甘露甜品

营业中

休息中

自己不嬲食完正餐都中意食個甜品，星期六晚食完九記，見到正正對面有間好舊式嘅糖水舖，買左3個甜品番屋企，連外賣盒共$66。自己買左個熱鮮奶燉蛋$24打開果陣有少少失望，因為佢好流質😵，好彩下面果D係豆花質地再水少少，但都成型嘅，食落都幾滑，不過就甜左D。荔茸椰汁西米露 $21其實已經十月，芋頭當造，價錢唔係好貴架咋，但呢個糖水完全無荔茸，一條芋頭嘅紫色毛都唔見，根本就係椰汁加西米，貨不對版。熱香草綠豆沙 $21呢碗根本唔係綠豆沙，佢係綠豆蓉湯！！我明嘅，磨蓉左可以煲短D時間，慳番D煤氣費，但好難食囉…..又稀又水🤢我最近買綠豆$16一斤姐，洗唔洗咁慳皮?! 其實小店咁做，真係好難有回頭客…😔

今日去左甘露甜品呢間老店加小店老闆娘譚太nice到爆 又好傾🤣而且幾好食呀都個鮮奶燉雞蛋$25雞蛋味好香加上又燉得幾滑不過奶味就冇咁出但個人認為都ok唔錯呀店裡面好多中式糖水價錢好似時光倒流咁平土瓜灣物價 加老店嘅價真心唔貴值得大家一試 支持一下！！！

早一兩年都有幫襯吓佢，佢地紅豆沙水準一向無得頂！不過最近聽到有人話佢水準保持吾到，咁我就忍唔到，去試試佢咩料再包膠！我係3點去到，堂食，都有兩個客座係到食緊野。我叫左魚蛋，牛什，紅豆沙，詳情如下:紅豆沙：佢哋保持到以往水準，無豆容晒又夠綿，吾太甜以啱好！好得！牛什：夠味，不過牛肚可以淋啲更好，純我個人口果鐘意食淋，而牛膀，牛肺都好味好正！魚蛋：佢地係潮州魚蛋，夠彈牙，有魚味。加埋個沙嗲醬更完美。呢啲家族式經營小店買小見小，食佢除咗要好味外，人情味都好重要。我一定會繼續支持小店。

週末去附近食小龍蝦，好辣，於是想到這家，去順路打包一份烈日西米露，非常的寡淡，味道也一樣都沒什麼味道，不好吃，不會再去了！店面比較簡陋，不過好像推薦的是芝麻糊！

熱鮮奶燉雞蛋 $23Steamed Egg Custard with Milk 熱辣辣嘅燉奶一上檯已經聞到陣陣嘅奶香味🥛 因為用左成隻蛋🥚而唔係淨蛋白，質感比其他甜品鋪嘅厚實少少🤏🏼 但亦因為咁佢嘅蛋香特別濃郁😙 上面因為凝固左可以做到雙皮嘅效果，加上裡面燉奶非常滑溜，所以有兩種唔同嘅口感😎The piping hot steamed milk brought waves of the sweet aromas of fresh milk when it was brought to the table. It was so smooth and just firm enough for you to feel the pudding in your mouth. By using whole eggs instead of just egg whites, it had a heavy egg fragrance. The top of it was slightly solidified from coming into contact with room air, therefo

老公今日去開士瓜環，專登行去佢成日見到啲YouTuber 介紹嘅甘露甜品，因為佢想試好耐，佢6點左右買，到8點左右食完飯開嚟食香草綠豆沙老實講，一開見到好多“琼”咗嘅奶脂已經扣左分，一“不”起，真係一粒綠豆都見唔到，但絕對唔係煲到變晒沙個種，係用攪拌棒打到變沙個種，一入口仲不得了，又酸又叔🤮荔茸椰汁西米露又係一開見到奶脂浮面，一“不”起，Sorry 我真係未見過透明嘅椰汁西米露，我完全feel 唔到有奶有椰汁嘅存在，佢個椰味（聞），我想信係來接椰子油，一入口，又係又酸又叔架🤮利申，今日天氣涼涼地得20度左右，應該唔會係我哋焗臭呢間野嘅甜品真係我人生食過最難食嘅甜品，40幾年歷史，點解要搞到咁？

土瓜灣甘露甜品，自從杜汶澤介紹過之後一直好想試，今次終於有機會啦。點零鐘去到，條街水盡鵝飛，店入面一個顧客都冇😐，本來啱啱食咗晏，剩係想食碗糖水，最後都忍唔住叫埋沙嗲串，幫襯多啲啲。真心推介薑湯麻蓉湯圓，一碗共有五粒，粒粒乒乓波咁大，皮薄餡靚，麻蓉味濃而不太甜，好好食，配埋又係濃而不太甜不太辣嘅薑湯，成碗湯水頗為高汁👍。沙嗲串廿蚊三串，用自家製沙嗲醬製作，我揀咗阿根廷魷魚，東風螺同牛肚，其中以牛肚最好食，炆得夠腍，沙嗲夠入味之餘，仍然食到牛肚香，勁正😍。魷魚同東風螺都有咬口，不過由於海鮮嘅肉質唔同，沙嗲唔會好入味，所以如果鍾意食沙嗲嘅話，應該要叫牛肚牛雜同魚蛋。最後一定要提嘅就係老闆娘超好人，好好傾，去小店幫襯，最珍貴嘅，就係呢啲。

之前喺網上面睇到好多人推薦呢間嘅芝麻糊，於是我特登嚟到土瓜灣食。呢一區都係一啲舊店小店，所以一早預咗係一間傳統嘅糖水店，入到舖頭我坐最入個張枱後面就係雪櫃，我當時戴住口罩（KF94)已經聞到一陣味，當一除口罩聞到好臭，好似啲尿味咁，然後望上牆見到有啲貓嘅照片，我相信應該係貓嘅尿味，當下我都決定忍一忍，諗住都係食一碗糖水啫⋯⋯鮮奶燉雞蛋（凍） - 呢個燉蛋嘅質地算滑，因為我哋叫凍嘅佢都唔實，所以質地尚算OK，不過就偏甜，同埋成碗燉蛋嘅感覺好有家庭feel。香滑芝麻糊（熱） - 我真係抱住好大期望嚟食呢碗芝麻糊，首先香滑芝麻糊一啲都唔滑，幫我一樣嘢好就肯定係手工做，因為佢磨嘅芝麻唔夠細緻，粗幼不一樣，當食呢碗芝麻糊嘅時候你會食到一粒粒嘅芝麻。第一眼見到呢碗芝麻糊嘅時候好特別，因為唔係黑色係灰色，第一啖食落口覺得好甜，其實有啲似芝麻湯圓裏面嘅餡，但係佢就冇咗糯米皮去平衡返，所以食第二啖已經有啲吃力，因為真係好甜。不過食第二啖嘅時候發現點解有西米？原來嗰啲唔係西米，應該係佢用唔知糯米粉定係什麼馬蹄粉之類嘅嘢，煮得唔均勻形成一粒粒，口感上所以就好差。我開頭以為佢係傳統嘅糖水舖頭，咁煮芝麻糊唔係應

星期六和朋友參加土瓜灣導賞遊,尾站去呢間小店吃吓小食,嗒吓糖水,真係完美ending!雖然小店裝修一般,就係勝在舊得有情懷,有懷舊feel👍。土瓜灣已經係舊區,呢間小店亦都係歷史悠久,一坐低就返左去80年代,見到大時代响度拍戲的相片,真係好似時光倒流一樣。我叫了豬紅蘿蔔豬皮,淋上惹味嘅沙爹汁,巧巧食! 朋友們叫了椰汁西米露,合桃露同薑汁湯丸。糖水唔算太甜,湯丸好大粒,總的來說就一般水準。簡而言,情懷大於味道,心滿意足就夠啦。

呢間野又有甜品食又有燒賣魚旦魷魚食，誠意推介大家試一試，老闆娘又勁Nice，本身我都係諗住喺外面篤幾串嘢食就算，但係老闆娘都好客氣話你不如入嚟食啦，有冷氣坐得舒服啲🥰🥰咁我就叫咗一啲腸仔啦魷魚啦腸粉嚟食，全部野都好入味好好味，尤其啲辣醬，佢辣得來有少少甜啱晒我呢啲淨係食到少少辣嘅人又可以試一試辣又唔會辣親自己環境方面雖然唔會痕好多張台，但坐落去都好夠闊落😆另外就係價錢方面非常性價比好高正常叫三串嘢都係$20

今次搵食到土瓜灣 呢間好出名專門食甜品既小店而家仲賣埋麵食同小食 唔止甜品出色連港式小食咁耍家堂食坐位不多可以外賣都得 而家開通左地鐵,易去好多!呢度最出名另一原因因為是大時代取景既地方! 文青打卡玩懷舊仲唔黎!?店面沒有多餘既裝修,只係簡單木台幾張 20蚊3串既自家秘製辣汁小食魚蛋牛肚水魷牛柏葉 東風螺 仲有牛什~! 仲有新鮮鮮蝦水餃雲吞麵 一麵係廿幾蚊咋~大大粒雲吞加生菜蓋滿麵條 皮薄餡鮮蝦爽甜無得輸 小食就係好傳統個種街邊風味 又辣又香口 咖哩汁特別香辣糖水一碗平均消費$20, 絕對是香港物價以下 最出色既陳皮紅豆沙今日未出爐食唔到~下次先!6-min walk from Exit A, To Kwa Wan Station土瓜灣美景街 50 號平均消費$50評分8/10

已經幾次行經，不是東主有喜就係未開門，今日再碰運氣，初嚐甘露。點了入門版嘅熱綠豆沙，老闆娘問係咪要好熱，因為剛放涼了，由於費事多事，所以就話微熱都可以。老闆娘端出綠豆沙，碗內綠豆已經煲到起沙，但食入口，起沙感覺不多，反而有食腐竹糖水嗰種口感，好似有放腐竹係裏面，跟其他舖頭的綠豆沙不一樣。這碗綠豆沙不太甜，質感似腐竹糖水；味道清淡。都算係特別的一類。

講了 N 次話來食喳喳，次次都來不成，不想找藉口，所以今次是專程來的。老闆娘不在，只有細仔看舖。天氣雖然熱，但我們習慣食喳喳一定要熱，每碗只售 $20。果然足料，有花生、紅腰豆、眉豆、芋頭、紅豆、榛子，不過稍嫌不夠 “沙”，如果再 “沙” 一點，就 perfect 喇 ！食喳喳的時候，聽道一個小插曲，隔離枱的食客買單，細仔說：多謝$40吖 ！那位食客說：你計錯數喇 ！平時老闆娘收 $42 架 ！細仔尷尬說：係呀 ！係呀 ！$42 ！香港人就是那麼可愛，哈哈 ！食飽飽，再買 2 隻綠豆鹹肉糉 $45/2隻，今晚宵夜

搬咗嚟土瓜灣周圍揾嘢食喺網上見到呢個舊店以為係一間做傳統中式糖水嘅老店睇落幾吸引就去咗點知中曬伏同女朋友叫咗芝麻糊同木瓜西米露芝麻糊係一碗黑色嘅水，口感非常之差，仲要完全無香味！我真係唔知自己食緊嗰碗原來係芝麻糊！個木瓜西米露又係唔知想點好似食緊糖漿+西米露係飲凍檸/奶茶嗰啲糖漿，甜到個喉嚨係會唔舒服嘅真心，好難食間舖得嗰幾樣咁大路嘅中式傳統糖水都可以做到咁差真係好癲最癲係仲有報紙雜誌介紹免費都唔食。

去土瓜灣整車要等，走咗之前杜汶澤訪問過嘅甘露甜品，出鏡就唔覺佢太舊，現場感覺就滿有香港情懷的味道，放了幾張枱。坐低本來想食凍芝麻糊，但老板娘話要熱食先好味，所以冇整凍芝麻糊。但係下午時分都好熱下，最後都係叫凍嘅糖水。叫左一碗綠豆沙一碗紅豆沙同埋兩份小食。食後感：紅豆沙唔太甜，真係沙到冇渣，見唔到紅豆粒，有D驚奇點可以冇渣滑滑咁入口，而甜度剛好，一定唔係酒席散band前果隻紅豆沙。小食就叫左一份魚旦腸仔，一份豬皮蘿蔔豬紅，兩款都係一般小食店風味。老板娘算好傾，一邊整嘢一邊講下嘢咁。有時食嘢除咗食味道外，食果份風味都係好重要！走時買埋佢哋家自製嘅沙嗲醬同埋薏米水帶返屋企。