甜心良品

营业中

休息中

Sugar Mama 嚟屯門必食😋雙重朱古力配焦糖雪糕🍫$55推推⭕️外硬內軟 裏面又超多料濃郁朱古力味 唔太甜仲有自家製嘅雪糕 都係推推⭕️雪糕有一大甖可以買返去如果唔係住得遠 我真係想買返去食呢個價錢超抵 值得食！must encore !D24榴槤心太軟$76 推⭕️榴槤愛好者必食第一次食榴槤味 好有驚喜 裏面都幾多榴槤肉一切瀉曬出嚟 真流心呢款個皮會淋過多 唔係外脆内軟 應該係太多料🤣唔會太甜 好食must encore !

經屯門的朋友推薦，才發現屯門原來有一間隱世心太軟專門店。店家即叫即製，雖然下單後要等待一會，但一切是值得的。 ➡️特濃朱古力心太軟這款心太軟吃得出用止高品質的朱古力製成，味道非常濃郁，流心再配上店家自家製雪糕完全是絕配！ 一入口，就感受到朱古力的豐富和濃郁，而且不會太甜，非常適中。 ➡️蛋黃原味梳乎厘以為這裡是心太軟專門店，其他甜品未必太大驚喜，可是我錯了，梳乎厘一樣如此出色疏乎厘本身非常鬆軟，帶有一點點彈性，吃起來非常有口感。而且蛋黃味道非常濃郁，卻又不會太甜膩，非常適合喜愛蛋黃味的朋友。 我非常推薦所有喜歡心太軟及梳乎理的朋友來屯門試試這家隱世小店。

住係兆康咁耐都未試過，都係聽人講呢間係良心小店所以過黎幫襯下。聽講心太軟係招牌必試，不過今次食得太濟，所以嗌咗一個椰汁花奶仙草凍 $28，椰汁花奶好香係一個perfect match，整體係高質既仙草凍。老闆好好人，知我哋第一次幫襯就叫我哋join 會員，生日黎食有 64.89 折，值得支持！

住係屯門既朋友同我講，入嚟屯門紅橋附近就一定要試下sugar mama既心太軟。鋪仔細細得3張枱，坐唔到好多人，所以都要排一陣隊，店入面好多烏龜公仔擺設，就連天花都有，成個感覺都好舒服。朱古力心太軟，睇賣相大大件都只係賣51蚊，雖然第一觀感唔太美觀，隻碟好似出面茶餐廳碟頭飯既碟去裝， 擺盤presentation 無其他甜店品咁精美，但味道同口感都真係好好值得一試！ 而且仲有Apple crumble 同 梳乎厘賣， 下次一定要試埋！

Sugar mama朋友介紹之下，去左試呢間位於屯門既甜品小店，主打即叫即焗心太軟！配以店主親手整既雪糕！啖啖心機！🍫朱古力草莓心太軟 配雲呢拿雪糕 $59今次我簡左朱古力草莓心太軟，入面除左滿滿既流心朱古力之外仲有大量草莓粒，再加埋冰凍既雲呢拿雪糕。食左即時將壞心情趕走☺️一試難忘！由於小店只有兩人工作同埋舖面都比較細，想去試既朋友仔記得預留番少少時間排隊呀😁小店除左心太軟，其他甜品同樣出色，窩夫同疏乎厘都好正嫁

呢間甜品店鋪仔細細，但主打嘅心太軟絕對係高質。淨係心太軟一個甜品都有好多唔同既配搭款式， 為左保持質素，仲寫明只限堂食唔做外賣。第一次嚟幫襯，梗係試下佢嘅signature心太軟啦，揀左最classic果款朱古力味配雲呢拿雪糕。佢係即叫即做嘅，等左大概15分鐘，但完全唔覺得耐，因為可以欣賞佢間鋪頭入邊好特別嘅裝飾 - 海量烏龜公仔🐢🐢🐢，好搞笑😆🌟 原味心太軟 $53 心太軟好多地方都有得食，但要整得好食其實好高難度，通常就係唔夠熱、入面嘅朱古力唔係流心嘅，或者個蛋糕焗到裂晒甚至凹陷，但呢度嘅心太軟焗得好靚，好挺身，朱古力又夠熱，一切開就好smooth咁流出黎，配埋隔離果個凍冰冰嘅雲呢拿雪糕一齊食，冰火交融嘅感覺真係好正🤤 朱古力味濃郁，同相對淡啲嘅雪糕blend得好和諧，每一啖都刺激住味蕾。 側邊配料選材亦都好有心思，同組別嘅但唔同色每樣各一粒，有細核嘅生果就奇異果配火龍果，berries就藍莓配車厘子，為整個甜品帶來一個完美嘅結束🥰🥰🥰 超驚喜❣️勁高質❣️喺呢個平民而有特色嘅舖頭仔入邊，食到咁好味嘅甜品，真係覺得好抵👍👍好有衝動想下次再黎試埋其他款式嘅心太軟🤩

冇野好講，好食。四百幾蚊4個心太軟加盒雪糕。個雪糕仲要限定桂花味。人生另一完滿時刻，冬至食幸福感爆棚。究竟有幾可見心太軟真係流心，仲要心型，完全冇得輸吖o(￣▽￣)ｄ good

同事極力推介，位於屯門虹橋附近，話呢個心太軟係世一，發夢都想黎食！。佢既原味朱古力心太軟括住［非試不可］，同埋我見個個人都係食呢個😂。本身諗住同朋友share一個，但佢唔肯😂，話要獨霸一個。佢個細心太軟係$51，非常之流心！佢朱古力味濃得黎唔會死甜，食落有少少咸味做層次，配埋香草雪糕，好正！☺️好似牆上話：“感謝天父賜我食可能最好食既心太軟”😂😂😂店內都好有家庭feel,好多金句好多🐢🐢

黎開虹橋食飯嘅朋友仔 記得留黎呢度食甜品強烈推介呢度嘅心太軟雖然舖面唔太 座位有限但心太軟同雪糕都有無限咁多嘅配搭 一定搵到岩你口味即叫即整嘅心太軟朱古力味非常香濃岩岩做到流心嘅內餡 配合埋雪糕係perfect match🍦食完一個唔夠喉就再encore 🤤仲有一個令人好想支持呢間小店嘅原因良心店主❤️🧡💛非常信任客人 同幫助左有需要嘅人都可以食到咁好味嘅甜品實在令人非常尊敬 等耐d都值呀👍🏻你話係咪好值得大力支持💪🏻

依間我細細個嗰陣時已經成日食之前佢係佢係元朗而家搬咗嚟屯門我都成日特登走入去食佢同普通甜品舖嘅心太軟唔一樣依度係大份好多 同埋睇得出唔係攞貨 係佢自己整入邊流心嘅朱古力超多 加埋雲呢拿雪糕超好食 一熱一凍 佢仲有得買冷藏心太軟返屋企自己整所以如果你好鍾意食心太軟一定要試

呢間位於紅橋既甜品店🍮，前名叫「智勝所小食店」，而且改左名做「Sugar Mama」。小店既甜品選擇唔算好多，例如：梳乎厘、窩夫🧇同金寶等，但最出名既一定係心太軟。🔍 招牌原味朱古力心太軟心太軟上枱好靚，朱古力味好濃郁，切開流心量勁多。而且蛋糕非常鬆化，夾埋一齊食真係好正👍🏻👍🏻🔍朱古力草莓心太軟佢同原味最大既分別係佢既朱古力流心，食落有草莓味🍓，仲有草莓肉係入面，食落酸酸甜甜咁，我覺得都幾好食😋🔍招牌純蛋白梳乎厘梳乎厘外觀好高好可愛，賣相好吸引~食落軟綿綿，空氣感十足。甜度適中，唔會話好甜~㊙️以上甜品會配一球雪糕，除咗一啲大路口味，例如：曲奇、雲尼拿同朱古力外。佢仲有自家制既雪糕(+$3)可以揀，例如：豆腐同黑松露等。

［屯門好食心太軟😋SugarMama]-幾乎每次去屯門都會食嘅甜品舖🍨甚至有時夜晚會由元朗特登揸車去屯門買黎食😂可想而知佢有幾咁好食-SugarMama位於屯門紅橋嘅一個角落位置有啲偏僻😿唔太顯眼店內都冇好靚嘅裝修不過賣嘅就用心製作嘅甜品🍮非常值得一試-😋招牌純蛋白疏乎厘配豆腐雪糕 $45如果有整個疏乎厘嘅朋友應該知道疏乎厘一拎出焗爐會好快塌可以升到咁高，仲要比我打埋卡都仲keep到個樣🫢真係好考功夫疏乎厘外皮灑咗啲糖焗完有啲焦糖味脆脆地入面就軟綿綿🥰非常好食豆腐雪糕🍦都係自家製㗎唔係好甜👍🏻幾重豆腐味好味指數：🌕🌕🌕🌕🌕-😋焦糖心太軟配芝士雪糕🍦$51佢唔係平時超市買嘅急凍心太軟每一隻都係人手製作所以非常流心！仲有好多味可以揀😛焦糖心太軟幾好食味道幾特別😋芝士雪糕都係自家製架😝如果覺得好食仲可以買佢地盒裝雪糕添好味指數：🌕🌕🌕🌕🌕-😋朱古力心太軟 $51我會話係全屯門最好食嘅心太軟外皮又脆又好流心🥰好味指數：🌕🌕🌕🌕🌕-📍💸人均消費：$50

成日見外賣平台都好想試佢既甜品。難得經過就去試下老闆好好人，會介紹佢既甜品。咁我先叫左特濃朱古力心太軟&豆腐雪糕朱古力味好濃，甜度適中。佢外皮趣香同唔厚，切開真係好濃滑既流心。我食咁多間甜品鋪，得依間做到個外皮係咁薄，所以成個流心量真係好多，好好味！豆腐雪糕有好香豆腐味加埋心太軟食好夾。純蛋白梳乎厘&黑松露雪糕1黎到見到個梳乎厘好大個同好高，平時啲甜品鋪都無咁大個。我影相1陣佢都無凹入去，做得好靚。表面佢係焦香味，少少趣，入邊係好軟棉棉，真係好高質！老闆話純蛋白做得佢鋪頭先有。依間鋪有好多唔同味自家制雪糕可以揀，我真係第一次見有黑松露雪糕就想試。食第1啖真心有啲衝擊，但食第二啖就覺得幾好味，黑松露同牛奶味都夾。另外鋪頭有得賣急凍心太軟同其他甜品，我都買左拎返屋企跟返佢網頁教學整焗8分鐘就得，好方便又好味。可以扮晒自己整比另一半食

⚠️而家疫情嚴重大家要保重身體,唔出街就bookmark定遲d去,再吾係可以買外買返屋企慢慢食⚠️ ⚠️而家暫時冇堂食可以選擇外賣 或者買急凍心太軟返屋企自己整都可以⚠️💛💛黃店📜”Sugar Mama (屯門)📍地址: 屯門青柏徑6號鹿苑地下3號舖🤍 分店地址: 屯門📝評價💬📢 朱古力香蕉心太軟$56多款口味俾大家選擇💛我嘅目標係每種口味都試過食😋今次朱古力香蕉係我暫時最鍾意嘅味道😋流心之餘仲有香蕉餡喺入面😍仲要好大舊心太軟熟嘅程度啱啱好唔會太硬☺️ 食心太軟永遠都只係去 sugar mama⭐️⭐️⭐️⭐️💛咁大個心形仲要有雪糕😍可以自己揀口味😋😋🏵環境指數:⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩 #美食推介 #屯門美食 #屯門黃店 #黃色經濟圈 #黃店推介 #黃店 #黃店系列#instafood #美食分享 #食好西 #吃貨 #hkfoodig #懲罰黃店 #foodiehk #良心小店 #hkfoodies #Yellowfood #852food #相機食先 #香港美食指南 #hkfoodblog #甜品系列站 #

每次經過都堂食滿座仲有人排緊隊，平安夜前夕下午經過剛好有人離座即刻走咗入去試首先必試嘅當然係佢嘅招牌原味朱古力心太軟啦然後我再點多咗個法式焦糖燉蛋首先講下個招牌朱古力心太軟，我試過好多間唔係過甜就係好漿口，sugar mama呢個係真心好食，唔會過甜亦唔會覺得漿口，真心係會衝動一定要再唻食嘅，值得推介。然後到法式焦糖燉蛋，呢個都ok好食，但係食咗個心太軟之後你就會對佢失去興趣哈哈，所以提提大家會好似我咁一個人食兩個甜品嘅朋友記得心太軟留最後食。仲有一點呢間餐廳好特別，佢哋係自助收錢嘅，上面我都影咗俾大家睇，詳細我就唔多講。我呢餐食咗原價$96，我仲即時入咗會員，有折，但係我覺得佢係唔止值呢個價，所以我係俾多咗。我覺得係值嘅。純粹個人覺得真係好食俾大家參考