甜姨姨 (耀華街)

营业中

休息中

近來天氣咁熱 普通甜品已經滿足唔到🥵所以就同咗一班朋友食完飯之後一齊去咗食冰🍧個日都幾多人 都排咗一陣先成功入座由於同朋友係食完好飽嘅晚餐直落食甜品🤰所以打算幾個人一齊嗌2個沙冰算因為一個沙冰都差不多一百蚊💸但到入座嗌嘢食個下先知道有人均最低消費😖雖然明白人氣店而且地方唔大所以先會set最低消費不過由於大家都好飽食唔落更多沙冰所以最後就有朋友唔食走先~有啲可惜但係！沙冰真係好好味😋兩個沙冰我比較鍾意士多啤梨🍓個個！因為汪阿姐酸酸甜甜，但甜度係幾高！總括而言，值得一試！

講起刨冰除咗會諗起shari shari, 另一間超人氣刨冰店一定非甜姨姨莫屬最近佢仲出咗海邊走走嘅crossover版, 最受歡迎之一嘅奶醬多口味再配埋花生醬蛋捲, 諗起都覺得好吸引🤤特登搵日閒日中午時段唔使排隊嚟試下先~刨冰一上臺超級巨型, 快快手影兩幅相就要即刻食, 驚佢溶嘅話就會成個冧落嚟🙈冰底用咗日本冰, 口感好綿密一致. 表面淋上咗滿滿嘅花生醬同豆腐奶蓋, 食到中間位置會有d 花生芝麻碎嘅配料, 完全唔驚食到一半得返冰, 一啖接一啖兩個人唔使10分鐘就KO晒成個冰😂

其實呢度除咗特色刨冰🍧仲有糖水同bagel都唔錯✨仲有好多款口味添！上次就食咗個雙重肉鬆芝士貝果🥯bagel口感我好滿意❤️焗到熱辣辣 外脆內煙韌😆內餡夾住滿滿嘅半融芝士🧀配埋香甜肉鬆 真係超正！！

最近見到好多人介紹甜姨姨嘅刨冰，夜晚九點幾去到都係好多人排隊😂咁就一於試一試，但識落係正正常常一般，冇咩驚喜嘅感覺，但個味道就幾創新嘅。🍧醬爆 $98 (6/10)豆腐cream都幾creamy，個蛋捲好豐富入邊係花生醬嚟嘅，真係好濃花生味(原來最濃花生醬味道已經係個蛋捲😂個冰都細滑嘅，但未去到好滑會有少少吉口，有淡淡花生醬同埋煉奶嘅味道，甜度唔係好夠(本身我都好怕甜)但佢真係比較淡味，未到香濃，個味都唔算好出。個冰有浸淡淡的豆腐味？中間有啲芝麻花生粉，都幾香口。有三舊多士，比較乾身同香脆，正常奶醬多味！但食到後邊越食越淡味好似唔夠醬汁，最後係冇咩味，成個冰係港式味道，好有創意但味道一般。推薦指數: 6/10支持港式甜品創新口味可以試吓，個分比個創意👌🏻不過食過一次之後就唔會想再食😂同埋唔值得排隊排咁耐，好多食評都吹大咗😂

平日夜晚10點去到見到大排長龍，但依排咁熱🔥為咗刨冰都要等！！等咗半個鐘入座，店舖空間唔大，枱放得比較密…如果shopping 完嚟就有啲唔方便喇眼見90%客人都叫刨冰，我地就叫咗望落fancy嘅 初心 草莓乳酪刨冰🍧 同埋 榴槤紫糯米😋1️⃣ 初心 一上枱真係嘩一聲😂成個頭咁大，兩個人食一個都夠枱面有個刨冰建議食法，我地怕跌到成枱都係就有乖乖地跟嘅，但都跌到周圍都係🙈有啲‘論盡’唔知係咪乳酪嘅關係，成個冰都幾酸下…但個甜味又同時好出…酸同甜唔太平衡2️⃣榴槤紫糯米 榴槤好食，紫糯米軟糯，椰汁香而且甜度啱啱好，好味👍🏻P.S.下次想試非水果系嘅刨冰🤭

大家去銅鑼灣食甜品, 通常都會去食Shari Shari, 但真係超多人🥶 所以今次我就去咗第二間, 甜姨姨私房甜品🍨, 點知仲好食過shari shari😂 又少啲人排喎🤣 我以後食冰都會食呢間🤫!!.黑極, 香濃黑芝麻 (crossover 海邊走走) $98呢個唔知係咪期間限定🙈 見10個有7個都叫呢個🤪 海邊走走好似係台灣都幾岀名haha!!🥳 冰上面有幾舊海邊走走嘅蛋捲!! 入面都有黑芝麻醬, 勁好食!! 勁match 黑芝麻冰🙈 冰上面白色嘅應該係豆腐~ 啲冰好重黑芝麻味👍🏻 食到中間仲有啲芝麻/ 花生(?), 好有口感🥳 食落去仲有啲黑芝麻獨有嘅jap jap聲🤣 (if you know, you know~) 底層仲有雪糕🍦!!! 超驚喜!! 勁足料😛 仲有黑芝麻醬俾你倒落去, 所以食到底係完全唔會怕冇味/唔夠味嘅情況!! 超推介大家試呢個!!🤩🤩🤩.朱古力森林🍫 $108個人覺得呢個相比起黑芝麻冇咁驚艷🙈 但都好好食!!!! 呢個朱古力唔係黑朱古, 係mix咗薄荷朱古力🤣 如果你都鐘意食薄荷朱古力, 咁你都會好鐘意佢🤪🤪 上面有oreo餅碎, 朱古力味都夠, 下底就

醬爆 奶醬脆多 $98 不用加一估唔到可以將港式茶餐廳既食品擺落刨冰到幾特別幾創新仲要好好食啲冰食極都無乜點溶👍🏻上面果條海邊走走既花生醬蛋卷就一般般另外 本身淋上去既花生醬同煉奶比較少食到一半就要落佢另外附上既花生汁明顯呢種汁無本身佢淋上去既醬好食同埋一淋上去啲冰就溶哂了🙈變哂水即刻就已經唔想食了附上三件奶醬多出奇地比係出面茶餐廳好食多士擺左好耐都仲好脆👍🏻👍🏻👍🏻可以考慮下賣正常份量既奶醬多🤣

行開銅鑼灣，想食下甜品，咁多甜品鋪嘅選擇下，最後揀左甜姨姨，因為好想試佢新出嘅奶醬刨冰。芒果紫糯米（$49）芒果好大好多，紫糯米都係，好食。奶醬脆多刨冰（$98）刨冰份量好多，第一次見奶醬刨冰，好有創意。配上海邊走走嘅奶醬蛋捲，好食，香脆可口，略嫌有啲細，同朋友分會唔夠。刨冰食到一半就可以落埋啲奶，咁就保持奶醬味濃郁。另外仲有三粒多士，上面有啲花生醬，都好脆。食完覺得好甜，因為每淡都好有花生醬味，連多士都係。但係係幾特別，可以一試。

奶醬多係茶餐廳就食得多，但原來都可以整成刨冰，一上枱好吸引，而且仲附上3粒多士，我揀左個有條蛋卷仔既係面，幾好食～最底仲有d 餅乾碎碎，令層次多d，無咁單調，都還可以～

甜姨姨停咗業三個月終於開返喇🤩喺銅鑼灣先食到嘅刨冰竟然偷步遲來先上岸上食評了🤣週末夜晚去人龍好長🐉不過小店翻桌率高，唔算等好耐就入到去食喇🍧-🥜醬爆 $98奶醬多口味嘅刨冰砌到高一高，上面淋咗煉奶、花生醬同埋豆腐cream🧁花生味香濃，豆腐cream輕盈有豆香👍🏻真係食到底都唔膩☺️配料仲有海邊走走嘅招牌蛋卷、奶醬多脆脆同增加風味嘅花生糊醬🤩食到中間內有乾坤，冰入面仲有餅碎同糖不甩碎碎😳真係超多口感集於一身啊💛🧡💛🧡-🍧 甜姨姨私房甜品 (耀華街)🏡地址: 銅鑼灣耀華街11號地舖☎️電話: 5118 4324🕙營業時間: 13:30 - 23:30 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

焫焫焫焫焫焫着，呢兩日真係熱到不得了🥵，夏天又係食冰嘅好時候，每次見人食住一個超級大嘅刨冰，心諗會唔會食到牙痛嫁，終於有機會食到甜姨姨之後，發現真係會愈食愈爽嫁🤣今次係食左佢嘅期間限定🎐🍽～奶醬脆多刨冰奶醬多就食得多啦，變左刨冰都係第一次，一上枱，俾佢巨型嘅size嚇左一跳🤣，見到佈滿煉奶同啡色嘅醬，仲聞到花生嘅香味，未食都覺得佢一定足料🤣，佢哋好細心，都知道d冰食到尾都可能會唔夠味，佢地額外會跟多一個奶醬俾你。另外，呢個冰仲會跟多一個真嘅奶醬多🍞，真係滿足晒兩個願望😍個冰中間位置佈滿晒花生碎同糖，真好夠味呀，食到最後都可以唔洗再加醬，我覺得啱啱好。鍾意奶醬味嘅朋友，趁呢個咁熱嘅天氣，快d試吓，消暑消暑🤤甜姨姨私房甜品 (耀華街) (銅鑼灣)銅鑼灣耀華街11號地舖#hkfoodie #hkfood #hongkongdessert #香港美食#香港foodie #香港甜品店 #銅鑼灣

奶醬多味嘅刨冰已經夠晒特別🍧最正係佢真係有埋一口奶醬多士🍞雙重享受😎刨冰淋滿花生醬同煉奶 綿密嘅冰中間仲有花生碎🥜味道夠晒濃郁😚面頭仲有豆腐忌廉同海邊走走嘅蛋捲 豐富呀！！

最近真係熱到乾煎咁嘅款，平時唔食刨冰兼唔鍾意排隊嘅我，都忍唔住來排長龍試下呢間超級人氣爆燈嘅私房甜品舖。🧊黃到金$108入得來食嘅人，10枱有9枱都會叫一份刨冰～呢個「黃到金」嘅刨冰，好冰涼，帶有陣陣嘅芒果同椰子味，最頂仲有啲豆腐cream，都幾與別不同。 食到底層就有楊枝甘露撈少少芒果布甸-成個「黃到金」簡直就有三重滋味～🥶🥭芒果大合奏$58集齊左「經典酒樓版芒果布甸」、甜度適中嘅芒果雪糕同芒果肉，呢個大合奏簡直係十分精彩。個芒果布甸係童年回憶嘅口味，食到停唔到口。😋

甜姨姨食過好幾次，絕對係區內出名嘅黃店甜品💛最出名一定係佢哋嘅雪花冰， keep住出新款另外仲有Bagel同其他港式糖水呢排天氣咁熱🔥特登嚟食佢哋新出嘅刨冰🍧.📍奶醬脆多（ $98）奶醬多口味其實之前都有，不過今次就加咗海邊走走嘅蛋捲呢個可以話係升級版，另外仲會有3件奶醬多🍞上層有海邊走走花生味蛋捲同豆腐cream用咗日本直送冰🧊食落幾綿唔嚡口淋上花生醬同煉奶，中間仲有花生碎🥜味道有花生糊嘅影子，花生醬味都幾濃玩味十足🤩🤘🏻.📍狂脆朱古力（$78）Bagel口感較紮實同煙韌🥯 飽腹感強中間塗滿朱古力醬🍫、麥提沙脆脆仲要加咗球朱古力雪糕🍨組合夠晒邪惡，朱古力味超濃郁如果雪糕雪硬身啲同大球啲會更正甜度都算高❣️但螞蟻人表示好滿足🐜.📍雙重肉鬆芝士（$78）中間嘅肉鬆爆晒餡🧡加上半溶芝士🧀食落鹹香Bagel焗到熱辣辣♨️同樣咀嚼感十足係重口味之選.食過幾次都好滿意😍難怪未到7:30已經坐滿晒🤞🏻

見到呢間甜品店幾受歡迎 比起傳統港式甜品 仲多左一D新潮D既日式刨冰同埋台式甜品 今次試左芒果刨冰有新鮮既芒果肉 加上芒果糖漿唔會太甜 係幾天然既甜味加上刨冰都好幼滑 另外既芋圓都好足料 加上紅豆仙草等材料都好有台灣口味