影片
港铁太子站 E 出口, 步行约4分钟
继续阅读
营业时间
今日营业
14:00 - 23:30
星期一至五
14:00 - 23:30
星期六至日
12:00 - 23:30
以上资料只供参考，请与餐厅确认详情
食家推介
8 浏览
近排搞装修，不时出嚟砵兰街睇吓啲地砖呀、厕所洁具呀……之类，有时都顺道逛一逛太子呢边。是日经过甜品小店「甜沁园」，再上网八吓，风评唔错㖞，忽然兴起就买两份外卖拎返去作饭后甜品。讲明喺小店，入到去真喺好细，因为店家主要做外卖，不设堂食。不过，里面有冷气，总好过企晌铺外晒太阳，吹热风，而且，有少少櫈俾客人坐吓，唔使被罚企。餐牌制作好简单，而糖水款式都唔少，包括香芒系列、桃胶系列、芋泥系列、豆花系列、豆浆系列，如揾唔到啱心水嘅，仲有一款自选系列。最估唔到，原来店家仲提供小食同粢饭。最后，买咗一份自选组合，一份香芒杨枝甘露。几钟意佢哋个外卖袋，卖相可爱，可以循环再用番。自选组合 $42甜品底要豆乳布甸，配料就拣珍珠、芋圆、紫薯泥，放满晒整个食物盒，拎上手非常坠手，好够份量，打开睇睇，真喺坚多料，好似啲紫薯泥有一大嚿，而且，薯味十足，软滑却具质感；珍珠、芋圆都好好食，烟烟韧韧有咬口；至于豆乳布甸几唔错，比起食豆腐花，佢就会口感挺实啲，却不失滑嘟嘟，最紧要豆味足，食完坚饱肚。香芒杨枝甘露 $40芒果嘢一向喺小弟心水，无其他再特色啲嘅选择，自不然拣呢一款甜点。未打开，单喺睇侧面，已经见到馅料满满，到打开盖，芒果大大粒又多，柚肉亦铺满面，一啲都无手紧。芒果果然超香甜，柚肉一咬有爆汁之效，用上大粒西米就更具咬口，加埋个椰奶底，香夹滑，实在回味。等候期间，都见有唔少外卖单，相信小店都几受街坊欢迎，的确份量十足，用料上乘，好嘢就自不然有客识欣赏。
继续阅读
太子新开小店，主打外卖甜品、小食。所有嘢都系劲足料劲大份☺️。🔸香芒杨枝甘露$40激多生果好足料，堆到劲高嘅芒果同沙田柚。酸甜清爽好啱夏天食。🔸芋泥丸子捞$38海量嘅芋泥绵滑香甜。除咗有团子仲有珍珠，烟韧控必食。🔸仙草豆花$28豆花有浓浓豆香，仲非常之滑。同弹弹口感嘅仙草一齐食感觉好特别。🔸蒜香鸡软骨$32爽脆香口，估唔到底下有唔少炸蒜，出奇地有大牌档风味。🔸椒盐鱿鱼须$38口味系经典酒楼鱿鱼须！我钟意佢炸粉好薄，新鲜炸起劲香口。最估唔到塞车搞到放到冻咗，食落都系脆。
继续阅读
今日去太子经过界限街食肆林立的一段，发现一间新开甜品小店，店舖以外卖为主，门口看看都几吸引，一于买甜品返屋企大家品尝，甜品店主理多种新式甜品，除甜品外亦有多款小食以至便当，各项我分别都有拣选。香芒杨枝甘露新鲜嘅芒果加入椰浆、柚子、西米，芒果香甜大大粒份量足，西米腍滑有弹性冰凉可口。香芒丸子捞芒果控家庭一个点够喉，加一个芒果甜品，除芒果外，更加入珍珠、小丸子、芋圆，增加甜品嘅多重口感。芝麻鸡全翼鸡中翼连翼尖，鸡翼好入味，炸粉好香脆，加入芝麻增添芝麻香。椒盐鱿鱼须同样炸得香脆，鱿鱼须烟韧弹牙，而且份量好大份有惊喜。牛肉便当日式洋葱牛肉饭，特别在于便当有两件炸鸡，前菜更有腌萝卜、胡麻酱青瓜及味付螺肉，可谓相当丰富，味道仲系好味道。小店出品都系心机之作，所有出品即叫即造，保证新鲜，甜品冻冰冰，食物热辣辣，食咁多样食物总括而言都相当出色，值得一再光顾。
继续阅读
甜沁园 虽然呢间店舖环境空间有限，但见店主都悉心设计一个打卡角落；而且个人觉得无论糖水或炸物都超级足料，性价比好高。所以私心推荐俾大家～ 💫香芒杨支甘露$40芒果香甜，配上柚子微酸比例啱啱好；唔会苦涩。西米大小岩岩好且口感烟韧。整体上味道清新又消暑，好岩近排呢啲天气叹下 ～💫椰汁牛乳桃胶$38椰汁和牛奶味道平衡味道香浓不腻，甜度恰到好处桃胶口感烟韧滑溜，整体上食落有层次感～ 💫黄金鸡翼$36用香浓咸蛋黄酱包住鸡翼炸到脆卜卜，色泽金黄色～食落去肉质嫩滑，而且单骨设计，方便食落去啖啖肉。超级惹味和邪恶之选！ 💫椒盐鱿鱼须$36鱿鱼爽口弹牙，份量都唔少～脆浆唔会太厚同甩浆，口感酥脆可口～食落去调味分布均匀，好香椒盐味 💫黄金鱼丸(10粒)$18鱼肉弹牙带奶白色，充满鲜鱼香味口感酥脆，咬落去超有嚼劲 📍太子界限街39号A铺恒顺大楼地舖
继续阅读
位于太子甜品店✨甜沁园✨主打新鲜芒果甜品🥭仲有唔同款式甜品同埋小食😍 佢哋啲甜品全部唔会好甜👍🏻✨香芒小丸子 🥭$40用新鲜芒果打成芒果汁，配上粒粒芒果再加埋西米，自家制小丸子，口感好丰富烟烟韧韧✨香芒杨枝甘露 🥭$40都系用新鲜芒果打成芒果汁，用上新鲜西柚酸酸甜甜，好好食🤤✨蒜香鸡软骨 $32全部小食都新鲜炸起鸡软骨，外皮酥脆，充满蒜香味，好好食✨椒盐鱿鱼须🐙 $36鱿鱼须又系新鲜热辣，配上甜辣酱好惹味✨香甜地瓜条🍠 $22地瓜条好粗身，食落去好有口感另外有酸梅粉点，台式做法🤤好食指数⭐️⭐️⭐️⭐️⭐️
继续阅读