甘味讚岐手打烏冬 (已結業)

今日天氣凍凍哋，本應想去大食代打個邊爐lunch，不過又好似過份咗少少....咁上openrice睇到甘味讚岐手打烏冬有牛肉鍋，而且食評唔錯，所以我發英雄帖一行五人搭的士去試吓個牛肉鍋。一去到可能尚早，大概12:15，店內冇咩人，所以都好招呼。一坐低，我就二話不說要烏冬牛肩鍋，點知其他同事都睇中呢個，所以叫咗5個，一人一鍋，正! 之後再加咗三個小食，炸芝士年糕、炸八爪魚餅同牛油雜菌炒素鮑魚。首先炸八爪魚餅到，腍得泄，都唔似八爪魚.....似麵粉餅多啲...麻麻。之後個湯鍋同烏冬就到啦，每人一個迷你爐，開火滾住先，湯鍋裡面有大量椰菜同金菇，個味都好OK，不過略嫌冇豆腐，湪個烏冬落去一陣就食得，而且個烏冬滾極都好煙靭，唔會腍晒，質感非常之好，跟住個牛肩到啦....一碟有十一幾片，好薄好薄，不過啲肉質好嫩，又滾極都靭，油脂分佈都好唔錯，呢個一人前鍋值得一試再試。其他小食喺中段先到，個炸芝士年糕個個都話好掂，因為得四件，所以我冇食到。個牛油雜菌炒素鮑魚就中規中矩，冇咩特別，下次可以唔叫!個烏冬牛肩鍋都係HKD58，好抵，其他小食都係十幾二十蚊，真係好相宜。

在杏花村吃午餐~選擇認真不多~這天就來了吃個手打烏冬大概是午飯時間~很多中學生~吵吵鬧鬧~玩弄食物~~最討厭的行為!幸好在一角找到了小圓桌~一心想吃撈烏冬~就來了個滑蛋豬扒撈烏冬~各樣都來得對版~略嫌豬扒未夠鬆脆~但滑蛋+豬扒~永遠都是無敵的烏冬來得彈牙~比下午茶指明不是手打的~確實有別友人則來了一客日替定食~是照燒雞扒二十穀米定食~才$38著實抵吃~不同蔬菜令整個定食取得平衡~當然小比也偷食了不少~~呵呵這兒也算是午膳中價之選~~在沒有選擇下的選擇~也是不錯的

今日2點幾去試吓..叫咗一樣"吉列豬扒烏冬", 感覺如下:吉列豬扒: 太薄, 但勝在夠熱, 即炸烏冬: 幾煙韌吓, 幾好, 但份量好少湯底: 有醬油味, 但唔係好熱都唔算太平, $32.-有機會食到成個lunch set了..

必試: 1. 牛肉烏冬鍋2. 蕃茄湯底烏冬

手打烏冬是我愛食的食品之一, 如男友發現這店決定一試! 雖然座位有點窄但食物卻很出色!雖然另一招牌是廿種穀物的飯但口感卻不能和店內的烏冬相比"個人喜歡吉烈豬扒的烏冬!

果日食左一個生薑炒豚肉二十穀飯+ 吉列豬排烏冬+ 炸芝士+ 菠菜蓉煙肉薯餅生薑炒豚肉二十穀飯是分開餸和飯的,沒有生薑,只有洋蔥,味道一般=_=", 飯太乾有點難吞跟飯的麵豉湯太咸吉列豬排烏冬,本人比較愛吃甘味的烏冬,因為麵豉湯底,烏冬又彈牙炸芝士都幾好味,因為我是芝士愛好者,口感像年糕,如果芝士味可以濃一點就好了菠菜蓉煙肉薯餅炸得太燶,不過整體都好味!想要豆漿都冇=_="就咁要左熱柚子蜜算了!不過如果人手多番1-2個會好d囉!

天寒地凍，我和女友分別叫了一客牛肉與豬肉火鍋兩個火鍋是配以雜菜的配料，牛肉火鍋是以清湯湯底，豬肉火鍋則以麵豉湯湯底，另再加上手打烏冬牛肉與豬肉幾薄片，肉質尚可以啦以雜菜的配料配搭清湯湯底，幾鮮味架，而且可帶出牛肉的鮮味，是一個不俗的火鍋組合另一個豬肉火鍋呢，麵豉湯湯底略覺咸了一些至於手打烏冬，是這裏的招牌菜，也保持水準，烏冬十分爽口！另想讚一讚這間食店的服務態度，一直都保持得相當好

1-19-2008是日晚餐到杏花新城，侍應們無論禮貌，態度，效率，服務都出奇地好，更快捷地替我們轉到了坐得舒服的圓型梳化。注意這梳化整間店只有一張的。我點了免治雞肉冬菇穀飯，味道比較普通，跟一般台式肉藻飯差不多。伴隨住有粟米沙律和麵豉湯則比較失望。女友點了咖哩雞扒撈烏冬，伴隨的菜稍為嫌多，味道比飯好。可讚的是極快上菜。另外點了兩款小食，胡麻冷豆腐，一磚正方型的份量味道挺不錯。如果麻醬可以另外分碟上更好，食客可隨個人口味添上麻醬。至於軟骨餃子棒，不過不失。除了招牌手打烏冬，小食和飲品種類也算豐富，加上地方不大但環境安靜，如果考慮日本菜，即使杏花新城有其他日式選擇，甘味的服務態度值得一試。

價錢合理，服務員態度好，食物賣相佳，食物質素也不俗一碗飯看起來不很大碗，卻足以令妳捧著肚子離開值得推薦給大家！

同意Olivian所寫的，說是廿穀，一半也沒有，充其量是五穀或七穀。鬼佬樽啤大平賣，同太座又去杏花村超市入貨。見這裡說自己是「廿穀米飯專門店」，就來吃個廿穀米飯健康一下。兩個人坐在落地玻璃窗旁，光猛又舒適，環境不錯。都要了釜飯，分別是照燒雞扒及滑蛋豬扒。釜飯送的味噌湯，第一啖淡而無味，再喝都鹹過頭，遠離水準，不喝也罷。先說廿穀米，雖然沒有那麼多「穀」，但都有紅米、芝麻、小綠豆等在內，溝起珍珠米，吃落沒有什麼飯香，但又比較有咬口，都可以說是不錯；照燒雞扒都不錯，雖然雞扒薄薄的，但雞皮是煎得香脆，醮上照燒汁，都幾好味道；滑蛋豬扒是穩陣的選擇，永遠不會很好又幾難失手的，這裡的是不過不失。份量足夠，吃得飽飽，總括而言，也不錯。侍應們雖然忙得團團轉的，但服務態度也不錯，值得一讚。加5蚊有兩杯凍飲，埋單88蚊，食物不太差，坐得都舒適，都叫幾抵食。當然不要望來吃日本料理，當作是平平地一餐也可以的。

前排睇雜誌介紹食”烏冬”，於是昨晚同男友去試下；鋪頭不算大，服務都唔錯．１．雞絲蕃茄湯烏冬＆牛柳蕃茄湯烏冬：我地一致認為係個蕃茄湯底最好味，肉質有ｄ硬．２．炒椰菜：椰菜，冬菇絲，青椒絲加埋木魚炒，淡淡地．３．煎餃子：豆苗菜餃，都幾好食．

當然入店時見十蚊一碗，心知必不會如手打烏冬店或富久保般是「當店」手打，但太座想試，見平平地又無咩所謂。呢度以前係星巴克個位，落地大玻璃射進外面的陽光，我們選了半圓檯，都幾好坐。餐牌簡單，只有一些小吃、烏冬及釜飯，還有不少的甜品，中式日式都有。不是太餓，所以就只簡單的叫了個吉列豬扒烏冬及蝦天婦羅鳥冬，另外要了個關東煮。烏冬很快上檯，關東煮則等了很久，想必是不多人叫。先試烏冬，幾滑而不彈牙，頭尾齊齊整整的，說是手打，真的觀察不到。不過十蚊一碗，算交了功課。吉列豬扒即叫即炸，熱辣辣的，幾脆口；蝦天婦羅也熱辣辣的，不過吃落有點油溢味，可見炸蝦也是平沒有好的。關東煮幾大碗，有蛋、豆腐、竹輪、蘿蔔及魷魚鬚串，加上關東煮必配的芥辣，普遍都幾對辦。蘿蔔煮得腍又幾清甜，豆腐都幾有豆香，作為小吃，也不錯。幾位女侍應服務都不錯，尤其一位見我們在等關東煮，都再三向我們解釋，態度亦佳。加埋兩杯飲品，埋單96蚊，食物雖不算特別及出色，但都算幾好坐而不貴的。

友人點左一個燉白($18),佢覺得無義順咁好食...糖同稀ｄ... .我點左山渣露($15),唔係度度有得食,不過味道都係麻麻天婦羅($5-10),個人就唔太好,不過可接受值得一提係... 服務態度好好