瓊芳冰廳

营业中

休息中

仲以為裝修事事正正，太興出品，唔會賴嘢。真係仲大伏。小弟從來極少落劣評。但係呢間嘢真係令我五體投地。早餐嗌常餐都要吹咗兩次，每次都話啲嘢要新鮮煮等多陣，等咗半個鐘頭先有塊包食。嘢飲仲離譜，凍奶茶吹咗五次，個個職員都好似唔關佢事咁，甚至兜路行當見唔到我。 真係唔知點解一間茶餐廳可以run到差得咁離譜。Avoid at all costs! Horrible and slow service, just go to Cafe de Coral next door.

高尚寫字樓，地標性商場-圓方， 太興集團瓊芳名物，曱甴雜扒飯，一發現，舉手勁耐，店員施施然慢慢行過嚟，問係唔係追嘢飲，同佢反映有曱甴之後，急急腳收走，問返我哋，點會發生咁嘅事架，再加多句，要等耐少少，再整過個餐俾你要時間，一啲歉意都冇，好似見怪不怪，習慣咗嘢食上邊有曱甴咁。等咗一陣，佢拎過碟出嚟，仲講到好似好幫手咁樣，我已經吹咗廚房快啲特登整個碟俾你，唔好意思呀下。 第一次喺圓方食到有曱甴，真係幾好嘅體驗，太興集團果然係好嘅餐廳，蛋白質豐富

野好味，但意粉等咗半個鐘先嚟，咖啡仲誇張，催咗5次先嚟，飯都早食完。本身都諗住算數啦，吾關d waitresses 事，廚房問題，點知最後諗住要杯水啫，嗰2個姐姐本身吹水吹得好開心，一見我舉手即刻扮睇吾到走開曬，完全冇禮貌到一個點，可以咁就吾使serve客人嘅咩？？以後都吾想幫襯

一坐下就聽到隔離枱男食客要求一位戴眼鏡女職員更換送錯的飲品，女職員回應幫他換過杯，之後將飲品好大力放在櫃枱上，心知已不妙。到我在手機點餐時，當時只是大約晚上七點半，大部份食物都已售罄，只剩下價錢偏貴的晚餐，迫於無奈下點了108元的雜扒餐、羅宋湯及茶走。 最後原來沒有羅宋湯，但那位女職員沒有交代下就亂放了一碗忌廉湯就行開了。餐飲又不是我想要的茶走。進餐過程都聽到那位女職員大大力執拾碗碟放進餐盤收集車上，不知以為她發緊脾氣。甚至乎送餐時個頭夾著手提傾電話，雖然不知她是傾公事或私事，但這樣送餐比較危險，完全沒有顧及客人感受，有這樣的員工，簡直令公司倒米。客人在不知九成食物售罄情況下進入茶餐廳，感覺完全是一個局，局住客人點貴餐，又唔見貴的餐售罄，而且當時是晚餐的黃金時段，正常一間茶餐廳都會有足夠的食材。真的不明白這麼高檔的商場，竟然有咁低劣的餐廳，基本食物及店舖管理態度都沒有。看返以往這間茶餐廳食評，原來一直都有這問題發生，難以明白管理層不正視處理。

每次堂食服務差都不特止，因為就近得佢一間茶餐廳似住獨市生意，每一次叫外賣每一次都會漏咗一個餐。近乎肯定有一個位冇得食。次次攞都會問多句齊嘢未。扮晒嘢check完之後都係漏

首先，店內衛生有待改善，用過的碗碟堆滿車仔，就咁擺係收銀處。近大快活的用餐處，多張台在食客用餐後無人執檯，碗碟紙巾就咁攤係度。第二，排隊時間不長，7成滿 （不計近大快活無咩人坐的位置），可惜店員服務態度認真麻麻，見人等位無理以無示意😐。 等到店員空閒，向一名長髮戴眼鏡瘦高女店員示意入座人數，2-3次都無回應，最後一次係你等下先，仲趕人出店鋪外等，話企去來好大壓迫感😇跟著有人企鋪外面等位時看電話，她大聲「喂！咪企係度玩」，個客最終有入座，都講了句「我都想有嘢玩」嗱，做生意的唔好知怪人不肯留港消費，咁趕客的態度，幾好食都不會回頭。 其實大家都仲好想支持本地飲食業，但服務態度搞到咁，好似搵氣受咁，何必！不追起5星級服務，合理正常的對話態度已經足夠，但連咁都做不到。

相信有喺ICC圓方九龍站附近度返過工嘅朋友仔，都應該知道附近冇乜好多選擇，如果想要揀返間香港嘅港式茶餐廳更加少之有少，瓊方冰廳基乎就係呢度唯一嘅選擇，所以今日就去左試試！粗略喺OpenRice度睇過有關佢嘅食評，大家都覺得佢嘅黯然銷魂飯，即係叉燒煎蛋飯並不出色，而且性價比唔高，甚至有被不少食評家foodie朋友評為劣食，所以我就叫咗一個比較穩陣啲嘅菜式-蕃茄意粉，而我朋友就叫咗一個咖喱雞扒飯。講多少少，有關佢嘅門面裝修都算係中規中矩，但係服務真係一般，入到去嘅時候差唔多全部枱都未執啲碗碟，我哋坐低咗一段時間都未有人serve我哋，去到我地用QRcode叫完嘢食先至有人執檯，而且啲餐都嚟得比較慢，唔怪得佢冇收服務費

開咗一直都唔知喺邊，大快活落扶手電梯見瓊芳，諗住試吓呢個冰室。見係原來太興集團，諗住嗌叉燒，就叫咗個黯然銷魂飯。上桌分量大。叉燒瘦同燶邊冇問題，但係佢超。級。乾。好似食緊擦子膠咁樣。 飯面嗰浸硬身，好似生米咁樣，但係裏面就糊口太多水。同一碗飯做到兩種口感真係好神奇。個煎蛋就合格嘅，粟米就正正常常。裝修OK乾淨靚仔，但係嘢食真係唔得。個叉燒同太興真係爭太遠。唔知係咪下午茶時間關係。。一舊水咁樣不如食隔離大快活。

係度食個早餐過隔離高鐵站都好方便。今次好好彩唔使等位，之前晏晝嘅時候經過都多人排隊😖😖同男朋友兩個人叫左沙嗲牛公仔麵同埋雞扒餐。沙嗲牛肉好過敏華，牛肉比較嫩冇咩渣。雞扒都OK煎得好食。呢度嘅凍檸茶都好飲，茶味啱啱好唔會好濃，檸檬又唔會好酸，不過少冰都係會有好多冰，少甜係啱啱好。炒滑蛋感覺好似無咩奶，唔係好滑不過我都覺得OK好食。餐包係厚身嗰隻，冇澳牛果隻咁好食，不過都ok，附送既牛油唔會係雪到硬一硬嗰隻，容易搽落塊麵包度。口痕再加多咗件蛋撻試下，酥皮鬆軟，口感都唔錯。整體都可以。係圓方依個商場黎講係good value🤓👍🏻

九龍圓方高級商場收成$80-$100嘅食物及熱飲全部唔熱，安排入坐超慢，明明有枱又唔安排入坐，某個員工全程黑面唔理人，去大家樂大快活起碼食物同熱飲都係熱，收咁嘅價錢比呢啲質素，一個字「差」！

以為開係圓方這個地方，起碼有返啲食物質素同服務態度，食完個餐飲品都未到，其實唔夠人點解唔開少一部份，呢間係太興集團，食物同大家樂冇分別，總之搭車去食茶餐廳好過、唔怪得香港人越嚟越少喺香港食嘢😤

✨紐西蘭西冷牛扒配黑椒汁意粉［晚餐］配：羅宋湯、熱朱古力羅宋湯真係好難飲，好似我小學飯盒嗰陣臭味😵😵‍💫不過牛扒好厚實但唔會好硬，有少少酒香(?)，同黑椒汁好配👍🏻🖤✨蔥油豬扒煎雙蛋飯［精選推薦］食落好似健康餐🤣🤣豉油同蔥油落好少，豬扒調味唔多，蛋唔算煎得好油膩🍳。豬扒唔算好厚切，係偏薄身，is ok👌🏻蛋就還可以啦 蛋黃仲係生 撈飯食都幾好食。

一行4人排隊排左好耐，但其實入面有好多空枱冇人執，最搞笑係坐低左，掃QR code，得常餐同叉燒蛋飯（黯然銷魂飯）係可以揀，其他都寫售罄，而當時係晚上7點15分左右。由於真係冇野食可以揀，所以再口頭問左收銀個店員「售罄」果啲係咪真係冇得，獲回覆係賣曬。最後點左餐，過左20分鐘左右，又聽到其他枱食客問同一個問題，結果另一個店員回覆係有得點其他餐，但要等好耐⋯⋯我再掃QR code，變返有得點其他餐，真係好無奈☹️

職員態度非常差，叫帶位好似欠咗佢咁，係差到反映到澳牛服務有幾好嗰種差，而且上菜速度非常慢，等成半個鐘先有份咖央多士。推薦去隔離大快活，抵食好多👍🏻無謂來呢度貼錢買難受

趁天氣好，想去西九龍行吓。所以喺圓方食咗嘢先慢慢行過去。打算食個快餐，所以搵咗間冰室。當到咗要排隊，大約等10分鐘。其實見到都有吉枱，不過職員好忙趕唔切執。我哋叫午餐，煎蛋免治牛肉意粉，厚切餐肉煎雙蛋飯。 意粉份量比較少，放一個平碟上，賣相麻麻地。餐肉煎蛋飯太少豉油汁，豉油落咗碗邊，賣相唔得。意粉同飯嘅味道正常，冇驚喜。