影片
乡愁梦思亲土生故里情气节不可止息争万世兴时代是前进的，但富足生活就产生怀念旧物的情怀。流浮山著名的海鲜街内一道横巷，一家保持著旧装修、旧卡位的街坊小店《 生利茶餐厅 》。青少年人(零零后)应该到访吓。( 奶茶和鸳鸯 ) 是考验港式茶餐厅的不二之选。奶茶 : 茶香气不重，无夺走奶香和奶的柔滑，表现了劳动街坊们，对补充营养和体力的要求，踏踏实实的一杯古早味道。鸳鸯 : 奶茶混合咖啡造成。要有奶茶的元素，也要突出咖啡的浓香，在理论上有一定的比例，但师傅的手艺才是重点。因为原材料总有差异，不会长年累月都是同一品质的。今次品尝到一杯带点浓香咖啡味的正品货。温馨提示 : 有多样街坊小吃，留待日后再试，例如凤爪面等。
继续阅读
我条为食筋又返咗嚟、上网睇完某某介绍，以前就会9秒9冲过去，今次都等咗一个星期先至由港岛区直踩西隧决战流浮山，唔多唔少都有少少进步（笑）一入到去，𠮶种杜琪峰PTUFeel 即刻从餐厅「射咗」出嚟，时光倒流花样年华，你会见到三山五岳，鹰唛炼奶不特止 ，孤陋寡闻的我都未见过茶餐厅入边可以容许大狼狗一齐进食，总之呢镬就「声色犬马奇趣录啦」，嗱千祈唔好问我入边有冇人食烟啊，我咩都睇唔到呀 （笑）我嚟呢间Feel 100% 就系为咗佢 嘅隐藏食物 （餐牌冇嘅～～～～蒸饭）我同太座先叫咗两个排骨饭，个人认为食中菜、茶记首要条件要够热，我排骨饭一上枱就好似Space X 准备上太空咁样热辣辣，啲排骨望落去好有光泽，啲饭粒粒分明，感觉系将生米蒸成熟米状态，本人比较钟意食硬米，咬落去有粒粒分明的感觉，所以如果容易胃痛或者吃开软饭的朋友或者未必钟意这个饭质素感，个饭热到要侍应姐姐额外跟个盘俾你将佢倒落去你就知佢有几焚身似火，排骨好滑，唔需要额外落豉油，已经充满味道 ，太座俾我第一个反应就系「呢个就系我细个食排骨饭嘅回忆」秒速食完之后梗系去到encore环节，原来佢仲有牛肉饭、鸡饭、梅菜肉饼饭、双肠饭，咁我即刻整碗肉饼饭试试佢，再叫多个牛肉饭，虽然都好食，但系冇排骨饭咁吸引，所以我即刻同我老婆你嚟个圆桌会议探讨下好唔好叫多个排骨饭，但系我觉得碗饭多，但系啲料比较少，突然间一渡灵光打入我「云精」不如做个排骨饭加排骨啦，满心欢喜去叫点知老板话唔可以咁做嘅，虽然牛有几个胃，谂吓谂吓食嘢留一线，他日好相见，咁我就冇再叫多个啦四碗饭加杯热柠水咁样叫法个早餐都系收我$99 ， 一个排骨饭成为$19 ，咁嘅质素仲想点啊，我骨子里好似钟先生咆哮大叫好X 抵呀（笑）
继续阅读
今日早上见得闲，突然想食排骨饭，知道流浮山有间茶记出名排骨饭，所以走去流浮山生利就系为左呢碗排骨饭。生利位置有D隐闭。喺大街直去再转入小巷, 就发现生利茶餐厅!不过排骨饭 menu 上系无嘅, 不过10枱客有8抬客叫排骨饭，唔知都会知排骨饭出名。排骨饭 $19排骨饭黎时有只吉碗，因只佢系连碗蒸饭,所以好热，所以俾只吉碗我哋系要将𠮶碗排骨饭倒落去慢慢食，D饭软熟, 而且软硬度适中! 排骨略为咸左D,送饭就啱啱好。加埋配茶记冻奶茶，一流。
继续阅读
20210317。12:45今日收得早，专程约朋友揸车🚘入流浮山揾一间出名食排骨饭🐷🍚嘅餐厅「生利茶餐厅」。泊好车，由正街沿路行入去过咗球场冇几远，左面有一条巷仔，转入去三几个舖位就系啦！坐低先叫两碗排骨饭，老板话啱啱蒸紧所以要等十零分钟，啲人讲得咁好食😋，等下无所谓啦😉！餐厅里头嘅环境算可以接受嘅，干净光猛有冷气，只系装修仲停留咗喺六七十年代🙈😂。等咗差不多成廿分钟，排骨饭终于出炉啦😍，姐姐拎住碗热腾腾嘅饭，各人仲有一只吉碗一只匙羹，姐姐仲话排骨饭啱啱蒸出嚟「好好食㗎」，原来只吉碗系俾我哋将𠮶碗啱啱蒸好嘅排骨饭倒落去慢慢食嘅，否则只蒸饭碗实在系太～～热～～啦！碗饭嘅份量系普通屋企饭碗大概250ml咁上下，至于排骨饭嘅味道感觉如何呢🤔？排骨好新鲜，稍嫌豉油味重咗有啲啲咸😅，饭嘅软硬度算唔错，因为食刚刚出炉嘅饭而味道唔太差嘅都会觉得好好食㗎喇，所以并唔觉得好突出。我另外仲叫咗一杯菠萝红豆冰，菠萝系用罐头菠萝，红豆煮得够稔甜，一杯儿时喜爱饮品真系冇得顶🥰🥰🥰。总括嚟讲，专程开车入嚟食就⋯⋯，如果路经或者顺便买海味就系唔错嘅选择😊😊
继续阅读
流浮山俾人既感觉系嚟呢度系食海鲜，啲野食都系好贵，因为依家流浮山有个蚝会，所以嚟左行下，突然行到一条巷子度，见到有间旧式既茶餐厅，佢既装修都系复古既，环境就冇依家新式嘅甘舒服，但杯茶走系以前既味道，同埋价钱便，啲野都足料，我哋食左个餐蛋治+茶走 西多士+冻柠茶，埋单$62，隐世茶记
继续阅读