甜甜地甜品屋 (已結業)

上次第一次來甜甜地甜品屋，點了芒果雙圓，但覺得有部份芒果比較酸。今日崇拜完，我同朋友再次到甜甜地甜品屋吃甜品。 今次，我點了椰果雙圓。 - 雙圓煙韌 - 椰果有椰子味 - 不過甜

行街行到攰去hea吓都唔錯地方比較闊落~侍應都好好,唔會煩住曬(因為我都睇咗好耐先叫嘢食)食物就明顯係用一堆現成嘢造ge,冇特別...(唔會失望,因為睇memu都會估到品質!!!)小食拼盤個汁就想讚,唔係比豉油你就算~係用類似沙嗲煮成ge醬汁...味道唔錯

為聖誕禮物而血拼...甜甜地的前身是石磨坊, 那些年已经時常幫襯, 現在改為甜甜地, 來看看有什麼特別改变吧~原來現在有小量街頭小食供應, 燒賣, 魚蛋咁, 今次食乜好椰汁意大利涼粉$15...gimmick嘢, 根本就是椰汁涼粉, 只不過將涼粉切成條狀, 愛玩的小O就是叫了這碗；椰漿纯且濃, 好像是佳樂牌, 涼粉就草藥味少了點。椰汁黑珍珠露$15...同樣是纯且濃的椰漿做底, 再配滑溜溜並較難咬的黑珍珠, 黑珍珠份量唔算多, 黑珍珠即是羅勒籽Basil seed, 羅勒籽經研究證實,含有豐富的膳食纖維、食物纖維、果膠，50%的不溶性纖維是一般蔬果的好幾倍,而一般食物較容易攝取的水溶性纖維也佔了46%,每5公克的羅勒籽就含有約2.5公克的膳食纖維,相當於1個椰菜的膳食纖維。天使雙圓$18加芋泥$5...即是凍牛奶芋圓地瓜圓及紅豆, 芋圓地瓜圓不夠Q及味道唔出, 聽說鮮奶是3.6奶, 都有少少蘇味, 反而芋泥是甜裡帶芋味, 雖然芋泥的質地與牛奶唔係好夾, 芋泥黏得滯不容易溶於奶中, 所以有點兒不搭。吃飽甜品再盡カ去拼過~

八時許, 飯後大家想再傾談一會, 路經此店, 即管一試 一進店便找了位, 能滿足看電視的朋友, 座位是沒靠背的椅子, 當然是趕客之舉, 但我們不管了!餐牌有些東西是其他甜品店沒有的, 有點兒新奇!不錯的配撘, 很新鮮的味道, 想不到在燉奶裡加上一些阿華田, 是能這麼合襯的, 不妨一試!又一個特別的甜品, 平凡的芒果布甸裡竟然能流出芒果汁及少許肉, 不錯呢!熱的糖水, 內裡是奶及一些紅荳等配料, 反正不錯, 一試無妨!

呢間前身係糖百府, 佢地出面個牌寫的!同bf食完晚飯, 行行下就見到呢間好特別既糖水鋪, 個名夠SPECIAL, 再睇下餐牌, 有個漫畫女仔做cover, 好cute, 價錢又唔係太貴, 咁就入左去, 8:00pm幾唔多人, 不過唔夠冷氣, 服務員招待還可以, menu都整得好靚同特別!因為我愛飲薑水關係, 就叫左湯圓配薑水($14), 好平, 有成8粒芝麻湯圓!! 糖水夠薑, 拍得住滿記! 值得推介!!另外, BF叫左個幻彩曲奇$24, 有雪糕, 涼粉, 什果, OREO, 賣相吸引, 而且好大兜, 物超所值!

我本身唔係甜品愛好者, 今日只係來深水埗買野.買完野想搵地方坐低休息一陣, 晌黃金商場附近見到呢間甜品店, 地方好企理.佢門口寫左好多推介, 其中一款潤喉推介, 圓肉蓮子燉無芯果. 咁岩我有小小喉嚨痛, 咪入去叫來試下.真係好潤好舒服喎, 而且唔係太甜, good ar.食完睇下佢地既design, 佢地有一個特色, 就係好多宣傳品, 都係用番靚女同事既漫畫版圖片, 好cute丫.其實佢地餐牌入面, 仲有好多特色野, 等我下次再來試下先.

今晚約了朋友晌深水埗食飯, 食完飯見到呢間甜品屋, 覺得好似好正, 咪入去試下囉.佢地既款式都幾齊全丫, 算係滿足晒唔同既人.我叫左個幻彩曲奇, 好大碗, 仲抵個X記. 裡面有好多水果, 雪糕, 爆珠, OREO, 同涼粉. $24唔貴呀, 而且水果好新鮮.Good ar.我朋友叫左個雜果洛神爽, 又係$24. 呢個主要係食生果, 同埋一粒粒紅色既洛神爽, 酸酸地的. 聽講好似係健康食品.因為食食下先醒起影相, 所以張相唔係原本個樣.個場好舒服, 店員服務態度良好, 加分.如果下次再來深水埗, 呢間一定係首選.