甜姨姨 (耀華街)

营业中

休息中

想食刨冰冰好耐，雖然呢幾日得8-12度，都無阻我食凍凍甜品既熱誠💛黃到金💛💛Yellow Object芒果刨冰仲加左金箔係上面🥰除咗有鮮芒果肉，原來一路食一路有驚喜，內有西米，西柚，椰奶，豆腐cream，很足料！而且冰冰一直食都有味，有加配芒果汁食到一半再加料的，冰冰口感又好綿好滑，仲要有布甸在底層，好多層次感😚真係要排隊都值得一試🤎◻️甜姨姨私房甜品 (耀華街) (銅鑼灣)📍銅鑼灣耀華街11號地舖

夜晚食完飯想食甜品就嚟咗呢度食。兩個人排咗十五分鐘先入得。好快手食完個刨冰覺得好食，想再加單試埋另一隻味。 點知店員竟然話冇得加單，因為出面仲有人等緊😅。心諗咁點解入坐嘅時候唔講明先。同店員傾咗好耐結果佢哋都係話唔會再做多份甜品俾我哋。 隔離枱成十個人食完喺度吹水又唔趕人走，我哋兩個人淨係想食甜品就走都冇😂 我想加單都係因為佢個刨冰真係好食啫，點都估唔到加單都唔俾，仲要事先冇講清楚。唔俾人加單即係想趕我哋走啫。其實我入嚟嘅時候都有排隊等足咁耐㗎喎😂😂只可以話成個服務體驗好差

是次一行數人，以為咁多人等唔會難食得去邊，等左最少20分鐘先入到去，鋪位非常窄，未坐底在門口已經要求我地叫定食物仲要即時比埋錢先比我地坐底，鋪位太窄已經擠左入去坐下，有朋友想叫多碗多賣，店務員離遠遠用手勢要求又我朋友迫反出去先可以order, 佢示意佢是唔會入黎的。我地叫左熱嘅蛋白杏仁茶，黎到又唔熱，味道如即沖甜品，即沖杏仁漿再溝生水咁，果陣味難食到一試難忘⋯仲要賣到成$49一碗，超級難食，呢間野搵笨，服務態度更加不願置評，以後都唔會再去，非常失望！

甜姨姨私房甜品 #銅鑼灣美食 拿～而家食刨冰🍧嘅地方愈黎愈多點樣突圍而出呢？就係口味都要創新我由細細個已經好鍾意食花生醬🥜食到今時今日咁嘅身型😅無論身型如何 見到花生醬口味刨冰🍧已經一早喺我口袋list✅@auntiesweetcwb 醬爆$98刨冰上面淋左花生醬 煉奶 豆腐味嘅cream🤤旁邊仲附送3塊一口多士配上煉奶好脆又好味😋感覺刨冰比起另一間知名刨冰店係冇咁滑嘅 但不影響味道 唔夠醬嘅話 佢有一杯花生醬溝煉奶嘅醬ready比你淋上去🥜齋食冰其實好寡 所以佢醒目中間會有花生芝麻碎中和返個口感👍

雖然呢排天氣轉涼，不過見到甜姨姨新出🎄聖誕限定嘅Lotus餅雪花冰真係好吸引，所以即刻約埋朋友去試吓！😍 呢碗冰嘅賣相真係好得～💝 店員送上黎時，我哋都忍唔住嘩一聲😆 雪花冰比想像中更大份呢！店員好細心教我哋食法，由上而下咁食，食到一半再加汁～ 雪花冰質感好綿滑，Lotus焦糖醬口味香甜，上面嘅咖啡cream好香咖啡味，食到中間好有驚喜，原來入面有好多配料！🤩 食到有Lotus餅碎、咖啡啫喱、美祿波波等，口感層次好豐富～😋 我哋再叫多咗個bagel，都係聖誕期間限定嘅Lotus餅口味！😍 bagel口感煙韌，上面佈滿Lotus餅碎，加埋煉奶，估唔到都幾夾！👍🏼今餐甜品真係好令人滿足～😚 下次黎開銅鑼灣一定要encore試埋其他口味嘅雪花冰！

成班朋友食完飯仲肚空空梗係搵碗糖水食吓啦🤭舊址呢個位置都係糖水鋪好彩我哋算早，唔洗排隊就入得呢度有冰食，又有傳統糖水仲有飲品同bagel揀，任君選擇呢期仲有聖誕甜品☃️好可愛見到好多人叫冰，大大碗好吸引🤩不過我哋怕太凍，都係叫返啲傳統啲嘅一共叫咗五款糖水⬇️芒果紫糯米🥭紫糯米軟糯，煮得夠綿可惜嘅係個芒果有啲酸⬇️楊枝甘露餐牌有講佢哋嘅楊枝甘露係清新無奶牌正👍🏻👍🏻用晒芒果汁做底，西米西柚都足料⬇️芒果大合奏大合奏顧名思義就係咩都有🤪由芒果雪糕，芒果布甸，芒果乾，芒果肉今次呢碗個芒果又甜喎一次過滿足晒想食唔同嘢嘅慾望🫶🏼芒果乾比較少見加喺甜品度增加咗糖水嘅層次感⬇️即撞木桶豆腐花成個木桶上枱，夠晒味道豆腐花熱辣辣，口感幼滑⬇️榴槤豆腐花一見到menu，我已經對佢心有所屬果然無令我失望😍😍😍😍榴槤榕同豆腐花好夾，兩樣都滑嘟嘟榴槤夠香，又唔會搶晒豆腐花嘅味道十分推薦比鐘意榴槤嘅朋友👍🏻😋😋幾碗糖水質素都唔錯當日在場都有人叫bagel睇落都好吸引遲啲天氣暖返要去試埋佢哋嘅冰同其他產品🤣

自從甜姨姨於銅鑼灣開設分店後新意層出不窮，「醬爆」奶醬脆多刨冰、「黑極」黑芝麻豆腐刨冰、「初心」草莓乳酪刨冰、「留戀」榴槤豆腐花刨冰等刨冰享負盛名，更繼往開來推出貝果系列，譬如經典拉芝貝果、雙重肉鬆芝士貝果、OREO麻糬貝果等依然備受好評。「出新」未必「推陳」，楊枝甘露、榴槤豆腐花、芝麻糊等經典甜品依舊保持水準，新派舊派共冶一爐，餐牌選擇多得令人眼花撩亂。甜姨姨18小杯瘋味甜品Box Set ($388) 正正能夠滿足所有願望，十八款不同甜品分別以小杯盛載，不論獨享抑或是用於派對或作散水餅都同樣一流。整個Box Set以一個手提透明膠盒包裝妥當，既整齊又方便外賣，而且每小盒蓋上亦有列明甜品名稱，一目了然。芒果系列包括楊枝甘露、芒果三重奏、芒果紫糯米及芒果乳酪奶凍，芒果三重奏以芒果布丁加上芒果乾及鮮芒果，芒果味道與口感都層次豐富。榴槤奶凍及榴槤紫糯米兩款榴槤甜品飄香千里，尤其是榴槤奶凍更真材實料用上足足半杯榴槤肉，濃厚得齒頰留香。金箔西米奶凍、OREO奶凍、草莓乳酪奶凍及紅豆奶凍同樣軟滑綿密並充滿奶香。OREO麻糬、草莓乳酪麻糬及紅豆麻糬底層為鮮奶麻糬，黏糯煙韌配以OREO碎口感最為

嚟過甜姨姨幾次，但今次係第一次食刨冰，冬天食冰最有氣氛😍見到有個聖誕限定嘅雪中尋"脆", 面頭有雪人曲奇，同埋會俾塊Lotus焦糖脆餅你自己佈置個冰，又靚又有得設計好爽😜刨冰上仲舖左一層coffee foam, 勁香濃，雖然個冰底係焦糖味，但比較清唔會太甜，食到一半見到裡面內有乾坤，有焦糖餅脆脆，花生，穀物脆脆等，口感好豐富，味道夠濃厚，不經不覺已經k. o.晒成個冰😂之後仲叫左個Lotus Biscoff Bagel, 咬落去暖笠笠又煙韌，面頭舖滿焦糖脆餅碎，同埋佢塗左個Lotus Biscoff醬焗過，勁香口🤩作為Lotus控，毫不猶疑咁叫埋個心太軟，Lotus味嘅心太軟第一次見，仲配左Movenpick Vanilla雪糕，冷熱交融好正！ 一切開心太軟見到好流心好治癒，質地幾thick, 焦糖脆餅味好出🤤

/聖誕🎄限定Lotus刨冰🍧😍焦糖餅乾脆脆/焦糖心太軟依個配搭太有冬天聖誕vibe啦🥰☃️不得不試●Lotus chritmas雪中尋脆● （9.5/10）首先係外型夠曬吸引🥰有個好可愛既⛄️曲奇係上面，下面係一層400次咖啡泡沫🫧忌廉，再灑上焦糖Lotus脆脆😋食到一半就開始見到個fillings有好多焦糖Lotus脆脆同咖啡凍。食落超多重口感。天氣凍都不阻我黎試聖誕限定刨冰🙈💰148●Lotus心太軟● （9.5/10）依個心太軟太有誠意了外表外脆內軟食落香口，融合曬Lotus既味道而入面既Lotus流心超濃滑🤤再配上雪糕同碟上既Lotus脆脆🫣真係夠曬滿足同邪惡🥰💰98食物：⭐️⭐️⭐️⭐️⭐️環境：⭐️⭐️⭐️⭐️⭐️價錢：⭐️⭐️⭐️⭐️⭐️人均：$1xx📍甜姨姨私房甜品 (耀華街) (銅鑼灣)銅鑼灣耀華街11號地舖

ℂ𝕎𝔹 • 甜姨姨私房甜品 🍧📍銅鑼灣耀華街𝟙𝟙號地舖::::::::::::::::::::::::::::::一直對 @auntiesweetcwb 的奶醬多刨冰🥜 念念不忘，今次回訪是為了聖誕節全新限定Lotus 系列！🎄🍧Lotus Christmas 刨冰 $148頂層是400次咖啡奶蓋☕️，插著薑餅人曲奇及聖誕彩珠，配料有大量Lotus 焦糖餅碎、Reese波波及咖啡蒟蒻，咖啡味道香醇帶甘，層次感豐富。🍪Lotus Biscoff 心太軟 一切開焦糖醬滿湧，一冷一熱的配襯雲尼拿雪糕。🥯Lotus Biscoff 貝果包體偏韌，啖啖都是脆口的Lotus 焦糖餅乾及焦糖醬。🖤黑芝麻豆腐刨冰 $98一向很喜歡黑芝麻加豆腐的組合，味道清新。刨冰裡有芝麻雪糕及芝麻粉，底部是豆腐花，頂層放著一小卷黑芝麻餡蛋卷，豆腐奶蓋可以多些～🧀 雙重肉鬆芝士貝果比起甜貝果，更喜歡鹹味配搭的貝果。芝士肉鬆份量十足，口感外脆內軟，非常推介。

【甜姨姨又有新搞作啦喂！😽】/////甜姨姨間唔中都會同本地創作人士合作推出期間限定產品 包括大大與小妹、啊祖等等(´▽｀)而由12月份開始 佢哋就推出左個自家限定Lotus系列刨冰以及貝果 同大家過一個甜甜蜜蜜嘅冬天🤤.👉🏻 甜姨姨聖誕力作(DEC-FEB)lotus biscoff X Auntie Sweet Dessert 刨冰上面有塊香脆嘅聖誕樹餅乾裝飾🎄配搭400次咖啡忌廉泡沫☕️質感香滑 咖啡味濃郁 有微微苦澀〰️而刨冰汁就就加入左Lotus餅亁製成嘅焦糖醬 甜度適中 可以中和到咖啡忌廉泡沫味道 中間有咖啡奶凍以及焦糖脆脆 配料好豐富😝貝果外皮偏脆以及硬身 要用多啲牙力先食到🤣表面加左大量lotus焦糖醬以及餅碎 甜度比刨冰高 最特别係小編同朋友都品嚐到叉燒醬嘅風味 ——--📍甜姨姨私房甜品 (耀華街) (銅鑼灣)銅鑼灣耀華街11號地舖

大家都知甜姨姨出親新款我哋都會去支持💛最近聖誕節🎄推出咗3款𝑳𝒐𝒕𝒖𝒔甜品，包括聖誕刨冰🍧/𝒃𝒂𝒈𝒆𝒍🥯/心太軟🤎！草根姐妹身為𝑳𝒐𝒕𝒖𝒔同甜姨姨 𝒇𝒂𝒏，當然即時🐶衝去試吓！ .📍𝑳𝒐𝒕𝒖𝒔 𝑪𝒉𝒓𝒊𝒔𝒕𝒎𝒂𝒔 刨冰($148)（全新限定） 呢款刨冰係我哋食過咁多次口味中最鐘意嘅一款🤎 頂層有一大堆400次咖啡忌廉泡沫同𝑳𝒐𝒕𝒖𝒔焦糖餅碎❤️‍🔥食落咖啡味超香☕️！刨冰一如既往咁幼細🍧，加上大量𝑳𝒐𝒕𝒖𝒔 焦糖醬堅係超香。食到中間仲有咖啡啫喱、𝑹𝒆𝒆𝒔𝒆'𝒔 𝒑𝒖𝒇𝒇同𝑳𝒐𝒕𝒖𝒔焦糖餅乾🍪口感豐富。最後加埋雪人曲奇同聖誕彩珠做裝飾，又靚又好食😋。 佢係季節限定，只係做12月同出年1月，想食真心要快手✨！ .📍𝑳𝒐𝒕𝒖𝒔 貝果($68) (全新限定） 𝑩𝒂𝒈𝒆𝒍中間塗滿𝑳𝒐𝒕𝒖𝒔焦糖餅乾醬同大大粒餅碎🍪，熱食嘅𝑳𝒐𝒕𝒖𝒔 味道更濃郁🔥！𝒃𝒂𝒈𝒆𝒍唔會太硬，焗完外層脆脆地，整體都幾好食💛 .📍 𝑳𝒐𝒕𝒖𝒔心太軟($98) (全新限定） 心太軟中間係流心嘅𝑳𝒐𝒕𝒖𝒔餡，味道鹹鹹甜甜，質感比較杰身，算係3款甜品中最甜嘅一款😆要挑剔嘅係蛋糕外層如果做到微脆會更好。旁邊有球𝑴𝒐𝒗𝒆𝒏𝒑𝒊𝒄𝒌 雪糕🍨

喺銅鑼灣行完街想食甜品，黎咗Times Square後面街嘅呢間甜姨姨。呢到有各款中式、台式甜品同飲品，更加有刨冰同bagel食。平時都會買Lotus Biscoff食，睇menu見咁岩做緊用Lotus Biscoff做主題嘅聖誕期間限定甜品，當然唔可以錯過。Lotus Christmas Snow Dome $148最期待當然係呢款加入咗Lotus Biscoff嘅刨冰，一上枱勁大份又勁靚呀，面頭仲有隻好可愛既薑餅人曲奇。最頂層係打咗400次口感綿密嘅coffee foam同焦糖餅碎。配合返今次嘅主題，刨冰係Lotus Biscoff味嘅，食到半路仲見到個冰入面有coffee konjac jelly同鹹香花生puffs，增添口感。Lotus Biscoff Lava Cake $98另一款心太軟，同樣加入咗Lotus Biscoff去整，加埋焦糖醬，食落甜得黎帶少少鹹味。心太軟即叫即焗，暖暖嘅流心夾埋movenpick嘅雲呢拿雪糕，一凍一熱，超正。Lotus Biscoff Bagel $68除咗甜品，仲叫埋bagel。Bagel烘到好脆身，面頭搽滿焦糖醬同撒滿Lotus Bisc

銅鑼灣聖誕限定刨冰新品 每次行過呢間都勁多人 今次晚市黎到又排大隊 冬天食刨冰最開心.⭐️Lotus焦糖餅乾刨冰$148成個刨冰有好多層次表面有雪人曲奇 咖啡奶蓋 焦糖餅碎碎佢地連糖漿都係用Lotus biscoff去整👍🏻所以刨冰重焦糖餅乾味 甜度岩岩好😅但咖啡奶蓋 咖啡味更重 搶哂其他味道👍🏻如果刨冰糖漿唔夠都可以問店員拎刨冰都幾大 份量夠2個人分 而家賣相都幾吸睛餅乾味食完有飽肚感 整體幾特別.咁多隻味 暫時最鐘意桃 同芒果味.#甜姨姨私房甜品 銅鑼灣分店地址：銅鑼灣耀華街11號地舖.⭐️評分：味道：3.5/5環境：3.5/5服務：3.5/5抵食：3.5/5

成日會想像甜姨姨係一個好潮嘅auntie，事關拉芝bagel 、榴槤豆花、18小杯甜品乜乜乜，久唔久auntie就有新搞作。今個🎄聖誕限定款「Lotus x 400次咖啡刨冰」，好多層layering，Lotus焦糖餅本la啦、Lotus Biscoff 醬la、餅乾碎la、花生醬la、咖啡蒟蒻la、咖啡泡沫刨冰la…..blablabla，嗯文字講解完都覺得飽，食埋，200%飽，建議留返1/3 個胃先好挑戰。食甜係開心事，太飽就盞辛苦自己😂。至於個Biscoff Bagel，啲Lotus Biscoff 醬多到睇唔返包體原本色澤，加埋大量Lotus餅碎，正宗係美式邪惡口味🥴！不過其實仲未夠惡，lava cake嘅流心醬更終極，基本上甜度都係嚟自內餡，隔離嘅雪糕都變成點綴，冰火交替甜度互補。三款 #Lotus甜品啱晒冬天增脂保暖，❤️‍🔥。