甜圓坊

营业中

休息中

去開荔枝角長沙灣呢頭，又早左食晚餐，所以行完街想食番個甜品。本身打算食番太子某間台式甜品鋪，點知已經冇做，所以就去左深咩搵食。行下搵下，見到呢間望落普普通通冇咩特別裝修既台式食店。諗緊試唔試既時候，見佢店內食客唔少，再望一望menu，嘩！聽落都知唔細碗既招牌綜合挫冰，四十蚊都唔洗，就試試佢。兩人最低消費要廿蚊，所以叫個挫冰再加多個配料就岩啦。挫冰等左一陣就到，個size絕對係surpirse。其實宜家唔好話九龍，連新界都未必可以唔洗四十蚊食咁多料既挫冰，仲要咁大碗。佢既挫冰果然係招牌，冰山大大座，再俾唔同種類既配料包圍。未開始食，淨係睇到已經覺得好滿足。配料唔止款多，量都唔會度縮。珍珠、芋圓、地瓜圓、紅綠豆、西米、慕米仲有三大舊芋頭。中間既冰山面頭仲有唔少煉奶同奶球既（花？）奶，個底仲有黑糖水。廢話唔多講，總之冇一啖冰係會冇味、冇一啖冰係會冇料。豐富，好食，抵食。

早晨喔✨ 小編決定(盡力)每日一po唔知大家有冇興趣睇？🥺🤩上次介紹平價葵廣甜品 今次介紹位於深水埗超抵食既甜點同台灣野呢間小店早起兩三年前已經開始出名 宜家晏少少去都要等位 都真係幾多人食🤣早晨喔✨ 小編決定(盡力)每日一po唔知大家有冇興趣睇？🥺🤩上次介紹平價葵廣甜品 今次介紹位於深水埗超抵食既甜點同台灣野呢間小店早起兩三年前已經開始出名 宜家晏少少去都要等位 都真係幾多人食🤣招牌綜合芋香剉冰 $35唔好以為呢個價錢份量會好細 佢真係cp值極高 係3-4人份量 仲要兩年前食都係呢個價 超級良心小店🤣首先佢有九種配料，包括有珍珠、芋圓、地瓜圓、小丸子、黃豆、紅豆、薏米、芋頭同西米小編最鐘意係佢哋既薏米 超級健康哈哈(平衡返個內心食咁邪惡既甜品) 其次係芋圓 整得好有咬口但唔會有好粉的感覺佢既珍珠同小丸子都好好食 珍珠落咗黑糖去煮入味得黎唔會煮得太淋身同小丸子一樣都好煙韌 煙韌控最愛🥳佢既芋頭都超大舊 而且甜甜地又綿又滑最後講既係個冰底 面頭淋咗西米加上無限既煉奶 同埋珍珠其他配料既黑糖味都融合咗係個冰度 食落甜甜地食到底都仲有甜味食完就透心涼 消暑必備😍評分: 9.5/10🌟香酥排骨

終於同fds來呢度食啦，bookmark左好耐～.🌼嫩鮮芋奶凍 $25人氣第一糖水。上面鋪滿芋圓，地瓜圓，湯圓，珍珠，紅豆，綠豆仁，西米，薏仁。仲有底係仙草凍。芋圓和地瓜圓都好好味，韌韌軟軟。.🌼招牌綜合芋香剉冰🧊 二人份 $35超大碗而且價錢超平，料勁足。超抵食～裡面的配料跟嫩鮮芋奶凍差唔多，就係多左幾塊芋頭，而底係🧊。.🌼肉鬆蛋餅 $28出乎意料地好味😋雖然賣相睇落麻麻🙈有種係台灣食蛋餅嘅味道，好想去台灣呀。.🌼仙草珍珠撞奶 $20我覺得有d甜，但fds話好飲。.

|深水埗 大大份消暑良品 芋圓凍🍧|今日熱咗少少🥵，口乾舌燥最想食啲涼涼地嘅甜品，就去咗深水埗呢間食芋圓凍或者冰嘅台式餐廳😝🍨 嫩仙芋奶凍 $25有仙草加八種配料1. 薏米 2. 珍珠: 煙韌香甜，中型3.湯圓: 超冧冇咬感，痴牙，超甜，出晒事4. 地瓜圓: 地瓜味可以再突出啲，欠缺煙韌，甜度適中，暖暖地5. 芋圓: 有芋頭味，欠缺煙韌，甜度適中6. 紅豆: 起沙中甜，相對上比較好嘅配料7. 黃豆: 少甜有豆味，粒粒有咬感8. 西米: 正常，少甜仙草唔苦滑溜，單食某幾種配料會偏甜，但全部混合食就唔算太甜，份量望落幾大碗，不過食吓食吓唔覺就食完😆 另上咖啡奶整體來講，呢款奶凍每樣都有啲，勝在多元化同扺食，但如果想主食芋圓就未必適合，始終呢款入面嘅芋圓相對上唔算多，質感仍有待改善🥺。另外餐廳仲有幾吸引嘅芋頭挫冰超大份幾吸引，想食冰凍啲嘅朋友可以試完話我知😝🤣😋味道: 6.2/10

望店名門面以為是台式甜品舖，原來有台灣菜餐牌，價錢唔貴，應該係我響香港食過CP值最高既地道台菜！手工滷肉飯 $30 望見都流口水，滷肉入味，肥瘦適中，個汁撈飯唔會好油好膩。台式蛋餅 點了原味$22及芝士$25，咬落感覺比在台灣吃到的不一樣，但是覺得豐富的，加了芝士更好吃。香酥排骨飯 $45，排骨夠厚夠大件，唔會好柴皮，但唔算好突出。如果唔多人分享，單點滷肉飯加其他小食可能仲開心。油蔥拌麵 $35有點失望，份量幾大碗，亦係我喜歡的台式麵條，但蔥油味唔夠濃，而且無肉，只有菜同蛋，感覺有點dry。話說隻滷蛋幾好食，幾入味，唔會太硬。鹹酥雞 $30 幾大份，鹹香酥脆肉嫩，正！香芋撞奶 $25，非常香濃芋頭味，加上西米同奶，好飲又唔覺膩。今餐重點係個甜品！招牌綜合芋香挫冰 $35好大兜！勁足料！三大舊芋頭超好食！又綿又粉！芋圓，地瓜圓同珍珠都煙韌，仲有小丸子，紅豆，薏米等等，炎炎夏日真係好解暑！

宜家疫情冇得去旅行又想食台灣野點算？今次推介呢間絕對幫你止到癮，仲絕對係你嘅糧尾救星，我同兩個朋友去食，個個都食到飽到想嘔，三個飯、兩個小食有埋甜品每人都係$62炸，你地話係咪抵食先！​.​🍚手工滷肉飯（$30）​係香港食過好食嘅滷肉飯之一🤩，因為我鍾意食偏肥嘅滷肉飯，呢度嘅滷肉飯肥瘦分明啱晒我胃口，同埋呢度嘅滷肉飯會有一陣好獨特嘅胡椒味，個人覺得唔錯，個飯仲會跟一隻滷蛋🥚同偏甜嘅酸甜青瓜，食到滯嘅時候可以食一片消滯。​好食程度：🌕🌕🌕🌕🌕​.​🍳雙拼蛋餅（$30）​雙拼蛋餅入面嘅配料係芝士🧀同肉鬆，外層係手抓餅皮，雖然咬落皮脆，入面多芝士同肉鬆，但皮太厚（係超級厚☹️），太多麵粉，影響咗口感。​好食程度：🌕🌑🌑🌑🌑​.​🍗鹽酥雞（$30）​佢哋嘅鹽酥雞係即叫即炸嘅，30蚊咁大兜即刻加曬分，咬落去脆卜卜，唔會太油，調味啱啱好唔會太鹹，雞肉唔會炸到乾晒。​好食程度：🌕🌕🌕🌗🌑​.​🍧招牌綜合芋香香剉冰（$35）​呢個性價比極高，$35係2-3人份量，剉冰一共有八種配料，分別有珍珠、芋圓、地瓜圓、湯圓、黃豆、紅豆、薏米、芋頭，個人最鍾意佢哋舊芋頭，甜甜地大大舊質地好綿好軟好滑，至於個剉冰好綿

朋友之前食過一次 極力推薦～ 星期六中午1點左右去到 岩岩好唔需要等位！ 3個人嗌左3個主食 3個小食 同埋一個甜品！餐牌上有製點製作既字眼 大家都需要比少少耐性～ 因為真係需要時間！手工滷肉飯 $30真係有去台灣感覺！ 滷肉有瘦有肥 岩岩好～ 亦都唔會太咸！ 滷蛋勁入味 唔會煮到硬晒原味/芝士蛋餅 $22/$25講到台灣 就一定會食蛋餅～ 好足料！ 芝士味就一定要襯熱食！芋泥牛奶 $25芋泥愛好者走唔甩～ 大半杯都係芋泥！ 每一啖都會飲到芋泥！！！香酥排骨飯 $45覺得排骨啲肉唔夠嫩超級滑 不過肉燥同蛋就真係幾出色 咁既話直接嗌滷肉飯仲好！油蔥拌麵 $35以為係乾拌麵 點知係有啲湯～ 略嫌唔夠多油同蔥 乾拼既話應該仲好食鹹酥雞 $30熱辣辣出爐！ 唔會太咸亦都唔太厚粉～招牌綜合芋香剉冰 $35問左店員話呢個係2-3人份量 講真35蚊真係好抵食！ 勁足料又大兜！超級多唔同既料 想要乜就有乜！

食完晚飯之後過咗嚟深水埗食甜品，呢間台灣餐廳都好受歡迎，主要買台式甜品，都有啲台式麵飯食！不過我哋已經食完飯所以就淨係要甜品，餐廳限定每人最低消費$20，我哋揀咗招牌綜合挫冰，大大碟都只係$35！為咗湊夠數我哋再加多$5要多啲地瓜圓😂😂依家天氣天時暑熱，最啱食冰，佢有勁多配料！例如係珍珠、芋頭、芋圓、地瓜圓、小丸子、紅豆同埋綠豆。真係超多，就好似台灣夜市嗰啲。佢加咗啲煉奶，所以成個冰都好夠味！兩個人食都食唔晒😂😂

去完長沙灣綜合大樓搞文件後，突然好想食芋圓，專登走去甜圓坊。係有啲遠，但中途經過鴨寮街，布街，都叫有野睇，咁就唔覺唔覺去到啦。嫩仙芋奶凍$25有芋圓、地瓜圓、紅豆、西米、仙草、薏米、綠豆、珍珠和湯圓奶仔另外附上紅豆唔夠熟透，中間仲係硬。芋圓同地瓜圓係比其他鋪較為軟身。薏米係最有咀嚼感又平又正，質素都算係咁，好多人黎食台式野，下次要試埋先得! 下次經過深水埗，要去試埋康瑞甜品先得！

大約 6 點鬆 D 就黎到，餐廳好闊落，座位疏落。可能因為太早既關係，得２檯食客，感覺冷清。＜嫩仙芋奶凍＞，加左$5要份芋頭，芋頭完全唔綿唔粉糯，無乜芋頭味，仙芋奶凍既擺盤幾靚，睇見就開心，紅豆之類就正常發揮，加埋花奶食，整體味道會稍為好點，小丸子煙韌，芋圓地瓜圓令我失望，而且唔煙韌，佢唔係我平日食到既芋圓既口感黎，佢可能薯粉落得太少，令佢唔煙韌。＜雙併蛋餅＞，起司加上肉鬆，再淋上少少醬油，其實佢味道唔差的，但其實佢似蔥油餅多過蛋餅，我第一次食有蔥既蛋餅，蛋味不足，蔥味太搶戲。＜西米芋泥奶＞，佢係限量供應，無係主餐牌上，佢賣相其實幾好，用料亦好足夠，味道亦都唔差，有芋頭味，有奶味，但西米有結塊，整體太過甜。呢間既野食其實真心價位好平，但我就唔會再黎食，整體一般，一來蔥油餅令我感到有點疑惑，二來芋圓實在係令我大失所望。

夏天係咪靜靜雞黎左喇😵 呢排天氣都好熱好焗🔅 行兩行已經流曬汗💦 於是約左友人黎到呢間佈置簡約價錢相宜既台式🇹🇼餐廳, 食飯之餘嘆下凍冰冰🧊涼浸浸😌既甜品😋 爽呀😎1️⃣手工滷肉飯望落細細碗但份量同料絕對唔少😀 滷肉感覺唔算好油膩而且肥瘦適中👍🏻 伴飯一流👍🏻 醃青瓜🥒咬落酸酸甜甜同爽口😌 滷蛋就正常發揮啦🙈2️⃣鹹酥雞外面炸得幾香脆💥 唔會覺得好厚粉😆 油就點都會有少少🤏🏻 但食左幾舊都唔會有鹹既感覺🙂 都好架食少d鈉「健康」ddd🙈3️⃣招牌迷你剉冰熱辣辣既天氣食咁冰涼既台式🇹🇼甜品真係超爽❗️而且絕對唔迷你❗️材料好豐富口感好煙韌😬 芋圓、地瓜圓、白玉、珍珠、紅豆、西米、薏米, 望落5顏6色好吸睛🤩黎緊夏天就黎喇😵 有得食涼浸浸既剉冰加上我仲想試下個台式蛋餅🇹🇼 <甜圓坊🥰>睇黎又會係另一間會再翻桌既餐廳😆

同女朋友收工之後去左深水埗食糖水叫左個招牌綜合芋香剉冰食你見佢係好多料啦的確俾佢吸引左但是我個人認為佢淨係得個多字佢啲芋圓小丸子都唔係特別好食只可以叫做ok la

我們第一次光顧這間台式小店，我是為了芋圓而來的，但原來除了甜品外，還有台式蛋餅、滷肉飯、油蔥拌麵及各式小吃如酥炸排骨等。我們大約等二十分鐘才可入座，點了一個嫩仙芋奶凍和一個總匯QQ圓。嫩仙芋奶凍 ～首先賣相已經相當吸引，材料也很多，有芋圓、紅豆、西米、仙草、薏米、地瓜圓、珍珠和湯圓。而且份量十足，口感豐富，價錢便宜又好味。這個滋潤養顏的總匯QQ圓，材料有雪耳、地瓜圓、龍眼、珍珠和湯圓。糖水甜度適中，價錢便宜又足料。

嗌咗個嫩仙芋奶凍 仙草做底 配料十分豐富 有薏米 紅豆 綠豆 湯圓 芋圓 珍珠⋯⋯附上花奶自己落芋圓個啲都好有咬口同有味 係真材實料綠豆紅豆甜甜地而且夠融 好食！$25就有咁高質糖水

芝士蛋餅 $25餅皮🌮有一定厚度，外小脆內軟，口感煙韌👏🏻係我中意既蛋🍳餅皮 芝士🧀好澎湃足料既芝士味道鹹香🤤同時都會比較易漏，最好開心share👭🍻 令我驚喜既係蛋餅唔算太油💯味道都好夾，一啖食超滿足🥰如果配埋辣醬🍾會更加好食！     油蔥拌麵 $35麵🍝扁麵條麵質清爽、有彈性👌🏻唔會糊口食到有麥香🌾 卥蛋🥚蛋白質地彈牙、蛋黃綿密😻兩者都好入味！好食👅 整體味道唔算太特別🧐油蔥香氣唔突出，好在唔算太過膩👌🏻   嫩仙芋奶凍 $25配料有仙草、芋圓、地瓜圓、小丸子、珍珠、薏米、紅豆、綠豆同西米🍨超豐富！色彩繽紛、好有食慾🤤 仙草味道帶甘，質地滑漏又帶點兒嚼勁😇幾正宗👌🏻 芋圓食得出芋頭香味道天然👍🏻有咬口，但可以再煙韌啲🤔 地瓜圓🍠無咩蕃薯味，得甜味口感同芋圓一樣小丸子有嚼頭，但食到最尾會比較黏 紅豆、綠豆唔綿、較硬 整體口感層次十分豐富，甜度啱啱好👏🏻唔落奶球🍼都好食😋性價比高💯 芋頭控見到牆上面蜜芋頭剉冰既相即刻😍可惜胃容量有限，下次一定要試埋☺️