杯熱檸水算了。最喜歡的，只是牆上可愛樣子的雞蛋。