甜牙牙

营业中

休息中

這一間甜品舖已經開咗好耐，自己就我都好鍾意食佢嘅冰火燉蛋。今次再試多一樣新嘅，就係榴槤鬆餅。榴槤鬆餅嚟到嘅時候，同我想像嘅有少少唔同，比我想像嘅更好。鬆餅非常軟，而且熱辣辣，內裏嘅榴槤肉非常滑，一啖咬落去嘅時候，除咗有好好嘅質感之外，亦都有好香嘅榴槤味喺口裡面。呢一款甜品仲會配埋雲呢拿蛋糕同埋榴槤味蛋糕，係熱辣辣嘅鬆餅之外，有勁冰凍嘅雪糕，兩者再一齊食，嗰種嘅對比就更加突出，口感都更豐富。我另外叫咗個冰火燉蛋，冰火燉蛋同一般嘅法式燉蛋唔一樣。對比傳統嘅法式燉蛋之外，冰火燉蛋加多左一啲生果配料，外層依然有非常香嘅焦糖，內裏嘅燉蛋亦都連埋忌廉一齊整得好香滑，不錯。

Gathering食完正餐食甜品都係好正常嘅事呢間甜品舖有三間分店，最方便係旺角店煙廠街行入去廣華街就有好幾間糖水舖甜品除咗要甜蜜美味，仲要有視覺效果最好係睇落大方又霸氣款款甜品即叫即製，所以等候時間較長不過上枱果刻的確覺得係值得等待嘅抹茶心太軟 $55 熱辣辣上枱碟上既有抹茶味心太軟，仲有抹茶雪糕、忌廉、紅豆、曲奇餅碎、杏仁、士多啤梨同藍莓粒粒切開心太軟，內餡呈流心狀一啖入口好香抹茶味，比起窩夫會有少少偏甜，但做飯後甜品剛剛好將一口雪糕配上一口心太軟，一冷一熱口感溫度剛好雪糕溶於心太軟中，而心太軟熱力亦將雪糕溶化入口暖笠笠，更特別，抹茶雪糕加上抹茶心太軟，抹茶味更豐富六層樓窩夫塔 $138 係一道超有霸氣嘅甜品合共有三色窩夫，每種顏色都有兩件窩夫餅包括朱古力味、原味、抹茶味頂頭有球雲呢嗱雪糕，窩夫之間擠上些微滑溜忌廉每層內餡再添加士多啤梨、香蕉、紅豆、棉花糖入口層次更豐富最好先食雪糕，因為雪糕影完相之後就會溶化雪糕香甜，質感結實，但一溶化就會係瞬間嘅事窩夫可以逐層慢慢試抹茶層內餡係紅豆，抹茶配紅豆永遠係最好配搭甜度十足又軟腍嘅紅豆配上甘香苦澀嘅抹茶好適合而兩款口味夾層中間就拌有棉花糖

同朋友去完大角嘴食完嘢之後，就話行去旺角個邊食甜品，旺角廣華街一帶真係好多糖水舖同甜品舖，我同朋友今次就揀左甜牙牙食甜品。我地叫左一個心太軟同tiranisu鬆餅，坐左大約10分鐘左右，tiramisu鬆餅就到啦，見到就後悔了，原來唔需要叫兩份，因為真係好大份，直情係二人份量啦，邊有咁抵食㗎，佢有兩件鬆餅，直情有蛋糕咁大件，仲有一件tiramisu，係好大件，佢的tiramisu咖啡酒味都幾濃，好正，再加一舊雪糕，真係兩個人都夠食。心太軟整作時間就要耐啲，相對無咁大份，蛋糕面焗到脆卜卜，但又無焗燶，流心效果超明顯，同樣配襯一個雪糕，再加一些生果，可減低甜膩感。途中見到人地枱叫左個火焰雪山，真係會熄燈點火，好正㗎，拍片一流，初時仲以為邊個生日，有機會下次好想食呢個。

去旺角食完打邊爐，想同男朋友去食甜品。我哋行咗去煙廠街嗰邊，仲係好熱鬧好多人啊！去到呢間叫甜牙牙嘅甜品店，當時大概係晚上10點半，都仲要等五六張枱，但係都好快大概等咗20分鐘就有位！耶！選擇有好多啊，有熱食嘅，傳統嘅，新款嘅Fushion 嘅都有！我哋就揀咗我哋最鍾意食嘅芋丸：⭐️水晶紅豆芋丸杯同埋⭐️蜂蜜肉桂窩夫雖然人流好多，但係都好快上到碟，份量大大碟㗎！芋丸大大粒，好彈牙。而且好重番薯，芝麻同埋芋頭味。仲有最特別嘅係，佢中間嗰個透明果凍係有藍莓喺入邊，影相時好似發光咁，透亮好夢幻。另外佢個雪糕窩夫暖暖地咁，配埋凍冰冰嘅雪糕一流呀，而且玉桂味好香。食食吓中途店員熄燈原來有人叫火焰雪山！

好耐冇同愛人去食甜品啦終於等到今晚同愛人去食甜品，真係未食心都已經甜曬啦。喺旺角既甜牙牙， 糖水舖嚟講地方尚算夠大坐得都舒服呢間鋪記憶中開左都唔短日子，品質水平有一定嘅保證！！抹茶窩夫🧇🧇呢到既窩夫系即叫即做 ，需時耐少少 🤏 不過勝在 夠熱夠脆 好食 😋 就吾緊要啦 ！！窩夫🧇🧇上面有抹茶雪糕、忌廉、紅豆、曲奇餅碎 ， 窩夫配紅豆忌廉雪糕一齊食 紅豆既甜 窩夫既脆 雪糕既冰冰地 呢個配搭一流 ！！榴槤西米露 🍨🍨🍨 榴槤迷注意 呢碗西米露既榴槤 真系好大大大粒呀 比個雪糕仲要大呀 呢粒榴槤 好香噴噴 好軟綿綿 一絲絲既榴槤肉 ，榴槤味好重 食到停唔到口

星期三（10/6）晚我去食嗰陣時嗰位侍應小姐服務態度好好和有耐性，諗住過兩日返嚟食野，但係尋晚（12/6）去到嗰幾位服務員態度超級唔好態度，星期三嗰位侍應得一個人又多客人，都冇乜問題，只係出餐耐少少，但係尋晚已經唔係多客，又有三位侍應，我舉手想叫侍應點餐冇人理我，有位侍應見到我舉手佢就話等等啦轉頭呀，之後佢又係唔記得咗我，我再舉手第二位侍應行埋先至可以叫到野食，再之後我問攞水無人記得比水我算數，同埋嗰三個侍應兩女一男企喺收銀同水吧傾偈，唔理會客人，之後我要走要俾錢，你哋舖頭已經細㗎喇，佢仲要指手畫腳，你行埋來俾錢啦，態度真係唔好啊。

今日出旺角食晚飯兼甜品到甜牙牙，（個名好得意呀😍）完全被俘虜左個心未到9:30已經滿座入到去好嘈，因為坐枱都好近，所以成間舖都好熱鬧😂叫左2款甜品，其實有好多野都想食，耐何個胃就得2個，最後揀左呢2款朱古力心太軟，榴連鬆餅10分鐘左右就已經上枱👍🏻好有效率心太軟加上雪糕忌廉，真係提升左味道而且流心都唔錯😂因為等我影埋相都等左一陣，見至d流心都幾靚👍🏻榴連鬆餅，榴連味好重，好食😋2份甜品既配搭真係好好食！下次想試下其他既甜品，都有d中式少少既甜品👍🏻2個人食左$123，好抵👍🏻 _食物⭐️⭐️⭐️⭐️價錢⭐️⭐️⭐️⭐️⭐️服務⭐️⭐️⭐️⭐️回頭率⭐️⭐️⭐️⭐️

食完飯之後，就好想食個甜品，傾下計。係旺角食飯就一定會揾到糖水舖，呢間甜牙牙都有好多推介架。我哋係8點半入座，一直係有人keep住入座同等位，就知有人氣啦。芒果綿綿冰好大份！！比相仲大份，配料有三色椰果，芒果爆珠，同新鮮芒果。每款配料同芒果冰都好夾，芒果味濃。夏天食真係涼透心呀火焰雪山心太軟餐廳突然之間熄燈，原來係為左呢個甜品，全場注目！侍應用火槍燒起蛋白霜，非常之靚呀。心太軟超級大個，配埋雪糕食，真係好正呀。杞子紅棗圓肉茶仲有茶飲添，店員會幫手Refill架，好貼心呀

記得對上一次食甜牙牙已經是一年前了，今天在旺角同朋友晚飯後突然想起甜牙牙🥰在門口看到有人排隊，我也隨即跟著排隊，但很快就可以入座了👍🏻👏🏻店入設有每人最低消費，我同朋友每人點了一份甜品「抹茶心太軟」「榴槤鬆餅」😍是新鮮即制的😃送上枱時熱辣辣❤️心太軟一切開，流心很多💯很香抹茶味，不會太甜剛剛好，而且伴碟有生果、紅豆、抹茶雪糕，當你吃完一口蛋糕，再配一口雪糕，真是無可挑剔💯然後到我最愛的「榴槤鬆餅」🥞店員一送上枱，已經有榴槤陣陣飄香😍😝鬆餅也是新鮮制作的，鬆餅上面有榴槤肉🤩很好吃！絕對沒有誇張💋配上雲呢拿雪糕🍦下次我一定會再點這個🥞🥰一定要讚揚店員很細心、很好禮貌👍🏻❤️❤️即是她很忙，仍然記得我需要一杯水，而且送來時更是一杯暖水🙌🏻很窩心呢。

食完晚餐想食甜品，見到附近有間甜牙牙環境光鮮，又有卡座好舒服，作為sweet tooth 一於去食！⭐️榴槤鬆餅榴槤迷不可以錯過！超超超香濃的榴槤味，又有一大球榴槤蓉，連忌廉都混入榴槤，食完齒頰留香呀！Pancake 超超超厚身，香蛋味又夠濕潤，正！⭐️紅棗燉桃膠好足料呀，有好多銀耳、桃膠，又有紅棗，十分潤潤，最適合女仔食，甜品來說算不太肥膩又健康。見到仲有靚靚窩夫、芋圓糖水、心太軟等吸引甜品，下次經過又去食先！

同朋友食完飯，行過廣華街，見有一間糖水店叫甜牙牙，見門口餐牌甜品都好吸引，朋友提議食飯後甜品。朱古力鬆餅，擺設精美，有朱古力雪糕、朱古力忌廉、奧利奧餅、棉花糖、曲奇餅碎。鬆餅口感鬆軟，忌廉和香濃的朱古力雪糕香甜滑溜，棉花糖、奧利奧餅、曲奇餅碎有口感， 多種口感滋味可口，令人回味不已。椰汁燉桃膠：是熱食甜品，桃膠含豐富蛋白質，滋補養顏，有平民燕窩之稱，口感軟軟滑滑，用椰汁燉，甜度適中，味道清甜帶有香濃的椰汁味。

某天晚上朋友話要帶我去旺角廣華街附近食甜品，甜品鋪外面都好多人等位，我地等左一陣就坐低左，餐廳環境好似去左遊樂場甘牆身有特別既裝飾，餐牌款式都好多，不過價錢都有dd貴，我地叫左個平平地既比較普通既仙草芋圓芒果露，仙草好多，芋圓好多顏色，加埋芒果汁有咬口，另一款係提拉米蘇窩夫，份量係半份，份量比較少，由雲呢拿雪糕，忌廉，咖啡酒，曲奇餅碎整成的，曲奇餅條好脆，窩夫同提拉米蘇味好夾，仲有咖啡酒好香配雲呢拿雪糕食岩岩好。

晚飯後心思思想食甜品，同先生行咗嚟廣華街覓食，選擇亦唔少，最後揀咗呢間頗有人氣嘅甜品店。甜品選擇多元化，主打窩夫雪糕同刨冰，亦有芋圓西米露、燉蛋、火焰雪山同傳統中式糖水等比較主流嘅甜品，價錢亦算合理。雖然窩夫非常吸引，但剛剛食飽飯實在食唔落，唯有留返下次再挑戰，最後我哋揀咗兩款冰涼消暑嘅甜品。水晶仙草芋圓杯份量唔少，有寒天水晶、仙草、芋圓、西米同脆珠，口感各有不同，配搭清甜嘅椰汁糖水，非常合拍。三色芋圓份量頗多，大小適中，味道雖然唔算突出，但口感非常煙韌，非常討喜。寒天水晶入口滑捋捋，味道偏淡，配搭糖水一齊食就啱啱好。榴槤小丸子西米露一上枱就散發住醉人嘅香氣，榴槤西米露配搭小丸子同脆珠，西米露同脆珠賣相相近，但口感就好唔同，西米露入口軟糯，而脆珠口感爽脆，加上煙韌同帶少少糯米香嘅小丸子，令成個糖水嘅口感非常豐富。成個糖水嘅主角當然係榴槤，入口質感冰涼軟滑，味道非常香濃，完全係幸福嘅滋味！兩款西米露甜品各有千秋，兩款都冰涼透心，好適合炎炎夏日，下次一定要留肚再嚟挑戰雪花冰同窩夫！

呢間甜品店每次經過都話想試，但每次晚餐都食得太飽了，未能試試，今次晚餐留定個肚，黎試試這裡的甜品!餐廳都算幾大，大概晚上9點已經開始有人龍。餐牌上有多款中式、西式甜品可以選擇。水晶仙草芋圓杯，這款甜品有齊我喜歡吃的仙草和芋圓，仙草嫩滑，芋圓煙煙韌韌，西米都幾大粒，而中間的水晶其實是寒天，入面還有藍莓，味道不會太甜，口感很豐富!榴槤鬆餅，其他味道的鬆餅時常都可以食到， 至於榴槤味就真係第一次食!這款甜品的cream也是榴槤味，出面好少甜品店會這樣整，除了cream是榴槤味，還有榴槤蓉，所以整體好重榴槤味!鬆餅厚身，而且都幾鬆軟，再配上雲拿尼雪糕一齊食，口感更豐富!下次要來試試這裡的窩夫，感覺上也不錯!

甜牙牙🦷Sweet Tooth-中式& 西式甜品-款式多多-人氣超高-佈置優雅If you have a sweet tooth, the “sweet tooth” menu is definitely on your list. Located at the heart of Mong Kok, the sweet tooth cafe provides a wide variety of Hong Kong style desserts, including both western and eastern combination. Having a lot of dessert options on the menu, it is worth the time to explore your favourite ones!🧁 🍨 🍮 🍦 抹茶心太軟HKD$55🍵🍰Matcha Lava Cake味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️⭐️份量分(Size)：⭐️⭐️⭐️總分(overall)：⭐️⭐️⭐️⭐️👍🏻 抹茶心太軟外層好鬆脆，切開後會感