甜入心 (已搬遷) 新店位置

又係甜品時間啦！今次就去咗沙田中心𥚃邊一間糖水舖！其實佢嘅地理位置就好易搵，一落火車再經過沙田市中心再行多一陣，沿住指示牌行過去沙田廣場就到，就算落雨都唔驚濕，因為佢有天橋駁住，交通非常方便！其實我都係意外咁搵到呢間糖水舖，因為食完飯心血來潮，又唔熟沙田，咁岩又經過呢間鋪頭，所以唔理三七二十一就入左去！可能咁啱係閑日，又無咩人，所以就唔洗等位。係鋪頭出面，見佢貼左唔同嘅雜誌訪問，又有幾道招牌甜品，就令我更加期待佢嘅甜品啦！佢嘅餐牌裏面嘅甜品名都幾特別，今次去到就嗌咗一個叫重口味嘅糖水，睇相好似幾吸引。order左唔係好耐，呢個重口味就到左啦。開頭其實都有小小擔心會唔會係伏，因為佢個名其實都伏味濃，不過最後都冇事，所謂嘅重口味其實都只不過係將幾種食材放埋一齊，食落去都幾特別，有芒果、奶凍又有雪米滋同埋西米露，其實又唔係咁重口味，不過不失！只不過係個名起得夠晒特別，實質上佢都只係一個普通嘅甜品。 除咗重口味之外，我仲叫咗個朱古力窩夫。朱古力窩夫係一個花花形狀，唔似我哋平時食開嗰啲窩夫，分嘅時候都算方便，好似逐塊逐塊花瓣食落肚咁，感覺好得意！而且食落脆脆，有一定嘅口感！呢個朱古力窩夫，

係沙田行完街 當然係甜品糖水啦 所以就搵左隔離屋邨既昵間甜品店啦 去既原因其實係因為附近既關哂 但食感覺又幾好喎我自己叫左個香蕉船 冇食朋友既 唔評論了 但都附上圖片俾各位食家參考下評論下香蕉船先 一食就知雪糕 平平無奇 係香港既雀咩牌既 味道就唔稱得上好好 但賣相真係唔錯 唔洗四十蚊 就係沙田食到個靚靚香蕉船 加埋啲朱古力針 幾靚既 所以賣相同價錢為呢一個甜品得到好既評價

唔錯既一間甜品舖，沙田中心，新城市附近有好多間甜品舖，今次就試左呢間甜入心。今次叫左呢個，佢d芒果係新鮮既，但係唔酸，反而都幾甜，平時最驚係芒果味既甜品會因為芒果酸而破壞左成個甜品，呢個就唔使擔心芒果雪糕都有幾濃既芒果味，配埋涼粉，夏天消暑一流

叫左個出浴分子啡椰皇及星河雪月(冰糖雪梨桂花陳皮小丸子)。我覺得椰皇裏的布甸是最大的驚喜，蛋味好香好滑，食完有啲唔夠喉既感覺，想一食再食，咖啡啫喱很有彈性，甜度適中，椰皇啫喱也做得不錯，真的有一大片一大片的椰皇肉，絕不欺場。我叫了暖暖地的都覺得好食，如果凍食應該更美妙。至於冰糖雪梨，一整個雪梨上，亦沒有欺場，很清甜。

果日同朋友食完飯因為沙田糖水舖好少 無得點揀想食糖水就去左呢間甜入心食叫左呢個凍嘅榴槤椰皇雖然個椰子細細但入面好足料榴槤嘅粉量都唔少而且好新鮮好甜中意食榴槤嘅一定中意榴槤上面有一粒粒好似西米嘅野口感好得意 咬落去脆脆地係榴槤下面有一塊椰汁糕食落好清涼可以消除榴槤嘅膩不過美中不足嘅係椰子肉唔夠淋所以用匙巾好難先挖到啲椰子肉食不過下次都會去試下其他野食

同啲舊同事入到嚟沙田食飯聚舊，話題總離唔開飲飲食食嘅，其實，對依區真喺唔太認識，問我有咩好食，真失禮，所知有限。不過，傾談間講到食甜品，就想起早前去過深水埗嘅「甜入心」，記得好似沙田都有分店，由於食過知底蘊，可以放心推介比朋友一試 。沙田店位處沙田中心，由新城市廣場橋駁橋接駁到過嚟，非常方便，而且人流唔少，比起深水埗店瑟縮晌小街內，周邊環境好唔同。之但喺，內裡格局又差不多，都喺又深又長嘅鋪位，但依邊個粉紅主色調更搶眼，加上樓底夠高，又光猛整潔 ，牆上又掛有好多店家嘅招牌甜品相，配合埋粉紅色小圓櫈、可活動白色方枱仔，好有活力嘅感覺 ！英式果茶及朱古力噴泉跟深水埗店一樣，依然大大方方免費品嚐，分文不收 。不過，要留意啊，朱古力噴泉原來有休息時間呢（6:00pm-7:00pm）！餐牌跟上次嚟無乜大變，但事後跟店員傾開，遲啲會有改動，至少一啲夏日限定刨冰會叮走先啦！原來外賣有9折，住附近嘅人就可以唔使排隊，又可以慳番少少。由於今次唔喺單純自己嚟試嘢，而喺帶朋友嚟食，故此，揀番兩款之前嘅心水推介俾朋友，包括焦糖布甸椰皇子及黑松露雪山，另外，有朋友唔食得太凍，所以，揀嚟熱食嘅花膠椰皇子。

看了《經濟日報》的特刊，今日跟著書上的介紹遊了幾個站，再到這店嚐嚐招牌甜品，很讚！我們點了焦糖布甸椰王子和侯爵72心太軟。焦糖布甸很香滑，下面墊著椰水製成的果凍，再加上椰奶，味道清甜，非常可口。末段再把椰皇肉刮出來伴著吃，爽滑加香甜混而為一，實在無比滿足。這樣足料的甜品只賣$36，是我今天在區內逛了很多家甜品店比較過價目之後，覺得最超值的選擇。相比之下，心太軟就比較普通。黑朱古力的味道很香，但甜味和溫度稍嫌不夠，給椰皇子比了下去。另外一讚的是店員服務很親切，令這次消費體驗很愉快。

在食肆雲集的沙田，甜品店相對少，今次在沙田中心的「甜入心」嚐嚐甜品。金色西米露（凍）$33賣相不花巧，一眼俾大家睇哂材料，熟透芒果、爽口黑色方果、一咬即破的透明Q珠.....雪得凍凍又夠諗的西米，配合香濃芒果汁,,,,,感覺實而不華！椰王燉鮮奶湯圓（熱）$48，啱哂秋風送爽時節，滑嘟嘟燉鮮奶清潤好滋味，三顆芝麻湯圓，皮軟滑有嚼口，芝麻蓉香濃可口，最後吃埋椰肉齒頰留香！雖然店鋪名叫甜入心，但兩款甜品都恰到好處，沒有過甜，甜到入心！

甜入心系沙田開左咁耐 今日終於的起心肝去試下焦糖布甸椰皇子個賣相真系好有趣!未食個陣都聞到好香椰子味食落去布甸好滑至於下面個層大菜糕記得要同埋椰奶一齊食因為就咁食會冇咩味 一齊食先系最夾!芒果窩夫D芒果幾甜下至於窩夫吾系脆個種 而系鬆軟既口感整體黎講都吾錯架下次一定要再同朋友黎食過!

這天到訪完奇華的廠房做月餅後，叫老妹到沙田找我去逛逛街其實目的是我想吃甜甜，聽聞甜入心在沙田開了分店老妹又說想念它的椰皇子就過來找找看嚕～穿過擠迫的商場，來到陌生的沙田中心長長的用餐空間　活潑可愛的用色粉嫩的顏色相信應該迷到不少女生吧！！翻開餐牌看看，其實已經鎖定好了很多款式都是新品想吃耶，但只有兩個人的關係我們都決定先點２款，慢慢再加點出浴椰皇子﹝HKD$36﹞沒藏在椰皇裡，份量清晰可見只不過妹妹實在太愛它了，我只能吃到一咪咪她就默默把它抱著，不跟我分享黑松露雪山 ﹝HKD$55﹞盯上它只因有特別的黑松露雪糕啊而且這樣的吐司不常見嘛，也是兩個人分享剛剛好的份量再淋上香甜的焦糖醬，吐司香酥內裡微鬆軟的，一冷一熱的很刺激老妹又想吃焦糖布甸，再點　三美人 ﹝HKD$65﹞來滿足一下三美裡包括了　香檳果凍、朱古力流心奶凍及焦糖布甸焦糖布甸依舊的富濃郁的雞蛋香氣，嫩嫩滑溜的質感之不過最驚喜的是 朱古力流心奶凍，清爽的奶凍可可味算是濃郁，一切開巧克力漿緩緩流出連奶凍都可以做到這般的效果，好玩又好吃每月的某些日子前，我真的很愛吃甜吃過甜後，整個人都沒那麼的煩燥納悶，接下來的是 蕃薯桂花王子﹝HKD

近期似乎少去了甜品店吃甜品，適逢在沙田工作，加上又有甜品店開了，於是便吃一個甜品吧！還記得在下於深水埗的甜入心吃過甜品，今日就剛好見到在沙田開了分店，於是走了入去。甜品店以粉紅為主，配上純白的牆，並掛著各款甜品的照片，感覺上都幾飄亮。在下點選了金色西米露，材料包括了芒果，Ｑ珠，方果，芒果汁與西米。而金色亦是芒果肉，因它呈現金黃色，果肉清甜而帶芒果香味，透明的Ｑ珠是在下首次品嚐，但亦不知道是甚麼東東，只是猶如吃了椰果一樣吧，方果與Ｑ珠相信是同一品種吧。芒果汁沾上了冰碎，如在吃著綿綿冰一樣，但是亦有芒果汁在內。西米也頗大粒，可有咬口吧。在炎炎夏日，加上又是吃過午飯，來一個甜品都不錯吧！

上星期六係UA睇完戲無無聊聊行行下，見到沙田中心開左間新野食甜品，就入去試下。一住低見到隔離食焦糖，搞到思思又想食，於是就叫左2個焦糖甜品。焗焦糖布甸同。焗焦糖布甸好多甜品店都有，呢個布甸既味道都比較普通，但係我中意佢唔太甜。女朋友就叫左個椰王焦糖布甸，呢個就真係新野啦!焦糖布甸點樣配椰子呢?原來好搞笑，真係有成個椰子(我起初以為有D椰子肉架咋)，個味好特別，食落除左甜甜地之外仲多左陣椰子味，估唔到佢地都幾MATCH，食起黎充滿天然甜味，食到尾可以食埋椰子肉，成餐甜品最有口感XP因為有野咬下!XP 

青蛙與媽媽在《鼎泰豐》吃過了美味午餐後,閒逛了一輪, 就遇到了應該開張不久的甜品店《甜入心》,不知為何, 我們明明仍很飽, 但大家雙腿偏偏反其道而行,自動自覺地走入甜品店。甜品店內全是深與淺粉紅色的座位,明顯主攻女性市場。跟媽媽一人點了一款甜品後, 就拿了杯免費自助英式凍果茶。果茶有很香的荔枝味, 不甜, 挺好喝。不一會, 青蛙媽媽點的甜品就上桌喇~重口味名字除了令青蛙想起陳奕迅的歌外,就實在想像不到何以被命名為重口味。。。答案原來就是因為一碗糖水內有很多不同的配料 ^^像凍凍的、雲尼拿口味的雪米磁。還有咖啡口味、又煙煙韌韌的粒粒奶凍。另外芒果夠熟又夠甜、糖水就非常重花奶味。想不到, 三撈四雜都有不錯效果。榴槤飄香椰皇子這甜品, 是青蛙一見餐牌上有而即時決定要點的。身為榴槤迷的青蛙, 即使這個甜品需要等約15分鐘,本身都覺得非常值得。但當服務員奉上椰皇子,青蛙單看外表, 即有大打折扣的感覺。雖說實物與餐牌上的圖片必定有衝突, 但也相差太遠吧!?榴槤入口不甜也不香, 而且有被擺放很久的感覺。 榴槤下就是椰汁啫喱, 椰汁味算濃, 但很奇怪的是啫喱是暖的.....這個甜品不是註明是凍食的嗎?

前陣子經過深水埗的「甜入心」，看到櫥窗上貼滿各款椰王甜品的報道，以及店內的朱古力噴泉，就把這店放進了自己的whislist。 可惜深水埗並非我常去的地方，結果一等再等，居然等到沙田的分店開幕。 為了迎接這個份量不小的甜品，晚餐特意只吃到半飽，留肚吃甜品。來到沙田中心才想起這裡以前也是一間甜品店，易手後店內的位置好像增加了，座位與座位之間完全無空間可言，出入也要其他人讓路，而且一直都維持著這種摩肩接踵的狀態，讓人坐得很不舒服，只想快快吃完離開。焦煻布甸椰皇的樣子甚討好，布甸香甜又帶點雲尼拿味，而且夠滑。 椰王的底部是用椰汁造成的大菜糕，頗為清甜。 可惜布甸和椰子其實不是很配合，兩個口味都不搭調的。 芝麻湯圓和椰子的配搭則比較得宜，不會有怪怪的感覺。 不過湯圓似乎是外來貨並非店內出品，芝麻餡過淡，而如圖所見，湯圓的外貌也非常參差。本來還期待可以一試朱古力噴泉及花茶，可惜店員並沒有主動介紹，而店內的空間亦太狹窄，結果沒有試過就走了。 或著是期望過大，結果非常失望。

沙田新城市自從發展為「遊客商場」以後，非大集團的小食店已經所剩不多，要找個吃甜品的落腳店更是欠奉（實在不想再擠進隨處可見的滿X甜品或許X山），難得今天與朋友聚會經過沙田廣場竟發現此開張不久的糖水鋪，二話不說決定入內為今晚晚餐作個完美的句號。這鋪面很少，來到時已滿座了，幸好我們才等5分鐘剛好有人結帳離座，這就是糖水店流轉快的好處吧！打開菜牌發現一個一個特式椰皇甜品賣相很特別，最後我點了個布丁的款式。朋友點了個香蕉朱古力窩夫加一客焦糖䫣蛋布丁大家share。布丁椰皇－布丁不太甜，配搭底層的椰皇味的果凍及椰奶味道剛好。香蕉朱古力窩夫－一款經常吃到的甜品，重點就落在窩夫身上了。窩夫硬度OK，吃下去有一陣蛋香，証明蛋漿調配得好。意料之外的是原來這裡的雪糕球全用上MOVENPICK，我個人很喜歡吃MOVENPICK朱古力雪糕因為內有碎朱古力比其他牌子更好味！焦糖䫣蛋布丁－布丁用雞蛋殻上碟賣相十分討好，焦糖面不會太燶又脆口，蛋味很香之餘甜度適中。總結，終於能在此處找到令人滿足的甜品落腳點，除了地方較細可能要等位外，甜品選擇很多質素不錯。細看下原來他們還提供免費自助花果茶供應，真細心！