瑞記咖啡

营业中

休息中

翻開收藏清單 因為要去離島就搵下中上環有咩食這一期特別想食一些舊味道海安結束營業好可惜裕興又暫停營業結果就定左去瑞記🤤因為平日返工好難去試是日放假就岩晒啦😆終於可以去 仲要係晒d人返工後去大概9點半 唔駛排隊🥺仲要試晒我想食既💃🏻蛋牛包多蔥（註：必須同店員講明）腸仔蛋公仔麵🍜煎西多士😍 好食好食 麵包邊位係煎到脆脆架！樽仔奶茶 （我地無搞搞個底）唔算好勁茶味 但真係超耐無飲凍奶奶 好飲（🧋除外🌝）#唯有食是最治癒的

街市檔仔為左樽仔奶茶而去既~一般般，唔係話好重奶/茶味叫左西多士同鹹牛肉包，新鮮熱辣整，有加分，有時d餐廳拎到出黎已經凍哂，西多士亦唔會好油膩，正常既，不過唔需要特登去食。

一直都好鍾意呢啲舊式情懷嘅檔口，上到黎上環嘅熟食中心，食吓港式茶檔做午餐。樽仔奶茶係名物，成支雪凍，一粒冰都冇，放耐左都唔怕變淡，但就局限左冇得揀甜度。茶底香濃，奶茶都幾香滑，唔會太甜。雙蛋米嘅份量大得驚人🤣我懷疑落左三個米粉嘅量，味道正常，米粉少少鞋口。鮮牛麵就有d失望，牛肉偏乾無牛味，一咬即散。公仔麵都好硬，質感怪怪的。要數到最失望就係蛋牛包，唔知點解餡料好少，麵包好乾，最慘嘅係蛋煎得好老。要一啖食包一啖奶茶先吞得落，乾到飛起。🤮

這間比我想像中 不是太特別吧！😵本身其實我幾鍾意食茶記嘅！尤其是依啲懷舊冰室，因為依啲有時d嘢食先會比較有香港風味🤤今日係特登過海過嚟食呢一間野，因為覺得佢都幾有懷舊特色 而且見佢杯玻璃樽裝奶茶都幾特別，就山長水遠都過嚟食🙌🏻佢位於街市裏面，座位亦唔算太多！餐牌嘅嘢食亦都唔算好多種類，大概都係茶記會有嘅小食！不過就有少少失望嘅係其實佢啲嘢食唔算特別好好味，特別係佢個雙餸公仔麵，冇咩味道！不過佢枝樽裝奶茶又幾好飲嘅！如果下午茶食小食都OK嘅🤗

話說最近天氣唔穩定，有時熱得滯，就心思思想飲瑞記的樽仔凍奶茶。瑞記坐落於上環熟食中心，自成一角，那天到達時唔使竟然沒太多人，由於不太餓便點了樽仔奶茶（$17)及蛋牛治($18)。樽仔奶茶由於沒有落冰的關係，味道十分濃郁，茶濃奶香， 十分消暑。蛋牛治作為名物，中規中矩，蛋不是香滑的那種，但是牛肉調味頗佳，略有鮮味，都算對得住價錢。

捐窿捐隙搵好嘢食，其實唔少街市入邊都美食雲集，而且性價比高！今次要介紹嘅E間舖頭就係上環街市入邊，嚟到熟食中心樓層，有各式各樣嘅食肆係入邊，係一個小角落就係「瑞記咖啡」。雖然面積唔大，但都有唔少客人慕名而來。👍🏼今日嚟到，特意點咗佢馳名嘅樽仔奶茶試下。🥤佢嘅樽仔奶茶茶香同奶味都調配得恰到好處，果然成為食客推薦係有原因嘅！嘢食方面仲點咗蛋牛包同一份西多士。🥪蛋牛包即叫即整，熱辣辣咁奉上，真係好好味！細細個已經好鐘意食西多士，佢搽咗滿滿嘅花生醬，炸過嘅多士鬆脆，好有童年回憶！😋

📍 瑞記咖啡上環皇后大道中345號上環市政大廈2樓熟食中心17號舖.🤤西多士 French Toast💰$27.🤓樽仔凍奶茶 Bottled Iced Milk Tea💰$17.聞名不如見面之好耐以前已經聽過瑞記嘅大名但佢出名啲包類嘢 好似適合早餐多啲上環距離公司太遠 要預多啲時間返去就要再早啲起身於是就遲遲無機會早餐食佢.今次幫襯都唔係早餐時段 而係午餐事緣係婊子嗰日著住條貼身短裙要靚就要捱餓 唯有揀啲small portion啲嘅嘢食就衝咗去瑞記啦.叫咗最出名嘅西多士佢嘅西多出名在於用煎唔用炸 用煉奶唔用糖漿但食落同一般西多士係差唔多味 真係唔講唔覺無炸過仲有蛋香味好重 蛋控婊表示好正高質！唯一有啲失望係 西多士入面無餡 真係就咁煎兩塊包有啲寡.樽仔凍奶茶 覺得似gimmick多過真係好飲佢啲玻璃樽真係random收集我地叫咗兩樽 一樽用somersby 一樽用blue girl件事幾搞笑 拎酒樽飲奶茶唔知係唔慣飲凍港式奶茶定咩 覺得佢好甜同偏淡同事都話個茶底係淡咗 .同事仲叫咗個蛋牛包 無影到不過作為蛋牛治關注組嘅成員都咬咗啖試下：咸牛肉味好出！.我地黎嘅時候等咗一陣先有位 走嗰

✨西多士與其話佢係半煎炸 不如話半煎烘來得更貼切西多士 邊位鬆脆 內軟 配上煉奶 簡單好味但比人感覺唔多似食緊西多✨蛋牛飽蛋牛包 麵包外微脆 內軟熟 蛋牛 煎得焦脆 唔算好嫩滑勁多蔥 增多一份香氣相比西多較為失色✨樽仔凍奶茶奶香 茶濃 質感厚身 比例唔錯 用樽裝雪凍 無加冰所以慢慢飲都唔會溝淡食物可以 環境方面 喺熟食中心入面 有冷氣服務正常 得兩個人主理 明顯有啲做唔切店員雖然木口木面 都貼心有禮 只係態度比較直價錢合理🔔溫馨提示：OpenRice顯示營業時間到五點但我地當日抵達時係二點半 大約三點嘅時候 場地開始有清潔各個檔口都準備收檔 所以去之前要留意營業時間

讀U個陣同roommate食過一次甘岩今日岀開黎附近帶雙親黎食估唔到已經六年時光飛逝呀🥲招牌菜之一西多士 $27同平時食到既西多係唔同家，似係加左蛋漿再烘底既多士，所以無甘油。加埋煉奶既甜，好味😍不過中間無左花生醬，所以無甘香，同時都無甘膩，各有各特色🙈招牌菜之二樽仔凍奶茶 $17唔駛加冰既凍奶茶，原汁原味，飲到尾都仲係甘濃味，呢個就係個賣點🤤無套餐叫，所以TEA黎講其實都少貴。不過姐吃的是回憶🚬

西多士（$27）第一次食，還以為來錯了奶油多，原來西多士是這樣子的😂麵包充滿牛油香煎香後再擠上煉奶，真的很好吃（當然也超邪惡），麵包超鬆化每一啖都浸滿煉奶。蛋牛治（$18）這個失望了叫了烘底，麵包雖然烘得脆，但中間的蛋牛是敗筆，煎得太熟太乾完全沒有滑蛋包裹住鹹牛肉的感覺，不推薦。樽仔凍奶茶（$17）我見每枱都點的😂茶味香濃，不會太甜都算幾大枝，值得一試！題外話，坐位長期爆滿，建議閒日和非放飯時間來吃，否則食物有排等，因為店員落單都幾亂，不跟枱號，像是憑記憶或者隨心送餐的😂人多時都幾混亂。

坐落於上環熟食中心嘅瑞記咖啡相信對識飲識食嘅人唔陌生，今次經過就試一試。瑞記主餐牌選擇較少，都係有多士，麵包或者兩款麵食(鮮牛麵同餐蛋麵)，作為一個lunch,都要叫碗麵黎醫下肚，最後就揀咗鮮牛麵。鮮牛都上枱就見到熟悉嘅顏色，試一試湯底，如果冇估錯應該係出前一丁麻油麵。牛肉係粉嫩色，應該係用熱水燙燙放上煮好嘅麵，但麵未煮夠熟就上菜，咬落去硬身而且應該冇fing一fing個麵，搞到好似食緊一餅野咁，同埋因為牛肉同麵分開煮嘅關係，食落就好似食緊兩種分開嘅東西。另外見網上好多人都推薦蛋牛飽/西多士，因為感覺西多士太邪惡，最後揀咗試一試蛋牛包。呢個蛋牛包都爭取番d分數，個麵底面都烘過，所以咬落去係外面脆，裡面軟熟，而饀係蔥花牛肉粒炒蛋，但略嫌炒蛋炒得過熟，扣咗少少分，不過都值得一試。樽仔奶茶係呢度其中一個特色，價錢係瑞記比一般熱奶茶貴少少，既然黎到就冇理由唔試嘅，見到樽身大大隻藍妹啤酒字樣，應該店主係重用玻璃樽再裝奶茶入內。奶茶最主要嘅都係睇佢嘅茶同埋奶嘅分量，茶味濃郁，而且溝埋奶係會係黏住口腔，同舊式嘅茶餐廳差唔多，不過樽仔上就比其他傳統餐廳特別，價錢唔算太貴，都值得一試。

好幾年無去過瑞記, 心血來潮想飲佢地既奶茶~😆Lunch 刻意無叫d好飽肚既野同無叫野飲...為左就係呢杯奶茶🥰🥰🥰曾幾何時, 習慣係每朝一杯奶茶... 慢慢奶茶變成左咖啡☕️📍熱奶茶 Milk Tea ($15)茶味好濃不過有少少澀同埋唔夠滑📍樽仔凍奶茶 Bottled Iced Milk Tea $17係雪凍既奶茶所以係無冰底, 咁奶茶唔會因為冰而變得淡淡的😍 茶味好濃又夠滑, 甜度係岩岩好📍蛋牛治 Beef and Egg Sandwich $18上枱係熱辣辣, 最特別係蛋漿入邊加入左蔥, 咁既蛋牛治多左一份蔥香

《製》#瑞記咖啡奶茶《品》♨所有品項熾熱奉上，值得一讚。【#煎西多士】$27🔸沾蛋漿，半煎炸，每台必點。🔸要求更燶，不負所望；🔸四角脆卜卜，焦香四溢，喀嚓喀嚓，盡興！🔸煉奶慷慨，包體浸淫其中，盡沾奶甜香，仍保持鬆軟。🔸尺瑜寸瑕——蛋漿或不夠多，蛋香蛋味不濃，反而牛油香足。—————————————————————————【#蛋牛包】$18♦️不見蔥影，大失所望。♦️明明其他食客也只下「蛋牛包」，諸位記得指明。♦️包雖厚，但裡外烘過，某些位置更脆出聲；♦️不會單調，唯老饕較鍾情薄多士。♦️餡包比例合度，熱烘得療癒。♦️炒蛋尚算滑，蛋牛比例五五，香味並駕齊驅。♦️其實不俗，具備蛋牛應有質素。♦️純粹無蔥大失所望，遂有蛋牛治，千叮萬囑，多蔥！！—————————————————————————【#蛋牛治（多蔥）】$14🔹奉桌蔥香四溢！🔹烘低不額外加錢而功夫到家，金黃平均；🔹薄而外脆內軟，更勝熱狗包。🔹內餡乍看較薄，但厚在內裏；🔹雖比蛋牛包少，亦不算爆餡，但絕對夠。🔹蔥、蛋、牛都各自夠濃夠香夠味，比例得宜，相輔相成！🔹蔥算爽，口感佳；蔥蛋香氣未及「樂園」，但尚算濃郁。🔹炒蛋表面微乾，內裏正常濕潤；鹹牛肉滑嫩，

剛剛轉到上環不久,當然要一探區內名物,當中瑞記更是旅客到訪的<飯堂> 之一作為香港人的我們又怎能不到訪呢?鮮牛麵份量十足, 目測麵底貌似是出前一丁麻油麵,再配上鮮牛肉片~麻油麵有多滋味便不多解釋了,家傳戶曉, 每家必備.牛肉則煮得剛剛好,只是沒什麼牛味,一試就算.奶茶則是偏重奶滑, 非小妹喜好, 便不多作評論了.說起西多士,小妹曾經有一段時間,非常喜愛研究不同餐廳的西多士,就像台灣的牛肉麵一樣, 雖然材料都是非常簡單, 但因著各式店家的不同做法,便會演變成不同的滋味🤤🤤百花齊放,才能滿足廣大食客對食的不同渴求.瑞記的西多, 蛋香, 外酥, 內軟, 味甜似是製作西多的時候,內外層均沾上蛋漿,以半煎炸形式慢火細煎,配上煉奶取代糖漿,煉奶便能掛到多士的脆邊,一口咬下, 香脆滋味填滿整個口腔🤤🤤非常推薦給較喜愛食脆口感的食客都來嚐嚐~

第一次去食, 諗住試下西多士同樽仔奶茶, 行到門口見冇咩人諗住坐低, 點知未坐, 廚房個女人就行出黎話佢唔得閒整野食, 我以為我聽錯, 點知佢再講多次, 我心諗, 你唔得閒就唔好開鋪啦, 你打開門口做生意架真係嬲到震