瑪車厘 (已結業)

上星期5约左好朋友去九龙城食泰国野3个女仔食完饭当然要食番D甜品啦行行下见到呢间新开既甜品店望下MENU再望下DISPLAY都几吸引所以就决定入去试下喇Frozen 薄荷朱古力慕丝 $38佢Menu有两个page都系介绍呢d mousse cake都有几多味道选择，例如芒果呀，士多啤梨呀我地就拣左呢个绿色既薄荷朱古力味一黎呢个味出面少有，二黎我本身就好钟意食薄荷朱古力其实外皮就无咩味道入面就系朱古力蛋糕加埋薄荷既mousse薄荷唔够劲，朱古力味都唔够浓郁两样野味道都比较淡有少少到喉唔到肺既感觉Windmill 青提子慕丝 $38另外一个，我地拣左青提子味蛋糕入面除左有青提子既慕丝同海绵蛋糕仲有D青提子粒，青提子爽口又清甜不过都系同一问题就系个mousse味道比较淡好彩入面有d青提粒先令口感同埋味道丰富dButterfly Tea 蓝蝶花茶 $28 (跟甜品 +$18)之前都系网上面见过人地讲呢个蓝蝶花茶佢本身系一种蓝色既花，所以有天然既蓝色色素不过最好玩既系，佢遇到柠檬既时候茶色就会由蓝变紫，睇住佢变色真系好得意味道方面有好淡好淡既花茶味可能加少少蜜糖会好饮D其实味道方面就唔算太有惊喜不过食物既造型方面，就几值得欣赏好似果两个cake，每个味就好似一个唔同既星球睇得出店家无论由食物外型到摆碟都明显系有花过心思去设计而且店入面环境同埋服务都好好就算倾得耐，店员都好有礼貌甘不断帮我地加水如果你想试下九龙城一d新开既甜品店或者想揾个地方同朋友食少少野倾下计呢到都系一个唔错既地方…查看更多

真心推介呢间新开甜品屋！店内简单设计加特别甜品 好满足呀！😊😊🍈蜜瓜三重奏🍈佢个底用咗蜜瓜moose做底 上面加咗蒟蒻 佢个蜜瓜系用咗韩国无纹蜜瓜整 一咬落去口感好Creamy 同埋D蜜瓜超甜呀😍😍🍓白朱古力慕丝🍒就咁睇个样 完全唔知入面系咩呢？好神秘呀！原来出面系士多啤梨加车厘子嘅啫哩入面系用白朱古力慕丝为主做base 中间再加一层海绵蛋糕 所以食落去个口感好特别 🍰蛋白霜提拉米苏🎂个蛋白好似烧棉花糖的味道 不过对我来讲甜咗少少 🍎雪糕苹果酥皮批🍎苹果味道甜酸度适中 加埋个好松脆嘅酥皮连埋雪糕一齐食 成件事好夹呀😍😍…查看更多

夜晚热热地，小妹就岀去游下车河经过九龙城就兜下顺便揾下有咩宵夜食。九龙城泰国野就岀名，但今次想试下新野。咁岩经过一间甜品舖门口，一开始被佢招牌吸引，再望入舖内白色为主既装修配上柔和既白光，感觉好舒服好清新。再仔细睇下门口个menu,用人手画的，虽然图书简单但感觉同舖内纯白简洁既装修好匹配。老板娘都好有善，好有耐性喺舖面为我地派上小传单仲介绍甜品。倾倾下计先知道舖头刚开个几两个月。新甜品舖头，就等小妹试下啦Menu选择都ok但不算多，有cheese cake mousse cake, mini cake等。唔食甜品都有野饮order .Melon  Summer $128老板为我地推荐新甜品"蜜瓜三重奏"，系季节限定，限定唔系时时有嫁夏天遇上蜜瓜限定，未食都觉幸福卖相相当好，仲有金萡100分蜜瓜三重奏，第一层有蜜瓜肉，第二层有蒟蒻，第三层有蜜瓜mousse:)甜度由甜甜蜜瓜到淡淡清甜既蒟蒻再到滑滑奶香既蜜瓜mousse，甜味好分层次，亦唔会太甜Galaxy Mango Mousse $38银闪令令蓝莓色面有惊喜，点睇都估唔到系芒果mousse。有创意有新鲜感切开系芒果mousse，中心系鲜芒果肉。mousse既芒果味淡淡的，口感软度刚刚好再连鲜芒果肉一齐食，甜度夹得好Extreme Cream Cup $58Cream cup 有好多层，上面先有雪糕球，下面有忌廉，生果，几种味道既啫喱，朱古力薄脆......夏天食呢个，冰冻透心凉仲层层有惊喜同朋友4位食个宵夜甜品，埋单$224，价钱都ok。老板会为客人送上清水，就算客人食甜品食到甜哂都无有怕，真贴心…查看更多

本身喺对面食完清真牛肉馆午餐已经非常饱一踏出牛肉馆 见到ma cherie 间铺几吸引 就过咗去望下喺望紧佢个咁精致嘅饼柜时 好亲切嘅老板娘出咗黎介绍 搞到我同男朋友就算好饱都行咗入去 好想试下入面嘅装修好舒服身为薄荷朱古力控嘅我 决定叫个“Frozen”--薄荷朱古力慕思蛋糕Frozen睇餐牌时完全估唔到个presentation 系会咁俾心机朱古力同薄荷嘅balance好好唔会太甜慕思同蛋糕嘅portion亦都做得唔错 唔会令人有腻嘅感觉另外一样 系苹果批苹果批未拎出黎已经闻到好香 见到就更加不得了按餐牌 应该只系得青苹果 冇红苹果 所以整体就会有啲酸 但系加埋云呢嗱雪糕就刚刚好个酥皮我就觉得少少脆 仲有啲松软 好啱我口味但系男朋友就觉得脆多啲啲就再好啲好满意地打算埋单走埋单前冇特别计过几钱男朋友下意识地拎咗百几蚊出黎点知 唔使100蚊就ok呢个质素 都只系呢个价钱 真系非常值得推介临走时 老板仲同我地讲就黎有新甜品推出 令我地好想返去再试过…查看更多