甜蜜蜜甜品專門店 (已結業)

我們靚女美食團一行4人在尖東食過生日飯後，間日式餐廳沒有甜品供應，加上大家勉強夠飽，意猶未盡之下，其中一位姊妹建議請食甜品！ 我們走到尖沙咀厚福街，原來這裡現時並非預期多甜品店，只有寥寥可數的兩三間甜品店街舖！左揀右揀，最終選擇了 <甜蜜蜜甜品專門店>！恰巧！不用等位直接入座！雖然店內坐滿客，落單後不久便送上甜品！期間！我們見到隔離枱坐著好幾個小鮮肉大學男生，他們食冰凍的甜品食得不知幾滋味！ 我們自知並非十八廿二！ 想食暖甜品，盡量少食生冷嘢！打開甜品餐牌，供應多款港式甜品及部份西式甜品！ 令我們花多眼亂！甜品宵夜原個椰皇海底椰燉蛋白 $58燉蛋白奶味濃重，入口香滑，軟滑的海底椰肉是止咳的天然食材之一！海底椰及椰皇配搭好夾！梨渦淺笑 $58我選擇這款甜品覺得色彩繽紛的賣相吸引之餘都幾健康，以杞子、小丸子、蕃薯丸、桂花燉梨、還有金箔增添貴氣！相比起其他甜品比較清淡滋補！ 梨肉柔軟多汁，小丸子、蕃薯丸略帶煙韌口感！整體清甜滋潤！這裡的港式甜品比預期貴了些少！多謝兩位靚女姊妹請客！

海底椰燉蛋白🥄($56)好濃郁既奶味 食落口好滑滑 入口即溶 食完皮膚好似水噸噸甘 靚哂😂😂😂微甜，唔係好食得甜嘅人都會接受到相比起其他甜品比較清淡滋補！而且海底椰份量都佔左一半，豐富海底野唔會好老囉食落口好軟滑！同燉蛋白係完美配合。周邊幾台客都有叫到海底椰燉蛋白，可想言之，佢都唔係幾受歡迎(最高境界: 1 🌕🌕🌕🌕🌕 5)味道: 🌕🌕🌕🌗🌑環境: 🌕🌕🌕🌘🌑衛生: 🌕🌕🌕🌑🌑抵食: 🌕🌕🌕🌗🌑

尖沙咀甜品選擇多，今晚經過這間甜品店，見佢有D人氣，決定一試最後同朋友各嗌左一個心太軟，一個朱古力味一個綠茶味等左約二十分鐘終於有得食！兩款心太軟都外脆內軟，流心效果一流，而且唔會話太甜但好香好濃味，配埋個香草味雪糕，真係值得推介！唯一唔好就係佢地服務態度麻麻，叫左幾次都冇人同我地落單

琴日同朋友食完飯黎食糖水，見到幾多人就入去坐底，加上之前食過係ok嘅。一打開個menu，貴過之前好多，咁都算啦係尖沙咀咩都會貴啲。我地叫左個芒果小丸子，同滿x一樣咁嘅碗，食落去一啲都唔凍，啲小丸子仲要係一pat pat咁勁難食，好肯定滿x一定好食過佢。之後就上埋香蕉窩夫同一個炸嘅芒果野，熱都唔熱下，一啲都唔好食。我地食到一半左右就有一位疑似老闆娘嘅人不停咁望住我地仲想收左我地隻碟，怒"bear"住我地幾個人！尖沙咀搵食艱難不過洗唔洗咁對啲客人，我地都係想開開心心食完個糖水先走姐。冇下次！

今晚和好友去食甜品,點了兩個梳乎里。由於製作需時,而該店可能同時只能焗一個梳乎厘,所以的的朋友食完,我的梳乎厘才到。我未食完,店員已問我食完未。當我食完一陣,都沒有跟朋友聊上一兩句,一位女店員把單子連鐵盤“嘭”的一聲掉在枱子,說了一聲多謝。由於該店一向是出門口結帳的,令我們都嚇一嚇。女店子回來取給我們找續時,我對她說“其實你下次讓我們出埋就可以了”。她黑住臉,沒說一句走開了。明白現在經營飲食業的艱難。我們若非等候那製作需時的梳乎厘,也無意久佔人家的坐位。我們也非第一次光顧。但這趕人走的手法令人有點覺得不太開心。令人覺得是叫顧客放低錢好快走人的感覺。希望店主會留意。

有時候唔想食晚飯咁Heavy 都會選擇去糖水鋪食個甜品就算😂（其實甜品啲糖份都好Heavy) 今次去左尖沙咀間甜蜜蜜 食番個甜品 呢到啲選擇都唔少架 中式 新式 窩夫 心太軟等等都有～今次就揀左炸芒果雪糕 同 心太軟 首先心太軟就真係無得唔好食 不過最怕係太甜 啲朱古力唔係好甜 所以非常之好食～加埋雲尼拿雪糕就更加中和左朱古力既濃味 絕配！雪糕都唔係頹野 雖然唔算得上哈根大師既質素 但真係唔差～另外仲叫左個炸芒果雪糕 想試下咩係黎😂上碟覺得佢個presentation 有少少怪😂不過好唔好食先係重點既 個表面就係一個炸皮黎既 一切左落去入面啲雪糕都無乜啲溶 都幾神奇 除左塊炸皮其實都係一舊雪糕 Overall黎講都係唔錯既～下次會試下啲窩夫正唔正

焗冰火芝士木糠布甸　$38頂層是熱騰騰的焗蛋白　中層是凍芝士布甸　底層是壓碎餅乾（木糠）名副其實有冰凍有火熱，而且從上而下食，由軟綿綿到濃厚芝士布甸再到底下脆脆的木糠餅乾碎 - 三重不同的甜蜜感。炸香芒春卷伴芒果沙巴翁 $40一開始只是想要個芒果甜品可以３個人share，６件沙巴翁賣相不錯，拼上一小豌芒果汁。春卷皮炸至脆身微暖，內餡是冰凍的芒果蓉，那個突如其來的一冷一熱刺激，讓我呆晃了幾秒鐘：是怎麼做到的？是怎麼做到的？是怎麼做到的？薄薄的春卷皮包裹先冷藏的芒果肉，何解炸完內裏的芒果肉仍是如此冰凍呢?

係呢頭食完野，意猶未盡，所以就揀左間多選擇既甜品店坐下第一次黎，佢咁岩係門口開左兩張枱，所以唔洗等就坐得！佢好快遞上餐牌，點餐、野食都上得快～ 男朋友唔知揀咩好，聽到隔離枱話要3個榴槤忘返，佢就試下呢個甜品有榴槤肉+雪糕+芒果+荔枝味椰果～普普通通，因為椰果陣荔枝味太重，遮晒榴槤陣味冇出面食果啲咁重榴槤味～我就叫左個熱既墩蛋白～幾好食！好香、好滑，好重蛋白味！上面仲放左啲椰肉，增加左口感，唔錯！ 呢間甜品鋪價格偏貴，不過好多選擇，如果行開呢頭都可以一試。

大學時代，很喜歡和同學逛尖沙咀，而其中一間必定會幫襯的甜品店，一定會數甜蜜蜜! 雖然小小的空間，座位不多，有時雖然要等候很久才可以入座，而也不是坐得很舒適，但就是喜歡和同學、友人擠在這裏聊聊天吃吃美味的甜品! 今晚又來到這裏，嘗一下大學的情懷吧! 和友人點了很喜歡的冰火芝士木糠布甸和焦糖燉蛋。冰火芝士木糠布甸第一口好像吃焗蛋白梳乎厘的感覺，配上熱熱的芝士汁，中間有點點冰的檸檬味布甸，有點像雪糕的口感，很美味不會覺得很膩；而焦糖燉蛋表現都很出色，香甜軟滑! 為這晚劃上完美的句號。

甜蜜蜜是以前拍拖年代已經開始光顧的甜品店，雖然現在尖沙咀已經開了很多新的甜品店，但我倆對這裏情有獨鍾，今夜我們又再到訪。甜品餐牌其實多年來也沒有太多的變化，只是偶爾會加價。我們點了芒果爆爆珠小丸子和芒果爆爆珠楊枝甘露。雖然店內人流很多，但下單以後等的時間也不算耐。兩個甜品味道其實頗為相似。不過芒果爆爆珠楊枝甘露的芒果汁混了忌廉，感覺有點杰。另外那芒果爆爆珠小丸子是非常推介的，小丸子質感qq，加上酸酸甜甜的芒果肉和脆脆的爆爆珠，口感和味道都非常豐富好吃，而且冰凍消暑甜品大大碗才$45，在這個百物騰貴的市道下，這裏的甜品性價比是頗高的。

同幾位好姐妹食完飯 通常指定動作都係食甜品，尖沙咀厚福街好似越黎越少甜品鋪，難道係鋪租太貴做唔住！？去到甜蜜蜜，好彩唔使等好耐，環境一般啦，坐得迫迫咁~餐牌睇睇先有啲賣相係好吸引，就叫果幾款啦～炸芒果雪糕班戟 $55 個pancake 皮太厚，炸完之後太硬，裡面雪糕都係普通雪糕，個味一般，旁邊生果正正常常啦，擺得又唔算好靚~焗冰火芝士木糠布甸 $55 賣相幾特別，食落可以，但比較甜，朋友都話過份甜左啲，可以改善下~焦糖焗蛋布甸伴脆皮雪糕 $55 cream brulee 蛋味算重，都算偏甜，脆皮雪糕就麻麻，個皮太硬~總括黎講，呢個價錢質素可以提升一下~

香港的土地問題,除了產生住屋問題,亦令一些有質素的小店敵不過高昂的租金而結業,或者小店為了生存而降低質素。昨晚去食的甜品店,相信是屬於後者。昨晚與朋友看戲後決定食甜品作為整日行程的完美句號。很久沒來厚福街,印象中有一間甜品的自家制雪糕是不錯的,甜品也有質素。但來到竟然換了另一間甜品,相信是已經結業了。原本想食日本軟雪糕甜品,最後決定選很久沒幫襯的甜蜜蜜。一去到甜蜜蜜就即刻有位,心想哈哈真好彩不用等位。坐低後滿心歡喜地選甜品,我們4人都是榴槤狂迷,最後共選了2碗榴槤忘返及2碗椰皇燉蛋白。榴槤忘返:一上台先偷食老公那份的榴槤忘返,一食中間那個榴槤肉定雪糕的物體,即時皺一皺眉,並說"為何榴槤的味道怪怪的,苦苦地,又不太似榴槤"於是我們4人不斷試那個榴槤肉,試了幾次後,我們都覺得味道是帶苦得來又不太自然,不知是否溝粉滑出來。令榴槤迷的我們十分失落及傷心到了椰皇燉蛋白,天呀,原來我們叫錯了另一款椰皇甜品"面面俱圓".沒辦法了,唯有照食。面面俱圓:天呀,大家都是椰皇,但呢款甜品真的不敢恭維。質地是水的,都算。只要是好味都不打緊,可惜味道一般。而且入面疑似小丸子還是芋圓的五顏六色物體,質感溶爛,吃了

這算是西式甜品店的始祖，其他店舖都大多已轉移了，只有它一直藏於厚福街裡，甜蜜蜜……好甜蜜溫馨的名字，作為甜品店的名稱，是十分貼切，希望客人食完甜品後帶着甜蜜的心情回家去，某個晚上，因沒有肚餓感覺的原故，因此與友人以甜品當晚餐吃，研究了餐牌後，最後各自分別點選了炸芒果粒雪糕班戟及焦糖焗蛋脆皮雪糕，冰凍的脆皮雪糕夠香滑實質，不似是一般雪糕一上枱就溶化了變成一攤水，焗蛋的甜度適中質感滑嫩，只是蛋面上焦糖較為苦澀，就是一個小小的破壞，是美中不足之處，炸雪糕班戟內的冰凍芒果雪糕都是實實滑滑，雪糕中心包着一粒冰冰的芒果粒，兩者混合在口中吃，有種冰天雪地在口中的感覺，外面一層班戟皮有着軟軟的口感，唯獨盛載着班戟的炸脆脆皮碗底較尖，如改造平的底可令班戟雪糕較容易切開，不至於滾滾動難分切內裡的甜品，放底部的忌廉略為多了一點，減一點點可不會因太飽的原故沒法吃完而浪費，伴碟的芒果片甜甜好味，實不須再多其他的生果伴碟，都會是一款好吃的甜品

食飽飯去厚褔街搵糖水食，見無咩選擇就入黎試一試。叫左個糖水叫面面俱圓，個名好搞鬼。糖水係椰皇同椰汁底，幾清甜。入面有d 唔同顏色既小丸子，海底椰肉同芝麻湯丸。我幾鍾意佢d 丸子同湯丸，因為比較淋啱我口味，我平時好怕太煙un 果啲感覺🤤。不過個椰皇d 肉好硬，想刮都刮唔到出黎，但整體幾鍾意佢個味道，感覺幾健康跟住叫左個焗香蕉伴雪糕，唔知係咪我灘得太耐食淋左， 同就咁食條蕉都差唔多，只係多左個芒果雪糕球同幾舊生果，呢個無咩特別

今日黎到尖沙咀行街同食晚飯，難得放假就梗係唔洗咁急返屋企啦，咁梗係要去食個糖水啦，行行下就見到呢間甜品舖好多人，睇黎都唔錯。古堡傾情：呢個我d女食，有2個雪糕球，同埋好脆嘅酥皮。仲有好多生果粒。爆珠芒果戀曲：個雪糕球可以自己揀味，都好夕至芒點粒係入面，仲有芒果汁做底，仲巿小丸子係入面。愛芒果嘅人要一試。面面俱圓：入面有海底椰，小丸子，湯丸。唔會太甜，連埋椰皇d肉一齊食係一流。焗酥皮粟子批伴雪糕：呢個要等十五分鐘，一上檯時係十分熱嘅，入面有栗子蓉，好香嘅栗子味，又唔會太甜，配埋個雲呢拿雪糕食係一流！