甜心鮮果園

营业中

休息中

食了芒果炒冰~~好似係28蚊~係有d貴~不過夠特別~幾好味!!加左好幾蚊食左~個桂花糕~幾蚊~好唔錯!!朋友果個叫雜果唔知咩~sorry..食左一啖又ok好味~其實佢最差就係個location...因為其他甜品店~如佳記/泛後果d.....都係集中係一個位~所以....好多人食~~因為想食甜品既人都係果到~....唔會來e到~~唔知又點會有人來~我就聽過朋友炒冰ok~但都拖左幾年先第一次食~~...如果比起新B仔果邊果d...即係B仔/泛後/小樽........e間好味好多~

本身係openrice睇完咁多good feed back專登走去搵..試下我地要雜果大菜榚同Mango炒冰大菜榚先黎，"依"點解個大菜榚係唸唔爽口！應該似係拎出黎好耐，變暖中… 個榚真係唔得..炒冰夠綿，但可能之前個榚太甜，到食冰時無咩味食到，應該都唔會再去...但要讚的是老闆好friendly...

同朋友食完飯再黎食甜品以前只試過炒冰,今次就試多個芒果卷芒果炒冰味道同以前食既一樣好味,香+滑甜度就普通,始終都過左芒果最靚既時侯西瓜汁朋友飲的,佢話好飲芒果卷個芒果卷我覺得普通..出面包住芒果個層應該係用椰汁整的個人唔多鐘意椰汁味..同埋好滑,感覺有少少怪但我朋友就好欣賞呢個芒果卷..佢話鐘意個味..下次有機會再黎,都係會食芒果炒冰唔知有冇可能做到外賣..始終店鋪僻左d..想去食唔係咁方便

燒物之後,身為元朗地膽的友人,引領小弟到安寧路的"甜心"吃飯後甜品.此店最出名的是炒冰,友人點的是榴蓮炒冰,我不吃榴蓮,當然受不了,只見炒到成舊磚頭的榴蓮冰,飄來榴蓮飄香,只覺得臭,但友人吃得很滋味.榴蓮個性極強,一係極喜歡,一係極討厭,我屬於後者.不吃炒冰,便來個西瓜涼粉西米露,大熱天時,西瓜同涼粉是消暑之不二法門.涼粉彈牙,西瓜粒鮮甜多汁,什麼熱氣也全消.其實,小弟去甜品店,好多時也是叫有關西瓜的甜品,諗起都幾悶.在未來的日子,又會不會開始愛上吃榴蓮?世事無絕對,當年我夠大大聲說不吃羊,不吃辣.....

是日同幾個朋友去左元朗影相兼食野, 係濕地公園影完相就落番元朗, 打算食番個炒冰解下溫~ 點知一點半到左先發現原來兩點半先開門~所以去左食個面先番黎~講番正題~ 甜品鋪本身裝修無乜特別, 正正常常, 可能佢一開門, 我地就到, 所以座位都好闊落. 可能因為剛開鋪, 所以果日等候甜品的時間都有d耐, 不過都係好事, 證明係即炒~我果一行4人叫左4樣野,芒果士多啤利炒冰 - 好有芒果味~好正, 感覺其實有d似雪芭, 夏天食, 真係正到震. 因為我地去的時候無乜人, 老細仲俾我地自己落手炒兩下玩下~榴槤炒冰 - 榴槤味唔夠重, 不過都係勝在夏天食冰, 一定覺得好涼, 所以都覺得好食~~芒果腸粉 - 100分的甜品~ 芒果夠甜, 腸粉夠味, 夠薄. 配合得天衣無縫~ 正腐竹白果雞蛋糖水 - 無食, 亦唔係呢個店的賣點, 朋友食落都應該正常, 無特別總括來說, 呢間甜品店係值得一去再去的, 一來香港好似無同類型的甜品店, 二來炒冰睇落好辛苦, 但係老闆少完都仲好有笑容咁同我地傾計, 令我覺得佢對間鋪好有心!!

看到這裡有炒冰，也未在其他地方見過有得食，莫非是全港獨家？晚上沒有其他客人，我們是包場了，心中覺得不妙，但抱著一試的心態，叫了芒果士多啤梨炒冰。炒冰需時，我們就一邊看老板炒冰一邊看電視，不覺間炒冰突然弄好了。食落軟綿綿，但因為有水的關系，不太滑。味道是調得好的，或者說現在的芒果夠甜，所以這個用果汁炒出來的冰味道也不錯。芒果士多啤梨好像是比芒果貴五元的，不過卻一點士多啤梨味都吃不出，只吃到一點點的籽，貴五元不值得。其實跟食生果一樣，三十多元是貴了點，同樣價錢食個雪糕好過，不過仍然給笑臉，是給努力炒冰的老板的。

與友人們吃完第一站 出發第二站 尋找 (炒冰)炒冰… 哩一樣野，之前都聽過好多，但食都係第一次看完餐牌 決定叫兩個冰 & 一碟芒果卷 試試 一個 芒果炒冰 , 一個 雜果炒冰兩 個 都係一樣色 =_= 仲要話唔同色 真係睇唔到邊到唔同色 lol炒冰 好食過 綿冰 起碼味道都叫做可以 :'P 一般吧 總算叫做試過丫嘛 :'}

我最鍾意食榴槤,基本咩榴槤的製成品我都會試,而今次我就去咗元朗一間首創甜品---炒冰呢間甜品店的炒冰有好多款,而今次最新款一定係榴槤味試咗之後發現榴槤味並唔係太重,感覺一般,都係澳門的榴槤雪糕好味但炒冰o既製作過程原來好辛苦,唔怪得買得咁貴......

叫了碗鮮果西米露, $22, 好大碗, 內有數款新鮮生果, 配上椰汁西米露, 好清新, 甜度適中, 食完好飽呀. 見隔離枱食芒果卷, 好靚好得喎.

係暑假個時特登去依間野食炒冰可能係我地下午去 所以老闆無示範炒冰 有d失望叫左個芒果炒冰幾好食 不過略貴囉 $28 唔係甘值個咖哩魚蛋吾錯 依間唔會再去食lu

之前去海南島試過o的炒冰好好食,返到香港搵下邊度有...淨係搵到元朗呢間專登入元朗試下,叫o左芒果炒冰...可能係因為佢係炒定雪住既關係,炒冰唔夠滑,有o的思樂冰feel,無o左o個種軟綿綿既感覺炒冰呢樣野o係海南島好多地方都有,點解香港得元朗有架差唔多三十蚊一個,略貴呢...

芒果卷好得意, 配搭唔錯炒冰都係一絕雖然味道唔係特別好味, 全靠生果本身靚唔靚但能夠係云云咁多間元朗甜品店入面佔一席位小D創意都真係捱唔住起碼我鍾意佢的質素一直保持, 唔似得佳記泛后一時一樣服務唔錯, 夠晒醒目, 我地未開聲已經自動拎多幾支叉俾我地SHARE落單時一齊叫定外賣 (芒果卷會賣完即止, 因此嗌定先)到食完時諗住問佢拎外賣, 見到佢岩岩包緊盒芒果卷, 原來就正正係我個外賣叻)b

炒冰係軟綿綿的幾搞笑但係唔會令人特別想吃反而個芒果卷幾好但係點講都好我覺得佢地好味係因為佢ｇｅ味幾好但係諗真ｄｄ味全部都係生果味ｊａ生果買得靚，就好味ｇａ　ｌａ．．．

看了 KC 先生炒冰的食評後，主人與奴隸獸已想一試，今次去元朗，當然要專程光顧喇！我們點了：1. 士多啤梨炒冰（HK$30）：看著炒冰的過程確是有趣，其口感似鬆軟的果汁冰條，味道沒有什麼特別，所以論味道索價三十個大洋，確實有點兒貴，但是有炒冰Show 睇，就另作別論。2. 自製芒果卷（HK$28）：厚厚的椰汁卷皮味香濃，食落軟滑。芒果亦非常清甜，這個甜品味道不錯呀！

見食評幾好就尊登去試下, 叫了個芒果炒冰, $28不平的, 落單後就見老闆在炒冰, 不停地炒了幾分鐘, 好似件磚頭四四方方咁上枱, 真係無賣相的.食落口其實即是沙冰或思樂冰之類, 真係好普通, 一定不值$28, 只是老闆賣手藝及特色罷了, 反而它的其他糖水及甜品價錢正常些.