甜姨姨私房甜品 (清風街)

营业中

休息中

💛甜姨姨最新推出夏日清涼飲品😍「爆芒」特飲內有極多七彩爆炸糖，糖果喺舌頭一粒粒爆開，滋滋滋嘅聲音由頭飲到落尾都仲有，好過癮！🤪🤪而且仲有超多芒果丁，真材實料！💛🥰呢杯甜蜜小確幸💥爆芒特飲🥭為大家消消暑😍呢杯重量級爆芒特飲入面有超多芒果丁，超fresh又足料🤤 比你夏日陽光猶如初戀嘅感覺🥰 而且飲品入面仲有大量七彩爆炸糖！一粒一粒嘅糖喺舌尖上炸開，爽到炸裂💥！飲到最尾都仲爆緊，呢種滋味，試過就知正😋📍甜姨姨私房甜品天后清風街13號地下

店鋪：甜姨姨私房甜品 (天后)地址：天后清風街13號地下炎熱暑假嘅尾聲🌞，去咗天后區甜品黃店解一解暑🌬。呢間星級甜品店「甜姨姨私房甜品」，推出咗全新「爆芒」特飲💥🥭，想趁住呢個機會為大家送上冰涼爆炸甜蜜蜜小確幸🥰呢杯「爆芒」($48)唔係講緊手機跌咗落地果種嘅「爆Mon」📱，而係香甜芒果同芒肉汁🥭，加上爆炸糖、椰汁冰、沙冰🧊，製成嘅特飲🍹，包你飲一啖，個口入面都會不停涼浸浸咁爆黎爆去😏，係好sweet好新奇嘅消暑飲品呀❄️今個炎熱夏天🥵，等甜姨姨幫你解解暑🤤☃️

今日食完飯之後口痕想食下糖水，一於試吓令一間係天后區內好出名嘅甜姨姨，因為疫情關係唯有繼續外賣自取😩😩先講呢個鹹蛋黃魚強，原來我冇叫到架，老闆突登附送，但實在太好食太過分啦❗️魚蛋好彈牙，但重點就落咗喺個鹹蛋黃醬度，鹹蛋味好粥，右足了，配埋魚蛋簡直係絕配，搞到我第時應該會忍唔住要買嚟食😩講番糖水先，楊枝甘露$44芒果大大粒又甜，平時叫楊枝甘露最怕太芒果太酸，但呢度完全冇呢個問題，要留意係呢度既唔加奶，整得黎講好食👍🏻👍🏻腐竹白果糖水 $30不過不失，食得出落左好多料去整，d甜味新鮮煲出黎👍🏻👍🏻

同朋友銅鑼灣行完街，想搵個地方食糖水，知道天后個邊多糖水舖，唯有去遠少少食。行過見到呢間好多人食，所以入去試下。menu 都算多野揀，芒果類嘅甜品係首選，而且好多都有特色，唔係成日食來食去個種👇🏻 叫左個芒果紫糯米，芒果🥭都幾香，無渣，但紫糯米有少少淡味，鐘意食清清地嘅朋友應該鍾意,仲有西米露係入面 👇🏻同埋木桶豆腐花（大）職員會俾你個計時⌛️器，夠鐘先可以打開架！豆腐花俾我想像中滑溜，熱辣辣食嘅感覺好👍🏻

甜姨姨都算係天后䇄立多年，仲要係黃店，又成日見佢排長龍，所以一於試下！🤓-點知都有啲失望，首先定價都算小高，特別芒果招牌的要$50一碗，好似我地叫左芒果大合奏咁，入面有芒果乾，芒果，芒果蓉，芒果布丁同芒果雪糕😂啱晒芒果控！佢地的芒果真係香甜，係我中意濃味芒果的味🥰 芒果數量都唔小，撈勻食真係好大芒果味🥭 但芒果雪糕味好假，係雀巢個啲唔高質的雪糕🤭 芒果布丁都係好大芒果啫喱的感覺🙈 所以其實麻麻地，又唔太特別😖-另一個時令鮮果雪沙更離譜😰當日係菠蘿味，點知來到好淡，完全得小小菠蘿味🤯 冰就多仲要啲冰唔夠碎，成日都有啲一舊舊😩 跟住又係有芒果汁，芒果肉，同埋一樣的芒果雪糕，搞到我都分唔到究竟食緊菠蘿定芒果🤨 唯一個分別就係有啲菠蘿肉... 整體呢間我覺得係得芒果甜係賣點，但比較貴，值唔值就個人意見啦，我就覺得麻麻😢

今次同朋友一齊去銅鑼灣食晚飯，食完晚飯之後發覺都唔係特別飽，都想去食返個糖水。今次叫咗兩個糖水，一個係芋圓，另外一個係芒果大合奏。首先我講咗個芒果大合奏先啦，其實芒果大合奏本身個芒果汁嘅底其實係好食嘅，而且佢入邊都有雪糕，一啲芒果肉，本身加埋其實都好好食嘅，不過我就略嫌佢覺得佢有啲芒果乾就有啲奇怪，因為本身其他所有嘅嘢suppose都係比較濕潤嘅，但係我到時呢個就乾身嘅話就感覺上好似有啲奇怪，而且佢價錢$50 ，我覺得其實有啲唔係好合理，即使話係港島區來講，所以我覺得有啲貴。另外我個芋圓其實係有待改進，芋圓佢整到其實係OK嘅，但係只不過係個底有啲問題，因為我本身係叫咗個薑汁湯底，我覺得佢同仙草嘅感覺唔係好配合，而且佢仙草都唔係話整到好滑，同埋佢有個薏米喺度所以我覺得個口感係真係有啲奇怪，不過其實佢係一間黃店，而且佢位置真係都幾好嘅，因為佢近銅鑼灣，所以話有陣時同朋友一齊食晚飯但係就唔知去邊度好，咁我喺銅鑼灣行過嚟都唔係話好耐，大家都方便走嘅，所以我覺得係適合一大班人，可能食完個晚飯唔知去邊度好，咁就大家一齊食個糖水，咁我覺得呢個係一個不二之選囉，但係都希望餐廳可以做好少少個芋圓啦，因為

見到士多啤梨味既糖水都比較少見粉紅色好有少女心就叫左黎試下、點知伏伏地呢個$44士多啤梨乳酪西米露得一千零一粒（仲要半瓣）士多啤梨🍓係有好多西米、但啲西米大部分都係未煲熟就雪凍左既 成粒硬粒咁加試啲口感似椰果既（叫寒天？總之係煙煙銀銀配落去一碗好酸既士多啤梨乳酪有少少太酸、係少少沙冰既質地整體來講係唔好食既幾失望、難得有粉色系列既糖水可惜味道好一般、西米質感亦麻麻個碗仲要都好細碗下盛惠港幣40大元反而啲正正路路既糖水就合理啲正常芒果西米露$42但都係算細碗

琴日見甜姨姨係instagram 出新post，而我又勁鍾意嘗試新產品嘅我，當然收工約三五知己去食好西啦唔知係咪落雨既關係，平時爆滿既甜姨姨，今日竟然唔洗等位我地order左仙草芋丸，芝麻豆腐西米，芒果三重奏，同今日既主角<鬱金香水果三文治>，有食開甜姨姨既人都不用多話前三樣甜品，我今次呢個post 主要係講水果三文治我問職員點解叫鬱金香三文治，職員叫我仔細睇三文治中間,一望落去呢個手工作不得了，佢係用色彩繽紛既水果拼出嚟，淨係三文治都夠我打左卡先。打完卡當然要初嘗三文治，有d似食pancake既感覺，裡面有忌廉，酸酸甜甜，唔會輸比pancake 呢個三文治值得推介，職員話每日有限量供應同期間限定，錯過左就無架啦

Came here for dessert, it’s not too crowded. My friend recommend the durian bean curd jelly, I love durian as it’s nutritional, creamy and rich. Never have I tried it with bean curd jelly though.The taste and texture of durian actually goes very well with the 豆腐花 ( it’s has durian taste in it). So there’s also some durian paste on it. I would highly recommend this if u love durian!

好掛住甜姨姨的榴槤，之前疫情咁緊張，唔敢過香港食，而家好返咁多，梗係即刻仆出嚟食，嚟到見到好多人，可能個個都好似我咁，忍咗好耐🤣🤣🤣今日同朋友share 一個榴槤雪沙，真係滿足哂榴槤慾望啦😋😋，榴槤好甜，好靚，成碗都係榴槤整㗎😱😱😱，榴槤肉，榴槤沙，榴槤汁，榴槤脆。。。仲有好多，唔記得咁多，總之全部都係榴槤啦。順便一提，甜姨姨真係好貼心，我唔小心整跌咗個口罩，有一個我估係老闆娘嘅女士即刻話可以免費攞一個，真係好感動呀，因為我冇預extra, 如果唔係我就要搵地方買一盒啦。加油呀甜姨姨💪🏻

同朋友食完飯，見天氣咁熱，走左去附近既糖水鋪食個糖水，由於剛剛食得太飽既關係，我同朋友都點左兩杯野飲hea下時間滑嘟嘟個底其實係青檸啫喱底，但佢個青檸既味道不會太濃，始終佢地係一杯芒果飲品芒果汁x青檸啫喱其實好夾,期待下次試甜姨姨既椰芒滑嘟嘟香榴連滑嘟嘟店內冷氣整體黎講都舒服，不知道是不是有限聚令，坐位也比以前寬敞，等候既時間也不會太耐，原來甜姨姨有兩層的，所以大家也不用擔心天氣熱，等候的時間太久

叫咗個草莓城堡，本身就係想食下生果唔想太甜，點知剩係得好假味嘅士多啤梨糖漿，雪糕同忌廉又唔多。好快就變咗麵包點m記士多啤梨醬。雖然個麵包烆得幾好食，奈何佢啲配料太差，得啲棉花糖粒，超級失望。因為menu張相有唔少生果，我都問咗店員會唔會係落漏咗，但係佢哋答‘乜有生果咁驚嚇㗎咩’。但係都’盡量’滿足我哋嘅要求，後加左一粒細士多啤梨俾我哋。可能佢其他野真係好食，但係呢個城堡實在太難食。 (((((((((((((

幾乎每次入天后，我都會幫襯甜姨姨～​呢度嘅招牌即撞木桶豆腐花真係不得了！！原隻小木桶咁上，連埋個計時器，計準時間即開箱～打開後用隻鐵匙羹晾上去，無沉底即可食用，計算精準，十分講究！​話雖如此，唔係靠gimmick，呢間嘅豆腐花都係我食過嘅入面最好味！沒有之一，十級推薦！熱辣辣嘅豆花入口即溶，黃豆香緩緩擴散晒整個口腔，加埋黃糖咁食，食時有種沙沙地嘅質感，幸福感滿滿另外，我仲點咗椰汁涼粉水晶珠，佢個椰子雪葩好濃郁，食時伴著椰汁、水晶珠同涼粉好有咬口，爽爽甜甜，唔錯！​我好鍾意甜姨姨可以比客人揀糖水用料，例如糖尿病人，即便用冰糖做嘅糖水，都唔適宜吸收太多，佢哋可以加HK$3，轉做超級代糖「甜菊糖」開出嚟嘅糖水，加落甜品度食，有益又健康！​今次試咗即撞豆腐花，佢哋嘅榴槤系列其實都好正，大家有機會要嚟！​

小編今次搭叮叮去到天后，試吓呢間叫甜姨姨嘅港式甜品舖，呢間舖以前成日爆場好旺，但因為疫情嘅關係，小編食嘅時候都係得一枱客😭 麻煩大家幫手大大力share等多啲人去試吓甜姨姨嘅甜品😆 聽個名就知係將唔同有芒果嘅嘢都擺埋一齊再嚟個crossover，入面有芒果雪糕、芒果蓉、芒果布甸、芒果雪糕，仲有一樣真係諗都無諗過嘅芒果乾～ 芒果乾切絲同埋啲芒果蓉同雪糕一齊食，啲芒果乾好有咬口，個芒果味仲更加突出～

同朋友來到天后附近吃完飯，搵間甜品舖坐坐，繼續吹水，朋友介紹呢間，坐低望望餐牌，確實有好多款甜品，這樣的情況下，選擇困難症又出現喇，經過十多分鐘嘅討論，好想食榴槤嘅我，因為朋友唔喜歡那個氣味我放棄了。椰香芋茸珍珠露~個人比較喜歡濃味，椰汁味甜品啱我，這個也好吃，不過比較甜，香竽夠香，珍珠爽爽哋，整體上都不錯。芝麻豆腐西米露配豆腐雪糕~朋友喜歡吃凍的甜品，我也試了一口，芝麻香且有益，朋友話配豆腐雪糕味道好夾。另一朋友後到揀咗芝麻沙冰之類，佢行到好熱，一口氣飲曬，我都唔記得影相添。