甜圓坊

营业中

休息中

天氣真係太熱了，所以lunch time都想去食過刨冰🍧先再努力工作。但呢排胃口真係麻麻，好彩朋友都唔大食，所以我哋叫咗一個咸食同一個甜食share。咸食選擇唔算多，飯麵類得三樣，另外仲有啲小食；而甜品就多啲有仙草、剉冰等等。呢到食物價格都比較平，特別係甜品👍。我哋叫咗香酥排骨飯($45)，賣相都ok啦，炸排骨即係炸豬扒🐷，叫做有四嚿，都幾厚肉，味道都幾唔錯，入味得嚟肉又嫩。鹵蛋就無豬扒咁入味，一般般，另外亦有幾片青瓜🥒，多啲就好。個飯夠汁的唔錯，份量睇落好似好細，但其實唔係!!，係夠2個人食，都叫做可以分到兩細碗，不過豬扒可以大塊啲。另外叫咗🍧招牌綜合芋香剉冰($35)，店員有主動問使咪後上，我哋一次過食埋啦，嘩一嚟到發現份量超多，比平日大起碼1.5倍👍，而且配料好豐富好多，包括芋圓、地瓜圓、芋頭、珍珠、湯圓(白玉?)、綠豆仁、西米、薏仁、紅豆等等，造型夠哂吸睛☺️。剉冰甜甜的，因為有煉奶，咁樣已經好好食，另外亦熔得唔算快。不過唔係樣樣配料都咁好食，我覺得芋圓地瓜圓比較粉，唔夠嚼口，麻麻哋，其他就正正常常，但珍珠就幾好😄。由於lunch time時間有限同埋份量勁多，所以2個人都食唔哂

食過一次 就好想食多次啲台灣野都幾正宗！滷肉飯大大碗都係三十蚊刨冰芋圓都係廿五蚊！起司蛋餅又有口感；） 極力推薦 仲要開到十一點！已經係第五次回頭！ 食物環境都非常唔錯！好適合拍拖朋友聚舊

第一次朋友介紹特登晚飯後再搭車黎到呢間甜圓方舖仔的的色色 清新感覺朋友話要試試佢既迷你冰迷你冰$28有7種唔同既圓子同豆豆中間既冰有練奶淋上$28可以試哂7種雖然係甜品店 但其實都有其他主菜同小食炸雞同肉排都有！不過每人最底消費係$20如果堂食食唔到都可以外賣！

已經唔知係第幾次幫襯位於深水埗嘅呢間台式甜品店價錢10分親民甜品質素亦十分之高雖然係甜品店 但亦有售賣其他台式小食當中特別推介鹹酥雞因為佢係即叫即炸 上枱嘅時候仍然非常之熱同脆口招牌綜合剉冰用了非常之豐富嘅材料分別有番薯圓，芋圓，小丸子，紅豆，薏米，珍珠等 冰粒嘅口感略嫌大但配上煉奶，牛奶，黑糖等味道十分之夾為這碟刨冰增加了不少分數

係附近行之後朋友又推薦下所以就嚟左。嗌左一杯仙草珍珠撞奶$20意外覺得好飲 另外嗌左碗嫩仙芋奶凍$25好食👍🏻啲芋圓真材實料 好抵！每人亦設有最低消費每位$20

甜圓坊招牌迷你剉冰相信而家有好多芋圓控🤣除左大家經常係深水埗會去的康瑞 今日就介紹下新寵啦🙈甜圓坊! 如果要將佢地兩間分類 我會夏天去呢到 冬天去康瑞😂 因為呢間系刨冰主打 佢地一碗碗的仙草都系室溫🤔 雖然佢叫迷你size但份量已經好多😆有薏米、紅豆、小丸子、珍珠、西米、地瓜圓、芋圓好似仲有一樣因爲系八寶🤪 個冰底系黑糖煉奶味 佢兩樣都落得好重手令個冰吾會好淡冇味！🤤 芋圓地瓜圓有咬口得來吾會系冇味 入面真系食到有芋頭同地瓜味👍🏻而其他配料加埋冰食都好正😂 每人最底消費$20呢碗$28如果兩個人來就要加啲配料或小食啦🤓個日另外叫左杯珍珠奶茶!佢的呢款吾同我地而家一般係台式飲料店買到的個啲 而系以前香港有間好出名的台灣餐廳’仙跡岩’的個款🤔 系比較多泡沬 奶味重D🤭 珍珠就有小小黏口😯 叫左佢小冰但都仲系幾多冰所以飲到尾就有啲淡啦🤔 整體真系吾錯 特比個刨冰 下次來要食大兜既😛

芋圓控又去試新野🥰🥰今次呢間係住係附近的地膽朋友仔推介，我梗係有殺錯無放過🙈🙈招牌嫩仙草奶凍真係仙草味 唔係涼粉扮野（你懂的）🤭🤭芋圓係我暫時食過最好味💯💯似足台灣嘅回憶，無得輸巨型綜合刨冰🈵可以兩個人開心share 都得 ‼️呢間真心良心街坊小店，口味正宗，價錢經濟抵食又大份，香港地已經買少見少💯💯💯

🐹肥老鼠被廣告所吸引，跟鼠友來買電腦順便試試這家的芋頭甜點，食個飯前甜品，呵呵店內有熱食，見不少人都叫了熟食，都是台灣菜。這家店有最低消費，每人二十元，基本上叫個甜品都過，叫過白飯（$10）加滷水汁（$10）也過綜合椰奶露，熱（$25）朋友叫的椰奶露很快就上枱，內面有芋圓珍珠小丸子西米，雖然個人覺得很不搭，不過朋友說還可以，椰香味都夠，一般般啦。總匯QQ圓，熱（$25）鼠友叫的總匯很養生的樣子，有雪耳紅棗杞子龍眼肉珍珠芋圓，真是很奇怪的配搭，不過這家店賣點是芋頭就算吧。似是甜甜的黃糖水，加上各種材料，一般般啦。招牌迷你剉冰（$28）等了很久，別人都食了一半才到雖然是迷你，但都相當大碗，一個人食真的會飽，有芋圓珍珠西米小丸子紅豆綠豆薏仁。冷底是黑糖味，上面倒了煉奶，光食剉冰也很有味。芋圓沒有什麼芋頭味，反而是綠豆紅豆配合起來好食珍珠就......放棄了總結一下，飯後口痕可以來試試，但就不要很大期待，只是一般的小店。想食有芋圓味的芋圓，就去深水埗另一家網紅老店吧🐹聽日一定會食到更好既野食既，你話係咪呀肥老鼠！

叫左個老肉飯, 基本上係瘦肉多, 5似正宗果D 半肥瘦,不過反而岩我, 3X 蚊都幾大碗。味道正常。見佢有好多蛋餅, 梗係試LA, 叫左個肉鬆蛋餅, 一夾已經知足料, 料塞得滿滿的, 不過佢個蛋餅其實係蔥油餅+ 多一層蛋, 同正宗的5同, 亦油膩D。不過味道OK GE, 係D 醬汁少D LAW, 多番D會無咁乾。

到達時間：12:19pm等位時間：唔洗等～叫左原味蛋餅同油蔥拌麵，等左30分鐘先上菜原味蛋餅($22)係最失望，蛋餅食落同自己係超級市場買嘅蔥抓餅冇分別，可以自己係屋企整。完全唔係台灣嘅蛋餅，似北京啲蔥抓餅多啲（好懷疑佢就係買個急凍嘅黎整）。油蔥拼麵（$35）中規中矩，冇咩特別，幾夠味。不過個麵上面嘅滷蛋幾好味。整體感覺唔太好，服務生冇咩表情。等野食嘅時間比較耐，不過可能係因為我去嘅時候佢地啱啱開門。如果係去食鹹食嘅話就唔建議，地方唔係特別就腳，野食都唔好味。

呢一晚同男朋友係深水埗逛到好夜，男朋友就話之前上網睇到呢度有間台灣芋圓甜品店，想同我一齊去試下好在早左一步入店坐低，呢度好似愈夜愈多人咁，我地就叫左個嫩鮮芋奶凍同原味蛋餅。第一次見呢種甜品，由好多食材組成，珍珠，西米露，芋圓，紅豆⋯⋯其他都唔太識食落口感多層次，少少暖少少凍，幾得意！另外既原味蛋餅聞落好香，但食落好似冇乜味，唔知係咪因爲岩先食完奶凍，d味被奶凍蓋過左點餐時發現呢度唔只有甜品糖水，仲有飯可以食！下次會再黎試下其他野

有一晚上完堂一個人行過黎食甜品，明明我黎等位先，後來後面黎左兩個人，侍應叫後到果兩個入去坐低先，叫我等一等，轉頭拎左張飛比我。等等下後面黎左幾pair人，都拎左飛，點個個侍應走出黎，連續叫左我後面no.嗰兩pair人入去，我問個侍應，佢都係叫我等等，最後佢安排左張二人枱比我。咁我就真係唔明啦，明明我一早黎可以直接入去坐低，但我最後等左15分鐘，係咪一個人就算係黎先都要等，兩個人就可以入去先呢？我問完個侍應佢淨係講句唔好意思，真係好冤枉！

Always came back for their dessert! Love their Taiwanese dessert. The portion is quite big plus the food there isn’t over price. Before they only had one size for their dessert which was quite big to eat alone, this time they have small size which you could chose from if you couldn’t finish their big one. Not only the food, their rice is also pretty good. If you are around Sham Shui Po, you must give it a try! But it’s location a bit far from the MTR.

招牌綜合芋香挫冰 $35 7️⃣/10個冰出面係好濃嘅牛奶味，入面卻係黃黃地色😂我諗係仙草啲味？同frd都覺得啲珍珠太硬，要咀嚼勁耐😰所以我地最後放棄食。但芋圓個啲都係正常味道😋

晚飯後遊走深水埗朋友提議吃芋圓網上多人推薦康瑞但之前試過 覺得味道麻麻🥴所以一直都有尋找合我口味的芋圓之前在fb的貼文見到有芋圓店的介紹便bookmark起 今日終有機會一試👍甜圓坊不是在熱鬧人多d深水埗中心不過從地鐵站過去也不算遠晚上9時多 鋪內入座都有9成了我剛坐下不久 已經有人在外等候👥我們二人點了嫩仙芋奶凍 蜜芋頭冰其實甜圓坊除了台式甜品亦有肉燥飯麵之類的下次可以試試🤓嫩仙芋奶凍 有好多材料🍨又會放得好整齊 賞心悅目咪道都不錯 😋而且只要$25 實在抵食蜜芋頭冰 $33🍧有好多大大舊芋頭 芋頭迷要試試刨冰再加練奶 夏天解暑一流🎐埋單$58兩款甜品份量都不少👍相當抵食👍