甜時光

营业中

休息中

平心而論，呢間糖水舖係好食嘅。但係今日好人個姨姨唔喺度，得返個黑面嘅大嬸。要落單，長期唔幫你落，，就咁成碌木企係你面前望住隔離，然後到終於肯落單，成程黑面，要咩冇咩，淨係黑面唔耐煩咁答你冇呢樣冇個樣。其實你冇心機做生意，不如唔好開舖？你啲糖水整得幾好食都冇用啦，度超級趕客。以後要見到好人姨姨喺度先會考慮幫襯。

我自己都帶過好多朋友黎幫襯過，個個都話抵食又好味！首先老闆娘好好人，好nice, 佢啲糖水組合基本上佢都比您免費轉款，唔需要您補差價。食過佢好多款糖水或者綿綿冰，佢地主打係超甜超新鮮切到好大粒既芒果同榴槤！佢地既綿綿冰係好！大！碗！好多料。而我自己最私心推介就係佢地自己整既斑蘭河粉，出面好少機會食到，我多數去到會買一碗榴槤汁斑蘭河粉！！或者佢地自己整既椰王凍配芒果，超級清甜！可以買完企係food court 食，又或者夜少少老闆娘都會開張枱仔出黎比您堂食既

食完晚飯去搵附近嘅糖水鋪， 見到呢間開到夜晚12點。 我哋一行4人叫咗4碗， 有大碗細碗揀。 而且有好多種類， 冷熱都有。 叫咗綠豆豆腐花，芝麻糊同芒果西米。 有驚喜， 足料又原汁原味，冇死甜。而且店員呀姐仲好親切。

細細間舖 但款式勁多 中西都有我本著試吓佢既榴槤芒返 $48配料十足 佢個底汁都係用榴槤打成 芒果又香又甜又大粒 西米大大粒 榴槤肉香甜好味另買多一豌合桃露 香滑順喉 令人回味食過之後 日日都想去買嚟食