甜姨姨私房甜品 (清風街)

营业中

休息中

同朋友去天后食飯，由於比較遲食飯，所以先食甜品，呢度除咗甜品之外，仲有小食，啱晒貪食嘅我。蕃薯手工芋圓（熱）$58 （+$8 椰果）非常養生，又足料嘅番薯芋圓湯，入邊有好多材料，包括豆腐花、芝麻湯圓、薑湯 、手工三色芋圓、薏米、珍珠，蕃薯🍠。芋圓好Q彈，番薯薑湯好養生，適合周期性不適嘅女仔。綠茶豆腐西米露 $48揀咗芝麻雪糕球，綠茶豆腐整嘅西米露好特別，配合芝麻感覺好好。六小寶 $88 呢個感覺上有啲似日式嘅便當盒，糖心蛋同埋花生糖不甩，經典好食。草莓忌廉窩夫脆脆，吉列炸蝦🍤大大份，炸燒賣脆脆地幾好食。芒果特飲值得一讚就係好多芒果，仲有啲椰子奶，非常之好飲。評分：環境：⭐️⭐️⭐️⭐️食物：⭐️⭐️⭐️⭐️整體：⭐️⭐️⭐️⭐️

由著名影星陳家同金牌監製戚其義投資的 天后甜品店,平日長龍不斷,深受區內外街坊歡迎。碗仔翅深啡色的湯頭,又香又濃,木耳又脆、冬 菇又彈,啖啖充實,認真充料!即撞木桶豆腐花,香滑而且豆味香濃,無需加糖 已經超好食。六小寶懷舊小食盤,有久違嘅三色啫哩,醬油溏 心蛋,健康又好食!另外有兩款街頭小食,今次揀左吉列炸蝦同洋葱 圈,金黃鬆脆的外層令人垂涎欲滴。洋葱圈金燦 燦外酥裹嫩,味道香脆!士多啤梨忌廉芝士牛角窩夫,香甜的草莓加上濃 滑的忌廉芝士奶油,相當高質!糖不甩酥滑香甜、醒胃而不膩、味香四溢、老少 咸宜。

1) 甜姨姨天后清風街13號地下食完飯想同朋友傾耐d,所以再搵第二場，食個糖水甜品先返屋企$45 木桶豆腐花最出名，成個桶上，夠2-3個人share ,自家製保證新鮮！豆花好滑有豆香、自己再加糖水/ 紅糖，女生多食豆製品對身體同皮膚好哦！$88六小寶是鹹食小食三寶，要waffle ,小食有腸同椒鹽雞粒、jelly,醬油溏心蛋，糖不甩，仲包杯芝麻豆腐煲！好豐富再點個芒果大合奏，芒果乾，果肉，芒果汁，芒果布甸同雪糕，全黃#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

朋友住在天后，所以下班後相約在天后吃甜品，小聚一下。筆者曾經嚐過這甜品店的即製木桶豆腐花，豆味十分香濃，因此再來光顧。甜品店採用掃描二維碼（QR Code）下單。職員為年輕少男少女，充滿活力。📌六小寶 （Snack Combo） - $88～免費配任何沙冰系列飲品一杯～三色啫喱 （Three-Colored Jelly）～糖不甩 （Glutinous Rice Balls with Peanuts）～醬油溏心蛋 （Soft Boiled Egg in Soy Sauce）～迷你牛角窩夫 （Mini Croffle ） - 三款口味選一～街頭小食 （Street Eats） - 五款選兩款店員捧着一個精緻的木盤子過來，裡面盛載着六款小食，有三款是指定小食。。朋友則覺得六小寶套餐略貴，不捨得一人吃一份，兩個人share吃更好。。三款指定小食的味道都不錯，兩款為甜點，一款為鹹點。筆者最愛吃糖不甩，煙煙韌韌的湯圓配上花生碎及砂糖粒，口感豐富，而且小湯圓內還有芝麻蓉作餡料。筆者點了港式奶醬口味的迷你牛角窩夫。「奶醬」其實是煉奶（Condensed Milk）和花生醬 (Peanut Butter

最近去咗天后甜姨姨食tea，估唔到港式甜品都可以有驚喜。首先係佢哋嘅即撞木桶豆腐花，真係即叫即整，香滑到不得了，豆香味好濃，唔需要加糖已經好好食。六小寶懷舊小食盤，有三色啫哩，味道唔錯，仲有醬油溏心蛋，健康又好食，幾值得一試。髒髒朱古力迷你牛角窩夫用咗大量朱古力粉，滿足朱古力控。炸燒賣都幾特別，之前未食過。椒鹽雞粒同司華力腸都好惹味，搭配埋一齊食好開心。餐飲芝麻豆腐杯，味道似芝麻糊豆腐花，口感就似smoothie 夠哂厚實，消暑又好飲。最後叫咗芒果大合奏，有芒果肉、芒果乾、芒果汁、芒果布甸同埋芒果雪糕，每一啖都可以試到唔同芒果甜品嘅combo。有咁多芒果產品，簡直完全滿足我對芒果嘅慾望。

原來甜姨姨除咗甜品都仲有鹹食呢個六小寶就齊晒香港懷舊食品一次過可以體驗到香港嘅特色食品六小寶係以一個木盒載住分成咗六架：1. 港式奶醬窩夫🧇脆卜卜嘅牛角包窩夫 配合大量嘅花生醬 好滋味呀2. 吉列炸蝦🍤洋蔥圈 呢個係自選嘅食物 有啲炸物食 再加埋杯沙冰真係好襯呀3. 糖心蛋 流心嘅蛋黃 加埋入味嘅豉油4. 充滿懷舊色彩嘅啫喱糖5. 糖不甩 芝麻餡 出邊有花生同埋芝麻碎 有口感最後就仲有杯招牌嘅沙冰 呢個係呢間餐廳多年嘅招牌貨 我最鍾意就係食芝麻沙冰因為好似真係食緊個芝麻糊咁特別做好滑捋捋之後嗌咗個龍眼涼粉冰 我哋加埋西米 變到好似成座山咁樣龍眼冰好清甜 仲有粒龍眼肉 真材實料木桶豆腐花係我哋第一次食原來呢個木桶豆腐花係咁滑捋捋仲要好香豆香味個狀態就係啱啱凝固嘅時候咁樣出邊係食唔到呢個口感架

喺銅鑼灣食完飯之後想食甜品，喺維園散吓步可以嚟到天后嘅甜姨姨食個甜品。甜姨姨應該冇人唔識嘅甜品店，除咗位置方面之外仲有鹹點同甜點，宵夜一流👍🏻見到餐牌有一個好吸引嘅選擇叫六小寶，啱晒未食飽嘅朋友🤭🍱六小寶 ($88) 包括三個鹹點同三個甜點同埋一杯飲品，好啱啱兩個friend一齊食鹹點有椒鹽雞粒、炸燒賣、糖心蛋甜品有港式奶醬waffle、糖不甩版嘅芝麻湯圓、果汁啫喱另外仲有多杯飲品，有唔同嘅沙冰等等🍨木桶豆腐花($45)呢個都係一個驚喜，豆腐好滑，口感好好呢間老字號都有好多唔同嘅甜品選擇，有機會大家都可以試吓去呢兩款野食🥳

今日同兩個閨蜜去食甜品，點了這個小食套餐非常之抵食，有六款小吃和沙冰一杯，都只係$88！沙冰散叫係要$42🍴六小寳🥄已包含三款必選懷舊小食，三色啫喱 、糖不甩、醬油糖心蛋。🥄街頭小食五選二，揀了司華力腸和炸燒賣。🥄迷你牛角窩夫🧇揀了髒髒朱古力口味。仲配任何沙冰系列飲品一杯，我地選擇芒果豆腐杯。即是豆腐味的沙冰，加上芒果肉。尋榴敢材料非常豐富，一上枱已經聞到濃濃榴槤香味，除了榴槤肉外還有豆腐花、涼粉、椰果、奇亞籽。木桶豆腐花用木桶裝住好精緻，紅糖自己加，豆腐花非常滑豆味香濃。

天后甜姨姨係我細個嘅回憶，以前放學或者朋友聚會完畢都會去食🤣今次再次嚟到尋找回憶回憶✨★"`'-.,,.-'`"-.,☆,.-`'`-.,,.-`'`★-.,,.-*🤍招牌木桶豆腐花 $45 (製作需時，需要等15分鐘）木桶豆腐花絕對沒有有比之前遜色。第一次食係10幾年前，但到而家一直keep到水準🤍豆腐花好重豆香味，每一口都非常滑。客人可以跟隨個人喜好加紅糖。🤎六小寶 $88係好有驚喜嘅六格小食再加一款沙冰🥤三色啫喱同埋溏心蛋係指定嘅，另可選一款迷你牛角窩夫🧇及三款小食🍢🧇迷你牛角窩夫又我最喜歡嘅奶醬味🥜所以二話不說揀咗，仲整到外脆内煙韌，好滿足🥹另外小食我揀晒三樣炸嘢😂吉列炸蝦🍤炸燒賣、炸雞😂😂完全啱晒我。🥤芝麻豆腐沙冰平平無奇但係非常出色！芝麻味同豆腐味都係好濃郁！味道好清新，非常適合呢一個10月仲係咁熱嘅天氣去飲！

早排同朋友係大坑食完飯，諗住去天后食埋甜品，朋友帶路去左呢間老字號甜品店「甜姨姨」餐廳主打榴連同豆腐系列既甜品，今次叫左幾款水準都好高，值得一試木桶豆腐花 $45豆腐花食得多，原桶木桶上真係好少見，黄豆味香濃，入口又香又滑，大滿足榴槤紫糯米 $58榴槤肉香甜滋味😌紫糯米有咬口，配上椰汁香甜滋味，鐘意食榴槤既朋友仔要試下六小寶 $88用左木盒放幾精緻😀已包懷舊小食、迷你牛角窩夫同街頭小食，打卡靚又好食😋除支基本三色啫喱、醬汁糖心蛋，今次仲揀左草莓忌廉牛角窩夫、吉列炸蝦、椒鹽雞粒同司華力腸，份量剛剛好，特別喜愛椒鹽雞粒，外皮香脆，香口惹味，牛角窩夫有酥脆效果♥️另外仲包左杯芒果豆腐杯，十分冰凍好清爽，豆腐味香濃，加入芒果粒香甜大滿足☺️

下午茶好肚餓，好彩有間甜姨姨～ 有好多小食選擇，有鹹有甜～ 梗係先嚟一個甜姨姨三寶，再加木桶豆腐花、熱紅豆沙～ 想嗌多個六小寶、但程式表示售罄🫠紅豆沙最先嚟到～ 豆沙好甜好綿密～ 木桶豆腐花即叫即制，要等15分鐘～ 但等待係值得嘅，豆腐花真係超級軟滑😍 甜姨姨三寶即係有魚蛋、蒸燒賣、腸粉～ 加滿豉油、甜醬、芝麻～ 想要少少辣，問侍應姐姐拎咗包辣椒醬，點知佢仲請我哋試吓食埋麻辣醬🤭😋好滋味講講吓～ 侍應姐姐就話推介我哋食最新退出嘅「六小寶」～ 我話我好想食，但你哋售罄～ 佢話哎呀程式未開返，於是幫我落單 🤣🤣🤣 所以最後我哋都食到！ 六小寶六小寶好豐富，可揀一款口味嘅迷你牛角窩夫、兩款街頭鹹食、跟糖不甩、三色啫喱、豉油糖心蛋～ 仲隨餐附送一大杯冰沙可以自選口味～ 可惜冇咗糖不甩，於是揀咗炸蝦做替代品😆 每款小點心都即叫即制，所以熱辣辣～ 髒髒朱古力窩夫佈滿朱古力醬同朱古力粉，充滿濃濃嘅朱古力味～ 街頭小食揀咗炸洋蔥圈，椒鹽雞粒～ 雞粒真係必食呀！ 超香口～

首先想讚一讚店內嘅職員好友善好Nice🥺好耐冇試過呢啲賓至如歸嘅感覺🫶🏻憑呢一點已經好推薦大家去食！西瓜涼粉沙冰沙冰嘅質感啱啱好唔會有冰咋！而且飲得出係真西瓜榨成嘅沙冰🍧甜度適中非常推薦！榴槤紫糯米紫糯米煲得啱啱好，唔會太溶爛😳仲食到少少糯米皮嘅質感！榴槤份量都唔惹小😚✨都有幾多下！芒果豆腐西米露呢度啲豆腐花質感真係做得好滑😳芒果份量都好足！有足足半個咁多😋呢個都好推薦！同埋佢位置都好方便，就係天后站5分鐘就到

星期四放工同老公食完kfc之後去左天后甜姨姨食甜品，食完明白所有豆腐製既食物都好出色。木桶豆腐花即叫即撞，所以要等大概15分鐘，但等待係值得既。豆腐花好滑溜，有豆香味，本身已經有甜度，如果想食到糖個種沙沙既口感，可以自己加紅糖，正。芝麻豆腐西米露 (豆腐雪糕)加左$12要小丸子，芝麻豆腐兩種味好平衡，兩種味都食到，豆腐雪糕好重豆腐味，透心涼既甜品。六小寶以六宮格呈上，仲有一杯沙冰飲品。有三色啫喱、醬油糖心蛋，港式奶醬迷你牛角窩夫、司華力腸、吉列炸蝦、炸燒賣，滿足到想食鹹野既心。芒果豆腐杯豆腐沙冰打得幼細，豆腐味濃郁，芒果粒粒都好多，好飲。

未食過d禁難食糖水鋪重點係店員態度極度惡劣！！！！！座位狹窄帶住嬰兒轉個位竟然話我地坐了人地個位？咩叫坐左人地個位 ！？？我地都係顧客 你安排個禁既位怪我地？？識唔識帶位一d愛心都無係人都可以做糖水鋪？唔該老闆再培訓呢個店員呢d垃圾服務態度你挺汁粒 人地食完唔夠一秒收走東西 趕客？呢個肥肥地女人店員 唔炒唔得 影響市容 香港服務業恥辱d茶凍一陣洗手間茉莉花噴劑位味道糖水水汪汪無料 名副其實糖水還要最低消費 唔係馬？

叫咗一個草莓西米露加左水晶珠、味道都可以、但點知有啲西米係生嘅、一啖西米入面有二三米係生既、吐出來係硬既！諗住同佢反映下，點知話事人話係我問題、話因為我叫咗沙冰底、同埋因為我食嘅時候撈勻咗、呢個甜品係唔可以撈勻黎食、唔關佢哋嘅西米事、我聽完佢答、完全唔明白！佢一直指係我問題、因為都唔知呢個係咩邏輯、所以算吧啦、我都只係想話聲佢知有啲西米係生者！之後睇返其他食評、原來態度不嬲都有問題、伏伏伏！好彩只係第一次食、無下次