甘橋記(石磨腸粉及麻辣美食專門店) (已結業)

今日太早食晚饭，所以去左gogo mall 食糖水，见到呢间新开既肠粉铺就谂住过下口瘾，叫左碟鸡蛋肉碎肠再加左碟斋肠，拎肠粉既时候见到斋肠卖相唔错，而鸡蛋肉碎肠就有少少凌乱佢地既鼓油同辣椒油既味道都算正常，我先食斋肠，就发现中伏了，筷子一夹起肠粉就已经断咗，完全冇皱皮肠少少烟韧既口感，感觉系食紧一团粉，仲要系冇米香嘅粉鸡蛋肉碎肠个情况更恶劣，因为佢有鸡蛋同肉碎嘅关系，肠粉系完全包唔到馅料，真系鸡蛋还鸡蛋肉碎还肉碎，好难用筷子食得到同埋味道真系麻麻，最后我系用匙羹嚟食呢啲肠粉……查看更多

好幸福啊！想食正宗麻辣嘢，唔洗等放假上大陆先食到了，俾我发现咗位于屯门雅都商场一楼嘅“甘桥记”麻辣美食专门店，大大碗麻辣烫，真系多料到“哗”一声出来，个碗装到满泄出来，未食已闻到麻辣香，初尝第一啖肥牛，浓香嘅肥牛脂肪味逼到成个口腔，跟住食脆肉鲩，又爽脆又新鲜，牛丸都劲大粒、芝士肠牛柏叶冬菇海带莲藕薯仔片……太多了未能尽录，实在未食过咁抵食嘅正宗麻辣烫，真系好多料，劲饱我叫咗中辣，个辣度啱啱好，入口觉得好舒服，我男朋友唔食得辣，佢就叫咗走辣，啲汤好纯，我地连汤都饮哂，一滴不漏由于此次体验实在太好，第二日我又带屋企人又去咗食，佢哋啲肠粉都做得好出色，又好多种类，最重要系味道真系好正，品质保证，而且大份夹抵食，以后会系我地嘅长期饭堂，费事喺屋企煮了，e度食仲平过自己煮，最紧要好食过我自己煮哈哈仲有老板都好好人，仲送水果俾我地，多谢！祝生意兴隆啊❤️…查看更多

肚饿入咗雅都美食广场，太肚饿，求奇点咗个炒米粉，谂住可以快啲医肚。点知就大惊喜，老板炒米粉时，外面已经闻到劲香阵味，拎到出来时，个卖相也好吸引😍，真系垂涎三尺嘅感觉出来嚟🤩，米粉干爽弹牙，好浓郁嘅鸡蛋香，大大块鸡蛋，老板好大方👏🏻，冬菇丝更加炒出精华菇味，伴有若隐若现嘅麻香，个感觉好上头🤩，老板仲送咗水果和凉拌菜，好味夹抵食，成个用餐过程真系大快朵颐，见到佢哋仲有劲大碗麻辣烫，睇落好足料😍，可惜咁大碗炒米粉已经揽住个肚，下次再来试🥳…查看更多

今日去新墟买野，竟然发现到gogomall有巢皮肠粉食就买黎试下，拣左个boss肠粉(好似个名系咁)，等左一阵见到肠粉出嚟，皮好薄！好香，食落都好滑好好味，另外个豉油应该老细自己调过味，唔会太咸食落几舒服，辣椒酱都好好味同个巢皮肠粉好夹，系辣左少少(我系唔太食得辣但又好钟意食辣既人)会再返黎试其他嘢，老细推介个炒米粉都几吸引，不过我唔肚饿净系食咗个肠粉就走人。我系堂食，肠粉亦比较建议堂食，因为惊外卖拎走会痴到一pat pat。…查看更多