甜姨姨 (耀華街)

营业中

休息中

呢間嘅刨冰好綿密，啖啖都好夠味，我哋揀左🍧醬爆刨冰 ($128) 姐係奶醬多味，除咗有好濃花生醬🥜，面頭仲冧咗啲煉奶甜甜哋，又有餅乾碎好有層次☺️ 呢隻味好特別幾港式可以試吓😛 間中仲會有啲crossover 例如同台灣好出名嘅蛋卷海邊走走、本土老字嘅甄沾記椰子糖😗另外仲有啲港式甜品，可以一班friend share 唔同嘅😉不過私心都係鍾意shari shari 多啲因為刨冰味道選擇再多啲同埋口味上都再吸引啲🤭

甜姨姨，林俊傑打卡店！芒果大合集 No.❶ best seller，一粒粒芒果條，芒果肉，還有芒果雪糕球，底下有豆腐花墊底（豆腐花巨香濃）芒果控必點，一次滿足所有願望尋榴敢 （個名好特別）同樣是豆腐花墊底，上面有爆珠，一口口榴蓮肉，香純

星期五夜晚好多人排隊，起碼等30分鐘，加上有姜濤嘅應援，所以應該再多啲人。刨冰係佢哋嘅招牌，眼見都有幾枱叫中式糖水。*醬爆 $128好大個刨冰，唔係行綿滑嘅路線，而係似食緊一個刨冰，冰塊入口會慢慢化開，偶然一兩塊小冰粒但唔影響整體口感。最頂係海邊走走嘅蛋捲。表面嘅花生醬超級香濃，但煉奶味偏淡。刨冰本體淋上特濃花生汁，第一啖超級驚艷，外層好濃，但近中間位置比較淡味，尚可接受啦。中間包入花生粉、花生波波，花生粉配冰口感唔錯，但波波配冰比較怪異。黑極 $128最頂係海邊走走嘅芝麻愛餡蛋捲。刨冰表面淋滿特濃芝麻汁，第一啖似食緊一個黑芝麻糊，挖深啲食，會有芝麻酥脆粒，脆脆口感配刨冰好夾。即使中間嘅味道淡啲，中間都有黑芝麻雪糕搭救。最底係豆腐花，清爽啲豆味帶嚟味道上嘅變化，係一個小驚喜！

一行三人點了兩個中色糖水，一個芒果豆腐花。一入去裝修以為係姜濤做左老闆，不是我杯茶。只可用QR code 落單，只有英文，沒有中文介紹。雖然我是一個不折不扣的香港人，但我都覺得真奇怪！你知糖水再翻譯成英文一向都係一個字-怪！ 一如以往，沒期望便沒希望，好普通的甜品，算幾差，杏仁茶比較稀，喳喳有苦味！ 芒果豆腐花好有糖水味，得個甜！ 要是因為銅鑼灣冇咩糖水舖，都唔多想揀。其實我想放多D心機落去整甜品會好過落心機整好多偶像紙板

天氣炎熱，最想享用冰涼的甜點，這次和朋友再次來到甜姨姨，品嚐他們的解暑冰品～榴槤豆腐花 $68 榴槤愛好者必嚐！榴槤肉鋪在豆腐花上，中間夾有榴槤餡，底部是豆腐花，豆腐花的豆香濃郁，入口香滑，配上榴槤，難怪是店內排名第一。榴槤奶凍 $68 榴槤奶凍使用了泰國金枕頭榴槤，榴槤肉鮮美，奶凍的特別之處在於口感有點像硬雪糕，與一般習慣不同，入口十分有趣！甄沾記焦糖椰子冰 $158 點了焦糖椰子冰，配料有焦糖椰子糖漿、甄沾記椰子雪糕、甄沾記脆脆椰子和甄沾記脆脆米，椰子糖漿是用甄沾記特濃椰子硬糖製成，淋在整個刨冰表面，中間有很多椰子脆片和椰子雪糕，如果不夠味道還可以加椰子醬，刨冰口感豐富，層次分明，不會膩，推薦～楊枝甘露冰 $158 楊枝甘露冰很適合拍照！杯頭插著一支鮮芒果雪糕，層次有鮮忌廉、泰國金柚、楊枝甘露汁、芒果粒、椰汁、芒果脆脆和熱情果果凍，完美展現楊枝甘露的味道。水果配料如柚子肉、芒果粒、熱情果果凍，每一口都帶有熱帶水果獨特的酸甜味，刨冰綿密，帶有淡淡的椰汁香，持續享用不會感到無味，芒果脆脆增添口感，難得清爽不膩的滋味。汪阿姐 $128 這款冰讓人眼睛一亮，裝飾著紅火龍果乾，還有忌廉、爆炸

就是偏偏喜歡你 餐廳 聯乘 甜姨姨-銅鑼灣店 搞既 一個月應援活動開始啦！之前返工日日經過終於等到今日4月1日 開賣既愛的桃冰 即刻去試下..！每個打卡位都整得好靚，刨冰又好食 😋最開心係門口有個大招牌係出面都影到相，排隊排唔到…仲有得外賣 真係好周到😍😍😍食刨冰 重有應援小禮物送😍😍😍店內有多個打卡位🩷同時follow 兩店 社交平台重可以額外再領取應援小禮物，我今日就攞左一頂生日帽😆姜糖們！唔好錯過啦！🩷🩷🩷

幾個中女食完飯，想搵下場，甜品就最好不過😂去到預咗要排隊，去到見到全間舖頭都係「姜濤」嘅佈置，就算排隊都即刻開心返🥰叫咗4個甜品，最鍾意係「紅豆抹茶蕨餅」，當中嘅紅豆尤其好味😋豆腐花好滑，值得等15分鐘，4個人唔駛5分鐘就食晒😅芝麻湯圓，個湯夠薑，啱中女飲😂

天氣一熱就好想去食冰🍧，記得之前去台北一日熱到可以食3個冰，超癲的me😆!! 食返個甜姨姨嘅楊枝甘露刨冰消消暑☀️～·♡ 楊枝甘露冰 HKD$158真係第一次食到咁多料咁刨冰🤩！刨冰最面頭有條鮮芒果雪條🍭好吸睛，之後底下有泰國金柚、海量芒果粒粒🥭、忌廉，再加埋濃郁楊枝甘露汁，咁樣已經好「楊枝甘露」啦！食到中間仲有香濃椰汁🥥、芒果脆脆、熱情果果凍，仲附上抹茶蕨餅，多料到非筆墨可形容😚，係咪痴線㗎豐富到咁！·♡ 心太軟（海邊走走） HKD$128同咗海邊走走crossover🍮，即叫即製，切開個心太軟好流心呀！黑芝麻內餡味道好濃郁🤤亦唔會好甜，仲附上一小條海邊走走芝麻愛餡蛋捲，double芝麻味道呀😋!! 心太軟旁邊會配上一球Haagen-Daz雪糕，有幾款口味可以揀啊～·📍甜姨姨私房甜品銅鑼灣耀華街11號地舖

今晚擺低阿女，又同老公去拍拖💓好耐冇同老公食甜品，今晚我哋直接skip dinner，甜品當晚餐🤣好瘋狂😆真係好鍾意呢度啲甜品🥰有外國朋友嚟香港都會帶佢哋嚟，啲甜品真係好有香港特色😋💕初心外型同賣相超吸睛，係好甜美既粉紅色呀💖外層係草莓希臘乳酪汁，味道香甜，食到內層入面仲有草莓脆脆，下層仲有椰果😋每啖都香甜有口感，好味💕留戀一上枱已經聞到好香嘅榴槤味🤤🤤🤤刨冰嘅面層淋上咗金枕頭榴槤汁🤤非常有榴槤味，而且好香甜😋刨冰入面上下層都有啖啖榴槤肉😍榴槤肉嘅份量好足料，食到底部仲有嫩滑既豆腐花，呢個刨冰真係榴槤控必點！超級正🙌🏻甄沾記心太軟心太軟既賣相都係好打卡able 😍心太軟入口外酥內軟，入口好香既椰子糖味，非常濃郁馥香，而且仲暖笠笠既，真係好好食！雪糕都係椰子味，食落有淡淡既椰香，心太軟夾雪糕食都好正！💖令人一試難忘！特濃朱古力心太軟呢款心太軟用左85%Weiss朱古力製作，朱古力味果然好香濃🥰切開中間流出好邪惡既朱古力醬🍫🤤佢地既雪糕係用Haagen-Dazs💕我地揀左朱古力味雪糕，心太軟外鬆內軟，配埋雪糕食真係好好味😋八寶手工芋圓黑糯米加左粒粒紅豆，芋圓大粒煙韌，仲有西米、薏仁、珍珠等

🌉 During my previous visit to Auntie Sweet, I had tried their chocolate flavor, which was delightful. It was a perfect way to conclude my meal at Milu Thai and alleviate the lingering spiciness. It's always great to indulge in a dessert after enjoying a spicy dish!

小編今日來到銅鑼灣一間人氣刨冰店「甜姨姨」，主打日本純冰製巨型刨冰🍧，最近推出港式楊枝甘露口味刨冰，亦有聯乘其他品牌推出創近口味，如甜海邊走走花生奶醬🥜、甄沾記椰子🥥、400次髒髒冰🍫榴槤、士多啤梨🍓等刨冰等，大力支持港式特色刨冰，甜品控一定不能錯過🍧🙌🏻「楊枝甘露冰」🥭 成座山般的巨型刨冰視覺效果震撼💛 以日本直送冰磚打成雪花冰❄️ 外層加入特濃楊枝甘露汁，令金黃色澤均勻而味道濃厚，內層是滿滿的芒果肉、芒果脆脆、椰汁、鮮芒果粒🥭、泰國金柚🇹🇭、熱情果果凍，每啖都充滿不同口感的香甜芒果，甜度適中，加上椰汁濃厚的味道，冰粒軟綿細滑，入口即化🙌🏻 頂層是100%冰凍呂宋芒果條，芒果味道鮮甜，加上奶蓋口感更綿滑，作為飯後甜品也不覺得膩，吃得透心涼✨🍽 ：楊枝甘露冰👅好味指數：8.25/10💰消費：HK$158📍 地址：甜姨姨 (耀華街) 銅鑼灣耀華街11號地舖

12-2-2024 (Mon)大年初三晏晝,同老公喺Greenhouse食完晏後,就行嚟呢間食甜品,我哋嚟到都有三枱客,入去坐低後睇完menu,就決定要$128.00嘅醬爆,等咗大約10分鐘到嚟,店員提醒要由上而下食,因上重輕.;同埋有多一兜花生汁,喺唔夠味時加,真貼心.而睇見因為新年,有隻招財貓喺頂,我哋開動喇,頂上嘅滑忌廉唔太甜,海邊走走花生醬蛋卷填滿花生醬.而雖然佢哋落咗鍊奶,但都唔太甜;啲冰又唔係太凍但又唔會溶得好快,成個滿滿花生味,但又唔太甜,食到尾啲冰都冇乜點溶.價錢:即時登做會員就有9折.2.5分服務:有禮,我哋攪做會員有啲棘手,埋單時阻阻佢哋,我哋直情話算啦,俾正價啦,但佢哋都有耐性俾我哋慢慢整.其他:每人最低消費$40.00.題外話:原來甄沾記係香港製造.

在銅鑼灣逛完花市，隨便找一間甜品店坐一坐，幸好算早，下午8:xx , 這間店還未有長龍。等一下子就可以入座。沒叫冰，因為不喜歡吃冰，但見到隔壁座的草莓冰很美。打卡一流。我們叫了芒果綜合和椰汁芋圓。芒果綜合內有Q彈的芒果布甸，很不錯。反之然椰汁芋圓有點失色。料可以加多一點會更好。價錢就是銅鑼灣的價錢，包含昂貴的鋪租。 但還可以啦。

好多年前食過，好回味，再次探訪，一樣甘好食呀。一家大細的口味都可以滿足度芒果刨冰層次感豐富，椰子好香，芒果又新鮮。最鐘意豆腐花配芋圓珍珠這一個系列，一次性食晒想食的也。

今次試咗舖頭人氣No.3 嘅士多啤梨刨冰🍧，首先顏色好嘗心悅目🤣，士多啤梨味道甜甜酸酸，仲有啲士多啤梨凍乾！上面係豆腐cream ，豆香味重，令刨冰入口溫和。不過食到最後刨冰始終會變淡。