甜牙牙

营业中

休息中

食完晚飯，去睇下竉物店小動物，行行下就想食下飯後甜品，見到呢間小店就入去試吓啦。.🔸芒果綿綿冰配椰果 ($55)分數: (7.3/10)甜品上面嘅芒果十分香甜，一啲都唔酸，面面冰亦都有甜甜嘅芒果味，配上椰果及爆珠，特別好吃。.🔸經典心太軟伴雲呢拿雪糕及水果 ($50)分數: (7/10)一向都鍾意食朱古力味心太軟流心蛋糕，如果佢個流心做到再液態啲會更好食，配埋雲呢拿雪糕一齊食簡直係Perfect match，亦都可以配埋佢側邊既忌廉或者餅碎一齊食，口感豐富。.糖水店裝修簡樸，但都很衛生，進店前先幫你探熱，然後消毒雙手。

疫情期間難得出街，下午茶時段喺旺角附近覺得要食返個甜品。行過//甜牙牙//覺得menu幾吸引，分隔措施亦好似做得唔錯(我入去嗰陣仲完全未有人添) ，就佢啦入去之前店員會幫手量體溫同提供酒精搓手液俾我地洗手，入到去之後只可以坐冇打交叉嘅檯，呢間店非常守規，超過一半檯打左交叉，檯與檯之間距離好足，咁樣感覺係安心D嘅。叫左綠茶心太軟配綠茶雪糕同一杯紅豆冰。綠茶心太軟表面夠脆，蛋糕質感同厚度岩岩好，亦都非常流心，綠茶流心唔會過甜，有少少回甘，加埋餅碎食增加口感，我覺得係喺香港食過其中一個最好味嘅綠茶心太軟，綠茶雪糕似係自家製，清爽唔太甜，藍莓同士多啤梨新鮮，紅豆就甜左少少。紅豆冰嘅紅豆夠軟綿，每啖都飲到花奶混合紅豆，喺28度嘅今日飲，透心涼。疫情令人緊張心煩，食下甜品非常舒心。

一個人路經旺角 ，看見有一間不起眼的甜品屋看過餐牌之後被他的pancake及窩夫深深的吸引住。 疫症期間想吃一些甜品，令自己開心一些吧 ! haha~店內的裝修很雅潔衛生， 全部員工都帶著口罩，半小時消毒一次桌子，令食客放心。店員細心的講解店內推介，甜品款式太多，眼花撩亂! 最後，我選了比較特別的”肉桂香蕉鬆餅”，甜品即叫即整用心制作，須耐心等候15分鐘呢～ Pancakes 鬆軟入口即溶，加上忌廉一起吃更是滋味，香蕉加上肉桂粉原來可帶出更香的香氣呢！

自製小小的happy friday 食完晚飯 當然要食小小飯後甜品甜牙牙 相信大家都一定經過又或者食過對上一次黎 已經好耐lu 5年前？？坐位方面 大家都係相隔一張台既距離 安全Anyway 我今次係為心太軟而來的🙂二人同行 我朋友又跟風結果？兩個都食心太軟登登 熱辣辣新鮮出爐配vanilla ice cream切開心太軟 流出邪惡朱古力醬配重口味雲呢拿雪糕食 簡直係味覺享受Cream呢 好滑 唔係果種壓縮支裝噴cheap cheap cream生果正常 再多啲就好喇🙈唔夠喉抱住飽飽肚仔 再望下 嘩 窩夫呀 重要咁多雪糕 女人總係擔心的 下次再黎食啦🙈

晚餐之後，一客美妙的甜品，可以提高生活滿足感~哈~所以在附近食完飯，行兩個圈，又找間甜品店食D令人開心既野先~時間尚早，唔係好多人，空間充足，坐得好舒服~呢到提供好多特別的甜品，當然一般傳統的糖水及西式心太軟、窩夫等都有，不過今日我就想食D特別新穎的新野喔呢個鬆餅層層睇相都覺得好食，即叫即做既CAKE，好想食呀士多啤梨鬆餅層層$55，一出場就聞到佢好香的蛋糕味，加上CREAM同士多啤梨的裝飾，真係又香又正一口食落好鬆軟，口感有好多重，有軟軟的蛋糕、滑滑的CREAM，最愛中間個層熱熱地的CREAM，更加滑~OHO大愛火焰法式燉蛋 $48  好精緻的甜品，賣相好高級，用火炙過的蛋白顏色好靚~在法式燉蛋上的火焰其實是蛋白，經過快快一炙，有微微香味~下層的法式燉蛋，好香奶同蛋味。

難得出街，食完晚飯，想食多個糖水再返家，今晚人不多，決定要食我最愛的芒果。芒果芋圓涼粉 $40芋圓我最鍾意有咬口，每粒大小平均，煙煙韌韌，食落少少甜，而涼粉相比平常食的軟身，滑溜溜，兩種不同口感，配搭香甜芒果汁，香甜解渴，熱天芒果特別靚，正。芒果涼粉 $40涼粉是消暑必品，口感滑溜，芒果甜蜜多汁，非常香甜，芒果汁香甜又濃杰，冰凍又甜蜜。店內有種家的感覺，簡潔潔淨，入店前會探熱消毒，食得更安心，下次經過再黎啦！

女人對甜品一直有擋不住的魅力，今晚同家人食過豐富晚餐後，還未夠滿足，行行下經過街市，這邊有兩家甜品店，今次想試這間。芒果涼粉 $40芒果非常香甜，汁多，芒果汁香甜濃郁，肉含有豐富的維生素A、維生素C和維生素D，營養高，配搭大大塊香滑涼粉，解渴又生津，夠冰凍。芒果族配雪糕 $52甜品中窩夫可是邪惡之一，窩夫烘得香脆，外脆內軟，芒果雪糕軟綿，忌廉幼滑，一啖雪糕配一啖窩夫，冰暖口感刺激味蕾，芒果香甜。環境有親切感，職員友善，衛生理想，唔錯。

放夜食甜品，以為夜左人少少，點知都要等位呀。甜牙牙好耐回憶，開左好多年都久唔久食。朱古力棉花糖窩夫配雪糕 $52Chocolate mashmarrow waffles朱古力同棉花糖係常見配搭之一，味道實無錯~ 窩夫脆口，如果軟身覺得好食d。脆口好處就無咁易飽，可以食多d，軟身就易好飽。芒果棉棉冰配椰果 $55Mango snow ice芒果爆珠、芒果果粒、椰果等等，份量十足。棉棉冰入口即化，芒果味道出哂入口似冰芒果汁。有d芒果粒同椰果就為棉棉冰帶口感，幾豐富。益力多奇異果水果冰沙 $36Yakult fruit smoothie非常好飲，仲比甜品好食，哈哈！兩個人飲岩岩好。奇異果冰沙滿滿綠色奇異果籽，水份多沉左係杯底，愈飲愈多汁咁。本身奇異果都易有酸，有左益力多就make sure夠甜！

早年常常前來甜牙牙，剛好經過不用等位，我們幾個朋友便進來吃個甜點。最近疫情影響，這邊也有一半座位不能入座，也有量體溫，還是覺得安心的。蜂蜜玉桂窩夫配雪糕（$52）窩夫夠脆身，玉桂糖配合雲尼拿雪糕很好味。冰火焦糖燉蛋（$48）非常吸睛、上面是蛋白霜和水果。入口偏甜但燉蛋非常滑，也是挺出色的！宇治抹茶心太軟伴綠茶雪糕及水果（$50）非常流心，抹茶味不會過甜，雪糕和心太軟一冷一熱已經好好味，再加上紅豆更是一流！水準依舊，不錯呢！

甜牙牙 Sweet Tooth+港式+甜品/糖水-疫情前長期排隊 等到傻經典流心心太軟配雪糕及水果 $50好食指數：⭐️⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻 心太軟合格的標準： 內裏的朱古力像岩漿一樣留出來👍🏻 外脆內軟 一流👍🏻 甜度 剛剛好 值得再試🧐 價錢比其他餐廳貴 但更值得一試
旺角廣華街3號百利達廣場地下4號舖Shop 4, G/F, Paradise Square, 3 Kwong Wah Street, Mong Kok 星期一至四14:00 - 01:00星期五至六14:00 - 01:30星期日14:00 - 01:00電話號碼26626890喜歡我的文章，可以關注我及讚好以作鼓勵

甜牙牙朋友好鍾意食窩夫就叫左個，店舖窩夫即叫即製，所以門口成日有人龍，上菜速度算快，窩夫賣相吸引❤️有齊四色雪糕配料有杏仁碎、士多啤梨、朱古力脆球😂小編就覺得太多啦一個人一定食唔晒😂😂窩夫皮脆，有蛋香。記得要趁熱食一啖窩夫一啖雪糕啱啱好🤤榴槤布甸 榴槤迷一定要嗌，自家制榴槤布甸非常滑溜👍🏻👍🏻出面真係食唔到，配口感幼滑榴槤肉，食呢個記得先食布丁同雪糕再食榴槤肉因為榴槤肉味道太香濃，食完會食唔到布丁味😂😂呢間店突然之間呢熄晒燈，本身以為係有人生日啦，點知原來職員點火燒著火焰雪山👏🏻👏🏻下次又可一試😃

唔知多唔多人去過旺角甜牙牙 食佢個火焰雪山😌 ?今日旺角食餐飯 個肚容量食完都仲好有空檔 就諗起甜牙牙 一於去叫食返個豐盛既晚後甜品😛今次叫左佢個冰火焦糖燉蛋 焦糖燉蛋夠凍夠軟滑 燉蛋上面鋪左一層燒焦到微金黃既蛋白 微暖真係有冰火效果 幾正😋同埋朱古力窩夫party 🧇窩夫係比較軟身個種 雖然雪糕味道唔驚豔但朱古力底既窩夫放上五球雪糕三球cream起上面再撒上餅乾碎 杏仁片同朱古力漿同朱古力波 超級有份量呀

呢間甜品店我係1-2年前黎過已經係好受歡迎,每次黎都要等位滿晒座.今日係旺角食完飯見好耐未食過甜品就去食下.果然黎到人潮依然係咁多,好彩今次早黎到咁啱又有位.益力多綿綿冰配芋圓,綿綿冰份量滿瀉.益力多乳酸味夠濃,酸酸甜甜好清爽.上層有芒果味爆漿珠,椰果啫哩粒同3色芋圓,望落色彩繽紛好靚.芋圓除左經典既芋頭同蕃薯味外,估唔到仲有黑芝麻味,入口黑芝麻味都幾香濃,芋圓口感略帶實左少少但咬仍然煙韌.經典流心心太軟配雪糕及水果,擺盤好有心機望落引起食慾🤤切開中間朱古力漿濃出黎流而朱古力漿唔會好稀,流心度合格有餘.入口朱古力味好濃密唔會太甜,加上雲尼雪糕一熱一甜係口腔內冰火交融,好滿意.除左雪糕外,仲有cream同牛油碎餅同莓類增加唔同既口感.

#hungrypiggiess_旺角之前係旺角附近食完飯就諗住食甜就入左依家甜品店😙佢係旺角附近作為甜品店都幾出名！========================四重窩夫層層疊 $128有選擇困難症嘅朋友就開心😆佢又有原味又有朱古力窩夫，仲有四款雪糕味，認真唔洗掙扎🤣整體兩款窩夫入口熱熱地幾脆口，放左陣都叫keep到外脆內軟嘅，自己特別鍾意朱古力窩夫因為佢入口有好重朱古力味🍫仲有其他水果粒做點綴都唔錯😙========================熔岩火焰雪山 $88話說未上之前店員閂晒舖頭嘅燈，我同朋友仲以為有人生日有bday surprise😹原來係為熔岩火焰雪山淋酒點火，認真有睇頭🙈加入左酒嘅火焰雪山外層蛋白霜好濃橙酒味🍺入面仲有窩夫、朱古力心太軟同vanilla雪糕，凍熱交融咁好多層次感😆========================

女仔鍾意食甜品，原來男仔都鍾意架，原來一間甜品店如果識花心思造更多款不同的甜品，真係可以吸引唔少人。來到旺角甜牙牙，多人到要排隊唔係講玩笑。餐牌各式各樣的甜品應有盡有，呢度特色甜品較多，啱曬年輕人口味。我們點了抹茶窩夫配雪糕，朱古力心太軟同埋榴槤西米露配小丸子，全部都好好味。先講朱古力心太軟，鍾意食心太軟既我，試過多種不同作品，這裡也能做出外軟內暖的心太軟，每一口都有暖暖而香濃的朱古力流心，配上雲尼拿雪糕，幸福指數爆燈啊。再來這個抹茶窩夫，我們兩人點了小份，有甜甜的紅豆和抹茶雪糕在上面，窩夫是新鮮烤的，超級香軟像蛋糕一樣好吃。還有喜歡榴槤的我們也不要錯過這個榴槤西米露配小丸子，有新鮮榴槤蓉，還有不同口感的顆粒，像西米露和小丸子這樣配著，口感真的很特別。愛吃甜品的各位真的要來嚐嚐。